imedi /  18 ივნისი 2020, 20:01 / სანდო წყარო

გიორგი გახარიამ აღმოსავლეთ პარტნიორობის ლიდერთა დიალოგში მიიღო მონაწილეობა

გიორგი გახარია

გიორგი გახარია

საქართველოს პრემიერ-მინისტრმა გიორგი გახარიამ აღმოსავლეთ პარტნიორობის ლიდერთა დიალოგში მიიღო მონაწილეობა, რომელიც ევროპული საბჭოს პრეზიდენტ შარლ მიშელისა და ევროკომისიის პრეზიდენტ ურსულა ფონ დერ ლაიენის ხელმძღვანელობით, ვიდეოკონფერენციის ფორმატში გაიმართა, - ამის შესახებ ინფორმაციას საქართველოს მთავრობის ადმინისტრაცია ავრცელებს.

მათივე ინფორმაციით, ღონისძიებაზე უმაღლეს დონეზე შეჯამდა აღმოსავლეთ პარტნიორობის ფარგლებში მიღწეული შედეგები. ლიდერებმა განიხილეს ევროკავშირსა და აღმოსავლეთ ევროპულ პარტნიორ ქვეყნებს შორის თანამშრომლობის არსებული დინამიკა, პრიორიტეტები და მისი გაღრმავების პერსპექტივები, ასევე - კოვიდ-19-ის პანდემიის წინააღმდეგ მიღებული ზომები.

პრემიერ-მინისტრმა გიორგი გახარიამ ისაუბრა საქართველომ წარმატებაზე პანდემიასთან ბრძოლის პროცესში და აღნიშნა, რომ ახლა გამოწვევების შესაძლებლობებად გადაქცევის დროა.

„ახლა, როდესაც მოხსნილი გვაქვს თითქმის ყველა შეზღუდვა, ვემზადებით საზღვრების ეტაპობრივი და ფრთხილი გახსნისთვის. ამავდროულად, როდესაც ევროკავშირის წევრი სახელმწიფოები გადაწყვეტენ საზღვრების ეტაპობრივ გახსნას, ვიმედოვნებ, საქართველოსაც ვიხილავთ უსაფრთხო ქვეყნების სიაში არა მხოლოდ იმის გამო, რომ მჭიდრო პარტნიორები ვართ, არამედ ძირითადად იმიტომ, რომ უსაფრთხო პარტნიორი ვართ. ჩვენი მიზანია, შემდგომი ინვესტიციები განვახორციელოთ დემოკრატიული და ეკონომიკური რეფორმების განხორციელებაში, მაშინაც კი, როდესაც შემოდგომაზე დაგეგმილი საპარლამენტო არჩევნებისთვის ვემზადებით“,- განაცხადა გიორგი გახარიამ.

პრემიერ-მინისტრმა, სიტყვით გამოსვლისას ყურადღება გაამახვილა აღმოსავლეთ პარტნიორობის ინიციატივის მნიშვნელობაზე და აღნიშნა, რომ საქართველოს მიზანია ევროკავშირში სრული ინტეგრაცია.

„ჩვენ უფრო დიდი მიზნები გვჭირდება. იმედი გვაქვს, ევროკავშირი მხარს დაუჭერს ევროკავშირის ერთიან ბაზარზე ჩვენს ეტაპობრივ ინტეგრაციას, რომელიც მთავარი სამიზნე ორიენტირი იქნება აღმოსავლეთ პარტნიორობისთვის; ველით, რომ პარტნიორების ინტერესებსა და წინსვლაზე დაფუძნებული მიდგომა შენარჩუნდება - ეს შეიძლება გულისხმობდეს ქვეყნებთან ახალ ფორმატში მუშაობას, დარგობრივი დიალოგის ხელშეწყობას; საჭიროა სატრანსპორტო და საკომუნიკაციო კავშირების ხელშეწყობა, სადაც კონკრეტული აქცენტი შავი ზღვის რეგიონის პოტენციალზე გაკეთდება. ეს ერთ-ერთი სამიზნე ორიენტირი უნდა იყოს, რეგიონში ეკონომიკური კეთილდღეობის სტიმულირებისთვის, ისევე როგორც - ევროვავშირისა და აზიის სატრანსპორტო და საკომუნიკაციო კავშირებთან დაკავშირებული მიზნების დაკმაყოფილებისთვის; სუვერენიტეტისა და ტერიტორიული მთლიანობის ხელყოფა ჩვენი რეალობაა, რასაც მწვავე შედეგები აქვს რეგიონის უსაფრთხოებაზე. ჩვენ ევროკავშირის მხარდაჭერის იმნედი გვაქვს საერთაშორისოდ აღიარებულ საზღვრებში სუვერენიტეტისა და ტერიტორიული მთლიანობის პრინციპის დაცვის საქმეში, მეტი ჩართულობით კონფლიქტის მშვიდობიანი მოგვარების საქმეში - როგორც საქართველოში, ასევე პარტნიორობის არეალში”,- განაცხადა პრემიერ-მინისტრმა.

