IMEDI /  17 ოქტომბერი 2020, 21:17 / სანდო წყარო

გიორგი გახარია: თითოეული წარმატებული პროექტი არის კიდევ ერთი წინგადადგმული ნაბიჯი დიდი შერიგებისკენ

გიორგი გახარია

გიორგი გახარია

მესმის, რომ ჩვენთვის არ არის ბუნებრივი აქ პირბადეებით სხდომა და ერთმანეთთან საუბარი, მაგრამ ეს ჩვენი პასუხისმგებლობაა, ჩვენი მომავალი თაობის, ეკონომიკის განვითარების, ჩვენი უხუცესების, ხანდაზმული ადამიანების ჯანმრთელობის და მათი სიცოცხლის წინაშე და ყველას კარგად უნდა გვესმოდეს, რომ დღეს ელემენტარული წესების დაცვა არის პატრიოტიზმი. ეს არის ის წითელი ხაზი, რომელიც ჩვენ განგვასხვავებს იმ ხალხისგან, რომლებიც გუშინ იდგნენ ბათუმში. ჩვენ ამას უნდა გავუფრთხილდეთ და ასე მივიდეთ საბოლოო გამარჯვებამდე, - ამის შესახებ საქართველოს პრემიერ-მინისტრმა გიორგი გახარიამ ზუგდიდში „ქართული ოცნების“ მაჟორიტარი დეპუტატობის კანდიდატის, ირაკლი ჩიქოვანის წარდგენისას განაცხადა.

პრემიერ - მინისტრის თქმით, საოკუპაციო ხაზთან ასე ახლოს ზუგდიდის და სამეგრელოს წარმატება არა მხოლოდ მეგრელების, არამედ მთლიანად საქართველოს, მათ შორის აფხაზეთის წარმატებაა და ამან დამატებითი მუხტი უნდა მისცეს ყველას, ამაშია ის დიდი მისია, რომელიც სამეგრელოში თითოეულ ადამიანს აკისრია. „საქართველოში ბევრი გამორჩეული კუთხეა, ყველა კუთხე გამორჩეულია თავისი ისტორიით, სილამაზით, მაგრამ არავინ მიწყენს, თუ ვიტყვი, რომ სამეგრელო გამორჩეულთა შორის გამორჩეულია. სამეგრელომ უამრავი ღირსშესანიშნაობა აჩუქა ამ ქვეყანას, სამეგრელომ აჩუქა ქვეყანას უდიდესი ადამიანები, სამეგრელომ აჩუქა ქვეყანას ისეთი ისტორიული მოვლენები, რომლებიც ოქროს ასოებით ჩაიწერა ამ ქვეყნის ისტორიაში, მაგრამ ჩვენ ყველას კარგად უნდა გვახსოვდეს, რომ ამ ყველაფრის განსახიერება და თავმოყრა არის ეს სატახტო ქალაქი - ზუგდიდი. ზუგდიდი არის სამეგრელოს წარმატების გასაღები და ყველას კარგად უნდა გვახსოვდეს ერთი რამ - დღეს, აქ, საოკუპაციო ხაზთან ასე ახლოს ზუგდიდის და სამეგრელოს წარმატება არა მხოლოდ მეგრელების, არამედ მთლიანად საქართველოს, მათ შორის აფხაზეთის წარმატებაა და ამან დამატებითი მუხტი უნდა მოგვცეს თითოეულ ჩვენგანს და ამაშია ის დიდი მისია, რომელიც თითოეულ ჩვენგანს აქ, ამ კუთხეში გვაკისრია. ყველას კარგად უნდა გვახსოვდეს და გვესმოდეს, რომ თითოეული წარმატებული პროექტი ამ ქალაქში და ჩვენ ყველანი ვხედავთ, როგორ ლამაზდება დღითი დღე ზუგდიდი, არის კიდევ ერთი წინგადადგმული ნაბიჯი ჩვენი დიდი შერიგებისკენ. დღეს, საქართველოში ჩვენ აღვნიშნავთ ვეტერანების დღეს და მე მინდა, ქედი მოვიხარო თითოეული იმ ადამიანის წინაშე, რომელმაც თავი გასწირა საქართველოს ერთიანობისთვის და ასევე იმ ადამიანების წინაშე, რომლებიც დღესაც იბრძვიან ამ ერთიანობის მისაღწევად, მაგრამ ჩვენ ეს ყველაფერი უნდა გავაკეთოთ, რა თქმა უნდა, შრომით და მშვიდობიანად და შრომის ფასი სამეგრელოში ყველაზე კარგად იციან. ეს კარგად ჩანს იმ საწარმოებში, იმ სასტუმროებში, სოფლის მეურნეობის იმ პროექტებში, რომლებიც აქ ხორციელდება,“- განაცხადა პრემიერმა.

