ამირან სალუქვაძე: გარდა კანონისა, არსებობს იარაღის ტარების ეთიკა

27 წელი ვიმსახურე 2 სტრუქტურაში, თავდაცვასა და დაზვერვაში. ვიცნობ უამრავ ადამიანს, ვისაც იარაღის ტარების უფლება აქვს: ყოფილ მინისტრებს, გენერლებს, სარდლებს, ოფიცრებს და ჩემი უზარმაზარი სამეგობროდან იშვიათად თუ დაინახავთ ვინმეს, რომელიც ქუჩაში იარაღს ატარებს, - ამის შესახებ ანალიტიკოსმა, ამირან სალუქვაძემ „იმედის“ ეთერში განაცხადა.

„მე პირადად მაქვს იარაღის ტარების უფლება, იარაღიც მაქვს, მაგრამ იარაღით არ დავდივარ, თუ დავდივარ სადმე შეიძლება ბუნებაში გავიდე და იქ წავიღო. გარდა კანონისა არსებობს იარაღს ტარების ეთიკა. შენ გაქვს იარაღი, ამით აჩვენებ უპირატესობას დანარჩენ მოსახლოებას. შენ საზოგადოებას კი არ უნდა აჩვენო ის რომ შენ იარაღი გაქვს, ეს ელემენტარული ეთიკაა“, - აღნიშნა ამირან სალუქვაძემ.

სოციალურ ქსელში ვრცელდება ფოტო, რომელზეც „ნაციონალური მოძრაობის“ ერთ-ერთი ლიდერი, დიმიტრი შაშკინია გადაღებული. სავარაუდოდ, ფოტო ბოლნისის მუნიციპალიტეტის სოფელ ტალავერშია გადაღებული. ფოტოზე ჩანს, რომ შაშკინი აქტივისტებთან ერთად იმყოფება და შეიარაღებულია.

ამერიკული ორგანიზაცია Public Opinion Strategies-ის მიერ ჩატარებული ეგზიტპოლის თანახმად, „ქართულმა ოცნებამ“ ხმების 55% მიიღო, „ნაციონალურმა მოძრაობამ“ კი - 23%.

საქართველოს მასშტაბით ყველა საარჩევნო უბანი დაიხურა.