imedi /  11 იანვარი 2021, 18:34 / სანდო წყარო

საქართველო მსოფლიო რეიტინგებში - „ქართული ოცნების“ მმართველობის 8 წლის განმავლობაში მიღწეული პროგრესის ძირითადი პარამეტრები ბიძინა ივანიშვილის წერილში

„ქართული ოცნების“ მმართველობის 8 წლის განმავლობაში მიღწეული პროგრესის ძირითად პარამეტრებზეა საუბარი დოკუმენტში, რომელიც თან ერთვის „ქართული ოცნება-დემოკრატიული საქართველოს“ თავმჯდომარის ბიძინა ივანიშვილის წერილს.

როგორც დოკუმენტშია ნათქვამი, „მსოფლიო ბანკის მიერ, 2012 წლის ოქტომბერში გამოქვეყნებული მსოფლიო მმართველობის ინდიკატორების კვლევაში, „კორუფციის კონტროლის“ მიხედვით, საქართველო, მსოფლიო ბანკის წევრ ქვეყნებს შორის 62-ე ადგილზე იყო, ხოლო „საერთაშორისო გამჭვირვალობის“ მიერ იმავე წლის დეკემბრამდე გამოქვეყნებული „კორუფციის აღქმის“ 2011 წლის ინდექსის მიხედვით, მსოფლიოში 64-ე პოზიცია გვეკავა;

2012 წელს, მსოფლიო ეკონომიკური თავისუფლების ანგარიშის თანახმად, „კორუფციისგან თავისუფლების“ მიხედვით, (რომელიც მოგვიანებით „მთავრობის კეთილსინდისიერების“ ინდექსად გარდაიქმნა), ჩვენი ქვეყანა მსოფლიოში 69-ე ადგილს იკავებდა.

2012 წლის ოქტომბრის შემდეგ, სიტუაცია მკვეთრად შეიცვალა, და დღეს, საქართველო ამავე რეიტინგებში, „მთავრობის კეთილსინდისიერებით“ მსოფლიოში 31-ე პოზიციაზეა, „კორუფციის კონტროლით“, მსოფლიო ბანკის წევრთა შორის, 41-ე ადგილზეა, თანაც, ამ ორივე ინდიკატორით, ევროპის საუკეთესო ოცეულშია და უსწრებს კიდეც ევროკავშირის 13 სახელმწიფოს.

„საერთაშორისო გამჭვირვალობის“ მიერ 2020 წელს გამოქვეყნებული „კორუფციის აღქმის“ ინდექსის მიხედვით, საქართველო აღმოსავლეთ ევროპასა და ცენტრალურ აზიაში პირველ ადგილზეა. იმავდროულად, 2020 წლის „ეკონომიკის თავისუფლების ინდექსის“ მიხედვით, საქართველო მსოფლიოში მე-12 პოზიციაზეა” - ნათქვამია დოკუმენტში.

აქვე აღნიშნულია, რომ „2020 წელს მსოფლიო ბანკის მიერ გამოქვეყნებული „გლობალური მმართველობის ინდიკატორების“ მიხედვით, საქართველომ „მმართველობის ეფექტიანობით“ ახალი ისტორიული მაქსიმუმი დააფიქსირა და ევროკავშირის წევრ 8 ქვეყანას გადაასწრო.

“ქართული ოცნების” ხელისუფლების მიზანი ყოველთვის იყო საქართველოს ეკონომიკის მდგრადი კონკურენტუნარიანი განვითარება და ამ ფასეულობაზე დაფუძნებული კეთილდღეობის შექმნა.

გლობალური მდგრადი კონკურენტუნარიანობის ინდექსის (GSC index 2020) მიხედვით, 2020 წელს საქართველო 40 საუკეთესო ქვეყანას შორის მოხვდა, მსოფლიოში 37-ე ადგილზე გავიდა, ქულათა ისტორიული მაქსიმუმი აიღო, რეიტინგის 7 წლიანი გაუმჯობესების მიხედვით კი, მსოფლიოში პირველ ადგილზეა. საქართველო რეიტინგში უსწრებს, ისეთ მოწინავე ეკონომიკებს, როგორიცაა ჩინეთი, სინგაპური, ავსტრალია, ისრაელი, საბერძნეთი, მალტა, ჩილე, კვიპროსი და ა.შ.

