imedi /  10 სექტემბერი 2020, 20:31 / სანდო წყარო

„ქართული ოცნების“ საარჩევნო სიის ოცეული ცნობილია

„ქართული ოცნების“ საარჩევნო სიის ოცეული ცნობილია. მმართველმა გუნდმა პრეზენტაცია ცოტა ხნის წინ გამართა.

პარტიის საარჩევნო სიის პირველ ოცეულში იქნებიან:

1. გიორგი გახარია; 2. არჩილ თალაკვაძე; 3. ირაკლი კობახიძე; 4. თეა წულუკიანი; 5. მამუკა მდინარაძე; 6. კახა კუჭავა; 7. გიორგი კახიანი; 8. მარიამ ქვრივიშვილი; 9. მიხეილ სარჯველაძე; 10. მაია ბითაძე; 11. მიხეილ დაუშვილი; 12. გიორგი ამილახვარი; 13. ვიქტორ სანიკიძე; 14. მაკა ბოჭორიშვილი; 15. შალვა პაპუაშვილი; 16. დავით კაჭარავა; 17. ნიკოლოზ სამხარაძე; 18. გიორგი ხელაშვილი; 19. მარიამ ლაშხი; 20. ბექა დავითულიანი.

„ქართული ოცნება“ არ ასახელებს პრემიერ-მინისტრობის კანდიდატს, ჩვენ ვასახელებთ მომავალ პრემიერ-მინისტრს.

ადამიანს, რომელსაც საუკეთესოდ გამოარჩევს სწორედ პატრიოტიზმი და პროფესიონალიზმი, რომელსაც აქვს ლიდერობისა და მართვის გამორჩეული უნარი. სწორედ გიორგი გახარიას პრემიერ-მინისტრობა ჭირდება ჩვენს ქვეყანას იმისათვის, რომ საბოლოოდ წარმატებით დაძლიოს პანდემით გამოწვეული პრობლემები და განაგრძოს სწრაფი განვითარების გზა ჩვენი ქვეყნისა და ხალხის საკეთილდღეოდ.

„ქართული ოცნების“ საპარლამენტო სიის მეორე ნომერი იქნება არჩილ თალაკვაძე, რომელიც წარმატებით განაგრძობს პარლამენტის თავმჯდომარის უფლებამოსილების განხორციელებას მომდევნო, მეათე მოწვევის პარლამენტში.

შეგახსენებთ, რომ არჩილი 2012 წლიდან არის „ქართული ოცნების“ პოლიტიკური გუნდის წევრი. სხვადასხვა დროს იყო, სასჯელაღსრულებისა და პრობაციის მინისტრის მოადგილე, შინაგან საქმეთა მინისტრის მოადგილე და საპარლამენტო უმრავლესობის ლიდერი. 2018 წლიდან კი, არჩილ თალაკვაძე წარმატებით უძღვება საქართველოს პარლამენტის მუშაობას.

„ქართული ოცნების“ სიის მესამე ნომერი გახლავთ თბილისის სახელმწიფო უნივერსიტეტისა და დიუსელდორფის უნივერსიტეტის სამართლის მაგისტრი, დიუსელდროფის უნივერსიტეტის სამართლის დოქტორი, თბილისის სახელმწიფო უნივერსიტეტის პროფესორი, ევროპის საბჭოს საპარლამენტო ასამბლეის ვიცე-პრეზიდენტი, აქ შევჩერდები, ბევრს არ გავაგრძელებ, გახლავართ მე , ირაკლი კობახიძე, სიის მესამე ნომერი.

მეოთხე „ქართული ოცნების“ საარჩევნო სიაში გახლავთ თეა წულუკიანი. თეა წულუკიანს განათლება მიღებული აქვს თბილისის სახელმწიფო უნივერსიტეტში, საგარეო საქმეთა სამინისტროს დიპლომატიის აკადემიასა და საფრანგეთის სახელმწიფო მართვის სკოლაში. წლების მანძილზე, მათ შორის სტრასბურგის სასამართლოდან, ის აქტიურად იბრძოდა საქართველოში ადამიანის უფლებებისა და დემოკრატიის დასაცავად. თეა წულუკიანი არის საქართველოს მთავრობის ერთადერთი წევრი, რომელსაც 2012 წლიდან აქვს მინისტრობის უწყვეტი სტაჟი. მისი მინისტრობის პერიოდში, განხორციელდა არაერთი ფუნდამენტური მნიშვნელობის რეფორმა. მას მიუძღვის მნიშვნელოვანი წვლილი საქართველოს მიერ ევროკავშირთან თავისუფალი მიმოსვლის რეჟიმის მიღების საქმეში. თეა არის გამორჩეული პოლიტიკური, მენეჯერული და ექსპერტული გამოცდილების მქონე ადამიანი, რომელიც განსაკუთრებული შენაძენი იქნება საქართველოს პარლამენტისთვის.

