Imedi /  18 ნოემბერი 2020, 11:33 / სანდო წყარო

გიორგი გახარია მაიკ პომპეოს: მადლობელი ვართ ჩვენი სტრატეგიული პარტნიორობის მხარდაჭერისთვის, ეს ყველზე მნიშვნელოვანი პარტნიორობაა, რაც გაგვაჩნია

მაიკ პომპეო;  გიორგი გახარია

მაიკ პომპეო
გიორგი გახარია

თქვენ ამ ქვეყნის ჭეშმარიტი მეგობარი ბრძანდებით! ჩვენ, პირადად თქვენი და შეერთებული შტატების მადლობელი ვართ ჩვენი სტრატეგიული პარტნიორობის მხარდაჭერისთვის, ეს ყველზე მნიშვნელოვანი პარტნიორობაა, რაც გაგვაჩნია, - ამის შესახებ საქართველოს პრემიერ-მინისტრმა გიორგი გახარიამ აშშ-ის სახელმწიფო მდივან მაიკ პომპეოსთან შეხვედრისას განაცხადა.

მთავრობის მეთაურმა ხაზი გაუსვა აშშ-საქართველოს სტრატეგიულ პარტნიორობას და აშშ-ის სახელმწიფო მდივანს გლობალური პანდემიის პერიოდში საქართველოში ვიზიტისთვის მადლობა გადაუხადა.

„რა თქმა უნდა, მადლობას გიხდით შეერთებული შტატების მხარდაჭერისთვის ახალი კორონავირუსის დაძლევის საქმეში. კარგად მოგეხსენებათ, რომ ძალიან წარმატებული თანამშრომლობა გვაკავშირებს ლუგარის ლაბორატორიის სახით, რომელიც მეტად საკვანძო ასპექტია ახალ კორონავირუსთან ბრძოლის საქმეში. უპირველეს ყოვლისა, ხაზი მინდა გავუსვა, რომ ნამდვილად ვაფასებთ შეერთებული შტატების ხალხისა და მთავრობის უწყვეტ მხარდაჭერას საქართველოს ტერიტორიული მთლიანობისა და სუვერენიტეტისადმი. კარგად იცით, რამდენად მნიშვნელოვანია ეს საკითხი ჩვენი ქვეყნისთვის, რომლის ტერიტორიები ოკუპირებულია, რადგან საოკუპაციო ძალები კვლავ არიან განთავსებული ჩვენს მიწაზე. ჩვენ ვიცით, რომ ეს სტრატეგიული პარტნიორობა უპირველეს ყოვლისა ეფუძნება ფასეულობებს - თავისუფლებას, დემოკრატიას და რა თქმა უნდა, საერთო გეოსტრატეგიულ ინტერესებს. რეგიონისთვის ამ ძალიან ცვალებად დროში ვაცნობიერებთ, რომ ეს საკითხებია განსახილველი. ძალიან კარგი შესაძლებლობა გვეძლევა მნიშვნელოვანი საკითხების განსახილველად, შეერთებულ შტატებსა და საქართველოს შორის თავდაცვისა და უსაფრთხოების, ეკონომიკისა და დემოკრატიის კონსოლიდაციის საკითხებზე თანამშრომლობის გასაღრმავებლად. მინდა დაგარწმუნოთ, რომ ნამდვილად ვგრძნობთ, რომ ჩვენი თანამშრომლობისა და პარტნიორობის გაძლიერების, ასევე ამ რეგიონში შეერთებული შტატების გაძლიერებული წარმომადგენლობის მომენტი დადგა. კიდევ ერთხელ მოგესალმებით და მადლობას გიხდით საქართველოში ვიზიტისთვის“, - მიმართა გიორგი გახარიამ მაიკლ პომპეოს.

საქართველოს მთავრობის მეთაურს მასპინძლობისთვის მადლობა გადაუხადა აშშ-ის სახელმწიფო მდივანმა. მაიკლ პომპეომ ორი ქვეყნის მრავალწლიან მეგობრულ ურთიერთობებს გაუსვა ხაზი.

