imedi /  03 ივლისი 2020, 14:30 / სანდო წყარო

„შშმ პირთა შესახებ“ კანონპროექტთან დაკავშირებით, დიპლომატიური მისიების წარმომადგენელთა მონაწილეობით, ონლაინ შეხვედრა გაიმართა

ადამიანის უფლებათა დაცვისა და სამოქალაქო ინტეგრაციის კომიტეტმა საქართველოში დიპლომატიური მისიების და საერთაშორისო ორგანიზაციების წარმომადგენლებს გააცნო „შშმ პირთა უფლებების შესახებ“ კანონპროექტი, რომელსაც საქართველოს პარლამენტი უახლოეს დღეებში უკვე საბოლოო მოსმენით მიიღებს.

დიპლომატებთან გამართულ ონლაინ შეხვედრას ესწრებოდნენ ვიცე-პრემიერი, იუსტიციის მინისტრი თეა წულუკიანი, ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე სოფო კილაძე, ამავე კომიტეტის წევრი, ფრაქცია „ქართული ოცნების“ თავმჯდომარე რატი იონათამიშვილი და USAID-ის მისიის დირექტორის მოადგილე დევიდ ჰოპმანი.

როგორც შეხვედრაზე აღინიშნა, კანონპროექტის შექმნის პროცესი იყო რთული და კომპლექსური, კანონპროექტის შემუშავებაზე იუსტიციის სამინისტრომ იმუშავა, თუმცა მის საბოლოო სრულყოფაში მონაწილეობდნენ კანონმდებლები, საზოგადოებრივი ორგანიზაციების, შშმ პირთა თემის წარმომადგენლები, მნიშვნელოვანი იყო დონორების მხარდაჭერა. ყველა ცალსახად აღნიშნავს, რომ კანონპროქტი, რომელიც ფართო ჩართულობის შედეგად შეიქმნა, ძალიან ბევრ სასიკეთო ცვლილებას მოიტანს შშმ პირთა უფლებების მიმართულებით, მათ ყოველდღიურ ცხოვრებაში.

„შეზღუდული შესაძლებლობების მქონე პირების საკითხი არის ერთ-ერთი უმნიშვნელოვანესი პრიორიტეტი ჩვენი ქვეყნისთვის, მთლიანად ჩვენი საზოგადოებისთვის. განსაკუთრებით ბოლო წლებში, ხელისუფლების მხრიდან მრავალი ნაბიჯი გადაიდგა იმისათვის, რომ შშმ პირების უფლებრივი მდგომარეობა გაუმჯობესებულიყო, თუმცა ვფიქრობ უდიდესი ნაბიჯი, ვიტყოდი მკვეთრი ნახტომი ამ მიმართულებით არის ის კანონპროექტი, რომელიც საქართველოს პარლამენტმა უკვე ორი მოსმენით მიიღო და მესამე მოსმენით უკვე ერთ კვირაში ვუყრით კენჭს. ამ კანონპროექტისთვის იუსტიციის მინისტრს, მთელ მის გუნდს მსურს განსაკუთრებული მადლობა გადავუხადო, ვინაიდან არ იყო ადვილი ამ კანონპროექტის შემუშავება, რადგან ძალიან ბევრი საკითხი, ბევრი თემა არის ერთად თავმოყრილი და, რა თქმა უნდა, არსებობდა განსხვავებული მოსაზრებები და წარმოდგენილი პროექტი არის ძალიან დიდი მუშაობის შედეგი, რომელიც ერთობლივად მოვიტანეთ მესამე მოსმენამდე“, - განაცხადა სოფო კილაძემ.

როგორც იუსტიციის მინისტრმა, თეა წულუკიანმა განაცხადა, მნიშვნელოვანია, რომ სწორედ ადამიანის უფლებათა დაცვისა და სამოქალაქო ინტეგრაციის კომიტეტთან ერთად გადაიდგმება ის ისტორიული ნაბიჯი, რომელსაც ჰქვია საქართველოში შშმ პირთა უფლებების შესახებ კანონის მიღება.

