ნიკოლოზ სამხარაძე: ვთხოვდი ოპოზიციას, ნუ ითამაშებენ იმ თამაშს, რომელიც რუსეთს აწყობს

საპროტესტო აქციის მოწტობის ფაქტმა ოპოზიციის შიგნით ერთსულოვნება არ გამოიწვია, რადგან იქაც არიან საღი აზრის ადამიანები, რომლებიც ფიქრობენ, რომ ამით ისინი ხელისუფლებას კი არ ვნებენ, არამედ საკუთარ ქვეყანას, - ამის შესახებ „იმედის გადაცემა „არენაში“ ქართული ოცნების“ საარჩევნო სიის წევრმა, ნიკა სამხარაძემ განაცხადა.

მან კომენტარი ოპოზიციის ნაწილის მიერ დაგეგმილ საპროტესტო აქციაზე გააკეთა, რომლითაც ისინი აპირებენ, აშშ-ის სახელმწიფო მდივანს საქართველოში არჩევნების გაყალბების შესახებ ხმა მიაწვდინონ.

მისივე თქმით, პოლიტიკური გემოვნების სკითხია, თუ როგორ შევაფასებთ მათ ამ ქმედებას.

„როდესაც ასეთი მნიშვნელოვანი ვიზირტი ხორციელდება და თუ გავითვალისწინებთ, რომ იგი ხორციელდება რეგიონში ძალიან რთულ ვითარებაში: მიმდინარეობდა ომი აზერბაიჯანსა და სომხეთს შორის, რომელიც ცოტა ხნის წინ დასრულდა და დასრულდა იგი იმ შედეგით, რომ იქ რუსეთმა სამშვიდობო ჯარი ჩააყენა. ფაქტობრივად, მან სამხრეთ კავკასიის რეგიონში ფეხი მოიმაგრა და ასეთ ვითარებაში, როდესაც ჩვენი ნომერ პირველი სტრატეგიული პარტნიორი ქვეყნის სახელმწიფო მდივანი, ყველაზე მაღალი დონის სახელმწიფო დიპლომატი, ჩამოდის საქართველოში და შენ მას უწყობ საპროტესტო აქციებს, ჩემთვის ბოლომდე გაურკვეველია, რა მოთხოვნა აქვს საერთოდ ამ საპროტესტო აქციებს.

ასევე, თავად ამ ფაქტმა ოპოზიციის შიგნით ერთსულოვნება არ გამოიწვია, რადგან იქაც არიან საღი აზრის ადამიანები, რომლებიც ფიქრობენ, რომ ამით ისინი ხელისუფლებას კი არ ვნებენ, არამედ საკუთარ ქვეყანას. შესაბამისად, არ მივესალმები ამ ფაქტს და ვფიქრობ, რომ ეს ჩვენი ქვეყნისთვის ზიანის მომტანია. ჩვენი ქვეყნისთვის ზიანის მიყენება ვის აწყობს, ეს დღსავით ნათელია! ეს აწყობს ჩვენს ჩრდილოელ მეზობელს. ამიტომ, ვთხოვდი მათ, ნუ ითამაშებენ იმ თამაშს, რომელიც რუსეთს აწყობს“, - განაცხადა ნიკოლოზ სამხარაძემ.