ირაკლი კობახიძე: ვის დროს იყო ჩამოშლილი სამართალდამცავი სისტემა და ვის დროს არ არის ჩამოშლილი, ამაზე საზოგადოებამ იმსჯელოს მარტივი სტატისტიკური მაჩვენებლების მიხედვით

ჩამოშლილი როდის იყო სამართალდამცავი სისტემა ამაზე მეტყველებს ძალიან მარტივად სტატისტიკა, - ამის შესახებ „ქართული ოცნების“ ცენტრალურ ოფისში გამართულ ბრიფინგზე ირაკლი კობახიძემ განაცხადა. პარტიის აღმასრულებელი მდივნის თქმით, „ქართული ოცნების“ მმართველობის დროს მძიმე დანაშაულის რაოდენობა საგრძნობლად შემცირდება.

„1000-ზე მეტი ყაჩაღობა ფიქსირდებოდა, კრიმინალი ვანო მერაბიშვილის მინისტრობის დროს, 1000-ზე მეტი. ეს მაჩვენებელი არის დაახლოებით 200-მდე ჩამოსული, 5-ჯერ არის შემცირებული. განზრახ მკვლელობა ვანო მერაბიშვილის დროს, 2006-2007-2008 წლები რომ ავიღოთ, გახსოვთ მაშინ როგორი პიარი ჰქონდა ვანო მერაბიშვილს, კრიმინალს და მის შინაგან საქმეთა სამინისტროს. არცერთი წელი არ იყო ამ წლების განმავლობაში, როდესაც 200-ს არ აღემატებოდა განზრახ მკვლელობების რაოდენობა. 100-ზე მეტი არ დაფიქსირებულა არცერთი წლის განმავლობაში. 2-ჯერ და 5-ჯერ არის შემცირებული მძიმე დანაშაულების მაჩვენებლები და ვის დროს იყო ჩამოშლილი სამართალდამცავი სისტემა და ვის დროს არ არის ჩამოშლილი, ამაზე საზოგადოებამ იმსჯელოს ამ მარტივი სტატისტიკური მაჩვენებლების მიხედვით“, - განაცხადა კობახიძემ.