გიორგი გახარიას თქმით, შემდგომ 4 წელში, საქართველოში ინფრასტრუქტურულ პროექტებში ინვესტირებული იქნება 20 მილიარდ ლარზე მეტი და დიდი ნაწილი აქედან მოხმარდება სამეგრელოს. მისივე განცხადებით, ბევრი მნიშვნელოვანი დაწყებული საქმე უნდა დასრულდეს, მათ შორის, სისტემური ინფრასტრუქტურული პროექტები. „2012 წლიდან, სამეგრელოში ინვესტირებული იყო ინფრასტრუქტურულ პროექტებში მილიარდ ასოთხმოცდაექვსი მილიონი ლარი, მაგრამ ჩვენ ყველანი ვხედავთ, რომ კიდევ ბევრია გასაკეთებელი, ამიტომ გეტყვით, რომ შემდგომ 4 წელში, რაც არის საარჩევნო ციკლი, საქართველოში ინფრასტრუქტურულ პროექტებში ინვესტირებული იქნება 20 მილიარდ ლარზე მეტი და, რა თქმა უნდა, დიდი ნაწილი აქედან მოხმარდება ამ კუთხეს და სამეგრელოს. ყველას კარგად გვესმის, რომ ბევრი ძალიან მნიშვნელოვანი დაწყებული საქმე უნდა გავიყვანოთ ბოლოში, მაგალითად წყალმომარაგება. ზუგდიდს ათწლეულები არ ჰქონდა ნორმალური წყალმომარაგების სისტემა. როგორც იქნა, ბევრი ვიწვალეთ, ცოტა საჭიროზე მეტი დრო დავხარჯეთ, მაგრამ ეს პრობლემა ბოლოში გავიყვანეთ, თუმცა შემდგომი პრობლემა არის წყალარინების სისტემა. რა თქმა უნდა, ნორმალურ, თანამედროვე ქალაქს უნდა ჰქონდეს სრულფასოვანი წყალარინების სისტემა და მომავალ წელს ჩვენ ამ პროექტს დავიწყებთ. ზუგდიდში ვაკეთებთ გზებს, ვაკეთებთ მაგისტრალურ გზებს, მაგრამ შიდა სასოფლო გზები უკვე პრობლემაა. სასმელი წყალი სოფლებში, საირიგაციო წყლები - ეს ყველაფერი უნდა გავაკეთოთ ერთად და ის ინფრასტრუქტურული პროექტები, რომლებზეც ჩვენ ვსაუბრობთ, პირველ რიგში, მიმართული იქნება სისტემური ინფრასტრუქტურის წესრიგში მოსაყვანად. გზები, გაზიფიცირება, წყალმომარაგება, საირიგაციო წყლები, სკოლები, საბავშვო ბაღები, საავადმყოფოები - რა თქმა უნდა, ჩვენ ყველაფერი უნდა შევქმნათ იმისთვის, რომ ზუგდიდში, სენაკში, ფოთში, მარტვილში, ყველგან, ცხოვრება იყოს ზუსტად ისეთი, როგორიც არის თბილისში, ბათუმში, ქუთაისში და შესაძლებლობებში სხვაობა საქართველოს მოქალაქეებს არ უნდა ჰქონდეთ,“- განაცხადა პრემიერმა.