რეიტინგში საქართველო ყველა მეზობელ ქვეყანას უსწრებს, პოსტსაბჭოთა სივრცეში კი მხოლოდ ბალტიისპირეთს ჩამორჩება.

ცნობისათვის GSC index 2013-ის მიხედვით, (რომელიც 2013 წლამდე პერიოდს ასახავს) საქართველო მსოფლიოში ერთ-ერთ ჩამორჩენილ, 95-ე ადგილზე იყო პაპუა ახალ გვინეასა (94-ე) და ნეპალს (96-ე) შორის, დღეისთვის კი სარეიტინგო პოზიცია 58 ადგილით აქვს გაუმჯობესებული” - ნათქვამია დოკუმენტში.

საქართველომ ახალი ისტორიული მაქსიმუმი 2020 წლის „კეთილდღეობის ინდექსშიც“ დააფიქსირა, შეფასების 100%-ანი სკალიდან 61.8%-ი მიიღო. „კეთილდღეობის ინდექსს“ ცნობილი ბრიტანული თინქ თენქი, ლეგატუმის ინსტიტუტი აწარმოებს 2007 წლიდან.

„2020 წელს საქართველო კეთილდღეობის მსოფლიო რეიტინგში ყველა მეზობელ ქვეყანას უსწრებს, პოსტსაბჭოთა ქვეყნებიდან კი მხოლოდ ბალტიისპირეთს ჩამორჩება.

„აღსანიშნავია, რომ წელს ამ სარეიტინგო გამოკვლევაში საქართველომ ყველაზე მნიშვნელოვანი ისტორიული აღიარება მოიპოვა. ანგარიშში საქართველოს სპეციალური თავი მიეძღვნა. კერძოდ, ჩვენი ქვეყანა ღია აღმშენებლობის, მდგრადი და კონკურენტუნარიანი ეკონომიკების მიღწევებს შორის პროგრესის ყველაზე დამაჯერებელ უახლეს მაგალითად დასახელდა. კვლევაში გაანალიზებულია საქართველოს მიღწევები სიღარიბის შემცირების, თავისუფალი ვაჭრობის, საგადასახადო და ეკონომიკური ლიბერალიზაციის, ინვესტორთა დაცულობის მიმართულებით.

„ასეთი წარმატება ხაზს უსვამს, თუ როგორ შეუძლიათ ერებს შექმნან გზები სიღარიბიდან კეთილდღეობისაკენ, შექმნან ეკონომიკა, რომელიც კარგად იმართება და მდგრადია შოკების მიმართ, სადაც ხალხი გრძნობს საკუთარ ინტერესებს და კონკურენტუნარიანია საერთაშორისო დონეზე“- აღნიშნულია დასკვნის სახით ანგარიშში.

მიუხედავად ასეთი მნიშვნელოვანი საერთაშორისო აღიარებისა, საქართველო ჯერ კიდევ რჩება საშუალო შემოსავლიანი სტატუსის ქვეყნად, თუმცა ამ მიმართულებითაც განიცადა პროგრესი. ბოლო 8 წელიწადში საქართველომ მსოფლიო ბანკის კლასიფიკაციით, დაბალი საშუალო შემოსავლის ჯგუფიდან მაღალი საშუალო შემოსავლის ჯგუფში გადაინაცვლა. საერთაშორისო სავალუტო ფონდის შეფასებით, ერთ სულ მოსახლეზე საქართველოს მთლიანი შიდა პროდუქტი მსყიდველუნარიანობის პარიტეტის მიხედვით, 2012 წელთან შედარებით 60%-ით გაიზარდა და მიმდინარე ფასებში 15 000 საერთაშორისო დოლარს გადააჭარბა. აღსანიშნავია, რომ ამ მაჩვენებლით ევროპასა და აზიაში საშუალო შემოსავლის ჯგუფის ქვეყნებს შორის საუკეთესო ოცეულში მე-14 პოზიციაზე ვართ. გაუმჯობესდა ქვეყნის საკრედიტო რეიტინგი და ამ ინდიკატორითაც მსოფლიოს საუკეთესო ოცეულში ვართ საშუალოშემოსავლიანი ჯგუფის ქვეყნებს შორის. საქართველოს ერთი საფეხური აშორებს უმაღლესი საკრედიტო რეიტინგის მისაღებად და მხოლოდ ორი საფეხური - საინვესტიციო რეიტინგის მოსაპოვებლად, რისი მიღწევაც უახლოეს წლებში სავსებით რეალისტურია” - ნათქვამია დოკუმენტში.