„ბატონო პრემიერ-მინისტრო, ძალიან მიხარია, რომ აქ ვიმყოფები. ძალიან მნიშვნელოვანი საკითხები იქნება განსახილველი და თქვენ მიერ ჩამოთვლილი ყველა ასპექტი შესაბამისად მოვინიშნეთ. მთელი მსოფლიო და მათ შორის საქართველო, იმყოფება ჩინეთიდან მომდინარე ვირუსის გამოწვევის წინაშე. მას ერთად გავუმკლავდებით, ჩვენს ხალხს გავუფრთხილდებით და ეკონომიკას ავამუშავებთ, რაც ძალიან მნიშვნელოვანია თქვენი ქვეყნის, რეგიონისა და მსოფლიოს კეთილდღეობისთვის.

ჩვენ შესანიშნავი მეგობრები ვართ უკვე 30 წელია. მხარს გიჭერთ დემოკრატიულ საკითხებში და ერთად ვმუშაობთ იმ საკითხებზე, რომლებიც თქვენი ქვეყნის ოკუპაციიდან მომდინარე ტკივილსა და სირთულეს უკავშირდება. ყველაფერს გავაკეთებთ მომავალშიც თქვენი ქვეყნის დემოკრატიზაციის პროცესის მხარდასაჭერად, ინსტიტუტების გასაძლიერებლად, რაც მნიშნელოვანია თავისუფალი და სამართლიანი არჩევნებისა და ყოველივე იმისთვის, რაც მომდინარეობს ჯანსაღი დისკუსიიდან და დემოკრატიიდან. მადლობას გიხდით მასპინძლობისთვის. ვაფასებ ამ შესაძლებლობას და მოხარული ვარ თქვენთან შეხვედრით“, - აღნიშნა მაიკლ პომპეომ.

მხარეებმა განიხილეს საქართველო-აშშ-ის სტრატეგიული პარტნიორობის ძირითადი მიმართულებები და ქვეყნებს შორის არსებული მტკიცე თანამშრომლობის კიდევ უფრო მეტად გაღრმავების პერსპექტივები.

მთავრობის მეთაურმა აღნიშნა აშშ-ის უმნიშვნელოვანესი დახმარება პანდემიასთან გამკლავების პროცესში და სტრატეგიულ პარტნიორ სახელმწიფოს მადლობა გადაუხადა.

ყურადღება დაეთმო საქართველოსა და რეგიონში არსებულ უსაფრთხოების გარემოს და რეგიონული და საერთაშორისო უსაფრთხოების განმტკიცების მიზნით საქართველოსა და აშშ-ის თანამშრომლობას.

მთავრობის მეთაურმა სახელმწიფო მდივანთან შეხვედრისას ყურადღება გაამახვილა საქართველოს ოკუპირებულ რეგიონებში უსაფრთხოებისა და ჰუმანიტარული თვალსაზრისით არსებულ რთულ ვითარებაზე.

სახელმწიფო მდივანმა კიდევ ერთხელ დაადასტურა ამერიკის შეერთებული შტატების ურყევი მხარდაჭერა საქართველოს სუვერენიტეტისა და ტერიტორიული მთლიანობისადმი, ასევე, ქვეყნის ევროპული და ევროატლანტიკური ინტეგრაციისადმი.

შეხვედრაზე ხაზი გაესვა თანამშრომლობას სავაჭრო-ეკონომიკური ურთიერთობების შემდგომი განმტკიცებისა და ქვეყნის დემოკრატიული განვითარების მიმართულებებით. პრემიერ-მინისტრმა განსაკუთრებულად აღნიშნა აშშ-ის უმნიშვნელოვანესი როლი ქვეყნის დემოკრატიული განვითარების გზაზე.

გიორგი გახარიას შეფასებით, სახელმწიფო მდივნის ვიზიტი კიდევ ერთხელ უსვამს ხაზს საქართველო-აშშ-ის სტრატეგიული პარტნიორობის სიმტკიცეს და ორი ქვეყნის მზაობას, გააძლიერონ თანამშრომლობა საერთო ღირებულებებზე დამყარებული პარტნიორობის შემდგომი განმტკიცების მიზნით.

