imedi /  14 ივლისი 2020, 17:08 / სანდო წყარო

ანრი ოხანაშვილი ოპოზიციას: არჩევნების წინ გაგიაქტიურდათ ინსტინქტი

ანრი ოხანაშვილი

ანრი ოხანაშვილ

„მე მესმის, რომ არჩევნების წინ გაგიაქტიურდათ ინსტინქტი, რომ მომდევნო მოწვევის პარლამენტში ბევრად შემცირებული იქნებით, თუ იქნებით, და გადალახეთ ბარიერი, ეს კიდევ საკითხავია და მაქსიმალურად ცდილობთ ტრიბუნა გამოიყენოთ და კარგია, საზოგადოებამ უნდა დაინახოს რას საუბრობთ რა ინტერესებს იცავთ, როგორ „ზრუნავთ“ საზოგადოების ინტერესებზე. ალბათ, ოცნებობდით, რომ რამე შეცდომა დაგვეშვა, სამწუხაროდ ასეთი მავნე პოლიტიკოსებიც არიან, რომ ფიქრობდნენ, იქნებ მეტი გარდაიცვალოს, რომ ამით ვინმემ იხეიროს. ასეთ პოლიტიკურ ჯგუფებთან როცა გვაქვს საქმე, ძალიან ძნელია თქვენ გესაუბროთ რაიმე აზრიან საკითხებზე, იმიტომ რომ თქვენი საზრუნავი და თქვენი ამოცანაა როგორმე რადიკალიზაციის გზით ხელისუფლებაში მოსვლა. ამის არანაირი რესურსი არ გაქვთ და მაინც ცდილობთ იგივე ქმედებების განმეორებას, რასაც არაერთხელ ჰქონდა თქვენი მხრიდან ადგილი“, - ასე გამოეხმაურა საქართველოს პარლამენტის იურიდიულ საკითხთა კომიტეტის თავმჯდომარე ანრი ოხანაშვილმა ოპოზიციის კრიტიკას პლენარულ სხდომაზე „საზოგადოებრივი ჯანმრთელობის შესახებ“ კანონპროექტთან დაკავშირებით.

ანრი ოხანაშვილის განცხადებით, ვერც ერთ საკითხზე, რომელსაც ოპოზიცია კითხვის ნიშნის ქვეშ აყენებს, ისინი არგუმენტს ვერ წარმოადგენენ.

მისივე თქმით, ეს პროექტი ემსახურება საზოგადოებრივი ჯანმრთელობის დაცვას, ეს პროექტი არის დროებითი ღონისძიებების შესახებ, რომელიც „ქართული ოცნების“ გუნდმა და მთავრობამ საზოგადოების ჯანმრთელობის დაცვის მიზნით უნდა გაატაროს.

„დაისვა საკითხი, რომ თურმე საგანგებო ვითარების მსგავს მდგომარეობას ვაცხადებთ, თურმე ამას გამოიყენებს ბოროტად მთავრობა, თურმე არის რისკები და პირდაპირ ავტოკრატიის შემოღება ხდება და მგავსი პოლიტიკური არაკორექტული და სრულიად უპასუხისმგებლო განცხადებები. ვფიქრობ, თქვენ მართლა გგონიათ, რომ კონსტიტუციის და კანონის დაცვა მარტო პარლამენტს ეხება და მთავრობას - არა. წარმოადგინეთ ერთი კონკრეტული ფაქტი და შემთხვევა, სად გამოიყენა მთავრობამ ბოროტად უფლებამოსილება, სად არ მოხდა ადამიანის ფუნდამენტური უფლებების დაცვა კონსტიტუციის შესაბამისად? ასეთს ვერ წარმოადგენთ.

რაც შეეხება იმ იდეას და იმ პროექტს, რომელიც წარმოადგინა ბატონმა დიმიტრიმ, ეს არის ჩვენი საზოგადოების ჯანმრთელობის დაცვის ლეგიტიმური მიზნით განპირობებული. სხვა მიზანი ამ პროექტს არ გააჩნია. ამ პროექტს, რომელიც დღემდე მოქმედებს, კი ერქვა და ქვია უფლებების შეზღუდვასთან დაკავშირებული საკითხების მოწესრიგება, მაგრამ რეალურად, ჩვენ ამ კანონის მოქმედების ფარგლებში არა თუ უფრო შევზღუდეთ უფლებები, პირიქით, კიდევ უფრო გავხსენით მთელი რიგი საქმიანობა. შევამსუბუქეთ ეს შეზღუდვები და ამით ნათლად დასტურდება, რომ არავის მიზანი არაა დამატებითი შეზღუდვები და რეგულაციები. ერთადერთი მიზანი და პასუხისმგებლიანი ხელისუფლების ამოცანა და პირდაპირი მოვალეობაა, ფაქტის და რისკის წინაშე არა დააყენოს საზოგადოებრივი ჯანმრთელობა. ჩვენ ისიც ძალიან კარგად ვიცით, რომ ჩვენი ოპოზიციონერი ზოგიერთი კოლეგა ბრიფინგებს ატარებდა, როგორი მოუმზადებელი ხვდებოდა საქართველო. თურმე შედეგის თვალსაზრისით ერთ-ერთი წარმატებული და მომზადებული ქვეყანა აღმოჩნდა ევროპის და მსოფლიოს მასშტაბით საქართველო“, - განაცხადა ანრი ოხანაშვილმა.