პრესის თავისუფლების ინდექსში ბოლო რვა წლის განმავლობაში, 104-დან მე-60-ზე გადავინაცვლეთ, რადგან წარსულს ჩაბარდა დრაკონული რეგულაციები, რითაც ხელისუფლება ტელევიზიებს აკონტროლებდა და არც ახლის გახსნის უფლებას იძლეოდა. მედია გახდა პლურალისტური, მრავალფეროვანი, ხელმისაწვდომი.

ზედიზედ მესამე წელია, მსოფლიოს მოწინავე კვლევითი ორგანიზაციისა და ვაშინგტონის წამყვანი ანალიტიკური ცენტრის - „ჰერითიჯ ფაუნდეიშენის“ კვლევის თანახმად, საქართველოს სასამართლო სისტემა, ეფექტიანობით, ევროპის საუკეთესო ოცეულში მე-18 პოზიციაზეა, ხოლო აღმოსავლეთ ევროპაში, პირველ ადგილს იკავებს. იმავდროულად, სასამართლოს დამოუკიდებლობის, სასამართლო პროცესების ხარისხის და სასამართლოს მიუკერძოებლობის პარამეტრებით, საქართველოს სასამართლო სისტემა უსწრებს ესპანეთს, იტალიას, პოლონეთს, ხორვატიას, ჩეხეთს, უნგრეთს, მალტას, ლატვიას, საბერძნეთს, კვიპროსს, რუმინეთს, ბულგარეთს, სლოვაკეთს და სლოვენიას.

„მსოფლიო ეკონომიკური ფორუმის „გლობალური კონკურენტუნარიანობის რეიტინგის“ მიხედვით, საქართველო, საზოგადოების დაცულობის მაჩვენებლით, ევროპის საუკეთესო ოცეულში მე-16 ადგილზეა, ხოლო ორგანიზებული დანაშაულისგან თავისუფლების ინდექსის მიხედვით, მსოფლიოში 25-ე ადგილზე, ევროპის საუკეთესო ოცეულში კი, მე-14 პოზიციას იკავებს, მაშინ როდესაც „ნაციონალური მოძრაობის“ მმართველობის დროს, 2012 წელს, ამ პარამეტრში 75-ე ადგილით, მსოფლიოს ყველაზე მაფიოზური ქვეყნების ჯგუფს მივეკუთვნებოდით” - ნათქვამია დოკუმენტში.

აქვე აღნიშნულია, რომ ეკონომიკისა და მშვიდობის ინსტიტუტს მიერ მსოფლიოს 163 ქვეყნისთვის დათვლილი გლობალური მშვიდობის ინდექსით ნაცმოძრაობის დროს საქართველო თითქმის ყოველთვის ბოლო ოცეულში იყო.

„ქართულმა ოცნებამ“ ეს მაჩვენებელი 44 ადგილით გააუმჯობესა და ქვეყანამ 95-ე ადგილზე გადაინაცვლა. 2020 წლის „მსოფლიო მშვიდობის ინდექსის“ მიხედვით, საქართველო მშვიდობიანობის გრძელვადიანი გაუმჯობესებით, მსოფლიოში მეორე ადგილზეა, ხოლო 2020 წლის „სახელმწიფოებრივი სიმყიფის ინდექსის“ მიხედვით, საქართველო სახელმწიფოებრივი მდგრადობის გრძელვადიანი გაუმჯობესებით, მსოფლიოს საუკეთესო სამეულში მოხვდა და ევრაზიის კონტინენტზე პირველ ადგილზე გავიდა“ - ვკითხულობთ დოკუმენტში.