გიორგი გახარიამ ყურადღება გაამახვილა ქვეყნის ტერიტორიულ მთლიანობაზე და აღნიშნა, რომ ვერ განვითარდება საქართველო სრულფასოვნად, თუ არ აღდგა ტერიტორიული მთლიანობა და ვერ აღდგება ტერიტორიული მთლიანობა, მშვიდობიანი გზის გარეშე. „საქართველოს წარმატება, პირველი რიგში, განისაზღვრება მისი რეგიონების წარმატებით და ყველას კარგად უნდა გვახსოვდეს და გვესმოდეს, ჩვენი ტერიტორიული მთლიანობა არის ჩვენი ყველაზე დიდი მიზანი. ვერ განვითარდება საქართველო სრულფასოვნად, თუ არ აღდგა ტერიტორიული მთლიანობა და ვერ აღდგება ტერიტორიული მთლიანობა, მშვიდობიანი გზის გარეშე. ყველას უნდა გვესმოდეს, რომ ეს არის ჩვენი საბოლოო მიზანი. რა თქმა უნდა, ამ მიზნების მისაღწევად, ჩვენ გვჭირდება გამარჯვება 31 ოქტომბერს. მნიშვნელოვანია, რომ ეს გამარჯვება იყოს ღირსეული და სამართლიანი. ჩვენ ეჭვი არ გვეპარება ჩვენი მოქალაქეების მხარდაჭერაში. ჩვენ, ერთადერთი, რაც გვინდა ვთხოვოთ ჩვენს მოქალაქეებს, არის ის, რომ არ წამოვეგოთ პროვოკაციებს. არაფერი არ გავაკეთოთ ისეთი, რაც ოდნავ მაინც რაიმე ეჭვის ქვეშ დააყენებს ჩვენს ღირსეულ და სამართლიან გამარჯვებას,“- განაცხადა პრემიერ-მინისტრმა.

მისივე თქმით, უჩვეულოა პირბადეებით ერთმანეთთან საუბარი, ერთად ყოფნა, თუმცა ეს არის პასუხისმგებლობა მომავალი თაობებისა და ქვეყნის განვითარების, აგრეთვე ხანდაზმული ადამიანების წინაშე. გიორგი გახარიას განცხადებით, დღეს ელემენტარული წესების დაცვა არის პატრიოტიზმი და სწორედ ეს არის ის წითელი ხაზი, რომელიც განასხვავებს მმართველ გუნდს იმ ხალხისგან, რომლებიც გუშინ იდგნენ ბათუმში. „რა თქმა უნდა, ჩვენ დღეს უნდა ვთქვათ ის, რასაც მთელი მსოფლიო, გლობალური სამყარო ებრძვის, ეს არის პანდემია. მე მესმის, რომ ჩვენთვის არ არის ბუნებრივი აქ პირბადეებით სხდომა და ერთმანეთთან საუბარი, მაგრამ ეს ჩვენი პასუხისმგებლობაა, ჩვენი მომავალი თაობის, ეკონომიკის განვითარების, ჩვენი უხუცესების, ხანდაზმული ადამიანების ჯანმრთელობის და მათი სიცოცხლის წინაშე და ყველას კარგად უნდა გვესმოდეს, რომ დღეს ელემენტარული წესების დაცვა არის პატრიოტიზმი. ეს არის ის წითელი ხაზი, რომელიც ჩვენ განგვასხვავებს იმ ხალხისგან, რომლებიც გუშინ იდგნენ ბათუმში. ჩვენ ამას უნდა გავუფრთხილდეთ და ასე მივიდეთ საბოლოო გამარჯვებამდე, გამარჯვებას გისურვებთ!“- განაცხადა პრემიერმა.