მისვე განცხადებით, ოპოზიცია ვერ დაასახელებს ვერც ერთ უფლებას, რომლის შეზღუდვაც შესაძლოა დაჭირდეს მთავრობას, რომელიც საქართველოს კონსტიტუციის შესაბამისად არ შეიძლება შეიზღუდოს.

„აქ არ არის საუბარი არჩევნებთან დაკავშირებული უფლებების შეზღუდვაზე. ამას არ ვეხებით. ჩვენი ამოცანაა და ეუთო/ოდირის რეკომენდაციების შესაბამისად იმიტომ განვახორციელეთ საარჩევნო კანონმდებლობაში უპრეცედენტო ცვლილებები, რომ დემოკრატიის მაღალი სტანდარტით და მაქსიმალურად გამჭვირვალედ წარვმართოთ ეს პროცესი. ამიტომ, არანაირი ინტერესი არ გვაქვს იმის, რომ რაიმე ფორმით თქვენ მოგცეთ საბაბი საუბრის და შემოდავების, რომ თითქოს არჩევნებთან დაკავშირებით ვინმე რამეს გეგმავს. არანაირად. ჩვენი ამოცანაა უსაფრთხოდ, მაღალი დემოკრატიის სტანდარტით, მშვიდად ჩავატაროთ არჩევნები“, - განაცხადა ანრი ოხანაშვილმა.

ყველა სიახლე

05 აგვისტო 2020, 10:53

საზოგადოება

გორის პროფესიული კოლეჯი „განთიადი“ სოფლის მეურნეობის მიმართულებით დუალურ პროგრამას ახორციელებს

საქართველოს განათლების, მეცნიერების, კულტურისა და სპორტის მინისტრის მოადგილე თამარ ქიტიაშვილმა გორის პროფესიულ კოლეჯში „განთიადი“ აგრარული მიმართულების დუალური პროგრამების განხორციელებაში ჩართულ პარტნიორ დამსაქმებლებთან სამუშაო შეხვედრა გამართა. შეხვედრის მიზანს წარმოადგენდა არსებული თანამშრომლობის შეფასება, სამომავლო გეგმების განხილვა და ახალი დუალური პროგრამების დანერგვის საჭიროებებზე მსჯელობა.

ირაკლი კობახიძე

05 აგვისტო 2020, 10:52

პოლიტიკა

ირაკლი კობახიძე: ჩვენ გვაქვს ფუნდამენტური პროგრესი ყველა მიმართულებით

2012 წლის შემდეგ განვლილი წლების განმავლობაში ჩვენ გვაქვს ფუნდამენტური ცვლილებები ყველა მიმართულებით მიუხედავად იმისა, რომ სერიოზული პრობლემები და გამოწვევები რჩება. ჩვენ გვაქვს ფუნდამენტური პროგრესი ყველა მიმართულებით, - განაცხადა „ქართული ოცნების“ აღმასრულებელმა მდივანმა, ირაკლი კობახიძემ „რუსთავი 2“-ის ეთერში.

05 აგვისტო 2020, 10:41

COVID19

აჭარაში კორონავირუსით ინფიცირებულთა რაოდენობა ექვსით გაიზარდა

აჭარის ჯანდაცვის სამინისტროს ინფორმაციით, 4 გუშინდელი დადასტურებულის შემთხვევის, 51 წლის კაცის კონტაქტია და 2 კი თურქი მძღოლი, რომლებიც თავიანთი სურვილით მკურნალობას თურქეთში გააგარძელებენ.

