imedi /  26 სექტემბერი 2020, 11:20 / სანდო წყარო

ურთიერთთანამშრომლობის მემორანდუმს ხელი მოეწერა

თამარ ჟვანია

თამარ ჟვანია

ცენტრალური საარჩევნო კომისიის (ცესკო) თავმჯდომარე თამარ ჟვანიამ, ევროპის საბჭოს საქართველოს ოფისის ხელმძღვანელის მოადგილემ ვაჰაგ მურადიანმა, იუსტიციის მინისტრის მოადგილემ, თავისუფალი და სამართლიანი არჩევნებისთვის უწყებათაშორისი კომისიის ხელმძღვანელმა გოჩა ლორთქიფანიძემ და საჯარო სამსახურის ბიუროს უფროსმა ეკატერინე ქარდავამ ურთიერთთანამშრომლობის მემორანდუმს მოაწერეს ხელი.

ცენტრალური საარჩევნო კომისიის ინფორმაციით, მემორანდუმის მიზანია 2020 წლის 31 ოქტომბრის არჩევნებისთვის საარჩევნო პროცესში ადმინისტრაციული რესურსებისა და თანამდებობრივი ან სამსახურებრივი მდგომარეობის არამართლზომიერად გამოყენების, ასევე, წინასაარჩევნო კამპანიის წარმოებისა და მასში მონაწილეობის წესების დარღვევის პრევენციის უზრუნველსაყოფად, ხელი შეეწყოს საჯარო დაწესებულებებში დასაქმებული პირების ცნობიერების ამაღლებას.

მემორანდუმი ითვალისწინებს ადმინისტრაციული რესურსის არამართლზომიერად გამოყენების პრევენციისათვის შექმნილი დისტანციური სასწავლო კურსის განხორციელების ხელშეწყობას, რომელიც ცესკოსა და ცესკოს სწავლების ცენტრის მიერ, ევროპის საბჭოს საარჩევნო მხარდაჭერის პროექტის ფარგლებში შემუშავდა. სასწავლო კურსი განკუთვნილია საჯარო მოსამსახურეებისთვის, აღმასრულებელი ხელისუფლების ყველა დონეზე.

ღონისძიება ცესკოს თავმჯდომარემ გახსნა და მემორანდუმის მნიშვნელობაზე ისაუბრა. „მემორანდუმი ეხება ვებპლატფორმას, იმ სასწავლო კურსს, რომელიც გახლავთ ადმინისტრაციული რესურსების გამოყენების პრევენციის და კამპანიის წესების შესახებ. ამ კურსის გათვითცნობიერებით საჯარო მოსამსახურეები მიიღებენ იმ ცოდნას, გამოცდილებასა და პრაქტიკულ რეკომენდაციებს, რომელიც საჭიროა იმისთვის, რომ ქვეყანაში ჩატარდეს სამართლიანი და სანდო არჩევნები“,- აღნიშნა თამარ ჟვანიამ.

ღონისძიების მონაწილეებს მისასალმებელი სიტყვით ასევე მიმართეს ვაჰაგ მურადიანმა, გოჩა ლორთქიფანიძემ და ეკატერინე ქარდავამ. სწავლების ცენტრის დირექტორმა ნათია ზაალიშვილმა კი საინფორმაციო-სასწავლო პროგრამის „საარჩევნო კამპანია და ადმინისტრაციული რესურსი - საარჩევნო პროცესებში ადმინისტრაციული რესურსის არამართლზომიერად გამოყენების პრევენცია და რეაგირება დარღვევებზე“ პრეზენტაცია წარადგინა.

ღონისძიება ევროპის საბჭოს პროექტის „საარჩევნო პრაქტიკისა და პროცესის გამჭვირვალობის, ინკლუზიურობისა და სანდოობის მხარდაჭერა საქართველოში“ ხელშეწყობით გაიმართა.

მემორანდუმზე ხელმოწერის ცერემონიას სახელმწიფო უწყებების, საერთაშორისო ორგანიზაციების და ადგილობრივი დამკვირვებელი ორგანიზაციების წარმომადგენლები დაესწრნენ. ღონისძიებაზე დაცული იყო პანდემიასთან დაკავშირებული ყველა რეკომენდაცია.