მაღალი დონის შეხვედრას, რომელიც მთავრობის ადმინისტრაციაში გაფართოებული ფორმატით გაიმართა, აშშ-ის მხრიდან - სახელმწიფო მდივნის მოადგილე ევროპისა და ევრაზიის საკითხებში ფილიპ რიკერი, აშშ-ის საგანგებო და სრულუფლებიანი ელჩი საქართველოში კელი დეგნანი, გენშტაბის ხელმძღვანელის თანაშემწე რიკი ვადელი და სახელმწიფო მდივნის უფროსი მრჩეველი მერი კისსელი, ხოლო საქართველოს მხრიდან - საგარეო საქმეთა მინისტრი დავით ზალკალიანი, საქართველოს საგანგებო და სრულუფლებიანი ელჩი ამერიკის შეერთებულ შტატებში დავით ბაქრაძე და მთავრობის ადმინისტრაციის უფროსი ნათია მეზვრიშვილი დაესწრნენ.

ყველა სიახლე

ხათუნა ბურკაძე

27 ივნისი 2022, 18:41

პოლიტიკა

ხათუნა ბურკაძე: მოხარულები ვართ, რომ NATO-ს გენერალურმა მდივანმა დღეს, სამიტის წინა დღეს საქართველოსთვის ახალი დახმარების პაკეტის შესახებ გააკეთა განცხადება, ეს არის დასტური იმისა, რომ NATO-სა და საქართველოს შორის თანამშრომლობა კიდევ უფრო გაღრმავდება

მოხარულები ვართ, რომ NATO-ს გენერალურმა მდივანმა დღეს, სამიტის წინა დღეს საქართველოსთვის ახალი დახმარების პაკეტის შესახებ გააკეთა განცხადება, ეს არის დასტური იმისა, რომ NATO-სა და საქართველოს შორის თანამშრომლობა კიდევ უფრო გაღრმავდება,- ამის შესახებ ანალიტიკური ცენტრის „ჯეოქეისის“ ამერიკისმცოდნეობისა და ევროატლანტიკური მიმართულების დირექტორმა, ხათუნა ბურკაძემ, „ქრონიკის“ ეთერში ისაუბრა.

27 ივნისი 2022, 18:34

მსოფლიო

„დიდი შვიდეული“ პირობას დებს, რომ გააგრძელებს უკრაინის მხარდაჭერას მანამ, სანამ საჭირო იქნება

„დიდი შვიდეული“ (G7) პირობას დებს, რომ გააგრძელებს უკრაინის მხარდაჭერას მანამ, სანამ საჭირო იქნება. „ჩვენ გავაგრძელებთ ფინანსური, ჰუმანიტარული, სამხედრო და დიპლომატიური მხარდაჭერის უზრუნველყოფას და უკრაინის გვერდით იმდენ ხანს ვიდგებით, რამდენიც საჭირო იქნება“, - ნათქვამია G7-ის განცხადებაში.

იენს სტოლტენბერგი

27 ივნისი 2022, 18:28

პოლიტიკა

იენს სტოლტენბერგი: მადრიდის სამიტის მთავარი გზავნილი იქნება მხარდაჭერა საქართველოსა და სხვა მოკავშირეებისადმი, რომლებიც მოწყვლადი არიან რუსული ჩარევის წინაშე

„ველოდები, რომ მადრიდის სამიტზე შევთანხმდებით პოლიტიკური და პრაქტიკული მხარდაჭერის გაზრდაზე იმ პარტნიორებისთვის, რომლებიც რუსული ჩარევის რისკის ქვეშ არიან. ჩვენ დავეხმარებით მათ შესაძლებლობების გაუმჯობესებასა და მედეგობის გაძლიერებაში. ჩვენ შეგვიძლია საქართველოსთვის მხარდაჭერის გაზრდა, რაც ნატო-საქართველოს არსებითი პაკეტს დაეფუძნება, მათ შორის ისეთ სფეროებში, როგორიცაა უსაფრთხო კომუნიკაციები, სიტუაციის ანალიზი, კიბერუსაფრთხოება. ჩვენ ასევე საქართველოში, თბილისთან ახლოს გვაქვს ნატო-საქართველოს ერთობლივი საწვრთნელი ცენტრი. შეგვიძლია მეტი გავაკეთოთ ამ მიმართულებით. შეგვიძლია, დავეხმაროთ საქართველოს კიბერშესაძლებლობის განვითარებაში და თბილისში ნატოს სამეკავშირეო ოფისში პერსონალის რაოდენობა გავზარდოთ. ასე რომ, ამ სამიტის მთავარი გზავნილი იქნება მხარდაჭერა საქართველოსა და სხვა მოკავშირეებისადმი, რომლებიც მოწყვლადი არიან რუსული ჩარევის წინაშე“, - განაცხადა სტოლტენბერგმა.