05 აგვისტო 2020, 10:34

საზოგადოება

აუდიტის სამსახურმა პოლიტიკური ფინანსების მონიტორინგის დეპარტამენტის განახლებული ვებ-გვერდის პრეზენტაცია გამართა

პოლიტიკური ფინანსების მონიტორინგის მიმდინარე სტატუსი და საარჩევნო კამპანიისა და პოლიტიკური ფინანსების მარეგულირებელ კანონმდებლობაში განხორციელებული ცვლილებების მნიშვნელოვანი ასპექტები განიხილეს თბილისში გამართულ მაღალი დონის საინფორმაციო შეხვედრაზე. შეხვედრა გახსნა საქართველოს სახელმწიფო აუდიტის სამსახურის გენერალურმა აუდიტორმა, ირაკლი მექვაბიშვილმა და ევროპის საბჭოს ოფისის ხელმძღვანელის მოადგილემ საქართველოში, ვაჰაგ მურადიანმა.

ანრი ოხანაშვილი

05 აგვისტო 2020, 10:19

პოლიტიკა

ანრი ოხანაშვილი: ყველაფერს ვაკეთებთ, რომ საქართველოში არჩევნები გამჭვირვალე, სამართლიან და მაღალი დემოკრატიის პირობებში ჩატარდეს

„ჩვენ მათ მივაწვდით ყველა იმ ინფორმაციას რომელიც მათი ინტერესის საგანია და შევთავაზებთ, რომ რაც შეიძლება მეტი დამკვირვებელი იყოს წარმოდგენილი. ჩვენი გუნდისთვის პრინციპულად მნიშვნელოვანია იმ მაღალი რეიტინგის პირობებში, რომელიც „ქართულ ოცნებას“ დღეს აქვს, რაც შეიძლება გამჭვირვალედ წარიმართოს საარჩევნო პროცესი, რადგან გვაქვს მოლოდინი, რომ დესტრუქციული, კრიმინალური ოპოზიციური ჯგუფები შეეცდებიან ბინძური კამპანია აწარმოონ და შესაბამისად ამისთვის გვჭირდება საერთაშორისო პარტნიორების, ორგანიზაციების მაქსიმალური ჩართულობა“, - განაცხადა ანრი ოხანაშვილმა.

ირაკლი კობახიძე

05 აგვისტო 2020, 10:17

პოლიტიკა

ირაკლი კობახიძე: „ნაცმოძრაობა“ არ არის მწვავე კრიტიკოსი, არამედ დესტრუქციული და ანტისისტემური პოლიტიკური ძალაა

„ეს არჩევნები იქნება საკვანძო იმ თვალსაზრისით, რომ სივრცეს, რომელსაც ,,ნაციონალური მოძრაობა" ხელოვნურად იკავებდა, ჯანსაღი ოპოზიციური ძალები ჩაანაცვლებენ. თუმცა, ამას გარკვეული დრო დასჭირდება. სამწუხაროდ, ჯერჯერობით კვლევებში ისევ ჩანს, რომ მეორე ადგილს კვლავ ,,ნაციონალური მოძრაობა" იკავებს, თუმცა ვხედავთ, რომ სულ უფრო მეტად იზრდება დაშორება „ქართულ ოცნებისა“ და „ნაციონალური მოძრაობის“ რეიტინგებს შორის“, - განაცხადა „ქართული ოცნების“ აღმასრულებელმა მდივანმა, ირაკლი კობახიძემ „რუსთავი 2“-ის ეთერში.

05 აგვისტო 2020, 09:55

COVID19

საქართველოში კორონავირუსის 15 ახალი შემთხვევა დადასტურდა, გამოჯანმრთელდა 12 ადამიანი

საქართველოში კორონავირუსის კიდევ 15 ახალი შემთხვევა გამოვლინდა, გამოჯანმრთელდა 12 ადამიანი. მონაცემები stopcov.ge-ზე ახლახან განახლდა.

05 აგვისტო 2020, 09:44

სამართალი

პოლიციამ თბილისში გენდერული იდენტობის ნიშნით ძალადობის ფაქტზე ერთი ადამიანი დააკავა

შინაგან საქმეთა სამინისტროს თბილისის პოლიციის დეპარტამენტის ძველი თბილისის მთავარი სამმართველოს თანამშრომლებმა, ჩატარებული ოპერატიულ და საგამოძიებო ღონისძიებების შედეგად, 1992 წელს დაბადებული ე.ჩ. დააკავეს. მას ბრალად ედება ორი ან მეტი პირის მიმართ ჩადენილი ძალადობა. დანაშაული 2 წლამდე ვადით თავისუფლების აღკვეთას ითვალისწინებს.