წარმოგიდგენთ საარჩევნო სიის მეხუთე ნომერს, პარლამენტის თავმჯდომარის მოადგილეს და საპარლამენტო უმრავლესობის ლიდერს, სამართლის დოქტორს, მამუკა მდინარაძეს. მეცხრე მოწვევის პარლამენტში მამუკას განსაკუთრებული წვლილი შექონდა პოლიტიკური პროცესების მართვასა და ჩვენი საპარლამენტო გუნდის გაძლიერებაში და ის აქტიურად და ჩვეული გამორჩეული ენერგიით განაგრძობს ამ ფუნქციის შესრულებას მეათე მოწვევის პარლამენტში.

ჩვენი საარჩევნო სიის მეექვსე ნომერი გახლავთ „ქართული ოცნების“ საერთაშორისო მდივანი, პარლამენტის თავმჯდომარის მოადგილე, კახა კუჭავა. კახას ზურგს უმაგრებს თბილისის სახელმწიფო უნივერსიტეტსა და ნოტინგემის სამართლის სკოლაში მიღებული განათლება, წარმატებული გამოცდილება იურიდიული საქმიანობის, ბიზნესის, გარემოს დაცვისა და საგარეო ურთიერთობების სფეროში. გასული წლების განმავლობაში, კახა მიიწვია არაერთმა ევროპულმა პარლამენტმა მის მიერ საქართველოს პარლამენტის გარემოს დაცვისა და ბუნებრივი რესურსების კომიტეტში დამკვიდრებული ინიციატივების შესახებ გამოცდილების გაზიარების მიზნით. კახა კუჭავა მნიშვნელოვან წვლილს შეიტანს ჩვენი ქვეყნისა და პარტიის საგარეოპოლიტიკური ამოცანების შესრულებაში მეათე მოწვევის პარლამენტში.

„ქართული ოცნების“ საარჩევნო სიის მეშვიდე ნომრად წარმოგიდგენთ გიორგი კახიანს. გაგა არის საქართველოს პარლამენტის თავმჯდომარის მოადგილე, „ქართული ოცნების“ საპარლამენტო გუნდის წევრი 2013 წლიდან. გაგა არის სამართლის დოქტორი, თბილისის სახელმწიფო უნივერსიტეტის ასოცირებული პროფესორი და დღემდე გადასცემს ცოდნას უნივერსიტეტის სტუდენტებს. გიორგი კახიანის მრავალწლიანი საპარლამენტო გამოცდილება გააძლიერებს ჩვენს პოლიტიკურ გუნდს შემდეგი მოწვევის პარლამენტშიც.

ნომერი რვა „ქართული ოცნების“ საპარლამენტო სიაში გახლავთ ტურიზმის ეროვნული ადმინისტრაციის ხელმძღვანელი, მარიამ ქვრივიშვილი. მარიამს განათლება მიღებული აქვს ESM-ში, შავი ზღვის საერთაშორისო უნივერსიტეტსა და ბერკლის უნივერსიტეტში. მას აქვს ძალზე წარმატებული გამოცდილება კერძო კომპანიების მართვასა და სახელმწიფო მმართველობის სფეროში. გარდა ამისა, მარიამმა განსაკუთრებული წვლილი შეიტანა კოვიდის წინააღმდეგ ბრძოლაში, განსაკუთრებით - საკარანტინო სივრცეების უზრუნველყოფასა და ეფექტიან მართვაში. მარიამ ქვრივიშვილი იქნება მნიშვნელოვანი შენაძენი ჩვენი საპარლამენტო გუნდისთვის ეკონომიკური და საგარეო ურთიერთობების მიმართულებით.

ჩვენი საპარლამენტო სიის მეცხრე ნომერია საქართველოს იუსტიციის მინისტრის პირველი მოადგილე, მიხეილ სარჯველაძე. მიხეილ სარჯველაძე არის გამორჩეული კვალიფიკაციის მქონე იურისტი ხანგრძლივი და წარმატებული საადვოკატო გამოცდილებით. 2013 წელს ის შემოუერთდა „ქართული ოცნების“ პოლიტიკურ გუნდს იუსტიციის მინისტრის მოადგილის რანგში და უმნიშვნელოვანესი წვლილი შეიტანა იმ ფუნდამენტურ რეფორმებში, რომლებიც იუსტიციის სფეროში განხორციელდა. მიხეილ სარჯველაძე მნიშვნელოვნად გააძლიერებს ჩვენს საპარლამენტო გუნდს იურიდიული მიმართულებით.