„ქართულმა ოცნებამ“ ზუგდიდში მაჟორიტარი დეპუტატობის კანდიდატად ირაკლი ჩიქოვანი წარადგინა.

ყველა სიახლე

იოსებ ხახალეიშვილი

29 ოქტომბერი 2020, 14:57

რეგიონი

იოსებ ხახალეიშვილი: ქუთაისში სულ მალე ბევრი ახალი პროექტი და მშენებლობა დაიწყება

„ქართული ოცნება - დემოკრატიული საქართველოს“ ქუთაისის მერობის კანდიდატი იოსებ ხახალეიშვილი ქუთაისის დიდი დასახლების ავანგარდის ადმინისტრაციული ერთეულის მოსახლეობას შეხვდა. საარჩევნო პროგრამის გაცნობისა და ზოგადი ვითარების მიმოხილვის შემდეგ, კანდიდატმა ისაუბრა ქუთაისში არსებული ინფრასტრუქტურული პრობლემების მოწესრიგების პერსპექტივაზე, მრავალმილიონიან პროექტზე, რომელიც მთელი ქალაქის საკანალიზაციოს სისტემის შეცვლას ითვალისწინებს, ახალ საზოგადოებრივ ტრანსპორტზე, მიმდინარე და სამომავლო მშენებლობებზე, დღევანდელ პანდემიურ ვითრებასა და რეგულაციების დაცვაზე.

სერგი კაპანაძე

29 ოქტომბერი 2020, 14:56

COVID19

სერგი კაპანაძე: ხელისუფლება ნაკლებ ტესტებს ატარებს, რომ ინფიცირებულთა რაოდენობა არ გაიზარდოს

ხელისუფლება თავად ცდილობს კორონავირუსის პოლიტიზებას და ნაკლებ ტესტებს ატარებს, რომ ინფიცირებულთა რაოდენობა არ გაიზარდოს, - ასე უპასუხა „ევროპული საქართველოს“ ერთ-ერთმა ლიდერმა, სერგი კაპანაძემ პრემიერ-მინისტრის განცხადებას, რომელმაც პოლიტიკოსებს მოუწოდა, მოქალაქეთა უსაფრთხოების უზრუნველსაყოფად საკუთარ თავზე მეტი პასუხისმგებლობა აიღონ.

ზაალ უდუმაშვილი

29 ოქტომბერი 2020, 14:51

პოლიტიკა

ზაალ უდუმაშვილი: ჩვენ ვართ ძალიან ფხიზლად, ძალიან მომზადებულები ვართ ამ არჩევნებისთვის

„კომენტარიც კი ზედმეტია ამ ყველაფერზე. გასაგებია ხელისუფლების ჩანაფიქრი ახლა. გასაგებია, რომ მაქსიმალურად შეეცდებიან ყველა გაყალბების სქემა აამუშაონ, რაც მათ შემუშავებული ჰქონდათ წლების განმავლობაში: ეს არის მიწერები, კარუსელები და ა.შ. მაგრამ ჩვენ ვართ ძალიან ფხიზლად, ძალიან მომზადებულები ვართ ამ არჩევნებისთვის, მათ შორის ტექნიკურადაც ვარ მომზადებულები, რომ ყველანაირი გაყალბების ფაქტი ავიცილოთ თავიდან. ასე რომ ტყუილად ხელი ნუ წაუცდებათ გაყალბებისკენ. ყველა ფაქტი იქნება გამოვლენილი“, - აღნიშნა უდუმაშვილმა.