შეხვედრაში ევროკავშირისა და აღმოსავლეთ პარტნიორობის წევრი ქვეყნების ლიდერები და მთავრობის მეთაურები მონაწილეობდნენ. ლიდერები შეთანხმდნენ, რომ აღმოსავლეთ პარტნიორობის სამიტი, რომელსაც ხელი გლობალურმა პანდემიამ შეუშალა, 2021 წლის დასაწყისში, პორტუგალიის თავმჯდომარეობის პირობებში გაიმართება.

ყველა სიახლე

აზერბაიჯანი კორონავირუსი

05 ივლისი 2020, 20:14

COVID19

აზერბაიჯანში კორონავირუსის შემთხვევების რაოდენობამ 20 ათასს გადააჭარბა

დღე-ღამეში 9 კოვიდინფიცრებული გარდაიცვალა, რითაც ვირუსის მსხვერპლთა რაოდენობა 250-მდე გაიზარდა. კორონავირუსის დამარცხება კი 11 742-მა ადამიანმა შეძლო.

გია აბაშიძე

05 ივლისი 2020, 20:02

პოლიტიკა

გია აბაშიძე: ელჩებზე თავდასხმების შემდეგ, ე.წ. „ევროპულმა საქართველომ“ მორიგი არალოგიკური და არარაციონალური მოთხოვნა წამოაყენა - გაიხსნას თურქეთთან საზღვარი, გავუშვათ ქართველები თურქეთში სამუშაოდ

ზოგ ქვეყანაში მეორე ტალღაა და ხელახალი კარანტინებია. ეს ჩვენ, ცხადია, არავის გვსურს. ბოროტ რევანშისტ ნაცოპოზიციისა და მის ანასხლეტების დღის წესრიგით არ ცხოვრობს საქართველო. საზღვრები გაიხსნება, მაშინ როცა იქნება უსაფრთხო ჩვენი ქვეყნისთვის. მმართველი გუნდი არ უნდა აყვეს იაფფასიანი პოპულიზმით დაკავებული შალიკოს "ფანჩატურელებს",- ასე ეხმიანება ანალიტიკოსი გია აბაშიძე ევროპული საქართველოს ინიციატივას, თურქეთთან საზღვრის გახსნის შესახებ.

ამირან გამყრელიძე

05 ივლისი 2020, 19:55

COVID19

ამირან გამყრელიძის თქმით, ერთიან ეროვნულ გამოცდებზე რეკომენდაციების დაცვის შემთხვევაში ვირუსის გავრცელების რისკი მინიმალურია

„განათლებისა და ჯანდაცვის სამინისტროს სამუშაო ჯგუფი დაავადებათა კონტროლის ცენტრთან ერთად ამ მომზადების პროცესში ორი თვე მუშაობდა. იქ ყველა დეტალი გაწერილია, ამიტომ არავითარი საფრთხე აბიტურიენტებს არ ელოდებათ, მინიმალურზე მინიმალურია ინფექციის გავრცელების რისკი. ყველა იმ რეკომენდაციას თუ გავითვალისწინებთ, რომელიც წერია,​ თერმოსკრინინგი, პირბადის ტარება იქ, სადაც აუცილებელია, წინასწარ PCR-ი, ვისაც ექიმი დაუნიშნავს, კიდევ მრავალი სხვა, მათ შორის კონდიციონერის ჩართვა იმ დროებში, როცა ეს რეკომენდირებულია, დარწმუნებული იყავით, რომ არავითარი გართულება ერთიანი ეროვნული გამოცდების პროცესში ჩვენ არ გვექნება. ყველაფერი გათვლილია და მომზადებულია ძალიან კარგად“, - განაცხადა გამყრელიძემ.