„ჩვენ ძალიან ახლოს ვართ ისტორიულ მომენტთან, როდესაც დღე დღეზე საქართველოს პარლამენტი მესამე მოსმენით უყრის კენჭს საქართველოს კანონს შშმ პირთა შესახებ. ეს არის ის კანონი, რომელსაც შშმ პირთა თემი და არა მხოლოდ, მთელი ქვეყანა ელოდა ათეული წლების განმავლობაში. ამ კანონის მიღება პრაქტიკულად იყო ჩიხში შესული პროცესი ბევრჯერ, თუმცა ბოლო წლებში საქართველოს მთავრობის და ადამიანის უფლებათა კომიტეტის თაოსნობით ჩვენ შევძელით, რომ სამუშაო ჯგუფი გაგვეცოცხლებინა და იუსტიციის სამინისტროში სწორედ იმ არასამთავრობო ორგანიზაციებთან ერთად გვემუშავა კანონპროექტზე, რომლებიც წარმოადგენენ სხვადასხვა მიმართულებით ჩვენს ქვეყანაში მცხოვრებ ჩვენს მოქალაქეებს და არა მხოლოდ შშმ პირებს“, - განაცხადა იუსტიციის მინისტრმა.

მინისტრმა შეხვედრის მონაწილეებს ის წინაპირობები შეახსენა, რაც კანონპროექტის შემუშავებას და ორი მოსმენით მიღებას ედგა წინ და აღნიშნა, რომ „დღევანდელი ღონისძიება არის მნიშვნელოვანი იმისთვის, რომ შევაჯამოთ ის შრომა რაც ყველმა ერთად გავწიეთ, და წარმატებები ვუსურვოთ ამ კანონის პროექტს, რომელიც მიღებული იქნება პლენარულ სხდომაზე და საფუძველს ჩაუყრის პრაქტიკულად რევოლუციურ ცვლილებებს ჩვენს რეალობაში თითოეული შშმ პირისთვის საქართველოში. საქართველო ამ კანონით გადავა სამედიცინო მოდელიდან სოციალურ მოდელზე, რაც არის უმთავრესი ამ კანონში“.

დიპლომატებს კანონპროექტის შესახებ დეტალური პრეზენტაცია რატი იონათამიშვილმა წარუდგინა. მისი თქმით, ეს კანონი ერთობ საჭირო და აუცილებელია შეზღუდული შესაძლებლობის მქონე პირებისთვის, რადგანაც მართლაც მნიშვნელოვან სამართლებრივ გარანტიებს იძლევა.

„ეს კანონი გააძლიერებს შეზღუდული შესაძლებლობის მქონე პირთა ორგანიზაციებს, გააძლიერებს თავად შეზღუდული შესაძლებლობის მქონე პირებს, ასევე განსაზღვრავს კოორდინაციის მექანიზმებს სახელისუფლებო შტოებსა და უწყებებს შორის, ამიტომ მისი მიღება არის უმნიშვნელოვანესი თვითონ შშმ პირებისთვის. ჩვენთვის ასევე მნიშვნელოვანი იყო, რომ დღეს ჩვენი საერთაშორისო პარტნიორებისთვის, USAID - თვის, სხვადასხვა საელჩოების წარმომადგენლებისთვის გაგვეცნო მთავარი სიახლეები, რასაც მოიცავს ეს კანონი“, - განაცხადა რატი იონათამიშვილმა.

პარლამენტმა კანონპროექტი „შშმ პირთა უფლებების შესახებ“ მეორე მოსმენით მიმდინარე კვირაში მიიღო.

ყველა სიახლე

პაატა იმნაძე

24 ივლისი 2021, 11:53

COVID19

პაატა იმნაძე: ამჟამად, ქვეყანაში ყველა ტიპის ვაქცინაა - ყველა გემოვნების ადამიანისთვის

დაავადებათა კონტროლის ეროვნული ცენტრის ხელმძღვანელის მოადგილის, პაატა იმნაძის განცხადებით, საქართველოში, უკვე ვაქცინების დიდი არჩევანია და მოქალაქეებს აქვთ საშუალება, მათგან სასურველი აირჩიონ.