ყველა სიახლე

თორნიკე რიჟვაძე

29 ოქტომბერი 2020, 18:31

რეგიონი

თორნიკე რიჟვაძე საზღვაო რეგიონების ასოციაციის ვიცე პრეზიდენტად აირჩიეს

აჭარის მთავრობის თავმჯდომარე, თორნიკე რიჟვაძე საზღვაო რეგიონების ასოციაციის ვიცე პრეზიდენტის პოსტს 2 წლის ვადით დაიკავებს. როგორც აჭარის პრესა იუწყება, თორნიკე რიჟვაძის კანდიდადურა აღნიშნულ პოსტზე ორგანიზაციის პოლიტიკურ ბიუროზე დაამტკიცეს.

29 ოქტომბერი 2020, 18:29

COVID19

კატალონიის რეგიონში 15 დღით კარანტინის რეჟიმი დაწესდება

კორონავირუსის პანდემიის გავრცელების გამო, კატალონიის რეგიონში 15 დღით კარანტინის რეჟიმი დაწესდება. ამის შესახებ კატალონიის მთავრობის ხელმძღვანელის მოვალეობის შემსრულებელმა, პერე არაგონესმა განაცხადა.

29 ოქტომბერი 2020, 18:18

რეგიონი

ქუთაისში სამოქალაქო მოძრაობის „არა ნაცებს“ ორგანიზებით საპროტესტო აქცია იწყება

ქუთაისში, აღმაშენებლის მოედანზე სამოქალაქო მოძრაობის „არა ნაცებს“ ორგანიზებით საპროტესტო აქცია იწყება. აქციაზე ის მოქალაქეები იმყოფებიან, რომლებიც „ნაციონალურ მოძრაობას“ და მასთან გაიგივებულ პოლიტიკურ ძალებს ემიჯნებიან.

29 ოქტომბერი 2020, 18:16

რეგიონი

საქართველოში 280 ათას ტონამდე ყურძენი გადამუშავდა, რაც ბოლო 30 წლის რეკორდული მაჩვენებელია

რთველი 2020-ის ფარგლებში საქართველოში 280 ათას ტონამდე ყურძენი გადამუშავდა, რაც ბოლო 30 წლის რეკორდული მაჩვენებელია, - ამის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს. მათივე ინფორმაციით, ღვინის საწარმოებში ყურძენი 25 ათასამდე მევენახე ფერმერმა ჩააბარა, მათი შემოსავალი 310 მლნ ლარზე მეტს შეადგენს.

ვლადიმერ პუტინი

29 ოქტომბერი 2020, 18:15

მსოფლიო

ვლადიმერ პუტინი: მთიანი ყარაბაღის კონფლიქტში ორივე მხარეს თავისი სიმართლე აქვს

მთიანი ყარაბაღის კონფლიქტის მოგვარება მარტივი ვერ იქნება, ვინაიდან ორივე მხარეს თავისი სიმართლე აქვს, - ამის შესახებ რუსეთის პრეზიდენტმა, ვლადიმერ პუტინმა განაცხადა.

ფრანკ ვანდენბრუკი

29 ოქტომბერი 2020, 18:14

COVID19

ბელგიის ჯანდაცვის მინისტრი: შეზღუდვების 4 კვირა საკმარისი არ იქნება

„მე არ მინდა წინასწარ დასკვნების გაკეთება, მაგრამ ვფიქრობ ვირუსის გავრცელების შესაჩერებლად დაწესებული ზომები გარკვეული პერიოდი უნდა დარჩეს. ვიცი ეს რთულია. ძალიან ძნელია. ეს არის მარათონი და ამ მარათონის ბოლოს ჩვენ გამარჯვებულები უნდა ვიყოთ. მინისტრმა ისაუბრა მენტალური ჯანმრთელობის პრობლემებზე და ამ მიმართულებით დაფინანსების გაზრდაზე“, - აღნიშნავს ბელგიის ჯანდაცვის მინისტრი.