05 ივლისი 2020, 19:40

საზოგადოება

გალის რაიონში დაკარგული პირები საქართველოს კონტროლირებად ტერიტორიაზე იმყოფებიან

გალის რაიონში დაკარგული საქართველოს მოქალაქეები საქართველოს კონტროლირებად ტერიტორიაზე იმყოფებიან და მათ სიცოცხლეს და ჯანმრთელობას საფრთხე არ ემუქრება, - ამის შესახებ მათი ახლობლები აცხადებენ და განმარტავენ, რომ აღნიშნული მოქალაეები თავს კარგად გრძნობენ. დაკარგულიდან ერთ-ერთი, ახალგაზრდა ქალი ანაკლია-განმუხურის საკარანტინე სივრცეში იმყოფება. როგორც მისი ოჯახის წევრები განმარტავენ, ვ.ბ აფხაზეთის ე.წ საზღვარი 30 ივნისს გადმოკვეთა და შესაბამისად განმუხურში გადის კარანტინს.

ავსტრიის გრან პრი

05 ივლისი 2020, 19:35

სპორტი

ავსტრიის გრან პრიზე ფორმულა 1-ის პილოტებმა რასიზმის საწინააღმდეგო აქცია გამართეს

აქციაში მონაწილეობა ოცივე პილოტმა მიიღო. 14 მათგანი რასიზმის წინააღმდეგ ბრძოლის ნიშნად დაიჩოქა, დანარჩენებმა კი ამ ჟესტზე უარი თქვეს. მათ შორის ნიდერლანდების წარმომადგენელმა მაქს ფერსტაპენმა, ფინელმა კიმი რაიკონენმა, შარლ ლეკლერმა, რუსმა დანიილ კვიატმა განაცხადეს. მათ განმარტეს, რომ რასიზმის წინააღმდეგები არიან, თუმცა მუხლის მოდრეკას სხვადასხვა ქვეყანაში განსხვავებული მნიშვნელობა აქვს.

კორონავირუსი კვლევა

05 ივლისი 2020, 19:15

COVID19

ბრიტანეთმა კორონავირუსის ორგანიზმზე გრძელვადიანი გავლენის შედეგების გამოსაკვლევად $10 მილიონი გამოყო

COVID-19-ს ზოგი ინფიცირებულის ჯანმრთელობაზე გავლენა ვირუსის დამარცხების შემდეგაც აქვს, დაავადებულთა ნაწილს კი სიმპტომები საერთოდ არ აქვს, ამიტომ ვირუსის მოქმედება ბოლომდე ამოხსნილი არ არის.

05 ივლისი 2020, 18:53

თავდაცვა

საქართველოს თავდაცვის ძალების სადაზვერვო ქვედანაყოფებისა და შსს-ს განსაკუთრებულ დავალებათა დეპარტამენტის საჩვენებელი სწავლება გაიმართა

საქართველოს თავდაცვის ძალების სადაზვერვო ქვედანაყოფებისა და შსს განსაკუთრებულ დავალებათა დეპარტამენტის საველე შეკრების “ისარი 2020”-ის ფარგლებში საჩვენებელი სწავლება გაიმართა, - ამის შესახებ ინფორმაციას თავდაცვის სამინისტრო ავრცელებს. მათივე ცნობით, გეგმიურ სწავლებას საქართველოს თავდაცვის ძალების მეთაური, გენერალ-მაიორი გიორგი მათიაშვილი, ასევე შსს განსაკუთრებულ დავალებათა დეპარტამენტისა და თავდაცვის ძალების სხვა ხელმძღვანელი პირები დაესწრნენ.

გალისია ესპანეთი კარანტინი

05 ივლისი 2020, 18:46

COVID19

კორონავირუსის გამო კარანტინი ესპანეთის კიდევ ერთ რეგიონში გამოცხადდა

ლა მარინას მცხოვრებლები რაიონის დატოვებას ვერ შეძლებენ, ამასთან აიკრძალა 10 ადამიანზე მეტის შეკრება. შეზღუდვა სულ მცირე 5 დღის განმავლობაში გაგრძელდება, რა დროსაც მთავრობა ვითარებას დააკვირდება.

