ანდრია გვიდიანი: „ერთიანი კრიმინალური მოძრაობის" გუშინდელი ქმედება იყო კარგად გააზრებული და დაგეგმილი შეთქმულება საკუთარი ქვეყნის და ხალხის წინააღმდეგ!

„ერთიანი კრიმინალური მოძრაობის" გუშინდელი ქმედება იყო კარგად გააზრებული და დაგეგმილი შეთქმულება საკუთარი ქვეყნის და ხალხის წინააღმდეგ, - ამის შესახებ ექსპერტი ანდრია გვიადიანი Facebook-ზე წერს.

მისი თქმით, ვიწრო პარტიული ინტერესებით დაბრმავებული მილევად რეჟიმში მყოფი მავნებლური ძალა ყველაფერს აკეთებს, რომ რამენაირად სიტუაცია აირიოს, აიმღვრეს, უკონტროლო გახდეს.

„ვიწრო პარტიული ინტერესებით დაბრმავებული მილევად რეჟიმში მყოფი მავნებლური ძალა ყველაფერს აკეთებს, რომ რამენაირად სიტუაცია აირიოს, აიმღვრეს, უკონტროლო გახდეს. მათ კარგად აქვთ გააზრებული, რომ არანაირი რეალური შანსი არ აქვთ რაიმე სახით მმართველობის სადავეებთან ახლოს მაინც აღმოჩნდნენ. შესაბამისად, მოქმედებენ პრინციპით - მე თუ არ ვიქნები, ქვა ქვაზე ნუ დარჩენილაო. ამ ამოცანის შესასრულებლად მათი ერთდერთი მოკავშირე მკვლელი ვირუსი აღმოჩნდა, რომელსაც ასე გამალებით ვებრძვით მთელი საზოგადოება.

ეს მავნებლური ბანდა არის ამ ქვეყნის სიმსივნე. ვიბრძვით, ქიმიო-თერაპიას ვიკეთებთ, არ ვნებდებით, გვინდა ბოლომდე ამოვძირკვოთ და საბოლოოდ დავამარცხოთ. თუმცა, გარკვეული პერიოდულობით რემისია ახასიათებს და თავს გვახსენებს ხოლმე. ექოსკოპიის პასუხები აჩვენებს, რომ დაავადება ისევ ცოცხლობს და ცდილობს მეტასტაზები რაც შეიძლება ღრმად გაიდგას.

სიმართლე რომ ვთქვა, არც გამკვირვებია. უფრო მეტიც, ზუსტად ვიცი რისი მკადრებლები არიან და რაზე შეუძლიათ წასვლა. არ გამკვირვებია იმიტომ, რომ არც ერთი წამით არ დამიშვია, რომ ამ ხალხის შეცვლა ოდნავ მაინც შესაძლებელია.

არ გაგივათ ეს რევანში, მაინც დასრულდებით და საბოლოო ჯამში მყარად დაიკავებთ საპატიო ადგილს პოლიტიკურ სანაგვეზე.“ - წერს ანდრია გვიდიანი.

16 ოქტომბერს „ნაციონალურმა მოძრაობამ“ ბათუმის ბულვარში წინასაარჩევნო შეხვედრა ჯანდაცვის სამინისტროს რეკომენდაციების დარღვევით ჩაატარა.