ზურაბ აბაშიძესა და გრიგორი კარასინს შორის შეხვედრა ონლაინ ფორმატში გაიმართა
ფოტო: Facebook
2020 წლის 27 ნოემბერს, ქართულ-რუსული არაფორმალური დიალოგის ფარგლებში, რუსეთის ფედერაციასთან ურთიერთობის საკითხებში საქართველოს პრემიერ-მინისტრის სპეციალური წარმომადგენლის ზურაბ აბაშიძისა და რუსეთის ფედერალური სათათბიროს ფედერალური საბჭოს წევრის გრიგორი კარასინის შეხვედრა ონლაინ ფორმატში გაიმართა. ინფორმაციას ამის შესახებ მთავრობის ადმინისტრაცია ავრცელებს.
შეხვედრის დასაწყისში ზურაბ აბაშიძემ ისაუბრა აფხაზეთსა და ცხინვალის რეგიონში არსებულ რთულ ვითარებაზე. მიუხედავად პანდემიისა, რუსეთის ფედერაცია აგრძელებს მასშტაბური სამხედრო წვრთნების ჩატარებას, გრძელდება საოკუპაციო ხაზის გასწვრივ ე.წ. ბორდერიზაცია, ადამიანის უფლებების უხეში ხელყოფა, ამ რეგიონებთან ფაქტობრივად შეწყვეტილია მიმოსვლა.
განსაკუთრებით ყურადღება გამახვილდა რუსეთსა და ოკუპირებულ აფხაზეთს შორის ერთიანი სოციალური და ეკონომიკური სივრცის ფორმირების შესახებ პროგრამის დამტკიცებაზე, რაც ქართული მხარის შეფასებით წარმოადგენს დე ფაქტო ანექსიისაკენ გადადგმულ მორიგ უკანონო ნაბიჯს. ამ საკითხებზე უფრო დეტალური საუბარი გაიმართება ჟენევის საერთაშორისო მოლაპარაკებების მორიგ რაუნდზე, რომელიც საქართველოსა და რუსეთს შორის უსაფრთხოებისა და ჰუმანიტარული საკითხების განხილვის უმთავრეს ფორმატს წარმოადგენს.
დღის წესრიგით გათვალისწინებული საკითხებიდან, მხარეებმა მიმოიხილეს ორ ქვეყანას შორის 2020 წლის იანვარ-ოქტომბრის პერიოდში სავაჭრო-ეკონომიკური ურთიერთობების, სატრანსპორტო და ჰუმანიტარული კავშირების დინამიკა. აღინიშნა, რომ სავაჭრო ურთიერთობები ორ ქვეყანას შორის აღნიშნულ პერიოდში გარკვეულწილად შემცირდა, რაც პანდემიითაა გამოწვეული. ყურადღება გამახვილდა სავაჭრო და სატრანსპორტო სფეროებში ჩართული კომპანიების ინტერესების დაცვასა და პრობლემების მოგვარებაზე.
სატრანსპორტო კავშირებზე საუბრისას, რუსული მხრიდან აღინიშნა, რომ ეპიდემიოლოგიური სიტუაციის გაუმჯობესების კონტექსტში შესაძლებელი იქნება საქართველოსა და რუსეთს შორის პირდაპირი ავიამიმოსვლის აღდგენის საკითხის განხილვა. თუმცა, ამ ეტაპზე რუსეთის მხარეს საბოლოო გადაწყვეტილება ჯერ მიღებული არ აქვს. ქართული მხრიდან აღინიშნა, რომ ამ თემის პოლიტიზება არასწორია.
საუბარი შეეხო „საქართველოს მთავრობასა და რუსეთის ფედერაციის მთავრობას შორის საბაჟო ადმინისტრირებისა და სასაქონლო ვაჭრობის მონიტორინგის მექანიზმებთან დაკავშირებული ძირითადი პრინციპების შესახებ“ 2011 წლის შეთანხმებას. კერძოდ, აღინიშნა, რომ მოლაპარაკების პროცესში იყო ნელი პროგრესი. მხარეებმა გამოთქვეს მზადყოფნა, ხელი შეუწყონ ექსპერტების დონეზე შექმნილი სამუშაო ჯგუფების საქმიანობას და შეთანხმების იმპლემენტაციას.