სტივენ უომაკი

05 აგვისტო 2020, 09:31

პოლიტიკა

სტივენ უომაკი: 12 წლის წინ, რუსეთი საქართველოში შეიჭრა და კრემლი, მსგავსი სახის აგრესიულ აქტებს კვლავ ახორციელებს ევროპაში

რესპუბლიკელი კონგრესმენი არკანზასის შტატიდან, სტივენ უომაკი 2008 წლის აგვისტოს ომს Twitter-ზე ეხმიანება. „12 წლის წინ, რუსეთი საქართველოში შეიჭრა და კრემლი, მსგავსი სახის აგრესიულ აქტებს კვლავ ახორციელებს ევროპაში. შეერთებულმა შტატებმა და საქართველომ ააშენეს ძლიერი პარტნიორობა და დემოკრატიის გზაზე ჩვენ მათ გვერდით ვდგავართ. ჩვენ ყოველმხრივ უნდა ვუპასუხოთ რუსეთის აგრესიას“, - წერს კონგრესმენი.

ჯონ კატკო

05 აგვისტო 2020, 09:15

პოლიტიკა

ჯონ კატკო: რუსეთის შეჭრა განხორციელდა არამხოლოდ ბრძოლის ველზე, არამედ საქართველოს კიბერსივრცეშიც, ჩვენი მოკავშირის მზადყოფნის გაძლიერება დახმარების გაწევით უნდა მოხდეს

რესპუბლიკელი კონგრესმენი ნიუ-იორკის შტატიდან, ჯონ კატკო, 2008 წლის აგვისტოს ომს Twitter-ზე ეხმიანება: „ამ კვირაში აღინიშნება რუსეთის საქართველოში შეჭრის მე-12 წლისთავი. საქართველოს ტერიტორიის შემდგომი ანექსია და მიმდინარე ოკუპაცია წარმოადგენს მკაფიო შეხსენებას უცხოეთში, ჩვენს დემოკრატიულ მოკავშირეებთან პარტნიორობის საჭიროების შესახებ, რომელთაგან ბევრი დამოკიდებულია შეერთებული შტატების დახმარებაზე მტრულად განწყობილ სახელმწიფოებთან ბრძოლაში“, - წერს კონგრესმენი სოციალურ ქსელში.

გიორგი გორგასლიძე

05 აგვისტო 2020, 09:01

სპორტი

საქართველოს რაგბის კავშირს მომდევნო ოთხი თვე გიორგი გორგასლიძე უხელმძღვანელებს

საქართველოს რაგბის კავშირს მომდევნო ოთხი თვის განმავლობაში, გიორგი გორგასლიძე უხელმძღვანელებს. გამგეობის წევრებმა გოჩა სვანიძის განცხადება გადადგომის თაობაზე დააკმაყოფილეს, უფლებამოსილება შეუჩერეს და კავშირის პრეზიდენტის მოვალეობის შემსრულებლად გორგასლიძე დაამტკიცეს, რომელიც აქამდე ვიცე-პრეზიდენტის თანამდებობაზე მუშაობდა.

05 აგვისტო 2020, 08:49

რეგიონი

ლაგოდეხის სოფლებში სტიქიის სალიკვიდაციო სამუშაოები მიმდინარეობს

ლაგოდეხის მუნიციპალიტეტში მეორე დღეა სტიქიის სალიკვიდაციო სამუშაოები მიმდინარეობს. ადგილზე მუშაობს მძიმე ტექნიკა. პარალელურად, სტიქიის შედეგად მიყენებული ზარალს სპეციალური კომისია ითვლის.

05 აგვისტო 2020, 08:39

სამართალი

თამარ ბაჩალიაშვილის საქმეში FBI-ის ექსპერტების ჩართვის საკითხზე დღეს შსს-ში ოჯახის წევრებთან შეხვედრა გაიმართება

თამარ ბაჩალიაშილის ოჯახის გადაწყვეტილებით, შსს-ში საქმეში FBI-ის ექსპერტების ჩართვის საკითხზე შეხვედრა დღეს 11:00 საათზე გაიმართება. ეს ბაჩალიაშილის მშობლების კიდევ ერთი განცხადებაა, რომელიც შინაგან საქმეთა სამინისტრომ გაითვალისწინა. მანამდე ვახტანგ გომელაურის გადაწყვეტილებით, ბაჩალიაშვილის საქმის გამოძიება ქვემო ქართლის პოლიციის დეპარტამენტიდან, თბილისში ცენტრალური კრიმინალური პოლიციის დეპარტამენტს გადაეცა.

