30 ივნისი 2020, 21:20 / სანდო წყარო

ანა დოლიძე: გერმანიის ელჩზე ორგანიზებული თავდასხმა, გიგა ბოკერიას მეთაურობით, სრულიად მიუღებლად მიმაჩნია

ანა დოლიძე

ანა დოლიძე

გერმანიის ელჩზე ორგანიზებული პიართავდასხმა, გიგა ბოკერიას მეთაურობით, მიმაჩნია სრულიად მიუღებლად. ესაა მორიგი დადასტურება, რომ ამ ხალხისთვის მხოლოდ ის აზრია მისაღები და „ევროპული“, რომელიც საკუთარს ემთხვევა, - ასე გამოეხმაურა Facebook-ის საკუთარ გვერდზე ანა დოლიძე ოპოზიციის მიერ გერმანიის ელჩთან დაკავშირებით გაკეთებულ განცხადებებს.

„ყველა სხვა, ვისაც შეიძლება განსხვავებული აზრი ჰქონდეს, ალეკო ელისაშვილიდან დაწყებული, გერმანიის ელჩით დამთავრებული, ჯგუფურ ბულინგში მოჰყვება. მიუხედავად იმისა, რომ ბოკერიამ „ნაციონალურ მოძრაობას“ უღალატა, არ უღალატა იმ ერთაზროვნების დიქტატის პრინციპს, რომელიც წინა მთავრობის დროს თვითონვე შექმნა და რომელსაც, მერე, თვითონვე გაემიჯნა“ - წერს ანა დოლიძე.

გერმანიის ელჩმა ჰუბერტ ქნირშმა განაცხადა, რომ 8 მარტის შეთანხმების საგანი გიორგი რურუას გათავისუფლება არ ყოფილა, რასაც ოპოზიციის წარმომადგენელთა მხრიდან კრიტიკული განცხადებები მოჰყვა.

ყველა სიახლე

ადამიანის უფლბათა კომიტეტი

10 ივლისი 2020, 19:48

პოლიტიკა

საკომიტეტო მოსმენაზე დეპუტატებმა ათწლიანი ახალგაზრდული პოლიტიკის კონცეფციის პროექტი განიხილეს

საქართველოს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტმა დადგენილების პროექტი - „2020-2030 წლებისთვის საქართველოს ახალგაზრდული პოლიტიკის კონცეფციის დამტკიცების შესახებ“, განიხილა. აღნიშნული პროექტი ორმოცდაათი დეპუტატის საკანონმდებლო ინიციატივას წარმოადგენს.

10 ივლისი 2020, 19:41

COVID19

ავსტრალიაში COVID-19-ის სამკურნალოდ „რემდესივირის“ გამოყენების ნებართვა გასცეს

ავსტრალიის თერაპიული საქონლის ადმინისტრაციამ გამოაცხადა, რომ კორონავირუსის სამკურნალოდ „რემდესივირის“ გამოყენებისთვის წინასწარი ნებართვა გასცა.

ბუდუ ზივზივაძე

10 ივლისი 2020, 19:37

სპორტი

ბუდუ ზივზივაძე კარიერას უნგრულ „ფეჰერვარში” გააგრძელებს

ბუდუ ზივზივაძე კარიერას უნგრულ „ფეჰერვარში” გააგრძელებს. ინფორმაცია ამის შესახებ კლუბის ოფიციალურ ვებგვერდზე გავრცელდა. „ფეჰერვარი” ქვეყნის ვიცე-ჩემპიონია და ევროპის ლიგის საკვალიფიკაციო ეტაპზე ითამაშებს. მხარეებს შორის სამწლიანი კონტრაქტი გაფორმდა.

10 ივლისი 2020, 19:36

პოლიტიკა

საკომიტეტო მოსმენაზე ადამიანის უფლებების კუთხით პრემიერ-მინისტრის მრჩეველის ანგარიშები მოისმინეს

საქართველოს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის სხდომაზე დეპუტატებმა პრემიერ-მინისტრის მრჩეველს ადამიანის უფლებათა დაცვისა და გენდერული თანასწორობის საკითხებში, ლელა აქიაშვილს მოუსმინეს. აქიაშვილმა ადამიანის უფლებების დაცვის სამთავრობო სამოქმედო გეგმის 2018-2019 წლებში შესრულების შუალედური ანგარიშები, ქალთა მიმართ ძალადობის და ოჯახში ძალადობის წინააღმდეგ ბრძოლისა და მსხვერპლთა (დაზარალებულთა) დასაცავად გასატარებელ ღონისძიებათა 2018-2020 წლების სამოქმედო გეგმის შესრულების 2018-2019 წლების ანგარიშები და ქალებზე, მშვიდობასა და უსაფრთხოებაზე გაეროს უშიშროების საბჭოს რეზოლუციების განხორციელების 2018-2020 წლების საქართველოს ეროვნული სამოქმედო გეგმის შესრულების 2018-2019 წლების ანგარიშები წარმოადგინა.