იაპონია

05 ივლისი 2020, 18:43

მსოფლიო

იაპონიაში წყალდიდობის შედეგად დაკარგულებს მაშველები ეძებენ

იაპონიაში წყალდიდობის შედეგად დაკარგულ 14 ადამიანს ეძებენ. წყალდიდობამ კიუშუს კუნძული, კუმამოტოს რეგიონი დააზარალა. სტიქიამ გაანადგურა სახლები და დაანგრია ხიდები. დაღუპულთა რიცხვი 34-ს აღწევს.

05 ივლისი 2020, 18:27

თავდაცვა

კრწანისში კაპიტნის საკარიერო კურსების გამოშვების ცერემონიალი გაიმართა

ნატო - საქართველოს წვრთნებისა და შეფასების ერთობლივ ცენტრში (JTEC) კრწანისის წვრთნებისა და სამხედრო განათლების სარდლობის საერთო საჯარისო ცენტრის კაპიტნის საკარიერო სკოლის კურსების გამოშვების საზეიმო ცერემონიალი გაიმართა, - ამის შესახებ ინფორმაციას საქართველოს თავდაცვის სამინისტრო ავრცელებს. მათივე ინფორმაციით, 106 კურსდამთავრებულს დიპლომები საქართველოს თავდაცვის ძალების მეთაურის მოადგილემ, გენერალური შტაბის უფროსის მოვალეობის შემსრულებელმა, ბრიგადის გენერალმა ირაკლი ძნელაძემ, საქართველოს თავდაცვის ძალების წვრთნებისა და სამხედრო განათლების სარდალმა პოლკოვნიკმა გრიგოლ ჭელიძემ და უწყების სხვა ხელმძღვანელმა პირებმა გადასცეს.

ირანი კორონავირუსი

05 ივლისი 2020, 18:26

COVID19

ირანში კორონავირუსით გარდაცვლილთა რეკორდულად მაღალი დღიური მაჩვენებელი დაფიქსირდა

ბოლო 24 საათის განმავლობაში ვირუსი კიდევ 2 560 ადამიანს დაუდასტურდა და ინფიცირების შემთხვევების საერთო მაჩვენებელი 240 438-მდე გაიზარდა.

ფოთი

05 ივლისი 2020, 18:09

სამართალი

ფოთში მომხდარ მკვლელობის ფაქტთან დაკავშირებით კიდევ ერთი ადამიანი დააკავეს

გამოძიებით დადგინდა, რომ ბრალდებულმა და მისმა თანმხლებმა პირებმა 1976 წელს დაბადებულ ვ.ტ.-ს ფიზიკური შეურაცხყოფა მიაყენეს, შემდეგ კი, სავარაუდოდ, ბასრი საგნისა და ცეცხლსასროლი იარაღის გამოყენებით, სიცოცხლისთვის საშიში ჭრილობები მიაყენეს და შემთხვევის ადგილიდან მიიმალნენ.

05 ივლისი 2020, 17:59

საზოგადოება

7 და 8 ივლისს გორის გვირაბში მოძრაობა აიკრძალება

საერთაშორისო მნიშვნელობის თბილისი–სენაკი–ლესელიძის საავტომობილო გზის 88 კმ. მონაკვეთზე მდებარე გორის საავტომობილო გვირაბში, ზაფხულის სეზონის დადგომასთან დაკავშირებით დაგეგმილია პროფილაქტიკური სამუშაოების წარმოება. რის გამოც, 2020 წლის 7 ივლისის 08:00 სთ-დან 8 ივლისის 14:00 სთ-მდე გვირაბის სენაკი-თბილისის, ხოლო 8 ივლისის 14:00 სთ-დან 9 ივლისის 20:00 სთ-მდე გვირაბის თბილისი-სენაკის მიმართულებებზე იკრძალება ყველა სახის ავტოტრანსპორტის მოძრაობა, - ამის შესახებ ინფორმაციას საავტომობილო გზების დეპარტამენტი ავრცელებს.

05 ივლისი 2020, 17:59

COVID19

კვლევა: ბენდენის ნიღბად გამოყენება ვირუსისგან დასაცავად ნაკლებად ეფექტურია

დღეისთვის ბევრი ადამიანი უარს ამბობს სპეციალური სამედიცინო ნიღბების გამოყენებაზე და სახლში დამზადებულ ბენდენებსა და შარფებს ანიჭებს უპირატესობას. ამ თემაზე სტატია Clickorlando-მ სტატია კვლევაზე დაყრდნობით მოამზადა.