დავით სერგეენკო

29 ოქტომბერი 2020, 14:27

საზოგადოება

დავით სერგეენკო: ორ დღეში მოსახლეობამ უნდა გადაწყვიტოს, დარჩება თუ არა ადამიანის უფლებები ქვეყნის უმაღლეს პრიორიტეტად

საბურთალოზე „ქართული ოცნების“ მაჟორიტარი დეპუტატობის კანდიდატი დავით სერგეენკო აცხადებს, რომ ორ დღეში მოსახლეობამ არჩევნებით უნდა გადაწყვიტოს, დარჩება თუ არა ადამიანის უფლებები უმაღლეს პრიორიტეტად თუ ეს პრიორიტეტი შეიცვლება 4 წლის განმავლობაში.

გიორგი გახარია

29 ოქტომბერი 2020, 14:19

პოლიტიკა

გიორგი გახარია: არჩევანი,რომელსაც ჩვენ 31 ოქტომბერს გავაკეთებთ, წლების განმავლობაში საქართველოს შემდგომ დემოკრატიულ განვითარებას განსაზღვრავს

„ყველას ძალიან კარგად უნდა გვესმოდეს ერთი რამ: რა თქმა უნდა, ეს არის ძალზედ მნიშვნელოვანი არჩევნები, რა თქმა უნდა ჩვენ გვმართებს ურთიერთპასუხისმგებლობა, რა თქმა უნდა ჩვენ უნდა დავიცვათ ელემენტარული წესები, მაგრამ, რაც მთავარია, ჩვენ უნდა გვესმოდეს, რომ პანდემია გაივლის, ეკონომიკურ კრიზისსაც დავძლევთ, მაგრამ არჩევანს, რომელსაც ჩვენ გავაკეთებთ 31 ოქტომბერს, ეს არჩევანი განსაზღვრავს წლების განმავლობაში საქართველოს შემდგომ დემოკრატიულ განვითარებას“, - განაცხადა გახარიამ.

კახა კალაძე

29 ოქტომბერი 2020, 14:17

პოლიტიკა

კახა კალაძე: დავით სერგეენკოს სახელს ჩვენი ხელისუფლების ერთ-ერთი მთავარი მონაპოვარი - ჯანდაცვის ფუნდამენტური რეფორმის დაწყება უკავშირდება

მე არ დავიწყებ წარმატებულ რეფორმებზე საუბარს და იმ პროექტების ჩამოთვლას, რომლებიც დავით სერგეენკოს უშუალო ჩართულობითა და მონაწილეობით განხორციელდა და ამისთვის მხოლოდ ერთი, საყოველთაო ჯანდაცვის პროგრამის ხსენებაც საკმარისია. ამ ადამიანს არაერთი გადარჩენილი სიცოცხლე და ჩვენი ხელისუფლების ერთ-ერთი მთავარი მონაპოვარი - ჯანდაცვის ფუნდამენტური რეფორმის დაწყება უკავშირდება, - ამის შესახებ „ქართული ოცნების“ საბურთალოს მაჟორიტარობის კანდიდატის, დავით სერგეენკოს მოსახლეობისთვის წარდგენაზე თბილისის მერმა, „ქართული ოცნების“ გენერალურმა მდივანმა, კახა კალაძემ განაცხადა.

მიხეილ ჩხენკელი

29 ოქტომბერი 2020, 14:12

საზოგადოება

მიხეილ ჩხენკელი ევროსაბჭოს მინისტრთა კომიტეტის ორგანიზებულ ონლაინ კონფერენციაზე მოხსენებით წარდგა

საქართველოს განათლების, მეცნიერების, კულტურისა და სპორტის მინისტრმა მიხეილ ჩხენკელმა ევროსაბჭოს მინისტრთა კომიტეტის ორგანიზებულ განათლების მინისტრების ონლაინ კონფერენციაში ერთ-ერთი მთავარი მომხსენებლის სტატუსით მიიღო მონაწილეობა. განათლების სამინისტროს ინფორმაციით, კონფერენციის პირველი სესია COVID-19-ს პანდემიის პირობებში განათლების სისტემის წინაშე მდგარ გამოწვევებსა და ხარისხიანი განათლების უზრუნველყოფის საკითხებს მიეძღვნა.

