მიხეილ დუნდუა: კორონავირუსით ინფიცირებულ პაციენტთა სიკვდილიანობის სიმცირით საქართველო ერთ-ერთი გამორჩეულია ევროპაში

ამ დროს დარტყმა პერსონალურად ჯანდაცვის მინისტრზე და სამინისტროზე ეს არის ბრძოლა ქვეყნის წინააღმდეგ და მეტი არაფერი, თავი რომ დავანებოთ იმ ამაზრზენ ცილისწამებას, რომელის მოსმენაც კი უხერხულია, - ამის შესახებ ფინანსთა მინისტრის მოადგილემ, მიხეილ დუნდუამ იმედის გადაცემა „ნამდვილ რიცხვებში“ განაცხადა.

მისი თქმით, პაციენტთა სიკვდილიანობის სიმცირით საქართველო ერთ-ერთი გამორჩეულია ევროპაში.

„როდესაც იმ საქმე ხელმძღვანელობ, რომელიც ყველაზე მნიშვნელოვანია დღეს საქართველოში და რომელიც გულისხმობს ადამიანების სიცოცხლის გადარჩენას, მათ ჯანმრთელობაზე ზრუნვასა. მაშინ როდესაც მთელი სახელმწიფო მომართულია იქით, რომ ხელი შეუწყოს ჯანდაცვის სამინისტროს, რათა მან მაქსიმალურად ეფექტიანად წარმართოს პროცესი მიუხედავად იმ მწირი რესურსებისა, რაც საქართველოს გააჩნია. ამ დროს დარტყმა პერსონალურად ჯანდაცვის მინისტრსა და სამინისტროზე, არის ბრძოლა ქვეყნის წინააღმდეგ და მეტი არაფერი, თავი რომ დავანებოთ იმ ამაზრზენ ცილისწამებას, რომელის მოსმენაც კი უხერხულია.

როგორც კი პანდემია დაიწყო, ქვეყანამ დაიწყო მომზადება და მთელი 9 თვის განმავლობაში ჩვენ გვქონდა ყველაზე კარგი მაჩვენებელი როგორც გავრცელების სიმცირესთან დაკავშირებით, ისე სიკვდილიანობასთან დაკავშირებით. შემდგომ პოლიტიკურ სპექტრში განვითარებულმა პოლიტიკურმა პროცესებმა, გამოიწვია ფორსირება სიტუაციის, ძალიან დრამატულად. გავრცელებაზე მნიშვნელოვნად არის პასუხისმგებელი ის ე.წ. მანიფესტაციები, რომელიც არის პირდაპირი კერები ამ ყველაფრის. მეორე მხრივ, ვნახოთ, ჯანდაცვის სისტემაში როგორ არის ამ მხრივ ვითარება. პაციენტთა სიკვდილიანობის სიმცირის მიხედვით საქართველო არის ერთ-ერთი გამორჩეული ევროპაში. საქართველოში ეს პროცესი იმართება კარგად. მიუხედავად ამ მძიმე პერიოდისა ჯანდაცვის სისტემას ყურადღების მიღმა არ დარჩა სხვა მრავალი მიმართულება. მაგალითად 1-ლი სექტემბრიდან საქართველოს მთავრობის დადგენილებისა და მინისტრის ბრძანების საფუძველზე დაიწყო ავთვისებიანი სიმსივნის თერაპიული მკურნალობა სრულად სახელმწიფოს ხარჯზე, ერთ-ერთი ძლიერი მიმართულება გახლავთ ეს, რომელიც შეიძლება შევადაროთ C ჰეპატიტის ელემინაციის პროგრამას. პანდემიის პროცესშიც ისეთი მიმართულება, როგორიც იყო ქრონიკული დაავადებების მკურნალობა, არ გამორჩენია ჯანდაცვას და პირიქით, გაძლიერდა ამ მიმართულებით ძალისხმევა როგორც მთავრობის, ისე ჯანდაცვის სამინისტროსი. კრიტიკას ვერ უძლებს ის თავდასხმა, რაც ჯანდაცვის მინისტრისა და უწყების მიმართ მიმდინარეობს“, - განაცხადა მიხეილ დუნდუამ.