29 ოქტომბერი 2020, 18:11

მსოფლიო

ვატიკანი ნიცაში მდებარე ნოტრ-დამის ტაძარში მომხდარ თავდასხმას გმობს

ვატიკანი საფრანგეთის ქალაქ ნიცაში მდებარე ნოტრ-დამის ტაძარში მომხდარ თავდასხმას გმობს.

საფრანგეთი

29 ოქტომბერი 2020, 18:07

COVID19

საფრანგეთში საქართველოს საელჩო მოქალაქეთა საყურადღებოდ განცხადებას ავრცელებს

ქვეყანაში ეპიდემიოლოგიური მდგომარეობის მკვეთრი გაუარესების გამო, მთავრობის გადაწყვეტილებით საფრანგეთში კვლავ საყოველთაო კარანტინი გამოცხადდა. კარანტინი ძალაში შედის ხუთშაბათს, 29 ოქტომბერს ღამის 00:00 საათიდან დაპირველ დეკემბრამდე გაგრძელდება.

ნათია თურნავა

29 ოქტომბერი 2020, 17:58

რეგიონი

ნათია თურნავა: ქართველი ინვესტორები, მსგავსად უცხოელი ინვესტორებისა, ოპტიმისტურად უყურებენ საქართველოს მომავალს, ქვეყნის ეკონომიკურ განვითარებას და ტურიზმის პერსპექტივას

ეკონომიკისა და მდგრადი განვითარების მინისტრმა ნათია თურნავამ თელავის მუნიციპალიტეტის სოფელ ლეჩურში 18-ნომრიანი საოჯახო სასტუმროს „სვიანას“ გახსნაში მიიღო მონაწილეობა. სასტუმრო მეწარმეობის სტიმულირების სამთავრობო პროგრამის „აწარმოე საქართველოში“ მხარდაჭერით გაიხსნა.

29 ოქტომბერი 2020, 17:57

რეგიონი

მაჭახელას ხეობაში ეთნოსოფლის მშენებლობა დაიწყო

მაჭახელას ხეობაში ეთნოსოფლის მშენებლობა დაიწყო. პროექტის პრეზენტაციას აჭარის მთავრობის თავმჯდომარე თორნიკე რიჟვაძე დაესწრო, - ამის შესახებ ინფორმაციას აჭარის ავტონომიური რესპუბლიკის მთავრობის ადმინისტრაცია ავრცელებს. მათივე ინფორმაციით, პროექტი ხეობაში არსებული უნიკალური კულტურულ-ეთნოგრაფიული ღირებულებების, ისტორიისა და ტრადიციების მაქსიმალურ დაცვას და ამავე დროს არსებული ლანდშაფტის შენარჩუნებით, მის პოპულარიზაციას ითვალისწინებს.

29 ოქტომბერი 2020, 17:54

მსოფლიო

ქალაქ ბაზელში ქართული საკვირაო სკოლა ,,ნაკადული“ გაიხსნა

შვეიცარიის კონფედერაციაში საქართველოს საელჩოს ძალისხმევით, 25 ოქტომბერს ქ. ბაზელში გაიხსნა ქართული საკვირაო სკოლა ,,ნაკადული“. როგორც საგარეო საქმეთა სამინისტრო იუწყება, ღონისძიებაზე სიტყვით გამოსვლისას, საქართველოს ელჩმა რევაზ ლომინაძემ ყურადღება გაამახვილა ქართული დიასპორის მნიშვნელოვან როლზე საქართველოს განვითარების და ქვეყნის პოზიტიური იმიჯის წარმოჩენის საქმეში და აღნიშნა, რომ დიასპორასთან ურთიერთობა საქართველოს მთავრობის და საგარეო საქმეთა სამინისტროს, ისევე როგორც საზღვარგარეთ საქართველოს დიპლომატიური მისიების საქმიანობის ერთ-ერთი მთავარი მიმართულებაა.