საფრანგეთი თავდასხმა

29 ოქტომბერი 2020, 13:49

მსოფლიო

მედია: ნიცაში თავდამსხმელმა ქალს თავი მოჰკვეთა

BFMTV-ის ინფორმაციით დაიღუპა 3 ადამიანი, მათ შორის ერთ-ერთ ქალს თავდამსხმელმა თავი მოკვეთა, რამდენიმე ადამიანი კი დაიჭრა. Le Figaro წერს, რომ ერთი ქალი მან ბაზილიკაში მოკლა, მეორე კი გვერდით მდებარე კაფეში, სადაც ის დამნაშავისგან მიმალვას ცდილობდა. მესამე გარდაცვლილი კაცია.

ნიცა ტერაქტი

29 ოქტომბერი 2020, 13:34

მსოფლიო

ნიცაში დანით შეიარაღებული კაცი ბაზილიკაში მყოფებს თავს დაესხა, არის მსხვერპლი

კრისტიან ესტროსის ინფორმაციით, თავდამსხმელი დაკავებულია. მისივე თქმით, ყველაფერი ტერაქტზე მიანიშნებს. საფრანგეთის შინაგან საქმეთა სამინისტრო მოსახლეობას ურჩევს ნიცის ცენტრში გადაადგილებისგან თავი შეიკავონ.

მამუკა მდინარაძე

29 ოქტომბერი 2020, 13:33

პოლიტიკა

მამუკა მდინარაძე: არჩევნების დღეს ოპოზიცია შეეცდება გაავრცელოს ცრუ ინფორმაცია, თითქოს კონკრეტულ უბნებზე ვიღაცას კორონავირუსი დაუფიქსირდა

ვრცელდება ახალი საოცრება, ორდღიანი ტყუილი, თითქოს ნიკა მელია პირველ ტურში იგებს არჩევნებს 61%-ით. ეს დასაცინი ამბავია, ამაზე მოკლეფეხებიანი ტყუილი არ არსებობს. ამ მავნებლური სისტემების პარალელურად მუშაობს კონკრეტული გეგმა, რომელიც მათ განხორციელებადი ჰგონიათ, მაგრამ ეს გამორიცხულია, - ამის შესახებ „ქართული ოცნების“ ოფისში გამართულ ბრიფინგზე პარლამენტის თავმჯდომარის მოადგილემ, მამუკა მდინარაძემ განაცხადა.

29 ოქტომბერი 2020, 13:24

საზოგადოება

სახელმწიფო სერვისების განვითარების სააგენტო: ტყუილია იმის მტკიცება, რომ ერთი ადამიანი შეიძლება ორ მისამართზე იყოს რეგისტრირებული

სახელმწიფო სერვისების განვითარების სააგენტო გავრცელებულ დეზინფორმაციასთან დაკავშირებით განცხადებას ავრცელებს. სააგენტოს განმარტებით, რომ არამხოლოდ კანონითაა აკრძალული ერთი პირის ორ მისამართზე რეგისტრაცია, არამედ სპეციალური პროგრამული უზრუნველყოფის საშუალებით ეს პრაქტიკაშიც შეუძლებელია და შესაბამისად ტყუილია იმის მტკიცება, რომ ერთი ადამიანი შეიძლება ორ მისამართზე იყოს რეგისტრირებული.

29 ოქტომბერი 2020, 13:21

სამართალი

შსს: გავრცელებული ფოტო, რომელშიც ბადრი ესებუას გადაადგილება ჩანს, არა 27 ოქტომბერს, არამედ 6 ოქტომბერსაა გადაღებული

შინაგან საქმეთა სამინისტრო მედიასაშუალებებში გავრცელებულ ბადრი ესებუას გადაადგილების ამსახველ ფოტო და ვიდეომასალასთან დაკავშირებით განცხადებას ავრცელებს. უწყების განმარტებით, ფოტო, რომელშიც ბადრი ესებუას გადაადგილება ჩანს, არა 27 ოქტომბერს, არამედ 6 ოქტომბერსაა გადაღებული.