10 ივლისი 2020, 19:28

სამართალი

პროკურატურამ მამისა და პაპის განზრახ მკვლელობის ფაქტზე დაკავებულს ბრალდება წარუდგინა

შიდა ქართლისა და მცხეთა-მთიანეთის საოლქო პროკურატურამ, მამის და პაპის განზრახ მკვლელობის ფაქტზე, გ.ო.-ს ბრალდება წარუდგინა.შინაგან საქმეთა სამინისტროს მიერ ჩატარებული გამოძიებით დადგინდა, რომ დამამძიმებელ გარემოებებში ჩადენილი განზრახ მკვლელობისთვის ნასამართლევმა გ.ო-მ 2020 წლის 07 ივლისს, ღამის საათებში, მცხეთის რაიონის სოფელ მუხრანში, წარსულში არსებული წყენის გამო, ურთიერთშელაპარაკების ნიადაგზე, განზრახ მოკვლის მიზნით მამას - ა.ო.ს და პაპას - გ.ო.-ს, დანით, მრავლობითი ჭრილობები მიაყენა და შემთხვევის ადგილიდან მიიმალა.

სვანეთი

10 ივლისი 2020, 19:26

რეგიონი

ევროკავშირმა, შვედეთმა და ავსტრიამ, მდგრადი სამთო ტურიზმის სექტორში, სვანეთის, რაჭა-ლეჩხუმისა და ზემო იმერეთის რეგიონებისთვის საგრანტო კონკურსი გამოაცხადეს

ევროკავშირმა, შვედეთმა და ავსტრიამ პროექტ GRETA-ს ფარგლებში (მწვანე ეკონომიკა: მდგრადი სამთო ტურიზმი და ორგანული სოფლის მეურნეობა), სამთო ტურიზმის სექტორში, მესტიის, ლენტეხის, ცაგერის, ონის, ამბროლაურის, საჩხერის, ჭიათურისა და ტყიბულის მუნიციპალიტეტებში, საბაზრო მოთხოვნებზე მორგებული ბიზნეს გარემოს შექმნის მიზნით, ადგილობრივი განვითარების ინიციატივების საგრანტო კონკურსი გამოაცხადეს.

მოსკოვი

10 ივლისი 2020, 19:18

COVID19

რუსეთი საერთაშორისო ავიამიმოსვლის აღდგენას 15 ივლისიდან დაიწყებს

რუსეთი სხვა ქვეყნებთან ავიამიმოსვლის აღდგენას 15 ივლისიდან დაიწყებს. რუსული მედიის ცნობით, ამის შესახებ ვიცე-პრემიერმა, ტატიანა გოლიკოვამ განაცხადა. ფრენების აღდგენა იმ ქვეყნებთან იგეგმება, სადაც კორონავირუსის გავრცელება ბოლო ორი კვირის განმავლობაში 100 ათას მოსახლეზე 40 შემთხვევას არ აღებამატება.

10 ივლისი 2020, 19:08

მსოფლიო

ათენი აია-სოფიასთან დაკავშირებით თურქეთის გადაწყვეტილებას პროვოკაციად მიიჩნევს

საბერძნეთის კულტურის მინისტრი თურქეთის სახელმწიფო საბჭოს გადაწყვეტილებას, რომლის თანახმადაც სტამბოლში მდებარე აია-სოფიას ტაძარი მეჩეთად გადაკეთდება, ცივილიზებული სამყაროს წინაშე „ღია პროვოკაციად“ აფასებს.

