მამუკა მდინარაძემ ამომრჩევლებს 21 ნოემბერს, მეორე ტურში „ქართული ოცნების“ მაჟორიტარი კანდიდატების მხარდაჭერისკენ მოუწოდა

„ქართული ოცნების“ ყველა ამომრჩეველს მოვუწოდებთ, შეცდომაში არ შევიდნენ ოპოზიციის სპეკულაციური განცხადბებეის გამო და 21 ნოემბერს მივიდნენ საარჩვნო უბნებში, მხარი დაუჭირონ „ქართული ოცნების“ მაჟორიტარობის კანდიდატს, - ამის შესახებ პარტია „ქართული ოცნების“ ოფისში გამართულ ბრიფინგზე საპარლამენტო უმრავლესობის ლიდერმა მამუკა მდინარაძემ განაცხადა.

მისივე თქმით, მოსახლეობის ნაწილი ოპოზიციის განცხადებების გამო დაბნეულია, რადგან ისინი აცხადებენ, რომ არჩევნების მეორე ტურში მონაწილეობას არ მიიღებენ. მდინარაძის განცხადებით, ასეთ ფონზე, ზოგიერთს რჩება შთაბეჭდილება, რომ მეორე ტური საერთოდ არ ტარდება. მისი თქმით, ეს სინამდვილეს არ შეესაბამება.

„საზოგადოებას შევახსენებთ, რომ მიმდინარე კვირის შაბათს, 21 ნოემბერს, საპარლამენტო არჩევნების მეორე ტური გაიმართება: მთაწმინდა-კრწანისის, ვაკე-საბურთალოს, ისნის, სამგორის, დიდუბე-ჩუღურეთის, ნაძალადევის, გლდანის, თელავი-ახმეტა-ყვარელი-ლაგოდეხის, მცხეთა-დუშეთი-თიანეთი-ყაზბეგის, რუსთავისა და გარდაბნის რამდენიმე უბანზე, ხაშური-ქარელის, ზესტაფონი-ტყიბული-თერჯოლა-ბაღდათის, ქუთაისის, ზუგდიდის, ბათუმის ხელვაჩაურის, ქედა-შუახევი-ხულოს საარჩევნო ოლქებში.

ბიულეტენებში მითითებული იქნება მეორე ტურში გასილი კანდიდატის სახელი და გვარი, რადაგან მეორე ტურში კანდიდატურის მოხსნა მოქმედი კანონმდებლობით შეუძლებელია.

შესაბამისად, „ქართული ოცნების“ ყველა ამომრჩეველს კიდევ ერთხელ ვუხდიდთ უღრმეს მადლობას ნდობისთვის, მხარდაჭერისთვის და მოვუწოდებთ, შეცდომაში არ შევიდნენ ოპოზიციის სპეკულაციური განცხადბებეის გამო და 21 ნოემბერს მივიდნენ საარჩვნო უბნებში და მხარი დაუჭირონ „ქართული ოცნების“ მაჟორიტარობის კანდიდატს“, - განაცხადა მამუკა მდინარაძემ.

მისივე თქმით, ოპოზიცია აგიტატორების რაოდენობას აორმაგებს.

„ისინი ზოგიერთ საარჩევნო მაჟორიტარულ ოლქში აორმაგებენ კიდევაც, ორგან დაფიქსირდა ასეთი ფაქტი, მათი აგიტატორების რაოდენობას, ასე რომ მათი განცხადებები აცდენილია მათი მოქმედებებიდან. ასევე, მინდა საზოგადოება საქმის კურსში ჩავაყენო, რომ მათი მაჟორიტარი კანდიდატების უდიდესი ნაწილი, უკვე მათი საარჩევნო სიის, პროპორციული სიის შედეგების მიხედვით, არის პარლამენტის დეპუტატი, მათ მოპოვებული აქვთ მანდატი, რაც არ ხდება ჩვენს შემთხვევაში. გამსვლელ სიაში ჩვენი მაჟორიტარობის არცერთი კანდიდატი შეყვანილი არ ყოფილა, მათ მანდატი არ აქვთ და იცით, რომ „ქართულ ოცნებას" დღევანდელი შედეგებით 73 მანდატი აქვს მოპოვებული და ძალიან მნიშვნელოვანია ჩვენი მაჟორიტარი კანდიდატების მხარდაჭერა“, - განაცხადა მამუკა მდინარაძემ.