სრულიად შეიცვალა მართლმსაჯულება, რომელიც თანდათანობით დამოუკიდებელ ინსტიტუციად ყალიბდება. მისი პოლიტიკურ ინსტრუმენტად გამოყენების პრაქტიკა დასრულდა. წინა ხელისუფლების დროს ჩადენილ მხოლოდ ქონებრივ დავებზე ათასობით საჩივარი დაიწერა, რომელთა ნაწილის დასაკმაყოფილებლადაც ბიუჯეტიდან 50 მილიონი ლარი დაიხარჯა“

2012 წლიდან დღემდე, მართლმსაჯულების სისტემაში:

- ექვსჯერ გაიზარდა გამამართლებელი განაჩენების რაოდენობა, და დავიწყებას მიეცა 99%-იანი გამამტყუნებელი განაჩენების ყოვლად სამარცხვინო პრაქტიკა;

- თითქმის განახევრდა აღკვეთის ღონისძიების სახით პატიმრობის გამოყენების მაჩვენებელი;

- 160%-ით გაიზარდა არასაპატიმრო სასჯელის - ჯარიმის გამოყენების მაჩვენებელი;

- 70 %-ით შემცირდა არასრულწლოვან მსჯავრდებულთა რიცხვი;

- 35-ჯერ გაიზარდა საზოგადოებისთვის სასარგებლო შრომის სასჯელის ზომად გამოყენების მაჩვენებელი;

- 25 ათასით შემცირდა იმ პირთა რაოდენობა, რომელთაც საერთო სასამართლოების მიერ დაეკისრათ ადმინისტრაციული პასუხისმგებლობა;

- სამჯერ შემცირდა ადმინისტრაციული პატიმრობის შეფარდების მაჩვენებელი;

- 200-ჯერ გაიზარდა პოლიციის წინააღმდეგ საჩივრების დაკმაყოფილების მაჩვენებელი;

- 11-ჯერ შემცირდა საქართველოდან სტრასბურგის ადამიანის უფლებათა ევროპულ სასამართლოში გაგზავნილი სარჩელების რაოდენობა“ - ვკითხულობთ დოკუმენტში.

რაც შეეხება ქვეყნის თავდაცვისუნარიანობასა და საგარეო ურთიერთობებს, „დასავლური ინტეგრაციის პროცესის არნახული ზრდის პარალელურად „ქართულმა ოცნებამ“ შეძლო ქვეყანაში მშვიდობის და სტაბილურობის უზრუნველყოფა

„მომზადდა ნატო-საქართველოს არსებითი პაკეტი (SNGP), შევუერთდით ნატოს რეაგირების ძალებს (NRF), გაიხსნა ნატოს საწვრთნელი ცენტრი, მოხდა ფრანგული ანტისაჰაერო სისტემის პირველი პაკეტის შესყიდვა და გაფორმდა კონტრაქტი შემდგომ შესყიდვაზე, მოგვყიდეს ჯაველინები, რაც მხოლოდ ამერიკის სტრატეგიული პარტნიორების პრივილეგიას წარმოადგენს, საქართველოში იმართება ყოველწლიური ფართომასშტაბიანი წვრთნები (NATO-ს და მოკავშირე ქვეყნებთან ერთად).

დღეს ცნობილი გახდა, რომ პარტიის ყოფილი თავმჯდომარე, ბიძინა ივანიშვილი პოლიტიკიდან მიდის. ამის შესახებ მან წერილი გამოაქვეყნა.

ყველა სიახლე

შალვა პაპუაშვილი

16 იანვარი 2021, 13:08

პოლიტიკა

შალვა პაპუაშვილის განცხადებით, „ქართული ოცნების“ ყრილობაზე პოლიტსაბჭოს წევრების რაოდენობა 15-დან 21-მდე გაიზრდება

„ქართული ოცნების“ ყრილობაზე მოხდება წესდების განახლებაც და პოლიტსაბჭოს წევრების რაოდენობა 15-დან 21 -მდე გაიზრდება. რაც შეეხება ყველა სხვა საკადრო გადაწყვეტას თუ სტრუქტურას ამას ყველაფერს გაიგებთ დღეს, - ამის შესახებ საპარლამენტო უმრავლესობის წევრის შალვა პაპუაშვილმა ჟურნალისტებთან საუბრისას განაცხადა.