მირიან ნიკოლაძე

10 ივლისი 2020, 19:05

სამართალი

მირიან ნიკოლაძე: იმ პირებს, ვინც გიორგი შაქარაშვილის საქმეზე პატიმრობაშია, ბრალს სავარაუდოდ ორ კვირაში წარუდგენენ

გარდაცვლილი გიორგი შაქარაშვილის ოჯახი შეხვდა შინაგან საქმეთა სამინისტროს და გენერალური პროკურატურის ხელმძღვანელობას. ჩამოყალიბდნენ ასეთ პოზიცაზე, რომ გამოძიების ვადაში უნდა მოხდეს ამ პირებისთვის ბრალის კონკრეტული მუხლით წარდგენა, - ამის შესახებ დღეს გამართულ ბრიფინგზე მედიას გარდაცვლილი გიორგი შაქარაშვილის ბიძამ, მირიან ნიკოლაძემ განუცხადა.

გენერალური პროკურატურა

10 ივლისი 2020, 19:01

სამართალი

ლაგოდეხის ნაკრძალში მომხდარ შემთხვევასთან დაკავშირებით სკოლა „ალბიონის“ პედაგოგებს 5000-ლარიანი გირაო შეეფარდა

სააპელაციო სასამართლომ დააკმაყოფილა პროკურატურის საჩივარი და სოფიო ნიკოლეიშვილის გარდაცვალების ფაქტზე ბრალდებულებს აღკვეთის ღონისძიება შეუფარდა. ინფორმაციას ამის შესახებ გენერალური პროკურატურა ავრცელებს.

შემოსავლების სამსახური

10 ივლისი 2020, 19:00

სამართალი

ფინანსთა სამინისტროს შემოსავლების სამსახური ჟურნალისტის ბრალდებებს განცხადებით ეხმაურება

შემოსავლების სამსახური მცდარ ბრალდებებს უწოდებს ელისო კილაძის განცხადებას, რომ მას ჟურნალისტური გამოძიების პროცესში, სამსახურის წარმომადგენლები უთვალთვალებდნენ, - ამის შესახებ ნათქვამია სამსახურის მიერ გავრცელებულ განცხადებაში. შემოსავლების სამსახური ჟურნალისტის მიერ, სოციალურ ქსელ facebook-ზე ატვირთულ ვიდეომასალაში გაკეთებულ განცხადებებს პასუხობს.

10 ივლისი 2020, 18:59

ტაბლოიდი

Apple-მა IOS 14-ის პირველი საჯარო ბეტა-ვერსია გამოუშვა

Apple-მა IOS 14-ისა და iPadOS 14-ის პირველი საჯარო ბეტა-ვერსია გამოუშვა. მისი ჩამოტვირთვა Apple-ის ბეტა-ტესტირების ვებგვერდზეა შესაძლებელი. iOS 14 და iPadOS 14 ივნისის ბოლოს წარადგინეს, რის შემდეგაც მას დეველოპერები ტესტავდნენ.

რეჯეფ თაიფ ერდოღანი

10 ივლისი 2020, 18:58

მსოფლიო

თურქეთის პრეზიდენტმა ხელი მოაწერა განკარგულებას აია-სოფიას მეჩეთად გამოცხადების თაობაზე

თურქეთის პრეზიდენტმა, რეჯეფ თაიფ ერდოღანმა ხელი მოაწერა განკარგულებას აია-სოფიას მეჩეთად გამოცხადების თაობაზე.

მირიან ნიკოლაძე

10 ივლისი 2020, 18:48

სამართალი

მირიან ნიკოლაძე: ექსპერტიზით დადგენილია, რომ დაზიანებები ვერ გამოიწვევდა გიორგის გარდაცვალებას, ცალსახად შეგვიძლია ვთქვათ და ვივარაუდოთ, რომ ბავშვი, ჯერ კიდევ ცოცხალი გადააგდეს არაგვში და იქ დაიხრჩო

ოჯახმა მესამე დღეს იცოდა, გიორგის გარდაცვალების უშუალო მიზეზიც, ჩვენ ეს არ გავახმაურეთ, რომ გზა-კვალი არ აბნეოდა არც გამოძიებას და არც საზოგადოებას და არ გაკეთებულიყო აქცენტები, მხოლოდ წყლით დახრჩობის ფაქტზე. ასევე ვიცოდით გიორგის დაზიანებებზე ყველა გარემოება, - ამის შესახებ მირიან ნიკოლაძემ, დღეს, მაედიისთვის გამართულ ბრიფინგზე განაცხადა.