„ქართული ოცნების“ საარჩევნო სიის მეათე ნომრად წარმოგიდგენთ მაია ბითაძეს. მაია ბითაძე არის სამართლის დოქტორი, სამართლის და გარემოს დაცვის საკითხების გამორჩეული სპეციალისტი. მას აქვს საერთაშორისო ორგანიზაციებში, სახელმწიფო მმართველობასა და უნივერსიტეტებში მუშაობის ხანგრძლივი და წარმატებული გამოცდილება. მაია ბითაძე ორგზის იქნა არჩეული გაეროს ევროპის ეკონომიკური კომისიის ,,ორჰუსის“ კომისიის ბიუროს თავმჯდომარედ. არის თბილისის სახელმწიფო უნივერსიტეტის ასოცირებული პროფესორი, არაერთი სამეცნიერო ნაშრომის ავტორი. მაია 2014 წელს შემოუერთდა „ქართული ოცნების“ პოლიტიკურ გუნდს გარემოს დაცვის მინისტრის მოადგილის რანგში, 2017 წლიდან კი - თბილისის მერის მოადგილის თანამდებობას იკავებს. ამ პოსტზე, ის არაერთი მნიშვნელოვანი პროექტის ინიციატორი და განმახორციელებელი იყო. მაია ბითაძე მნიშვნელოვნად გააძლიერებს „ქართული ოცნების“ გუნდს გარემოს დაცვისა და იურიდიული მიმართულებით.

ჩვენი საპარლამენტო სიის მეთერთმეტე ნომერი გახლავთ მიხეილ დაუშვილი. მიხეილ დაუშვილს აქვს კერძო სექტორსა და სახელმწიფო მმართველობის სფეროში მუშაობის წარმატებული გამოცდილება. 2019 წლიდან ის იკავებს ბიზნესომბუდსმენის თანამდებობას, სახელისუფლებო გუნდთან ერთად, აქტიურად იყო ჩართული პანდემიის მართვაში. მიხეილ დაუშვილი მნიშვნელოვნად გააძლიერებს „ქართული ოცნების“ გუნდს იურიდიული და ეკონომიკური მიმართულებით.

„ქართული ოცნების“ საპარლამენტო სიაში მეთორმეტე ნომრად წარმოგიდგენთ გიორგი ამილახვარს. გიორგის განათლება და აკადემიური გამოცდილება მიღებული აქვს თბილისის სახელმწიფო უნივერსიტეტში, აგრეთვე ამერიკის შეერთებულ შტატებში - ალამოს უმაღლეს სკოლაში და გერმანიაში - მაქს პლანკის სამართლის კვლევით ინსტიტუტში. გიორგი არის სამართლის დოქტორი და ბიზნესის ადმინისტრირების მაგისტრი. გიორგის აქვს კერძო სექტორში, სახელმწიფო მმართველობასა და უნივერსიტეტებში მუშაობის ძალზე წარმატებული გამოცდილება. დღემდე ის არის თბილისის ღია უნივერსიტეტის რექტორი და ასოცირებული პროფესორი. გიორგი ამილახვარი იქნება უმნიშვნელოვანესი შენაძენი ჩვენი საპარლამენტო გუნდისთვის იურიდიული და განათლების მიმართულებით.

„ქართული ოცნების“ საპარლამენტო სიის მეცამეტე ნომერია ვიქტორ სანიკიძე. ვიქტორი ასევე 13 ნომერი იყო ჩვენი ქვეყნის საკალათბურთო ნაკრებში. მან წარმატებული, შედეგიანი და ეფექტური თამაშით უამრავი სიხარული აჩუქა ქართველ გულშემატკივარს. ვიქტორს მიღებული აქვს მრავალი სპორტული ჯილდო, მათ შორის არის საფრანგეთის თასის მფლობელი, იტალიის ჩემპიონი და თასის მფლობელი. ვიქტორ სანიკიძე საქართველოს ნაკრების ღირსებას სამ ევროპის ჩემპიონატზე იცავდა. ვიქტორ სანიკიძე დეპუტატის რანგში განაგრძობს ზრუნვას ქართული სპორტის განვითარებასა და ახალგაზრდებში ჯანსაღი ცხოვრების წესის დამკვიდრებაზე.

