მამუკა მდინარაძე: Edison Research-ის კვლევის ალოკაციის გარეშე გამოცხადების ერთადერთი მიზანი საზოგადოებრივი აზრით მანიპულირებაა

კვლევის ალოკაციის გარეშე გამოცხადების ერთადერთი მიზანი და მიზეზი იყო საზოგადოებრივი აზრით მანიპულირება, რომ „ქართული ოცნების“ მხარდამჭერებში რაღაცნაირად ჩააქრონ მუხტი, მაგრამ, საბედნიეროდ, ეს ასე არ ხდება, - ამის შესახებ პარლამენტის თავმჯდომარის მოადგილემ, მამუკა მდინარაძემ „დღის ქრონიკასთან“ საუბრისას განაცხადა

ისევ ქართული საველე სამუშაოების ჩამტარებელი ორგანიზაციები, „აი-პი-ემი“ და CRS-ი, ყველამ იცის, რომ ორივე „ნაცმოძრაობის“ სატელიტიც არა, მათი ორგანიზაციებია. ისინი ამას სპეციალურად აქვეყნებენ ასეთი მონაცემებით: ალოკაციის გარეშე აქვეყნებენ მხოლოდ „ქართული ოცნების“ მონაცემებს. იგივე კვლევაში, „ნაცმოძრაობისა“ და სხვა პარტიების მონაცემები ალოკაციის გარეშე არ იყო. რეალურ მონაცემებს ემთხვევა Edison Research-ის კვლევა, ოღონდ , ჩვენი რეიტინგი - ალოკაციის გარეშე და ყველა დანარჩენის - ალოკაციით. წარმოიდგინეთ მანიპულირების ხარისხი ქართული საველე სამუშაოების ჩამტარებელი ორგანიზაციის მიერ. ქართული საზოგადოება არის ძალიან ბრძენი, ძალიან გაიზარდა და კარგად ხვდება. თუ ადრე იყო მხოლოდ სამი ტელევიზია და „ნაცმოძრაობის“ პროპაგანდისთვის მუშაობდნენ, დღეს სატელევიზიო სფერო მრავალფეროვანია. უყურებენ ოპოზიციურ არხებსაც, სადაც არის ტყუილი, სპეკულაციები, მოგონილი ამბები, უყურებენ სხვა საშუალებებსაც და დასკვნა გამოაქვს ძალიან სწორი. სწორედ ამის შედეგია, რომ 60%-ს უახლოვდება „ქართული ოცნების რეიტინგი“ - განაცხადა მამუკა მდინარაძემ.