რუსეთის მხარის დაინტერესების გათვალისწინებით, ზურაბ აბაშიძემ დაადასტურა, რომ რიჩარდ ლუგარის სახელობის საზოგადოებრივი ჯანდაცვის კვლევითი ცენტრი, რომელიც მნიშვნელოვან როლს ასრულებს საქართველოში პანდემიის წინააღმდეგ ბრძოლაში, შესაბამის ეპიდემიოლოგიურ ვითარებაში მზად იქნება, მიიღოს უცხოელ ექსპერტთა მიერ დაკომპლექტებული ჯგუფი, მათ შორის რუსი ექსპერტები, ლაბორატორიის მუშაობის გასაცნობად. აღინიშნა, რომ ამ კონტექსტში პროპაგანდისტული აჟიოტაჟი სრულიად მიუღებელია.
ასევე ითქვა, რომ რუსეთის მხარე 2021 წლიდან გეგმავს ყაზბეგი-ლარსის სასაზღვრო-გამშვები პუნქტის მიმდებარე ტერიტორიის რეკონსტრუქციას, სატრანსპორტო მიმოსვლის ხელშეწყობის მიზნით.
პრაღის ფორმატში ზურაბ აბაშიძისა და გრიგორი კარასინის მორიგი შეხვედრის თარიღი მოგვიანებით დაზუსტდება.
ყველა სიახლე
27 ივნისი 2022, 21:19
პოლიტიკა
ნიკოლოზ სამხარაძე ევროპარლამენტში გამართულ საპარლამენტთაშორისო კომიტეტის სხდომაზე სიტყვით გამოვიდა
პარლამენტის საგარეო ურთიერთობათა კომიტეტის თავმჯდომარემ, ნიკოლოზ სამხარაძემ ევროპარლამენტში გამართულ საპარლამენტთაშორისო კომიტეტის სხდომაში მიიღო მონაწილეობა.
27 ივნისი 2022, 20:55
მსოფლიო
ოლაფ შოლცი: რუსეთთან ურთიერთობები ვერ დაუბრუნდება იმ მდგომარეობას, რაც უკრაინაში ომამდე იყო
გერმანიის კანცლერმა, ოლაფ შოლცმა განაცხადა, რომ რუსეთთან ურთიერთობები ვერ დაუბრუნდება იმ მდგომარეობას, რაც უკრაინაში ომამდე იყო.
27 ივნისი 2022, 20:54
პოლიტიკა
გიორგი ხელაშვილი: ოპოზიციამ რაც ბოლო თვეების განმავლობაში გააკეთა, ვანო ჩხიკვაძე ამას ფაქტობრივად ფეხდაფეხ მიჰყვა
მკვლევრებისა და არასამთავრობო ორგანიზაციების მთავარი ღირებულება არის მათი მიუკერძოებლობა - სამწუხაროდ, ამას ხშირად ვერ ვხედავთ და ეს კიდევ ერთი შემთხვევაა- ამის შესახებ საპარლამენტო უმრავლესობის წევრმა, გიორგი ხელაშვილმა ვანო ჩხიკვაძეზე საუბრისას განაცხადა.
27 ივნისი 2022, 20:44
პოლიტიკა
მაკა ბოჭორიშვილი: საქართველოს ევროკავშირში ინტეგრაციას ყველაზე მეტად სჭირდება ძლიერი ინსტიტუტები და ეს მოწოდებები, რასაც ჩვენ ვისმენთ, სწორედ ამის წინააღმდეგაა მიმართული
„სამწუხაროა, ასეთი ანტიკონსტიტუციური მოწოდებების მიმართ ნებისმიერი ძალების მხარდაჭერა არის მიუღებელი და წარმოუდგენელი, განსაკუთრებით იმ ადამიანების მხრიდან, რომლებმაც ძალიან კარგად იციან, რა სჭირდება საქართველოს ევროკავშირში ინტეგრაციას. საქართველოს ევროკავშირში ინტეგრაციას ყველაზე მეტად სჭირდება ძლიერი ინსტიტუტები და ეს მოწოდებები, რასაც ჩვენ ვისმენთ, სწორედ ამის წინააღმდეგაა მიმართული“, - განაცხადა ბოჭორიშვილმა.
27 ივნისი 2022, 20:33
მსოფლიო
G7-ის ლიდერებმა სერიოზული შეშფოთება გამოთქვეს იმის გამო, რომ რუსეთმა ბელარუსს Iskander-M-ის ტაქტიკური სარაკეტო სისტემები შეიძლება გადასცეს
„დიდი შვიდეულის“ (G7) ლიდერებმა სერიოზული შეშფოთება გამოთქვეს იმის გამო, რომ რუსეთმა ბელარუსს Iskander-M-ის ტაქტიკური სარაკეტო სისტემები შეიძლება გადასცეს.