16 იანვარი 2021, 13:04

საზოგადოება

სამოქალაქო აქტივისტები „ქართული ოცნების“ ყრილობის პარალელურად საპროტესტო აქციას მართავენ

საგამოფენო ცენტრ „ექსპო ჯორჯიასთან“, სადაც „ქართული ოცნების“ ყრილობა გაიმართება, სამოქალაქო აქტივისტები საპროტესტო აქციას მართავენ.

ირაკლი ზარქუა

16 იანვარი 2021, 12:29

პოლიტიკა

ირაკლი ზარქუა: როგორც არასოდეს ისე ვართ მობილიზებულები, რომ გამოწვევებს ღირსეულად ვუპასუხოთ

საპარლამენტო უმრავლესობის წევრი ირაკლი ზარქუა აცხადებს, რომ „ქართულ ოცნებაში“ დაპირისპირება არ არის.

16 იანვარი 2021, 12:27

COVID19

რუსეთში კორონავირუსის 24,092 შემთხვევა გამოვლინდა

რუსეთის ჯანდაცვის სამინისტროს მონაცემებით, ქვეყანაში გასული დღე-ღამის განმავლობაში კორონავირუსის 24,092 ახალი შემთხვევა დადასტურდა, ხოლო 590 პაციენტი გარდაიცვალა. პანდემიის დაწყებიდან დღემდე, რუსეთში კორონავირუსის 3,544,623 შემთხვევა გამოვლინდა, ხოლო 65,058 ადამიანი გარდაიცვალა.

შალვა პაპუაშვილი

16 იანვარი 2021, 12:19

პოლიტიკა

შალვა პაპუაშვილი: ევროსაბჭოს საპარლამენტო ასამბლეის ანგარიში ჩვენს განწყობებს ემთხვევა - შენიშვნების ნაწილში კი ვაცნობებთ, რომ 8%-იან დისბალანსზე არასამთავრობო ორგანიზაციების ციტირება მცდარია

„ევროსაბჭოს საპარლამენტო ასამბლეის მისიის ანგარიში ჩვენს განწყობებს ემთხვევა. იცით, რომ ჩვენ რამდენიმე დღის წინაც ვთქვით, რომ ყველამ პარტიამ, არასამთავრობო ორგანიზაციებმა, მედიამ, რაღაც დასკვნები უნდა გამოიტანონ 31 ოქტომბრის არჩევნებიდან. ჩვენ გამოვიტანეთ ჩვენი დასკვნა და იცით, რომ ვაპირებთ მნიშვნელოვანი საარჩევნო რეფორმა გავატაროთ პროცედურებთან დაკავშირებით, შემოვიღოთ ელექტრონული სისტემა, რომ საბოლოოდ გამოირიცხოს ადამიანური ფაქტორები და შეცდომები“.

16 იანვარი 2021, 11:59

COVID19

დღე-ღამეში, სამეგრელო-ზემო სვანეთში კორონავირუსის 122 ახალი შემთხვევა გამოვლინდა

ბოლო 24 საათის განმავლობაში, სამეგრელო-ზემო სვანეთში, კორონავირუსის 122 ახალი შემთხვევა გამოვლინდა. რეგიონის მასშტაბით, გამოჯანმრთელდა 72 კოვიდპაციენტი. რეგიონის მოქმედ კლინიკებში 222 პაციენტი მკურნალობს, მათ შორის 7-ის მდგომარეობა მძიმეა. რეგიონის მასშტაბით, საკარანტინო სივრცეში 30 ადამიანია მოთავსებული.

სადირ ჟაპაროვი

16 იანვარი 2021, 11:57

მსოფლიო

ყირგიზეთის პრეზიდენტი სადირ ჟაპაროვი გახდა

ყირგიზეთის პრეზიდენტის არჩევნებში სადირ ჟაპაროვმა გაიმარჯვა. ამის შესახებ ბიულეტენების 100%-ის დათვლის შემდეგ ქვეყნის ცენტრალური საარჩევნო კომისია იუწყება.