10 ივლისი 2020, 18:45

COVID19

აფრიკის კონტინენტზე კორონავირუსით ინფიცირებულთა რაოდენობამ 543 000-ს გადააჭარბა

აფრიკის კონტინენტზე კორონავირუსის დადასტურებული შემთხვევების რაოდენობამ 543 136-ს მიაღწია. ბოლო მონაცემებით, ინფექციით 12 474 ადამიანი გარდაიცვალა, 265 810 კი გამოჯანმრთელდა.

ენტონი ფაუჩი

10 ივლისი 2020, 18:31

COVID19

ენტონი ფაუჩი: ვცდილობ გავარკვიო, საიდან მოიტანა პრეზიდენტმა, რომ კორონავირუსის შემთხვევების 99% აბსოლუტურად უვნებელია

აშშ-ის ალერგიისა და ინფექციური დაავადებების ეროვნული ინსტიტუტის ხელმძღვანელმა, ენტონი ფაუჩიმ განაცხადა, რომ იმის გარკვევას ცდილობს, თუ საიდან მოიტანა პრეზიდენტმა ტრამპმა ის, რომ კორონავირუსის გამოვლენილი შემთხვევების 99% აბსოლუტურად უვნებელია.

ნინო წილოსანი

10 ივლისი 2020, 18:31

საზოგადოება

ნინო წილოსანის თქმით, საწვავის ხარისხის დარღვევისთვის სანქციების გამკაცრება იგეგმება

დღეს დარგობრივი ეკონომიკის კომიტეტზე პირველად გავიდა ინიციატივა საწვავის ხარისხის დარღვევისთვის სანქციების გამკაცრების შესახებ. ეს შეეხება როგორც რეალიზატორს, ასევე მწარმოებელსა და იმპორტიორს. იმდენად იზრდება ადმინისტრაციულ კოდექსში ჯარიმები, რომ ეს დარღვევებს მინიმუმამდე დაიყვანს. განმეორებითი დარღვევის შემთხვევაში შემოვიღებთ სისხლის სამართლებრივ პასუხისმგებლობას 2 წლამდე თავისუფლების აღკვეთის სახით, - ამის შესახებ ტელეკომპანია „იმედის“ გადაცემაში „დღის ქრონიკა“ გარემოს დაცვისა და ბუნებრივი რესურსების კომიტეტის თავმჯდომარემ, ნინო წილოსანმა განაცხადა.

ნინო წილოსანი

10 ივლისი 2020, 18:29

ეკონომიკა

ნინო წილოსანი: დაახლოებით 3 ათას ტონა თევზის პროდუქტებს ვაწარმოებთ და 10-ჯერ მეტის პოტენციალი გვაქვს

აკვაკულტურის შესახებ კანონი უკვე მიღებულია. ეს იყო პირველი გადადგმული ნაბიჯი იმისთვის, რომ ქვეყანას პრიორიტეტად დაესახა აკვაკუტურა, რაც გულისხმობს თევზპროდუქტების ხელოვნურად მოშენების პოლიტიკას - ამის შესახებ ტელეკომპანია „იმედის“ გადაცემაში „დღის ქრონიკა“ გარემოს დაცვისა და ბუნებრივი რესურსების კომიტეტის თავმჯდომარემ, ნინო წილოსანმა განაცხადა.

10 ივლისი 2020, 18:29

სამართალი

თელავი-გომბორის გზაზე ავტოსაგზაო შემთხვევის შედეგად 3 ადამიანი დაშავდა

ავტოსაგზაო შემთხვევა მოხდა ვაზიანი-თელავი-გომბორის საავტომობილო მაგისტრალზე. ერთმანეთს ნისანის და ფორდის მარკის ავტომობილები შეეჯახნენ, რა დროსაც სატვირთო მანქანა ამოტრიალდა. ავარიის შედეგად დაშავდა სამი ადამიანი. ყველა მათგანი სასწრაფო დახმარების ბრიგადამ თელავის რეფერალურ საავადმყოფოში გადაიყვანა.

10 ივლისი 2020, 18:26

COVID19

უკრაინაში კოვიდინფიცირებულთა რაოდენობამ 52 ათასს გადააჭარბა

ბოლო 24 საათის განმავლობაში უკრაინაში ახალი კორონავირუსით ინფიცირების კიდევ 819 შემთხვევა გამოვლინდა, 18 ადამიანი კი ვირუსს ემსხვერპლა.ქვეყანაში კოვიდინფიცირების 52 043 შემთხვევაა დადასტურებული, გარდაიცვალა 1 345 ადამიანი, 24 800-მა კი ვირუსის დამარცხება შეძლო.