გივი მიქანაძე

27 ივნისი 2022, 18:26

პოლიტიკა

გივი მიქანაძე რადიკალურ ოპოზიციაზე: თუ ისინი „სირცხვილიასა“ და ე.წ. საზოგადო მოღვაწეებს იქნებიან ამოფარებული, მაშინ ჩვენ აუცილებლად მივიყვანთ შესაბამის რეფორმებს იმ კონდიციამდე, რომ კანდიდატის სტატუსი მივიღოთ

თუ მათი მხრიდან ამის სურვილი არ არის და ისინი „სირცხვილიასა“ და ე.წ. საზოგადო მოღვაწეებს იქნებიან ამოფარებული, რომლებიც ვიცით, პირდაპირ კავშირში არიან „ნაციონალურ მოძრაობასთან“, მის შენაერთებთან და საზოგადოების შეცდომაში შეყვანას ცდილობენ, მაშინ ჩვენ პასუხისმგებლობით, როგორც გვჩვევია, აუცილებლად მივიყვანთ შესაბამის რეფორმებს იმ კონდიციამდე, რომ ის, 6 თვის თავზე მივიღოთ კანდიდატის სტატუსი, - ამის შესახებ საპარლამენტო უმრავლესობის წევრმა, გივი მიქანაძემ რადიკალურ ოპოზიციაზე საუბრისას განაცხადა.

მიხეილ ჩინჩალაძე

27 ივნისი 2022, 18:23

სამართალი

თბილისის სააპელაციო სასამართლოს თავმჯდომარის თანამდებობაზე მიხეილ ჩინჩალაძე მეორე ვადით აირჩიეს

გადაწყვეტილება საბჭომ სხდომაზე მიიღო, რომელშიც 53 მოსამართლე მონაწილეობდა. საერთო სასამართლოების შესახებ ორგანული კანონის თანახმად, სააპელაციო სასამართლოს თავმჯდომარე შეირჩევა სააპელაციო სასამართლოს წევრი მოსამართლეებისგან. თანამდებობაზე შერჩეულ პირს ნიშნავს იუსტიციის უმაღლესი საბჭო.

იენს სტოლტენბერგი

27 ივნისი 2022, 18:13

მსოფლიო

სტოლტენბერგი: ნატო ალიანსის აღმოსავლეთ ნაწილში თავის საბრძოლო ჯგუფებს გააძლიერებს

ნატო ალიანსის აღმოსავლეთ ნაწილში თავის საბრძოლო ჯგუფებს ბრიგადის დონემდე გააძლიერებს, - განაცხადა ნატოს გენერალურმა მდივანმა, იენს სტოლტენბერგმა.