ნომერი თოთხმეტი „ქართული ოცნების“ სიაში გახლავთ მაკა ბოჭორიშვილი. მაკას განათლება მიღებული აქვს თბილისის სახელმწიფო უნივერსიტეტში, აგრეთვე საერთაშორისო და სტრატეგიული კვლევის ევროპულ ცენტრში, ბელგიაში.

მაკა ბოჭორიშვილს აქვს ხანგრძლივი და წარმატებული დიპლომატიური გამოცდილება. სხვადასხვა დროს, ის იყო საგარეო საქმეთა სამინისტროს ევროპასთან ინტეგრაციის დეპარტამენტის დირექტორის მოადგილე, ეუთოსა და ავსტრიაში საქართველოს ელჩის მოადგილე და ელჩის მოვალეობის შემსრულებელი. დღემდე მაკა იკავებდა ევროკავშირში, ბელგიასა და ლუქსემბურგში საქართველოს ელჩის მოადგილის თანამდებობას. მაკა ბოჭორიშვილი მნიშვნელოვნად გააძლიერებს „ქართული ოცნების“ საპარლამენტო გუნდს საგარეო ურთიერთობების მიმართულებით.

„ქართული ოცნების“ საპარლამენტო სიის მეთხუთმეტე ნომერია შალვა პაპუაშვილი. შალვა არის გამორჩეული კვალიფიკაციის მქონე იურისტი. მან იურიდიული განათლება და მაგისტრის ხარისხი მიიღო თბილისის სახელმწიფო უნივერსიტეტსა და ზაარლანდის უნივერსიტეტში, ხოლო 2012 წელს გერმანიაში, ზაარლანდის უნივერსიტეტში დაიცვა სადოქტორო დისერტაცია. შალვა პაპუაშვილს აქვს საერთაშორისო ორგანიზაციებსა და უნივერსიტეტებში მუშაობის მრავალწლიანი წარმატებული გამოცდილება. არის ასოცირებული პროფესორი, წლების მანძილზე ხელმძღვანელობდა გერმანიის საერთაშორისო თანამშრომლობის საზოგადოების სამართლის პროგრამას საქართველოში. შალვა პაპუაშვილი მნიშვნელოვნად გააძლიერებს „ქართული ოცნების“ საპარლამენტო გუნდს იურიდიული და საგარეო ურთიერთობების მიმართულებით.

„ქართული ოცნების“ საპარლამენტო სიის მეთექვსმეტე ნომერია საქართველოს რაგბის ეროვნული ნაკრების გამორჩეული ლიდერი, გამორჩეული გუნდური მოთამაშე - დავით კაჭარავა. დავით კაჭარავა არის მორაგბე, რომელსაც ჩატარებული აქვს ყველაზე მეტი სანაკრებო მატჩი ქართული რაგბის ისტორიაში. შესაბამისად, ის არის ქართული რაგბის მრავალწლიანი შეუქცევადი წინსვლის გამორჩეული თანაავტორი, რომელიც შედეგიანი და ეფექტური თამაშით განსაკუთრებულ სიხარულს ანიჭებდა ქართველ გულშემატკივარს. საპარლამენტო არჩევნების შემდეგ, ის ქართული სპორტის განვითარებაზე ზრუნვასა და ჯანსაღი ცხოვრების წესის ხელშეწყობას პარლამენტარის რანგში განაგრძობს.

ნომერი ჩვიდმეტი ჩვენს საპარლამენტო სიაში გახლავთ ნიკოლოზ სამხარაძე. ნიკა არის მაღალი კვალიფიკაციის მქონე საერთაშორისო ურთიერთობების სპეციალისტი. მას განათლება მიღებული აქვს თბილისის სახელმწიფო უნივერსიტეტში, აგრეთვე გერმანიასა და ამერიკის შეერთებულ შტატებში . ნიკოლოზ სამხარაძეს აქვს კერძო სექტორში, საერთაშორისო ორგანიზაციებსა და სახელმწიფო მმართველობის სფეროში მუშაობის ხანგრძლივი წარმატებული გამოცდილება. ნიკა ფლობს დოქტორის აკადემიურ ხარისხს, არის თბილისის სახელმწიფო უნივერსიტეტის ასოცირებული პროფესორი. ნიკოლოზ სამხარაძე მნიშვნელოვნად გააძლიერებს ჩვენს საპარლამენტო გუნდს საგარეო და განათლების მიმართულებით.

