17:00 საათის მონაცემებით, ხაშურის ოლქში, საკუთარი არჩევანი 31,132-მა ამომრჩეველმა დააფიქსირა

17:00 საათის მონაცემებით ხაშურის ოლქში რეგისტრირებული 66,000 ამომრჩევლიდან, არჩევანი 31,132-მა გააკეთა.

„არჩევნები მიმდინარეობს მშვიდ პირობებში, ინციდენტებს ადგილი არ ჰქონია. 66,000 ამომრჩევლიდან მონაწილეობა მიიღო 31,132-მა ამომრჩეველმა, ესაა 47%. საჩივრების რაოდენობა ჯერჯერობით ისევ ერთია. რაც შეეხება სპეციალურ უბნებს, 109-ე უბანზე ათივემ მიიღო მონაწილეობა, 53-ე უბანზე კი 145 ამომრჩევლიდან, 114-მა“, - განაცხადა ხაშურის საოლქო საარჩევნო კომისის თავმჯდომარემ, იმედო ლაცაბიძემ.

საქართველოში საპარლამენტო არჩევნები მიმდინარეობს. ამომრჩეველმა არჩევანი დღეს 50 საარჩევნო სუბიექტს - ორ ბლოკსა და 48 პარტიას შორის უნდა გააკეთოს. საპარლამენტო არჩევნებისთვის 38 ქვეყანაში 52 საარჩევნო უბანი გაიხსნა. 2020 წლის 31 ოქტომბრის არჩევნებისთვის კოვიდდაწესებულებებში 127 საარჩევნო უბანი მუშაობს. პენიტენციურ დაწესებულებებში კი 10 საარჩევნო უბანი გაიხსნა. არჩევნებს 132 ადგილობრივი და 23 საერთაშორისო ორგანიზაციის წარმომადგენელი აკვირდება. ამასთან, ამერიკული ორგანიზაცია Public Opinion Strategies „იმედის“ დაკვეთით ეგზიტპოლს ატარებს.