კორონავირუსი აშშ

05 ივლისი 2020, 17:41

COVID19

COVID-19: როგორია ეპიდვითარება აშშ-ში

დონალდ ტრამპი ქვეყანაში ინფიცირების შემთხვევების მატებას ტესტირების მასშტაბის ზრდას უკავშირებს და აცხადებს, რომ კორონავირუსის შემთხვევათა 99% სრულიად უვნებელია.

05 ივლისი 2020, 17:37

კულტურა

სალომე ზურაბიშვილი: მნიშვნელოვანია, ისეთი ისტორიული ადგილების არსებობა, როგორიცაა ლაილაში, სადაც ებრაელები, ქართველები, სომხები ერთად ცხოვრობდნენ, რაც ჩვენი კულტურის მაჩვენებელია

პრეზიდენტმა ცაგერში მურის ციხე და ორბელის გადმოსახედი, ლეჩხუმში კი სოფელი ლაილაში დაათვალიერა. საქართველოს პრეზიდენტის ოფიციალური გვერდის ინფორმაციით, ზურაბიშვილმა პირადად გაიარა მურის ციხეებთან დამაკავშირებელი ბილიკები. პრეზიდენტი ცაგერის მუნიციპალიტეტში ისტორიულად მრავალეთნიკურ სოფელ ლაილაშს ეწვია, სადაც ქართველებთან ერთად, ბერძნები, ებრაელები და სომხები ცხოვრობდნენ.

05 ივლისი 2020, 17:35

საზოგადოება

7-დან 9 ივლისის ჩათვლით ჩაქვი-მახინჯაურის გვირაბში მოძრაობა აიკრძალება

საერთაშორისო მნიშვნელობის სენაკი-ფოთისა და სარფის, თურქეთის რესპუბლიკის საზღვარზე, საავტომობილო გზის 92 კმ მონაკვეთზე მდებარე ჩაქვი-მახინჯაურის საავტომობილო გვირაბებში პროფილაქტიკური სამუშაოების ჩატარების მიზნით, 2020 წლის 7 ივლისის 08:00 საათიდან 9 ივლისის 20:00 სთაათამდე გვირაბის ქობულეთი-ბათუმის მიმართულებაზე, ხოლო 14 ივლისის 08:00 სთ-დან 16 ივლისის 20:00 სთ-მდე გვირაბის ბათუმი-ქობულეთის მიმართულებაზე, იკრძალება ყველა სახის ავტოტრანსპორტის მოძრაობა, - ამის შესახებ ინფორმაციას საავტომობილო გზების დეპარტამენტი ავრცელებს.

05 ივლისი 2020, 17:27

COVID19

კორონავირუსი: რა ვითარებაა ევროპაში

ბრიუსელში 17-18 ივლისს ევროკავშირის სამიტია დანიშნული, რომელზეც ბლოკის წევრი ქვეყნები პანდემიის შემდეგ პირველად შეიკრიბებიან და კორონავირუსზე იმსჯელებენ. კერძოდ, ისაუბრებენ კრიზის დაძლევის გეგმასა და მეორე ტალღაზე იმსჯელებენ.

ჯანლუიჯი ბუფონი

05 ივლისი 2020, 17:27

სპორტი

ჯანლუიჯი ბუფონი: სულ მცირე 43 წლამდე ვითამაშებ

ტურინის „იუვენტუსის“ მეკარე ჯანლუიჯი ბუფონი თამაშს 43 წლამდე აპირებს. ამის შესახებ იტალიური მედია იტყობინება.

05 ივლისი 2020, 17:13

სამართალი

თავისუფლების უკანონოდ აღკვეთისა და ჯგუფური ძალადობის ბრალდებით დაკავებული 5 პირი პატიმრობაში დარჩება

ბათუმის საქალაქო სასამართლო გადაწყვეტილებით თავისუფლების უკანონოდ აღკვეთისა და ჯგუფური ძალადობის ბრალდებით დაკავებული 5 პირი პატიმრობაში დარჩება. ადვოკატები გასაჩივრებას აპირებენ. ამბობენ, რომ დაკავებულები გამოცხადნენ, ისინი არ არიან ნასამართლევები, ამიტომ მოსამართლეს მათი შუამგდოლლობა გირაოს თაობაზე უმდა დაეკმაყოფილებინა. ბრალდებულები დუმილის უფლებით სარგებლობენ. შემდეგი სასამართლო 28 აგვისტოს ჩაინიშნა.