ირაკლი ჩიქოვანი: ზუგდიდი განსახვებული ურთიერთობების ქალაქია და დარწმუნებულები ვართ, რომ ჩვენი ამომრჩეველი აქტიური იქნება

მეორე ტურში ბიულეტენში დაფიქსირებული იქნება 2 კანდიდატი. ერთია ჩემი კანდიდატურა და მეორე, „ნაციონალური მოძრაობის“ კანდიდატის სახელი და გვარი, რომელმაც დააფიქსირა მეორე საუკეთესო შედეგი. ჩვენ მხარს გვიჭერს მრავალი ათასი ადამიანი და გვაქვს სურვილი გავიმეორეთ და გავაუმჯობესოთ ის შედეგი, რომელიც ზუგდიდში გვქონდა, - ამის შესახებ ,,ქართული ოცნების“ ზუგდიდის მაჟორიტარი დეპუტატობის კანდიდატმა, ირაკლი ჩიქოვანმა იმედის გადაცემა „ნამდვილ რიცხვებში“ განაცხადა.

ირაკლი ჩიქოვანმა ოპოზიციის მიერ დაანონსებულ სირცხვილის კორიდორზეც ისაუბრა და აღნიშნა, რომ ეს მოწოდება ზუგდიდში ფეხს ვერ მოიკიდებდა.

„ზუგდიდი განსახვებული ურთიერთობების ქალაქია და დარწმუნებულები ვართ, რომ ჩვენი ამომრჩეველი აქტიური იქნება. მონაცემები გვაქვს, მაგრამ უნდა ვიაქტიუროდ ყველამ. ყველამ უნდა მოვინდომოთ და მოდუნების საშუალება არ უნდა მოგვცეს იმან, რომ ოპონენტები აღარ აქტიურობენ და არ მონაწილეობენ ამ არჩევნებში. ჩვენ მაინც ჩვენი შედეგი უნდა ვაჩვენოთ და ამისთვის ჩვენი მხარდამჭერები მობილიზებულები არიან. ფსიქოლოგიურად ჩვენთვის გამოწვევა იყო, რომ პირველ ტურში ვერ დავასრულეთ, მაგრამ მეორე ტური გვაძლევს იმის საშუალებას, რომ შედეგი ყველას ვანახოთ“, - აღნიშნა ირაკლი ჩიქოვანმა.

მისივე თქმით, „ქართულმა ოცნებამ“ ჩაატარა კამპანია, რომელიც ორიენტირებული იყო შინაარსზე, საქმეზე და რომელზეც არანაირი ეფექტი არ მოუხდენია არც ერთ პროვოკაციასა და გამოწვევას.