27 ივნისი 2022, 19:52
რეგიონი
შემოსავლების სამსახური: ,,ყაზბეგის" დანიშნულებით მიმავალმა სატრანსპორტო საშუალების მფლობელებმა შესაძლებელია საზღვრის გადაკვეთონ საბაჟო გამშვები პუნქტები - ,,წითელი ხიდისა“ და „ლაგოდეხის’’ გავლით
რუსეთის ფედერაციის მიმართულებით მიმავალმა ავტოსატრანსპორტო საშუალებების მფლობელებმა შესაძლებელია ისარგებლონ და საზღვრის კვეთის პროცედურები განახორციელონ საბაჟო გამშვები პუნქტები - ,,წითელი ხიდისა“ და „ლაგოდეხის’’ გავლით. ამის შესახებ ინფორმაციას ფინანსთა სამინისტროს შემოსავლების სამსახური ავრცელებს.
27 ივნისი 2022, 19:51
მსოფლიო
ზელენსკი: უკრაინამ და მოლდოვამ რუსეთიდან მომავალ საფრთხეებს კოორდინირებულად უნდა უპასუხონ
უკრაინის პრეზიდენტმა, ვოლოდიმირ ზელენსკიმ მოლდოველ კოლეგას, მაია სანდუს მოუწოდა, რუსეთიდან მომავალ საფრთხეებს კოორდინირებულად უპასუხონ.
27 ივნისი 2022, 19:27
მსოფლიო
Agence France-Presse: ზელენსკიმ „დიდი შვიდეულის“ ლიდერებს განუცხადა, რომ ახლა რუსეთთან მოლაპარაკებების დრო არ არის
უკრაინის პრეზიდენტმა, ვოლოდიმირ ზელენსკიმ „დიდი შვიდეულის“ (G7) ლიდერებს განუცხადა, რომ ახლა რუსეთთან მოლაპარაკებების დრო არ არის.
27 ივნისი 2022, 19:18
კულტურა
სამხატვრო აკადემიაში 5 ივლისი გამოფენა „თურქული სახლი“ გაიხსნება
„გამოფენა იუნუს ემრეს სახელობის ინსტიტუტის ორგანიზებით სხვადასხვა ქვეყანაში ეწყობა. თბილისში კი 5 ივლისს ,18:00 საათზე, გაიხსნება და ხუთი დღის განმავლობაში გაგრძელდება. გახსნას თურქეთის რესპუბლიკის ახალი ელჩი თბილისში, ალი ქაან ორბაი და სხვა მოწვეული სტუმრები დაესწრებიან. გამოფენა ხუთი დღე გაგრძელდება. გამოფენაზე დასწრება თავისუფალია“, - აცხადებენ ორგანიზატორები.
27 ივნისი 2022, 19:12
სამართალი
საქართველოს პროკურატურის საჯარო ურთიერთობების მდივანი სახალხო დამცველის წარმომადგენლებს შეხვდა
შეხვადრაზე, ამირან გულუაშვილმა სახალხო დამცველის წარმომადგენლებს დეტალურად გააცნო პროკურატურის საჯარო ურთიერთობების მდივნის უფლებამოსილება, ფუნქციები და საქმიანობის ძირითადი მიმართულებები.
27 ივნისი 2022, 18:53
მსოფლიო
რუსეთის საოკუპაციო ძალებმა კრემენჩუგში სავაჭრო ცენტრი დაბომბეს - ზელენსკის თქმით, მსხვერპლის რაოდენობა წარმოუდგენელია
რუსეთის საოკუპაციო ძალებმა უკრაინის ქალაქ კრემენჩუგში სავაჭრო ცენტრი დაბომბეს, არიას მსხვერპლი. ინფორმაციას ამის შესახებ უკრაინული მედია ავრცელებს.
27 ივნისი 2022, 18:50
რეგიონი
მაშველებმა ბარისახო-შატილის გზაზე ღვარცოფში მოყოლილი ტურისტის ცხედარი იპოვეს
ბარისახო-შატილის გზაზე ღვარცოფში მოყოლილ ტურისტის ცხედარი იპოვეს. ინფორმაციას საგანგებო სიტუაციების მართვის სამსახური ავრცელებს.