მეთვრამეტე ნომერი „ქართული ოცნების“ საარჩევნო სიაში - გიორგი ხელაშვილი. გიორგი არის საერთაშორისო ურთიერთობების გამორჩეული სპეციალისტი, მრავალწლიანი წარმატებული, დიპლომატიური და აკადემიური გამოცდილებით. უმაღლესი განათლება მიღებული აქვს თბილისის სახელმწიფო უნივერსიტეტსა და ოქსფორდის უნივერსიტეტში. გიორგი სხვადასხვა დროს იყო საქართველოს საგანგებო და სრულუფლებიანი დესპანი ამერიკის შეერთებულ შტატებში, თბილისის სახელმწიფო უნივერსიტეტის სოციალურ მეცნიერებათა ცენტრის დამფუძნებელი და აკადემიური პროგრამების დირექტორი, საქართველოს პარლამენტის თავმჯდომარის მრჩეველი. ამჟამად, გიორგი არის საქართველოს პარლამენტის კვლევითი ცენტრის დირექტორი, კითხულობს ლექციებს და გადასცემს ცოდნას თბილისის სახელმწიფო უნივერსიტეტის სტუდენტებს. გიორგი ხელაშვილი მნიშვნელოვნად გაამდიდრებს „ქართული ოცნების“ საპარლამენტო გუნდს საგარეო და განათლების მიმართულებით.

ჩვენი საპარლამენტო სიის მეცხრამეტე ნომერია მარიამ ლაშხი. მარიამს აქვს კერძო სექტორში, საერთაშორისო ორგანიზაციებსა და სახელმწიფო მმართველობის სფეროში მუშაობის წარმატებული გამოცდილება. დღემდე ის ასრულებდა უმნიშვნელოვანეს როლს საქართველოს ინოვაციებისა და ტექნოლოგიების სააგენტოს ეფექტიან მართვაში. მარიამი გააძლიერებს „ქართული ოცნების“ საპარლამენტო გუნდს ეკონომიკის, ინოვაციებისა და ტექნოლოგიების მიმართულებით.

„ქართული ოცნების“ საპარლამენტო სიის მეოცე ნომერი გახლავთ ბექა დავითულიანი. ბექას აქვს კერძო სექტორში, მედიასა და სახელმწიფო მმართველობის სფეროში მუშაობის ხანგრძლივი წარმატებული გამოცდილება. 2017 წელს ბექა შემოუერთდა „ქართული ოცნების“ პოლიტიკურ გუნდს, გახდა თბილისის საკრებულოს წევრი და საკრებულოში „ქართული ოცნების“ ფრაქციის თავმჯდომარე. ბექა დავითულიანი იქნება მნიშვნელოვანი შენაძენი „ქართული ოცნების“ პოლიტიკური გუნდისთვის მეათე მოწვევის პარლამენტში“- განაცხადა ირაკლი კობახიძემ, რომელმაც ოცეული წარადგინა.

საქართველოში საპარლამენტო არჩევნები 31 ოქტომბერს ჩატარდება.

ყველა სიახლე

ადამ დრაივერ ნატალი ემანუელი

18 მაისი 2022, 00:51

კულტურა

ადამ დრაივერი და ნატალი ემანუელი ფრენსის ფორდ კოპოლას ახალ პროექტში ითამაშებენ

სურათში ასევე ითამაშებენ ფორესტ უაიტტეკერი, ლორენს ფიშბერნ და ჯონ ვოიტი. პროექტის ბიუჯეტი 100 მილიონი დოლარია. რეჟისორი მას თავად აფინანსებს. ამისთვის მას თავისი ღვინის ბიზნესის ნაწილის გაყიდვა და კრედიტის აღება დასჭირდა.

ვოლოდიმირ ზელენსკი

18 მაისი 2022, 00:35

მსოფლიო

ზელენსკი კანის კინოფესტივალს: დროთა განმავლობაში სიძულვილი გაქრება და დიქტატორები მოკვდებიან

უკრაინის პრეზიდენტმა ვოლოდიმირ ზელენსკიმ საფრანგეთში, კანის 75-ე კინოფესტივალის გახსნისას აუდიტორიას სიტყვით მიმართა.

18 მაისი 2022, 00:34

საზოგადოება

იუსტიციის მინისტრმა იუსტიციის სახლის თანამშრომლებთან მომსახურების ხელმისაწვდომობის გაზრდის მიმართულებით დაგეგმილი სიახლეები განიხილა

იუსტიციის მინისტრმა იუსტიციის სახლის თანამშრომლებთან მომსახურების ხელმისაწვდომობის გაზრდის მიმართულებით დაგეგმილი სიახლეები განიხილა, - ამის შესახებ ინფორმაციას იუსტიციის სამინისტრო ავრცელებს.