29 ოქტომბერი 2020, 13:13

თავდაცვა

სამხედრო მოსამსახურეებისთვის ახალი, თანამედროვე სტანდარტების ID ბარათები მზადდება

საქართველოს თავდაცვის მინისტრის განახლებული სოციალური პოლიტიკის ფარგლებში, რომელიც სამხედრო მოსამსახურეებისთვის ღირსეული პირობების შექმნას ისახავს მიზნად, კიდევ ერთი პროექტის განხორციელება დაიწყო. როგორც თავდაცვის სამინისტრო იუწყება, „ყველაფერი საუკეთესო ჯარს“ ინიციატივის ფარგლებში, სამხედრო მოსამსახურეებსა და მათი ოჯახის წევრებს შესაძლებლობა ექნებათ გაუმჯობესებული ID ბარათებით ისარგებლონ.

კორონავირუსი

29 ოქტომბერი 2020, 13:12

COVID19

რუსეთში კორონავირუსით ინფიცირებისა და გარდაცვალების მორიგი რეკორდული მაჩვენებლები დაფიქსირდა

გასული დღე-ღამის განმავლობაში რუსეთში კორონავირუსს 366 ადამიანი ემსხვერპლა, რაც დღიური გარდაცვალების რეკორდული მაჩვენებელია. ეს ანტირეკორდი ქვეყანაში ზედიზედ მესამე დღეა ფიქსირდება. ჯამში პანდემიის დაწყებიდან ქვეყანაში 27 301 კოვიდინფიცირებული გარდაიცვალა. გამოჯანრმთელდა 1 186 041 პაციენტი.

29 ოქტომბერი 2020, 13:08

სამართალი

შემოსავლების სამსახურის თანამშრომლებმა 33 400 ღერი უაქციზო თამბაქოს ტრანსპორტირების ფაქტი გამოავლინეს

ფინანსთა სამინისტროს შემოსავლების სამსახურის საგადასახადო მონიტორინგის დეპარტამენტის მონიტორინგის სამმართველოს დასავლეთის განყოფილების თანამშრომლების მიერ, თერჯოლის რაიონის სოფელ სიმონეთში, განხორცილებული ღონისძიებების შედეგად, 167 ბლოკი (33 400 ღერი) უაქციზო თამბაქოს ნაწარმის ტრანსპორტირების ფაქტი გამოვლინდა.

29 ოქტომბერი 2020, 13:08

საზოგადოება

შეკვეთილის დენდროლოგიური პარკის დამთვალიერებელთა რაოდენობამ მილიონს მიაღწია

შეკვეთილის დენდროლოგიური პარკის დამთვალიერებელთა რაოდენობამ მილიონს მიაღწია, - ამის შესახებ ინფორმაციას დენდროლოგიური პარკი სოციალური ქსელის საშუალებით ავრცელებს. როგორც განცხადებაშია ნათქვამი, დენდროლოგიური პარკი არჩევნების დღეს, 31 ოქტომბერს, არ იმუშავებს.