27 ივნისი 2022, 18:41
პოლიტიკა
ხათუნა ბურკაძე: მოხარულები ვართ, რომ NATO-ს გენერალურმა მდივანმა სამიტის წინა დღეს საქართველოსთვის ახალი დახმარების პაკეტის შესახებ განაცხადა, რაც ადასტურებს, რომ NATO-საქართველოს თანამშრომლობა უფრო გაღრმავდება
მოხარულები ვართ, რომ NATO-ს გენერალურმა მდივანმა დღეს, სამიტის წინა დღეს საქართველოსთვის ახალი დახმარების პაკეტის შესახებ გააკეთა განცხადება, ეს არის დასტური იმისა, რომ NATO-სა და საქართველოს შორის თანამშრომლობა კიდევ უფრო გაღრმავდება,- ამის შესახებ ანალიტიკური ცენტრის „ჯეოქეისის“ ამერიკისმცოდნეობისა და ევროატლანტიკური მიმართულების დირექტორმა, ხათუნა ბურკაძემ, „ქრონიკის“ ეთერში ისაუბრა.
27 ივნისი 2022, 18:34
მსოფლიო
„დიდი შვიდეული“ პირობას დებს, რომ გააგრძელებს უკრაინის მხარდაჭერას მანამ, სანამ საჭირო იქნება
„დიდი შვიდეული“ (G7) პირობას დებს, რომ გააგრძელებს უკრაინის მხარდაჭერას მანამ, სანამ საჭირო იქნება. „ჩვენ გავაგრძელებთ ფინანსური, ჰუმანიტარული, სამხედრო და დიპლომატიური მხარდაჭერის უზრუნველყოფას და უკრაინის გვერდით იმდენ ხანს ვიდგებით, რამდენიც საჭირო იქნება“, - ნათქვამია G7-ის განცხადებაში.
27 ივნისი 2022, 18:28
პოლიტიკა
იენს სტოლტენბერგი: მადრიდის სამიტის მთავარი გზავნილი იქნება მხარდაჭერა საქართველოსა და სხვა მოკავშირეებისადმი, რომლებიც მოწყვლადი არიან რუსული ჩარევის წინაშე
„ველოდები, რომ მადრიდის სამიტზე შევთანხმდებით პოლიტიკური და პრაქტიკული მხარდაჭერის გაზრდაზე იმ პარტნიორებისთვის, რომლებიც რუსული ჩარევის რისკის ქვეშ არიან. ჩვენ დავეხმარებით მათ შესაძლებლობების გაუმჯობესებასა და მედეგობის გაძლიერებაში. ჩვენ შეგვიძლია საქართველოსთვის მხარდაჭერის გაზრდა, რაც ნატო-საქართველოს არსებითი პაკეტს დაეფუძნება, მათ შორის ისეთ სფეროებში, როგორიცაა უსაფრთხო კომუნიკაციები, სიტუაციის ანალიზი, კიბერუსაფრთხოება. ჩვენ ასევე საქართველოში, თბილისთან ახლოს გვაქვს ნატო-საქართველოს ერთობლივი საწვრთნელი ცენტრი. შეგვიძლია მეტი გავაკეთოთ ამ მიმართულებით. შეგვიძლია, დავეხმაროთ საქართველოს კიბერშესაძლებლობის განვითარებაში და თბილისში ნატოს სამეკავშირეო ოფისში პერსონალის რაოდენობა გავზარდოთ. ასე რომ, ამ სამიტის მთავარი გზავნილი იქნება მხარდაჭერა საქართველოსა და სხვა მოკავშირეებისადმი, რომლებიც მოწყვლადი არიან რუსული ჩარევის წინაშე“, - განაცხადა სტოლტენბერგმა.
27 ივნისი 2022, 18:26
პოლიტიკა
გივი მიქანაძე რადიკალურ ოპოზიციაზე: თუ ისინი „სირცხვილიასა“ და ე.წ. საზოგადო მოღვაწეებს იქნებიან ამოფარებული, მაშინ ჩვენ აუცილებლად მივიყვანთ შესაბამის რეფორმებს იმ კონდიციამდე, რომ კანდიდატის სტატუსი მივიღოთ
თუ მათი მხრიდან ამის სურვილი არ არის და ისინი „სირცხვილიასა“ და ე.წ. საზოგადო მოღვაწეებს იქნებიან ამოფარებული, რომლებიც ვიცით, პირდაპირ კავშირში არიან „ნაციონალურ მოძრაობასთან“, მის შენაერთებთან და საზოგადოების შეცდომაში შეყვანას ცდილობენ, მაშინ ჩვენ პასუხისმგებლობით, როგორც გვჩვევია, აუცილებლად მივიყვანთ შესაბამის რეფორმებს იმ კონდიციამდე, რომ ის, 6 თვის თავზე მივიღოთ კანდიდატის სტატუსი, - ამის შესახებ საპარლამენტო უმრავლესობის წევრმა, გივი მიქანაძემ რადიკალურ ოპოზიციაზე საუბრისას განაცხადა.