მეი მასკი

18 მაისი 2022, 00:30

ტაბლოიდი

ილონ მასკის 74 წლის დედა ჟურნალის გარეკანზე საცურაო კოსტუმით გამოჩნდა

ილონ მასკის დედა, მეი მასკი ჟურნალ Sports Illustrated Swimsuit-ის გარეკანზე საცურაო კოსტუმით გამოჩნდა. ფოტოები ჟურნალის ვებგვერდზე გამოქვეყნდა.

ნედ პრაისი

18 მაისი 2022, 00:10

მსოფლიო

ნედ პრაისი: საქართველოს სტრატეგიულ პარტნიორად განვიხილავთ - ჩვენი ამოცანის ნაწილია გავაგრძელოთ საქართველოსთან პარტნიორობა

ჩვენ საქართველოს სტრატეგიულ პარტნიორად განვიხილავთ, - განაცხადა აშშ-ის სახელმწიფო დეპარტამენტის ოფიციალურმა წარმომადგენელმა, ნედ პრაისმა უწყებაში გამართულ ბრიფინგზე.

მიხეილ სარჯველაძე

17 მაისი 2022, 23:59

პოლიტიკა

მიხეილ სარჯველაძე: ვინც ოპოზიციურად განწყობილია, პასუხისმგებლობა არ უნდა შეეხოს, რაც არ უნდა უბედურება ჰქონდეს დატრიალებული?

ჩავხსნათ ჩვენი ქვეყნის სასამართლო და ვისაუბროთ, შეერთებული შტატები ან რომელიმე საელჩო როგორც შეაფასებს, ის იქნება ჩვენი სამართალი - რაღაც ინფორმაციას აგროვებენ და ამაზე დაყრდნობით აკეთებენ შეფასებებს. შეფასებისთვის მხოლოდ საჯარო ინფორმაცია და ომბუდსმენის ასეთი მიკერძოებული განცხადება კმარა? - ასე გამოეხმაურა პარლამენტის ადამიანის უფლებათა დაცვის კომიტეტის თავმჯდომარე, მიხეილ სარჯველაძე ნიკა გვარამიას საქმეზე ამერიკის შეერთებული შტატების საელჩოს განცხადებას.

17 მაისი 2022, 23:37

ტაბლოიდი

ფინეთში ქვეყნის ნატოში გაწევრიანების დაწყების აღსანიშნავად სპეციალური ლუდი გამოუშვეს 🍺

ფინეთში ქვეყნის ნატოში გაწევრიანების დაწყების აღსანიშნავად სპეციალური ლუდი გამოუშვეს - ქალაქ სავონლინაში მდებარე ლუდსახარშმა Olaf Brewing-მა გამოუშვა ლუდი Otan olutta, რომლის გაყიდვაც 16 მაისიდან დაიწყო. ამის შესახებ გამოცემა Yle წერს.

17 მაისი 2022, 23:20

საზოგადოება

გელათის ღვთისმშობლის სახელობის ტაძრის დასავლეთი მკლავის დროებითი გადახურვა დაიწყო

გელათის ტაძრის დასავლეთი მკლავის დროებითი გადახურვა დაიწყო. ექსპერტები ამბობენ, რომ პირველ რიგში, ტაძარს ნესტი უნდა მოშორდეს, წინააღმდეგ შემთხვევაში, კედლის მხატვრობა განადგურდება. სამუშაო პროცესი გასულ წელს, კულტურის სამინისტროს მიერ მოწვეულ იუნესკოს კვალიფიციურ ექსპერტებთან ერთად დაიგეგმა. პროექტის დასრულების შემდეგ, შესაძლებელი გახდება მთლიანი ტაძრის გადახურვა და აღდგენითი სამუშაოების დაწყება.

17 მაისი 2022, 22:54

პოლიტიკა

შალვა პაპუაშვილი: ნორვეგია საქართველოს ევროინტეგრაციის გულმხურვალე მხარდამჭერია

დღეს, როდესაც ნორვეგიულ-ქართული პოლიფონიით შესრულებული საქართველოსა და ნორვეგიის სახელმწიფო ჰიმნები მოვისმინეთ, დავინახეთ, თუ რამდენად ევროპულია საქართველო და რამდენად ქართულია ევროპა, - ამის შესახებ საქართველოს პარლამენტის თავმჯდომარემ ნორვეგიის სამეფოს კონსტიტუციის დღის აღსანიშნავ ღონისძიებაზე სიტყვით გამოსვლისას განაცხადა.