ხათუნა ბურკაძე

27 ივნისი 2022, 18:10

პოლიტიკა

ხათუნა ბურკაძე: ჩვენ გვაქვს ნატოში წევრობისთვის საჭირო ყველა ინსტრუმენტი

„ჩვენ არაერთ სამშვიდობო ოპერაციასა თუ ჰუმანიტარულ მისიაში ვმონაწილეობდით. ასევე დავადასტურეთ, რომ წარმოვადგენთ უსაფრთხოების უზრუნველყოფის ხელშემწყობ ქვეყანას. მეტიც, ავღანეთის სამშვიდობო მისიაში საქართველო წარმოადგენდა უმსხვილეს კონტრიბუტორს ნატოს არაწევრ სახელმწიფოებს შორის. შავი ზღვის რეგიონის კონტექსტში, რადგან საქართველო წარმოადგენს შავი ზღვის სანაპირო ქვეყანას, მას აქვს ძალიან მნიშვნელოვანი როლი როგორც უსაფრთხოების თვალსაზრისით, ასევე ეკონომიკური მიმართულებით. განხორციელებული რეფორმები, პრაქტიკული ინსტრუმენტები და გეოპოლიტიკური ფაქტორი ნამდვილად იძლევა იმის თქმის შესაძლებლობას, რომ დროა საქართველო ევროატლანტიკურ რუკაზე პოლიტიკურად უფრო მკაფიოდ იყოს წარმოდგენილი“, - განაცხადა ბურკაძემ.

გივი მიქანაძე

27 ივნისი 2022, 18:02

პოლიტიკა

გივი მიქანაძე „ლელოს“ განცხადებაზე: ყველას მოვუწოდებთ, რომ მსგავსი რადიკალური, შანტაჟის შემცველი, უსაფუძვლო განცხადებებისგან თავი შეიკავონ

სამწუხაროა, მაგრამ ეს განცხადებაც პირდაპირ წინააღმდეგობაში მოდის იმ განსაზღვრული გეგმის პირველ პუნქტთან, რომელიც პოლარიზაციის შემცირებისკენ მოუწოდებს როგორც მმართველ გუნდს, ასევე, ოპოზიციურ პარტიებს, - ამის შესახებ საპარლამენტო უმრავლესობის წევრმა, გივი მიქანაძემ „ქრონიკას“ განუცხადა, რითაც გამოეხმაურა, პარტია „ლელო საქართველოსთვის" მმართველი პარტიისადმი მიმართვას, რომ „დაუყოვნებლივ დაიწყონ მოლაპარაკებები პოლიტიკურ პარტიებსა და სამოქალაქო საზოგადოებასთან ეროვნული თანხმობის მთავრობის ფორმირების პრინციპების განსაზღვრაში“.

გივი მიქანაძე

27 ივნისი 2022, 17:58

პოლიტიკა

გივი მიქანაძე: ჩვენ წლიდან წლამდე ვაღრმავებთ პარტნიორობას და ურთიერთობას ნატოსთან

ეს არიას ძალიან მაღალი რანგის სამიტი, რომლის ფორმატშიც განიხილება კონტინენტზე და მთლიანად მსოფლიოში უსაფრთხოების საკითხები, - ამის შესახებ უმრავლესობის წევრმა გივი მიქანაძემ „ქრონიკაში“ მადრიდის სამიტზე საუბრისას განაცხადა.

ვიქტორ ყიფიანი

27 ივნისი 2022, 17:48

პოლიტიკა

ვიქტორ ყიფიანი NATO-ს სამიტზე: ფრთხილი ოპტიმიზმი უნდა ვიქონიოთ

NATO-თან მიმართებაში მოლოდინებზე საუბარი ალბათ ყველაზე უმადური საქმეა იმიტომ, რომ მსოფლიო იმდენად აირია, წესრიგი, ამოყირავდა, რომ ბუნებრივია, ჩვენ არა მარტო მტკიცე განცხადებების მხარდაჭერის მოლოდინში ვყოთ, არამედ კონკრეტული მოქმედებების,- ამის შესახებ ანალიტიკური ჯგუფის „ჯეოქეისის“ თავმჯდომარემ ვიქტორ ყიფიანმა განაცხადა.

მიხეილ სარჯველაძე

27 ივნისი 2022, 17:44

პოლიტიკა

მიხეილ სარჯველაძე პრაიდის კვირეულზე: უნდა მივეჩვიოთ ისე ცხოვრებას, რომ მოგვწონს თუ არა სხვა პირთა პოზიცია, არცერთ შემთხვევაში არ შეიძლება თავს უფლება მივცეთ ამას ძალადობრივი ფორმებით აღვუდგეთ

„უნდა მივეჩვიოთ ისე ცხოვრებას, რომ მოგვწონს თუ არ მოგვწონს სხვა პირთა მიერ გამოხატული პოზიცია, არცერთ შემთხვევაში არ შეიძლება საკუთარ თავს უფლება მივცეთ ამას ძალადობრივი ფორმებით აღვუდგეთ“, - განაცხადა სარჯველაძემ.