არჩილ თალაკვაძე

24 ივლისი 2021, 11:52

პოლიტიკა

არჩილ თალაკვაძე: 0,5 მილიონი Pfizer-ის ვაქცინა საქართველოშია - მადლობა აშშ-ის მთავრობას და ამერიკელ ხალხს

საქართველოს პარლამენტის ვიცე-სპიკერი, არჩილ თალაკვაძე ამერიკის შეერთებული შტატების მიერ საქართველოსთვის ნახევარი მილიონი დოზა „ფაიზერის“ გადმოცემის ფაქტს ეხმაურება და აშშ-ის მთავრობასა და ამერიკელ ხალხს მადლობას უხდის. მისი თქმით, ამერიკის შეერთებული შტატების ეს ნაბიჯი ჩვენს შორის ნამდვილ მეგობრობას და ძლიერ თანამშრომლობას კიდევ ერთხელ ადასტურებს.

24 ივლისი 2021, 11:33

COVID19

საქართველოში 956 კოვიდინფიცირებული პაციენტის მდგომარეობა მძიმეა

ამ ეტაპზე საქართველოში 956 მძიმე კოვიდინფიცირებული პაციენტია, ხელოვნური სუნთქვის აპარატზე კი 210 პირი იმყოფება. Stopcov.ge-ზე გამოქვეყნებული ინფორმაციის თანახმად, 956 მძიმე პაციენტიდან თბილისში მკურნალობს 455 პირი, აჭარაში - 67, იმერეთში -218. ხელოვნური სუნთქვის აპარატზე იმყოფება 210 პირი, მათგან თბილისში - 156, აჭარაში - 5, იმერეთში - 11.

24 ივლისი 2021, 11:27

COVID19

კოვიდინფიცირების ახალი შემთხვევებიდან 1 485 თბილისში, 236 კი აჭარაში გამოვლინდა

„დღეს ქვეყანაში გამოვლენილი ინფიცირების 2 617 ახალი შემთხვევიდან: თბილისში გამოვლენილია 1 485 შემთხვევა, აჭარა - 236, იმერეთი - 220, ქვემო ქართლი - 153, შიდა ქართლი - 123, გურია - 31, სამეგრელო - ზემო სვანეთი - 111, კახეთი - 152, მცხეთა-მთიანეთი -45, სამცხე-ჯავახეთი - 44, რაჭა-ლეჩხუმი და ქვემო სვანეთი - 17“, - აღნიშნულია გავრცელებულ ინფორმაციაში.

24 ივლისი 2021, 11:21

საზოგადოება

შინაგან საქმეთა მინისტრი სომხეთის სასაზღვრო ჯარების სარდალს შეხვდა

შინაგან საქმეთა მინისტრმა, ვახტანგ გომელაურმა სომხეთის რესპუბლიკის ეროვნული უშიშროების სამსახურის სასაზღვრო ჯარების სარდალს, პოლკოვნიკ არმან მარალჩიანს უმასპინძლა, - ამის შესახებ ინფორმაციას შს სამინისტრო ავრცელებს. მათივე ინფორმაციით, შეხვედრას შინაგან საქმეთა სამინისტროს სასაზღვრო პოლიციის უფროსი, გენერალ-მაიორი ნიკოლოზ შარაძე ესწრებოდა.

24 ივლისი 2021, 11:21

COVID19

საქართველოში კოვიდინფიცირების დადებითობის დღიური მაჩვენებელი 6.03%-ია

23 ივლისის მდგომარეობით, დადებითობის დღიური მაჩვენებელი არის 6.03%, ბოლო 14 დღის განმავლობაში - 5.55% ხოლო 7 დღის განმავლობაში - 6.15%. ამ დროისთვის საქართველოში კორონავირუსის 400 698 შემთხვევაა დადასტურებული. მათ შორის გამოჯანმრთელდა 371 434, გარდაიცვალა 5 665 პაციენტი.

24 ივლისი 2021, 11:11

სამართალი

ლექსო ლაშქარავაზე ძალადობის საქმეზე, კიდევ ერთი პირი დააკავეს

ჟურნალისტისთვის პროფესიულ საქმიანობაში ძალადობის მუქარით, უკანონოდ ხელის შეშლის, ძალადობითა და ძალადობის მუქარით დევნის და ჯგუფურად ჩადენილ ძალადობის ფაქტებზე კიდევ ერთი პირი - 1991 წელს დაბადებული გ.გ. დააკავეს, - ინფორმაციას შსს ავრცელებს.