ლევან ჯაფარიძე

29 ოქტომბერი 2020, 17:52

პოლიტიკა

ლევან ჯაფარიძე: ჩემთვის დიდი პატივია, წარმოვადგენდე გუნდს, რომელიც უამრავ სიკეთეს აკეთებს ქვეყნისთვის და მიჰყავს ნათელი მომავლისკენ

ჩემთვის დიდი პატივია, წარმოვადგენდე გუნდს, რომელიც უამრავ სიკეთეს აკეთებს ქვეყნისთვის და მიჰყავს ნათელი მომავლისკენ თავისი ქვეყანა, - ამის შესახებ თბილისის საკრებულოში „ქართული ოცნების“ მაჟორიტარობის კანდიდატმა ლევან ჯაფარიძემ წარდგენაზე განაცხადა. მისი თქმით, კრწანისის გამგებლის პოზიციაზე გატრებული სამი წელი მისთვის ძალიან მნიშვნელოვანი იყო. მისი და ასევე პარლამენტის დეპუტატობის კანდიდატის, ბექა ოდიშარიას არჩევის შემთხვევაში ისინი კვლავაც გააგრძელებენ რაიონისთვის ერთად, ტანდემში მუშაობას.

გურამ ნიკოლაშვილი

29 ოქტომბერი 2020, 17:46

პოლიტიკა

გურამ ნიკოლაშვილი: წინა არჩევნებზე გაკეთებულ კვლევებზე 22%-იან ცდომილებაზე პასუხისმგებლობა ვინ აიღო?

წინა საპარლამენტო არჩევნებზე გაკეთებულ კვლევებზე პასუხისმგებლობა ვინ აიღო 22%-იან ცდომილებაზე? - საჯარო პოლიტიკის სპეციალისტი გურამ ნიკოლაშვილი 2016 წლის საპარლამენტო არჩევნებისთვის ჩატარებულ კვლევებს იხსენებს. „წინა საპარლამენტო არჩევნებზე გაკეთებულ კვლევებზე პასუხისმგებლობა ვინ აიღო 22%_იან ცდომილებაზე? გრუ-ს ინსტრუქციაში რა წერია, არ შეიმჩნიოთ და უტიფრად განაგრძეთ სახეში ფქვილის ყრაო? 55%_ზე რომ ხარხარებენ, აი ის ხელისგულზე სატარებელი ოქრო ხალხი” - წერს გურამ ნიკოლაშვილი ფეისბუქის საკუთარ გვერდზე.

გიორგი გახარია

29 ოქტომბერი 2020, 17:46

პოლიტიკა

გიორგი გახარია: ყოველთვის ვიზრუნებთ დევნილებზე, მაგრამ ჩვენი საბოლოო მიზანი ქვეყნის გამთლიანებაა

„ოკუპაცია არის ჩვენი ყველაზე დიდი გამოწვევა. ჩვენ ყოველთვის ვიზრუნებთ ჩვენს დევნილებზე, მათ საცხოვრებელ პირობებზე, მაგრამ საბოლოო მიზანია ქვეყნის გამთლიანება, გამთლიანება მშვიდობით და გონივრულად. როდესაც ჩვენ ვსაუბრობთ ოკუპაციაზე, ჩვენ არ ვსაუბრობთ ჩვენი მიწის მხოლოდ 20%-ზე. ჩვენ ვსაუბრობთ ჩვენი ქვეყნის განვითარების შეზღუდულობაზე“,- განაცხადა გიორგი გახარიამ.

ბელგია

29 ოქტომბერი 2020, 17:45

COVID19

პანდემიის დაწყებიდან დღემდე, ბელგიაში კორონავირუსის ყველაზე მეტი შემთხვევა გამოვლინდა

დღეს ბელგიაში კორონავირუსით ინფიცირების 21 048 შემთხვევა დაფიქსირდა. ეს არის ყველაზე მაღალი ყოველდღიური მაჩვენებელი პანდემიის დაწყებიდან დღემდე. ბოლო 24 საათში ბელგიაში კორონავირუსით გარდაიცვალა 132 ადამიანი და ჯამში 11 170-ს მიაღწია. 29 ოქტომბრის მონაცემებით, საავადმყოფოში იმყოფება 5 924 პაციენტი. 993 პაციენტი - ინტენსიურ განყოფილებაში. ბელგიაში ძალაში რჩება სტრატეგია, რომლის თანახმადაც უსიმპტომო პაციენტებს COVID-19-ზე ტესტს არ უტარებენ.