გიორგი ყრუაშვილი

29 ოქტომბერი 2020, 13:06

სპორტი

დღეს, უეფას ევროპა ლიგის ჯგუფური ეტაპის ერთ შეხვედრას ქართველ მსაჯთა ბრიგადა მოემსახურება

დღეს, უეფას ევროპა ლიგის ჯგუფური ეტაპის ერთ შეხვედრას ქართველ მსაჯთა ბრიგადა მოემსახურება. ლუგანსკის „ზორიასა“ და პორტუგალიის „ბრაგას“ მატჩის მთავარი არბიტრი გიორგი ყრუაშვილი იქნება, მას ზაზა ფიფია და ლევან ვარამიშვილი დაეხმარებიან. მეოთხე მსაჯის ფუნქციას კი გიორგი ვადაჭკორია შეასრულებს. ყრუაშვილი 2019 წელს ფიფას სამსაჯო კლასიფიკაციაში დაწინაურდა და მეორე კატეგორიის არბიტრებს შეუერთდა. ის საქართველოს ისტორიაში მეორე მსაჯია ლევან ფანიაშვილის შემდეგ, რომელმაც ფიფას სამსაჯო კლასიფიკაციაში აღნიშნულ დონეს მიაღწია.

29 ოქტომბერი 2020, 12:58

COVID19

ლაგოდეხის მუნიციპალიტეტში სამ მასწავლებელს კორონავირუსი დაუდასტურდა

ლაგოდეხის მუნიციპალიტეტის პედაგოგების მასობრივი PCR ტესტირების შედეგად, კორონავირუსი სამ მასწავლებელს დაუდასტურდა. ისინი ამ ეტაპზე მკურნალობის კურსს ბინაზე გადიან. ეპიდემიოლოგის მიერ ინფექციის გავრცელების პირელადი წყაროსა და კონტაქტების მოძიება ამ წუთებშიც გრძელდება. დაგეგმილია საჯარო სკოლების სრული დეზინფექცია.

29 ოქტომბერი 2020, 12:52

პოლიტიკა

„ნაციონალური მოძრაობის“ ოფისთან საპროტესტო აქცია მიმდინარეობს

„ნაციონალური მოძრაობის“ ოფისთან საპროტესტო აქცია მიმდინარეობს. ადგილზე შეკრებილნი არიან მეღვინეები კახეთიდან და გორიდან. საპროტესტო აქციაზე შეკრებილები „ნაციონალური მოძრაობის“ პოლიტიკაში ყოფნას აპროტესტებენ. აქცია ამ დროისთვის სიტყვიერი დაპირისპირების ფონზე მიმდინარეობს.

ირაკლი კობახიძე

29 ოქტომბერი 2020, 12:51

პოლიტიკა

ირაკლი კობახიძე: თუ კობიაშვილმა, სუბარმა ან ქადაგიშვილმა არჩევნები წააგეს, მე წავალ პოლიტიკიდან, თუ აღმოჩნდება, რომ სამივე მოიგებს არჩევნებს, ნიკა გვარამია წავიდეს ქართული მედიიდან და ქართული პოლიტიკიდან

„გუშინ დაიდო მონაცემები ე.წ. IPSOS-ის, რომელთა მიხედვითაც თითქოს მელია, მე მგონი ხაბეიშვილი და ბოტკოველი იგებენ არჩევნებს და თან იგებენ პირველ ტურში. მე მარტივად მინდა გითხრათ ერთი რამ: თუ ჩვენი 3 კანდიდატიდან - ეს არის კობიაშვილი გლდანში, ეს არის სუბარი სამგორში და ეს არის ქადაგიშვილი თელავი, ახმეტა, ყვარელი, ლაგოდეხის ოლქში - თუ რომელიმე მათგანი ვერ მოიგებს არჩევნებს, ნახეთ რა მკაფიოდ ვამბობ, მე წავალ პოლიტიკიდან, ერთი მათგანიც თუ ვერ მოიგებს არჩევნებს. და რაც შეეხება საპირისპირო შემთხვევას, თუ აღმოჩნდება, რომ სამივე მოიგებს არჩევნებს, მოდით შევთანხმდეთ ასეთ რაღაცაზე და გადაეცით თქვენს გენპროკურორს, ნიკა გვარამიას, ამ შემთხვევაში ის წავიდეს ქართული მედიიდან და ქართული პოლიტიკიდან“, - განაცხადა კობახიძემ.