ლევან დავითაშვილი

27 ივნისი 2022, 17:40

ტექნოლოგიები

ლევან დავითაშვილმა ციფრული ტრანსფორმაციის ფორუმი გახსნა

ვიცე-პრემიერის განცხადებით, საქართველოს მთავრობამ წლების განმავლობაში ბევრი გააკეთა ქვეყანაში ციფრული და ზოგადად ინოვაციური ეკოსისტემის განვითარებისთვის. ლევან დავითაშვილის თქმით, ეკონომიკისა და მდგრადი განვითარების სამინისტროში ჩამოყალიბდა ციფრული ტრანსფორმაციის საბჭო კერძო სექტორის წარმომადგენელთა მონაწილეობით.

ვახტანგ კაპანაძე

27 ივნისი 2022, 17:30

პოლიტიკა

ვახტანგ კაპანაძე: ნატო გაცილებით აქტიური, გადაწყვეტილების მიღების პროცესში უფრო მოქნილი იქნება - ვფიქრობ, ნამდვილად უნდა გაჟღერდეს საქართველოსთან მიმართებაში დამატებითი ნაბიჯები

ნატო ის ნატო არ იქნება, როგორც ადრე იყო. გაცილებით აქტიური იქნება, გაცილებით ენერგიული, გადაწყვეტილების მიღების პროცესში უფრო მოქნილი იქნება. ეს მომენტი გამოსაყენებელია და პროაქტიული, ურთიერთშემხვედრი ნაბიჯები უნდა იყოს გადადგმული, - ამის შესახებ გენერალური შტაბის ყოფილმა უფროსმა, ანალიტიკურ ცენტრ „ჯეოქეისის" მრჩეველმა, ვახტანგ კაპანაძემ განაცხადა.

27 ივნისი 2022, 17:29

თავდაცვა

კადეტთა ლიცეუმში ჩარიცხვის მსურველ მოსწავლეთა რეგისტრაცია დაიწყო

მოსწავლეთა მიღების კოორდინირებისა და გამჭვირვალობის მიზნით, კომისიაზე მოვლინებულნი არიან საქართველოს თავდაცვის სამინისტროს გენერალური ინსპექციისა და სამხედრო პოლიციის დეპარტამენტის წარმომადგენლები.

გიორგი ვოლსკი

27 ივნისი 2022, 17:27

პოლიტიკა

გიორგი ვოლსკი: ჩვენ ვართ ნატოს მოკავშირეები და სისხლითა და უამრავი ადამიანის ჯანმრთელობით დავადასტურეთ ჩვენი დამოკიდებულება მსოფლიოში მიმდინარე პროცესებთან

„ჩვენ ვართ ნატოს მოკავშირეები და სისხლითა და უამრავი ადამიანის ჯანმრთელობით დავადასტურეთ ჩვენი დამოკიდებულება მსოფლიოში მიმდინარე პროცესებთან. მსოფლიოში სტაბილურობის შენარჩუნება, ორგანიზებულ დანაშაულთან, ნარკოტიკების ბრუნვასთან ბრძოლა და ნატოს სასწავლო ცენტრი საქართველოში არის ერთ-ერთი საუკეთესო, ერთ-ერთი თითით საჩვენებელი. ჩვენ ვსაუბრობთ თანამშრომლობის შემდგომი გაფართოების მნიშვნელობასა და აუცილებლობაზე“, - განაცხადა ვოლსკიმ.

ჰერმან საბო

27 ივნისი 2022, 17:25

პოლიტიკა

ჰერმან საბო: ევროკავშირშიც და ნატოშიც თუ გაწევრიანება გვინდა, საბოლოო ჯამში, ქვეყანაში ერთპიროვნული მმართველობა უნდა დავამთავროთ

ევროკავშირისგან განსხვავებით, ნატო უფრო ტექნიკური გაერთიანებაა, სადაც ბევრად უფრო მომზდებულები ვართ, ვიდრე ევროკავშირში მიღებისთვის,- ამის შესახებ პარტია „გირჩის“ წევრმა ჰერმან საბომ განაცხადა.