24 ივლისი 2021, 11:06

სამართალი

მარნეულში მომხდარ ინციდენტთან დაკავშირებით, ერთი პირი ცხელ კვალზე დააკავეს

პოლიციამ მარნეულში მომხდარ ინციდენტთან დაკავშირებით, ხულიგნობის ბრალდებით, ერთი პირი, 1999 წელს დაბადებული ო.მ. ცხელ კვალზე დააკავა.

24 ივლისი 2021, 10:59

პოლიტიკა

თამთა მეგრელიშვილი: ზოგადი შეფასება, პოსტი პოსტისთვის! მადლობა, ქალბატონო „სახალხო დამცველო“, ვალი მოხდილი გაქვთ

საჯარო მმართველობის დოქტორი თამთა მეგრელიშვილი სოციალურ ქსელში სახალხო დამცველის შეფასებას ეხმიანება პრემიერ-მინისტრის არასრულწლოვანი შვილების შესახებ, რომლებსაც „ტვ პირველის” ჟურნალისტები, ნებართვის გარეშე, საცხოვრებელ სახლთან ჩაუსაფრდნენ.

24 ივლისი 2021, 10:51

COVID19

დღე-ღამეში საქართველოში 9 კოვიდინფიცირებული გარდაიცვალა

ბოლო 24 საათის განმავლობაში საქართველოში კიდევ 9 კოვიდინფიცირებული გარდაიცვალა. ამ დროისთვის საქართველოში კორონავირუსის 400 698 შემთხვევაა დადასტურებული. მათ შორის გამოჯანმრთელდა 371 434, გარდაიცვალა 5 665 პაციენტი.

24 ივლისი 2021, 10:51

COVID19

საქართველოში კოვიდინფიცირების 2 617 ახალი შემთხვევა გამოვლინდა

ბოლო 24 საათის განმავლობაში საქართველოში კორონავირუსი კიდევ 2 617 ადამიანს დაუდასტურდა, გამოჯანმრთელდა 869 პაციენტი. ამ დროისთვის საქართველოში კორონავირუსის 400 698 შემთხვევაა დადასტურებული. მათ შორის გამოჯანმრთელდა 371 434, გარდაიცვალა 5 665 პაციენტი.

24 ივლისი 2021, 10:48

მსოფლიო

ფლორიდაში, შენობის ნგრევისას დაღუპულთა ცხედრების ძიება დასრულდა

აშშ-ში, ფლორიდაში, 12-სართულიანი საცხოვრებელი სახლის ნგრევის შემდეგ, 24 ივნისიდან მიმდინარე სამაშველო-სამძებრო სამუშაო დასრულებულია. საბოლოო მონაცემებით, შემთხვევას, სულ მცირე, 97 ადამიანი ემსხვერპლა. ერთი ადამიანი, 54 წლის ქალი, ამ დრომდე, დაკარგულად მიიჩნევა.

24 ივლისი 2021, 10:32

საზოგადოება

თბილისსა და რეგიონებში პროფესიული განათლების ღია კარის დღეები - „აირჩიე შენი მომავალი პროფესია“ დაიწყო

ათასწლეულის ფონდმა, გუდავაძე-პატარკაციშვილის ფონდთან თანამშრომლობით, პროფესიული განათლების პოპულარიზაციის მიზნით საინფორმაციო კამპანია - „აირჩიე შენი მომავალი პროფესია“ დაიწყო, რომლის ფარგლებში პირველი ღონისძიება, ღია კარის დღე სარკინიგზო ტრანსპორტის კოლეჯში გაიმართა.

24 ივლისი 2021, 10:01

რეგიონი

შტორმისა და წყალდიდობის შემდეგ, ენგურმა შესართავთან ნაპირსამაგრი გაანგრია

შტორმმა და წყალდიდობის შედეგად ადიდებულმა მდინარე ენგურმა პრობლემები შექმნა ანაკლიაში, ენგურის შესართავთან. მდინარემ არსებული ნაპირსამაგრი გაანგრია. ადგილზე მობილიზებული იყო სპეციალური ტექნიკა და სამუშაო ანაკლიაში დილიდან განახლდა. მიმდინარეობს დროებითი ნაპირსამაგრი სამუშაო, რათა მდინარემ სანაპირო ზოლზე პრობლემები არ შექმნას.

