გიორგი ამილახვარი: არასამთავრობო ორგანიზაციების მიერ წარდგენილი საჩივრების უმრავლესობა მიღებულ იქნა წარმოებაში

არასამთავრობო ორგანიზაციების მიერ წარდგენილი საჩივრების უმრავლესობა მიღებულ იქნა წარმოებაში. მათგან გარკვეული რაოდენობა, რა თქმა უნდა, დაკმაყოფილდა, თუმცა რაც არ დაკმაყოფილდა კონკრეტული სამართლებრივი საფუძველი აქვს, - ამის შესახებ „ქართული ოცნების“ საარჩევნო სიის წევრმა გიორგი ამილახვარმა იმედის გადაცემა „ნამდვილ რიცხვებში“ განაცხადა.

მისი თქმით, პოლიტიკური პარტიები საჩივრებს საარჩევნო პროცედურულ დარღვევებთან დაკავშირებით პროცედურული დარღვევით წერდნენ, ანუ არაუფლებამოსილი პირების მიერ იწერებოდა საჩივრები.

„ჩვენ ხშირად გვესმის ჩვენი ოპონენტებისგან, რომ მათ წარადგინეს საჩივრები და არ მოხდა მათი დაკმაყოფილება. ეს საკითხი ორად არის გასაყოფი, რათა საზოგადოებისთვის იყოს ნათელი, საჩივრები ერთი მხრივ, არის არასამთავრობო ორგანიზაციის მიერ წარდგენილი და ასევე პოლიტიკური პარტიების. არასამთავრობო ორგანიზაციების მიერ წარდგენილი საჩივრების უმრავლესობა მიღებულ იქნა წარმოებაში. მათგან გარკვეული რაოდენობა, რა თქმა უნდა, დაკმაყოფილდა, თუმცა რაც არ დაკმაყოფილდა კონკრეტული სამართლებრივი საფუძველი აქვს. რაც შეეხება პოლიტიკური პარტიების საჩივრებს, აქ კომიკურ საკითხთან გვაქვს საქმე, საარჩევნო პროცედურულ დარღვევებთან დაკავშირებით, საჩივარს პროცედურული დარღვევით წერენ, ანუ არაუფლებამოსილი პირების მიერ. ეს კანონით ნათლად არის განმარტებული და ვერანაირად ვერ მოხდებოდა ამ საჩივრების დაკმაყოფილება. ისინი ასევე აპელირებენ, რომ ძალიან დიდია რაოდენობა საჩივრების წინა საპარლამენტო არჩევნებთან შედარებით, რაც ასევე არ შეესაბამება სიმართლეს, მხოლოდ 10 %-ით მეტია და ჩვენ წელს გვყავდა 50 პოლიტიკური სუბიექტი“, - განაცხადა გიორგი ამილახვარმა.