ბექა ოდიშარია

17 მაისი 2022, 22:45

პოლიტიკა

თურქეთის რესპუბლიკის პარლამენტთან მეგობრობის ჯგუფის ხელმძღვანელი ბექა ოდიშარია თურქ კოლეგას, საქართველოს პარლამენტთან მეგობრობის ჯგუფის ხელმძღვანელს ონლაინ ფორმატში შეხვდა

საქართველოს პარლამენტის დიასპორისა და კავკასიის საკითხთა კომიტეტის თავმჯდომარემ, თურქეთის რესპუბლიკის პარლამენტთან მეგობრობის ჯგუფის ხელმძღვანელმა ბექა ოდიშარიამ ონლაინ ფორმატში სამუშაო შეხვედრა გამართა თურქ კოლეგასთან, თურქეთის რესპუბლიკის პარლამენტის საქართველოს პარლამენტთან მეგობრობის ჯგუფის ხელმძღვანელთან, ჰალილ ეთიემეზთან და თურქეთის რესპუბლიკაში საქართველოს ელჩთან, გიორგი ჯანჯღავასთან, - ამის შესახებ ინფორმაციას პარლამენტის პრესსამსახური ავრცელებს.

ჟოზეფ ბორელი

17 მაისი 2022, 22:16

მსოფლიო

ბორელი: ევროკავშირი არ დაუშვებს, რომ უკრაინას რუსეთთან ომში იარაღი ამოეწუროს

საგარეო პოლიტიკისა და უსაფრთხოების საკითხებში ევროკავშირის უმაღლესმა წარმომადგენელმა, ჟოზეფ ბორელმა განაცხადა, რომ ევროკავშირი არ დაუშვებს, რომ უკრაინას რუსეთთან ომში იარაღი ამოეწუროს.

17 მაისი 2022, 21:50

მსოფლიო

რა ვითარებაა უკრაინაში რუსული აგრესიის 83-ე დღეს

264 აზოველი სამხედრო „აზოვსტალის“ ქარხნიდან ევაკუირებულია, თუმცა ჰუმანიტარული დერეფანი ამით არ იკეტება. ქარხნის ბუნკერებში ისევ რჩებიან მებრძოლები, რომელთა გამოყვანა ეტაპობრივად გაგრძელდება. ოფიციალური კიევი აცხადებს, რომ სამხედროების ჯანმრთელობის მდგომარეობის გაუმჯობესების შემდეგ, კიევი მათ რუს სამხედრო ტყვეებში გაცვლის.

17 მაისი 2022, 21:34

საზოგადოება

საპატრიარქო: დღეს შესრულებული პარაკლისი და ლოცვითი მსვლელობა მიეძღვნა ერთი მხრივ ოჯახის დღეს, ხოლო მეორე მხრივ მშვიდობას, როგორც საქართველოში, ისე უკრაინასა და მთელ მსოფლიოში

დღევანდელ დღეს შესრულებული პარაკლისი და ლოცვითი მსვლელობა მიეძღვნა ერთი მხრივ ოჯახის დღეს, ხოლო, მეორე მხრივ მშვიდობას, როგორც საქართველოში, ისე უკრაინასა და მთელ მსოფლიოში, - ამის შესახებ ინფორმაციას საქართველოს საპატრიარქო ავრცელებს. მათივე ინფორმაციით, სიონის საკათედრო ტაძრის ეზოში მოეწყო ბავშვების მიერ შესრულებული ნამუშევრების გამოფენა, რომელიც მიეძღვნა ოჯახისა და მშვიდობის თემებს.

ემანუელ მაკრონი

17 მაისი 2022, 21:13

მსოფლიო

მაკრონი: საფრანგეთის მიერ უკრაინისათვის იარაღის მიწოდება გაგრძელდება და უახლოეს დღეებსა და კვირებში გაიზრდება

საფრანგეთის პრეზიდენტმა, ემანუელ მაკრონმა და უკრაინის პრეზიდენტმა, ვოლოდიმირ ზელენსკიმ სატელეფონო საუბარი გამართეს. ინფორმაციას ამის შესახებ საფრანგეთის პრეზიდენტის ადმინისტრაცია ავრცელებს.

ჟან ასელბორნი

17 მაისი 2022, 20:44

მსოფლიო

ლუქსემბურგის საგარეო საქმეთა მინისტრი: ფინეთისა და შვედეთის ნატოში გაწევრიანების საკითხზე ერდოღანმა ბაზრის მენტალიტეტი გამოავლინა

თურქეთის პრეზიდენტის რეჯეფ თაიფ ერდოღანის კრიტიკული რეაქცია ფინეთისა და შვედეთის ნატოში გაწევრიანების მისწრაფებებზე არ ნიშნავს იმას, რომ ანკარა ალიანსის გაფართოების წინააღმდეგი იქნება, - განაცხადა ლუქსემბურგის საგარეო საქმეთა მინისტრმა, ჟან ასელბორნმა.