24 ივლისი 2021, 09:54

რეგიონი

რეგიონებში სამუშაო ვიზიტის ფარგლებში, თეა წულუკიანი ფოთის კოლხური კულტურის მუზეუმს ესტუმრა

საქართველოს კულტურის, სპორტისა და ახალგაზრდობის მინისტრი თეა წულუკიანი, რეგიონებში სამუშაო ვიზიტის ფარგლებში, სამინისტროს სსიპ საქართველოს ხელოვნების სასახლის ხელმძღვანელ გიორგი კალანდიასა და მის მოადგილეებთან ერთად ფოთის კოლხური კულტურის მუზეუმს ესტუმრა.

24 ივლისი 2021, 09:50

საზოგადოება

პირველი ეროვნული აგრარული ოლიმპიადის გამარჯვებულები გამოვლინდნენ

საქართველოში პირველი ეროვნული აგრარული ოლიმპიადა დასრულდა. აგროოლიმპიადის გამარჯვებულები გარემოს დაცვისა და სოფლის მეურნეობის მინისტრმა, ლევან დავითაშვილმა და გაეროს სურსათისა და სოფლის მეურნეობის ორგანიზაციის (FAO) წარმომადგენელმა საქართველოში, მამუკა მესხმა დააჯილდოვეს.

24 ივლისი 2021, 09:44

კულტურა

ელისო ბოლქვაძე, კომიტეტის წევრებთან ერთად, ოპერისა და ბალეტის თეატრის 169-ე თეატრალური სეზონის დახურვას დაესწრო

კულტურის კომიტეტის თავმჯდომარე ელისო ბოლქვაძე, კომიტეტის წევრებთან ერთად, ოპერისა და ბალეტის თეატრის 169-ე თეატრალური სეზონის დახურვას დაესწრო. ღონისძიება ქართული საკომპოზიტორო სკოლის ფუძემდებლის, ქართველი კლასიკოსის, დირიჟორისა და პედაგოგის, ზაქარია ფალიაშვილის 150 წლის იუბილეს მიეძღვნა.

24 ივლისი 2021, 09:41

თავდაცვა

Agile Spirit 2021-ში მონაწილე ამერიკელი სამხედროები საქართველოში ჩამოვიდნენ

მრავალეროვნული სწავლების - „მტკიცე სული 2021“ (Agile Spirit 2021) დაწყებისთვის მზადება გრძელდება. ფოთის პორტში სწავლებაში მონაწილე ამერიკული ტექნიკის მიღების შემდეგ, Agile Spirit 2021-ში მონაწილე ვერტმფრენები და ამერიკელი სამხედრო მოსამსახურეები საჰაერო გზით თბილისის საერთაშორისო აეროპორტში ჩამოვიდნენ.

24 ივლისი 2021, 09:39

COVID19

ეროვნული გვარდიის მე-20 კადრირებული ბრიგადის სამხედრო მოსამსახურეები და მათი ოჯახის წევრები აიცრნენ

საქართველოს თავდაცვის ძალებში COVID-19-ის საწინააღმდეგო მასობრივი ვაქცინაცია აქტიურად მიმდინარეობს. თავდაცვის ძალების სამედიცინო დეპარტამენტისა და სამხედრო ჰოსპიტალის ზედამხედველობით, ვაქცინაციის პროცესი უკვე თავდაცვის ძალების სამხედრო ბაზებზე სპეციალურად შექმნილ დამატებით ლოკაციებზეც ტარდება.

საულიუს ვალაინისი

24 ივლისი 2021, 09:28

COVID19

საულიუს ვალაინისი „ასტრაზენეკას“ დოზების ჩუქებაზე: ეს პატარა საჩუქარია, თუმცა ლიეტუვამ ის მთელი გულით გადმოგცათ

დარწმუნებული ვარ, რომ მეგობრები ერთმანეთს ყოველთვის უნდა ეხმარებოდნენ“, - განაცხადა ლიეტუვას ელჩის მოადგილემ, საულიუს ვალაინისმა საქართველოში, ლიეტუვას მიერ ნაშუქარი 15 ათასი დოზა „ასტრაზენეკას“ შემოსვლის შემდეგ.