05 აგვისტო 2020, 08:23

საზოგადოება

დღეიდან საქართველოსა და ლატვიას შორის რეგულარული საჰაერო მიმოსვლა განახლდება

საქართველოსა და ლატვიის დედაქალაქებს შორის რეგულარული საჰაერო მიმოსვლა დღეიდან განახლდება. ამის შესახებ ინფორმაციას ეკონომიკისა და მდგრადი განვითარების სამინისტრო ავრცელებს. 2020 წლის აგვისტოდან საქართველოდან შესრულდება როგორც კომერციული ჩარტერები, ასევე რეგულარული ფრენები უსაფრთხო დერეფნების ფარგლებში.

მცხეთის რაიონული სასამართლო

05 აგვისტო 2020, 08:14

სამართალი

გიორგი შაქარაშვილის საქმეზე ბრალდებული 6 არასრულწლოვნის სასამართლო პროცესი დღეს გაიმართება

გარდაცვლილი ფეხბურთელის გიორგი შაქარაშვილის საქმეზე დაკავებული 6 არასრულწლოვნის საქმეზე წინასასამართლო სხდომა დღეს გაიმართება. სასამართლო პროცესი მცხეთის რაიონულ სასამართლოში 14:00 საათზე ჩატარდება. სხდომა გასულ პროცესზე მტკიცებულებების დასაშვებობის ეტაპზე გადაიდო. გადაისინჯა დაკავებულების მიმართ აღკვეთის ღონისძიების სახით შეფარდებული პატიმრობა და ძალაში დარჩა.

05 აგვისტო 2020, 08:06

მსოფლიო

ბეირუთში აფეთქების შედეგად დაღუპულთა რაოდენობა 78-მდე გაიზარდა, დაშავდა 4 000 ადამიანი

ლიბანის დედაქალაქ ბეირუთის პორტში მომხდარი აფეთქების შედეგად დაღუპულთა რაოდენობა 78-მდე გაიზარდა, დაშავებულია 4 000 ადამიანი. ინფორმაციას aljazeera ლიბანის ჯანდაცვის მინისტრზე დაყრდნობით ავრცელებს.

05 აგვისტო 2020, 07:57

რეგიონი

„ლესის“ სარკინიგზო გადასასვლელზე ავტოტრანსპორტის მოძრაობა შეიზღუდა

„ლესის“ სარკინიგზო გადასასვლელზე ავტოტრანსპორტის მოძრაობა შეიზღუდა. ავტოტრანსპორტის მოძრაობის შეზღუდვის მიზეზი სარკინიგზო გადასასვლელის საავტომობილო გზის მისასვლელებთან ორივე მხარეს დაზიანებული ასფალტ-ბეტონის საფარის აღდგენის სამუშაოების წარმოებაა.

05 აგვისტო 2020, 01:05

ტაბლოიდი

აშშ-ში ქორწილი ჩაშალა ქალმა, რომელიც ყვიროდა, რომ სასიძოსგან ორსულადაა

აშშ-ში, დეტროიტში ქორწილი მას შემდეგ ჩაიშალა, რაც ცერემონიის არასასურველმა სტუმარმა დაიწყო ყვრილი, რომ სასიძოსგან ორსულადაა. ინტერნეტში გავრცელებულ ვიდეოში ჩანს, რომ ქალი ფიცის დადების დროს სცენაზე ადის და სასიძოს უყვირის, მოძღვარი კი ცდილობს, ამის მიუხედავად, ფიცის ტექსტის კითხვა განაგრძოს.

05 აგვისტო 2020, 01:00

მსოფლიო

ბოლო მონაცემებით, ბეირუთში აფეთქებას სულ მცირე 63 ადამიანი ემსხვერპლა, ხოლო 3 ათასზე მეტი - დაშავდა

ბეირუთის პორტში მომხდარი აფეთქების შედეგად გარდაცვლილთა და დაშავებულთა რიცხვი გაიზარდა. ბოლო მონაცემებით, გარდაცვლილთა რიცხვი 63-მდე გაიზარდა. სამი ათასზე მეტი ადამიანი დაშავებულია.

გარფილდი კატა

05 აგვისტო 2020, 00:50

ტაბლოიდი

ინგლისში გაჩუქებულმა კატამ სახლში დასაბრუნებლად 64 კილომეტრი გაიარა

„ეს საოცარი იყო. მიყურებდა და ტიროდა. ჯერ ვერ დავიჯერე, რომ გარფილდი იყო. ლესა კართან მივიდა, დაუძახა, კატა კი ხელებში ჩაუხტა. ჩვენს საპოვნელად 64 კილომეტრი გაიარა. არ მესმის როგორ მოახერხა სახლში დაბრუნება კატამ, რომელიც ქუჩაში არასოდეს გასულა“, - ამბობს ნილ პეინი.