ირაკლი ქადაგიშვილი

27 ივნისი 2022, 17:19

პოლიტიკა

ირაკლი ქადაგიშვილი: ის რომ ნატოს სამიტზე პრემიერ-მინისტრი მიიწვიეს, ნიშნავს იმას, რომ ნატოსთან თანამშრომლობა უფრო ინტენსიური იქნება

ნატო აპირებს ამ სამიტთან დაკავშირებით მისი პოლიტიკის ძირეულ გადახედვას, ახალი მიდგომების შემოტანას და ვნახოთ, როგორ იქნება უფრო მეტი კონკრეტიკა მათი მხრიდან, ასევე ურთიერთობა და ახალი თანამშრომლობის ჰორიზონტები საქართველოსთან დაკავშირებით, - ამის შესახებ საპარლამენტო უმრავლესობის წევრმა ირაკლი ქადაგიშვილმა განაცხადა.

იენს სტოლტენბერგი

27 ივნისი 2022, 17:17

მსოფლიო

იენს სტოლტენბერგი: როდესაც ლისაბონში წინა სტრატეგიული დოკუმენტი მივიღეთ, რუსეთი სტრატეგიული პარტნიორი იყო. ამიერიდან, ეს ასე აღარ იქნება

„არსებითი დიალოგი, რომელსაც წლების განმავლობაში ვმუშაობდით, დღეს აღარ მუშაობს. ამის მიზეზი რუსეთის ქცევაა. მათ კონფრონტაცია არჩიეს დიალოგს. ჩვენ ძალიან ვწუხვართ ამის გამო, მაგრამ ნატო ამ რეალობასთან ადაპტაციას ახდენს. ეს არის ზუსტად ის, რასაც ჩვენ თავდაცვის კუთხით ფუნდამენტური ცვლილებით ვაკეთებთ. მაინც საჭიროა კომუნიკაციის არხები, იმისთვის რომ ინციდენტების თავიდან აცილება მოხდეს. დიალოგი და პარტნიორობა, რომლისკენაც მივისწრაფოდით, დღეს აღარ გვაქვს. ლისაბონში, როდესაც წინა სტრატეგიული დოკუმენტი მივიღეთ, დმიტრი მედვედევი მონაწილეობდა შეხვედრაში და ამ დოკუმენტის მიხედვით, რუსეთი სტრატეგიული პარტნიორი იყო. ამიერიდან, ეს ასე აღარ იქნება“, - განაცხადა სტოლტენბერგმა.

შემოსავლების სამსახურის ლოგო

27 ივნისი 2022, 17:11

ეკონომიკა

ბათუმის ნავსადგურში შესულ გემთან და ტვირთთან დაკავშირებით, შემოსავლების სამსახური განცხადებას ავრცელებს

„თურქეთის დროშის ქვეშ მცურავი გემი ბათუმის ნავსადგურში მიმდინარე წლის 26 ივნისს შევიდა. კანონმდებლობით გათვალისწინებული შემოწმებისას დადგინდა, რომ არც გემი და არც მისი მფლობელი არ იყვნენ შეყვანილნი საერთაშორისო სანქცირებულთა სიაში. შესაბამისად, გემს მიეცა უფლება შემოსულიყო საქართველოს ნავსადგურში, რის თაობაზეც გაკეთდა შესაბამისი განმარტება საზღვაო ტრანსპორტის სააგენტოს მიერ.

იენს სტოლტენბერგი

27 ივნისი 2022, 17:03

პოლიტიკა

სტოლტენბერგი: ალიანსი მადრიდის სამიტზე საქართველოს, ბოსნია და ჰერცეგოვინასა და მოლდოვასთვის მხარდაჭერის ახალ პაკეტებს მიიღებს

ნატოს გენერალურმა მდივანმა, იენს სტოლტენბერგმა განაცხადა, რომ ალიანსი მადრიდის სამიტზე საქართველოს, ბოსნია და ჰერცეგოვინასა და მოლდოვასთვის მხარდაჭერის ახალ პაკეტებს მიიღებს.