სენატორი ჯინ შაჰინი: 2012 წელს საქართველოში მივედით პრეზიდენტთან, რათა გვეცადა და გადაგვეფიქრებინა მისთვის ხელისუფლებაში დარჩენა

დემოკრატი სენატორი ჯინ შაჰინი, ძალაუფლების მშვიდობიანი გადაბარების კონტექსტში, საუბრობს საქართველოზე და მაგალითად მოჰყავს 2012 წლის არჩევნები. ის მიხეილ სააკაშვილთან ვიზიტს იხსენებს.

„ჩაგვრის ქვეშ მყოფებს ჩვენ უკეთესი მომავლის იმედს ვაძლევთ. როგორც ამ პალატაში ბევრმა ჩვენგანმა, მეც ვიმოგზაურე განვითარებად დემოკრატებში მთელს მსოფლიოში - ავღანეთსა და ერაყში, დასავლეთ ბალკანეთში, აფრიკასა და საქართველოში. 2012 წელს საქართველოში ჩემს კოლეგასთან, სენატორ რიშთან ერთად გავემგზავრე. ჩვენ წავედით საქართველოში, რათა ოფიციალურად დავკვირვებოდით, სენატის სახელით, არჩევნებს მიმავალ პრეზიდენტ მიხეილ სააკაშვილს, მის „ერთიან ნაციონალურ მოძრაობასა“ და „ქართულ ოცნებას“ შორის, რომელიც ახლად შექმნილი პარტია იყო. ეს არის პარტია, რომელსაც მხარს უჭერს და აფინანსებს მილიარდერი ივანიშვილი. ეს იყო ბრძოლა პარლამენტისა და ასევე მთავრობის კონტროლისთვის. მე და სენატორმა რიშმა არჩევნების დღეს მრავალი საარჩევნო უბანი მოვიარეთ და დავეთანხმეთ საერთაშორისო შეფასებას, რომ ეს არჩევნები იყო თავისუფალი და სამართლიანი და გამარჯვებული იყო „ქართული ოცნება“.

მაგრამ ქვეყანაში ნამდვილად იყო შეშფოთება, რომ სააკაშვილი აპირებდა ძალაუფლების დათმობაზე უარის თქმას, რაც გამოიწვევდა ძალადობას და დაასრულებდა ახალშობილ დემოკრატიულ რეფორმებს. ამიტომ მე და სენატორი რიში, არჩევნების მეორე დღეს, მივედით პრეზიდენტთან, რათა გვეცადა და გადაგვეფიქრებინა მისთვის ხელისუფლებაში დარჩენა. მე კარგად მახსოვს, რომ მის სახლში მივედით და ჩვენ მასთან დავსხედით და აღვნიშნეთ, რომ დემოკრატიის ნიშანი, რისთვისაც მან იმუშავა ასე მტკიცედ იმ რვა წლის განმავლობაში, როგორც საქართველოს პრეზიდენტმა, იყო ძალაუფლების მშვიდობიანი გადაცემა იმ პირზე, რომელიც ამომრჩეველმა აირჩია. პრეზიდენტმა მოგვისმინა და მან მშვიდობიანად დატოვა თანამდებობა. მაგრამ მნიშვნელოვანია მომავალმა თაობებმა გაითვალისწინონ, რომ ამერიკა, ისევე როგორც ყველა დემოკრატიული ქვეყნა, დამოკიდებულია ძალაუფლების მშვიდობიანად გადაცემაზე, იმ რწმენის მიხედვით, თუ რას იტყვიან ამომრჩევლები და რომ ისინი სურვილის განხორციელებას უზრუნველყოფენ", - განაცხადა შაჰინმა.