27 ივნისი 2022, 18:23
სამართალი
თბილისის სააპელაციო სასამართლოს თავმჯდომარის თანამდებობაზე მიხეილ ჩინჩალაძე მეორე ვადით აირჩიეს
გადაწყვეტილება საბჭომ სხდომაზე მიიღო, რომელშიც 53 მოსამართლე მონაწილეობდა. საერთო სასამართლოების შესახებ ორგანული კანონის თანახმად, სააპელაციო სასამართლოს თავმჯდომარე შეირჩევა სააპელაციო სასამართლოს წევრი მოსამართლეებისგან. თანამდებობაზე შერჩეულ პირს ნიშნავს იუსტიციის უმაღლესი საბჭო.
27 ივნისი 2022, 18:13
მსოფლიო
სტოლტენბერგი: ნატო ალიანსის აღმოსავლეთ ნაწილში თავის საბრძოლო ჯგუფებს გააძლიერებს
ნატო ალიანსის აღმოსავლეთ ნაწილში თავის საბრძოლო ჯგუფებს ბრიგადის დონემდე გააძლიერებს, - განაცხადა ნატოს გენერალურმა მდივანმა, იენს სტოლტენბერგმა.
27 ივნისი 2022, 18:10
პოლიტიკა
ხათუნა ბურკაძე: ჩვენ გვაქვს ნატოში წევრობისთვის საჭირო ყველა ინსტრუმენტი
„ჩვენ არაერთ სამშვიდობო ოპერაციასა თუ ჰუმანიტარულ მისიაში ვმონაწილეობდით. ასევე დავადასტურეთ, რომ წარმოვადგენთ უსაფრთხოების უზრუნველყოფის ხელშემწყობ ქვეყანას. მეტიც, ავღანეთის სამშვიდობო მისიაში საქართველო წარმოადგენდა უმსხვილეს კონტრიბუტორს ნატოს არაწევრ სახელმწიფოებს შორის. შავი ზღვის რეგიონის კონტექსტში, რადგან საქართველო წარმოადგენს შავი ზღვის სანაპირო ქვეყანას, მას აქვს ძალიან მნიშვნელოვანი როლი როგორც უსაფრთხოების თვალსაზრისით, ასევე ეკონომიკური მიმართულებით. განხორციელებული რეფორმები, პრაქტიკული ინსტრუმენტები და გეოპოლიტიკური ფაქტორი ნამდვილად იძლევა იმის თქმის შესაძლებლობას, რომ დროა საქართველო ევროატლანტიკურ რუკაზე პოლიტიკურად უფრო მკაფიოდ იყოს წარმოდგენილი“, - განაცხადა ბურკაძემ.
27 ივნისი 2022, 18:02
პოლიტიკა
გივი მიქანაძე „ლელოს“ განცხადებაზე: ყველას მოვუწოდებთ, რომ მსგავსი რადიკალური, შანტაჟის შემცველი, უსაფუძვლო განცხადებებისგან თავი შეიკავონ
სამწუხაროა, მაგრამ ეს განცხადებაც პირდაპირ წინააღმდეგობაში მოდის იმ განსაზღვრული გეგმის პირველ პუნქტთან, რომელიც პოლარიზაციის შემცირებისკენ მოუწოდებს როგორც მმართველ გუნდს, ასევე, ოპოზიციურ პარტიებს, - ამის შესახებ საპარლამენტო უმრავლესობის წევრმა, გივი მიქანაძემ „ქრონიკას“ განუცხადა, რითაც გამოეხმაურა, პარტია „ლელო საქართველოსთვის" მმართველი პარტიისადმი მიმართვას, რომ „დაუყოვნებლივ დაიწყონ მოლაპარაკებები პოლიტიკურ პარტიებსა და სამოქალაქო საზოგადოებასთან ეროვნული თანხმობის მთავრობის ფორმირების პრინციპების განსაზღვრაში“.