შორენა შავერდაშვილი

17 მაისი 2022, 20:41

საზოგადოება

შორენა შავერდაშვილი: სამწუხაროა, როდესაც სტატუსით ჟურნალისტები ჟურნალისტს უვარდებიან პირდაპირ ეთერში, ეს არ არის ფორმა პროტესტის, ეს არ არის ადგილი პროტესტის

სამწუხაროა, როდესაც სტატუსით ჟურნალისტები ჟურნალისტს უვარდებიან პირდაპირ ეთერში, უბრალოდ, ეს არ არის ფორმა პროტესტის, ეს არ არის ადგილი პროტესტის, - ამის შესახებ მედიააკადემიის ხელმძღვანელმა, შორენა შავერდაშვილმა განაცხადა.

17 მაისი 2022, 20:35

საზოგადოება

პროექტი „ახალგაზრდული მეწარმეობა სოფლის განვითარებისთვის“ გაიხსნა

ღონისძიებაზე გაფორმდა ხელშეკრულება პროექტის მხარდამჭერ ორგანიზაციასთან კერძო სექტორიდან, ლიბერთი ბანკთან და სპორტის, ტურიზმისა და ახალგაზრდობის საერთაშორისო ფონდთან. ღონისძიება ასევე მოიცავდა პანელურ დისკუსიას თემაზე: რეგიონებში მცხოვრები ახალგაზრდების ეკონომიკური განვითარების მნიშვნელობა. დისკუსიაში მონაწილეობა მიიღეს: ახალგაზრდობის სააგენტოს დირექტორის მოადგილემ ვახტანგ ბააკაშვილმა, სსიპ „აწარმოე საქართველოში“ სახელმწიფო პროგრამების მართვის სამსახურის უფროსმა თეონა ბაბუნაშვილმა, სოფლის განვითარების სააგენტოს პროექტების განვითარების დეპარტამენტის უფროსმა მარიამ გელაშვილმა და შერიგებისა და სამოქალაქო თანასწორობის საკითხთა სამინისტროს სამოქალაქო თანასწორობის დეპარტამენტის უფროსმა თინათინ ღოღელიანმა.

სოზარ სუბარი

17 მაისი 2022, 20:24

საზოგადოება

სოზარ სუბარი: ის, რომ ჟურნალისტებს უნდა მიეცეთ ინფორმაციის თავისუფალი გავრცელების საშუალება, ეს არის ძალიან მკაფიო სტანდარტი, რომელიც უნდა დაიცვას სახალხო დამცველმა

ძალიან სამწუხაროა, როდესაც არსებობს ორმაგი სტანდარტი, როდესაც ერთი სტანდარტით უდგება იმ ტელეკომპანიებს და ჟურნალისტებს, რომლებიც მას ესიმპათიურება და მეორე სტანდარტია, ამ კონკრეტულ შემთხვევაში, - ამის შესახებ საპარლამენტო უმრავლესობის წევრმა სოზარ სუბარმა განაცხადა, რითაც გამოეხმაურა „იმედის“ ეთერში მომხდარ ინციდენტთან დაკავშირებით სახალხო დამცველის განცხადებას.

ირაკლი ღარიბაშვილი შარლ მიშელი

17 მაისი 2022, 20:03

პოლიტიკა

შარლ მიშელი: ევროკავშირი მზად არის, კიდევ უფრო გააძლიეროს ჩვენი პარტნიორობა საქართველოსთან

ევროკავშირი მზად არის, კიდევ უფრო გააძლიეროს ჩვენი პარტნიორობა საქართველოსთან, - განაცხადა ევროპული საბჭოს პრეზიდენტმა, შარლ მიშელმა.

ანა მალიარი

17 მაისი 2022, 19:46

მსოფლიო

უკრაინის თავდაცვის მინისტრის მოადგილე: მარიუპოლის მცველების გადარჩენის იმისგან განსხვავებული ფორმულა, რომელიც ახლა გამოიყენება, არ არსებობს

უკრაინის თავდაცვის სამინისტროში აცხადებენ, რომ მარიუპოლის მცველების გადარჩენის იმისგან განსხვავებული ფორმულა, რომელიც ახლა გამოიყენება, არ არსებობს. ამის შესახებ უკრაინის თავდაცვის მინისტრის მოადგილემ, ანა მალიარმა განაცხადა.