ბექა ოდიშარია

29 ოქტომბერი 2020, 17:45

პოლიტიკა

ბექა ოდიშარია დიასპორის წარმომადგენლებს: სადაც თქვენ ხართ, ყველგან საქართველოა

„მივესალმები ჩემს დიასპორელებს, რომლებმაც მართლაც გმირობა გამოიჩინეს პანდემიის ჟამს, ახლა ჩემი ძვირფასებო იცოდეთ, რომ სადაც თქვენ ხართ, იქ ყველგან საქართველოა, ამიტომ ძალიან მნიშვნელოვანია, რომ ყველა თქვენს ადგილსამყოფელს ქვეყანაში ისევ გამოიჩინოთ გმირობა და 31 ოქტომბერს დააფიქსიროთ „ქართული ოცნების“ გამარჯვება“, - განაცხადა ბექა ოდიშარიამ.

29 ოქტომბერი 2020, 17:42

რეგიონი

ნათია თურნავამ და რეგიონული განვითარებისა და ინფრასტრუქტურის მინისტრის მოადგილემ გურჯაანში თანამედროვე სტანდარტებით აღჭურვილი ტექნოპარკის შენობა გახსნეს

გურჯაანში, თანამედროვე სტანდარტებით აღჭურვილი ტექნოპარკის შენობა ეკონომიკისა და მდგრადი განვითარების მინისტრმა, ნათია თურნავამ და რეგიონული განვითარებისა და ინფრასტრუქტურის მინისტრის მოადგილემ, ილია ბეგიაშვილმა გახსნეს. ტექნოპარკი არის სივრცე, სადაც თავმოყრილია ტექნოლოგიური, საგანმანათლებლო და პროფესიონალური რესურსები და წარმოადგენს ერთგვარ პლატფორმას ინოვაციებსა და ტექნოლოგიებზე დაფუძნებული ბიზნესების განვითარებისთვის.

ბექა ოდიშარია

29 ოქტომბერი 2020, 17:34

პოლიტიკა

ბექა ოდიშარია: ჩემთვის დიდი პატივია ვიყო გუნდის წევრი, რომელთან ერთადაც ჩვენ შევქმენით საქართველოს ახალი, ნამდვილი ევროპული კონსტიტუცია

ჩემთვის დიდი პატივია ვიყო იმ გუნდის წევრი, რომელიც არის მშვიდობისმყოფელი და ამ 8-წლიანი მშვიდობის პერიოდში აშენებს მაგისტრალებს, გვირაბებს, ხიდებს, ზრუნავს სოფელზე ათბობს და ანათებს ამას, ღირსეულად ეპყრობა ყველა პროფესიის ადამიანს, ადამიანის უფლებებს, პედაგოგებს, მედიცინის მუშაკებს, ჯარისკაცებს თუ პოლიციელებს, სცემს პატივს დედაეკლესიას და ყველა სხვა კონფესიას საქართველოში, - ამის შესახებ მთაწმინდა-კრწანისის მაჟორიტარულ ოლქში „ქართული ოცნების“ კანდიდატმა, ბექა ოდიშარიამ წარდგენაზე განაცხადა.

სალომე ზურაბიშვილი

29 ოქტომბერი 2020, 17:33

პოლიტიკა

სალომე ზურაბიშვილმა ნიცაში მომხდარი ტერაქტი დაგმო

საქართველოს პრეზიდენტმა სალომე ზურაბიშვილმა საფრანგეთის ქალაქ ნიცაში მომხდარი ტერაქტი დაგმო.

29 ოქტომბერი 2020, 17:32

მსოფლიო

ლიონში პოლიციამ ცივი იარაღით შეიარაღებული პირი დააკავა

საფრანგეთში, ქალაქ ლიონში პოლიციამ ცივი იარაღით შეიარაღებული პირი დააკავა. ინფორმაციას ამის შესახებ ფრანგული მედია ავრცელებს.