16 იანვარი 2021, 11:46

COVID19

კახეთში კორონავირუსით ინფიცირებულთა რაოდენობა 10 046-მდე გაიზარდა

კახეთში კორონავირუსით ინფიცირებულთა რაოდენობა 10 046-მდე გაიზარდა. imedinews- ის ინფორმაციით, რეგიონში COVID-19-ის 19 ახალი შემთხვევა გამოვლინდა. ეპიდემიოლოგების შეფასებით, მათი ჯანმრთელობის მდგომარეობა დამაკმაყოფილებელია, ამიტომ ისინი ბინაზე მკურნალობენ. მათთან კონტაქტში მყოფი ადამიანები კი თვითიზოლაციაში გადავიდნე

16 იანვარი 2021, 11:36

COVID19

სომხეთში კორონავირუსის 263 შემთხვევა გამოვლინდა

სომხეთში კორონავირუსი კიდევ 263 ადამიანს დაუდასტურდა, 13 ინფიცირებული გარდაიცვალა. ამის შესახებ ადგილობრივი მედია, ჯანდაცვის სამინისტროზე დაყრდნობით იტყობინება. სულ ქვეყანაში კორონავირუსის 164,235 შემთხვევა დადასტურდა, გარდაიცვალა 2,987 ადამიანი, გამოჯანმრთელდა - 152,615.

მერაბ დვალიშვილი

16 იანვარი 2021, 11:32

სპორტი

მერაბ დვალიშვილის ბრძოლა ამერიკელ კოდი სტამანთან კიდევ ერთხელ გაუქმდა

ქართველი მებრძოლის მერაბ დვალიშვილის ბრძოლა, ამერიკელ კოდი სტამანთან კიდევ ერთხელ გაუქმდა. დვალიშვილი-სტამანის ორთაბრძოლა 6 თებერვალს უნდა შემდგარიყო. ბრძოლის გაუქმების მიზეზი როგორც ჩანს მერაბ დვალიშვილის COVID 19-ზე ჩატარებული ტესტის დადებითი პასუხია. ქართველმა სპორტსმენმა ბრძოლის გადადება ითხოვა, თუმცა კოდი სტამანმა შეთავაზებაზე უარი თქვა, რადგან მას შეხვედრის გამართვა 6 თებერვალს სურს. ამერიკელი ოქტაგონზე დვალიშვილის ნაცვლად თავის თანამემამულე ამერიკელ ანდრე იუელს შეხვდება. ეს ბრძოლა ლას ვეგასში, არენა UFC Apex-ზე ჩატარდება.

16 იანვარი 2021, 11:28

რეგიონი

ნაქერალას უღელტეხილზე ავტოტრანსპორტის მოძრაობა თავისუფალია

ჩატარებული გაწმენდითი სამუშაოების შედეგად, ნაქერალას უღელტეხილზე ყველა სახის ავტოტრანსპორტის მოძრაობა თავისუფალია, - ამის შესახებ ინფორმაციას საავტომობილო გზების დეპარტამენტი ავრცელებს.

16 იანვარი 2021, 11:28

COVID19

დღე-ღამეში უკრაინაში 166 კოვიდინფიცირებული გარდაიცვალა

პანდემიის დაწყებიდან დღემდე, უკრაინაში კორონავირუსის 1.14 მილიონზე მეტი შემთხვევა გამოვლინდა, 847 391 პაციენტი გამოჯანმრთელდა, ხოლო 20 542 ადამიანი გარდაიცვალა. უკრაინაში კოვიდინფიცირების პირველი შემთხვევა 3 მარტს გამოვლინდა. ამ დრომდე, ტესტი 5.9 მილიონზე მეტ ადამიანს ჩაუტარდა.

16 იანვარი 2021, 11:13

მსოფლიო

გერმანიაში კარანტინის რეჟიმის დამრღვევებისთვის ციხეს გახსნიან

დრეზდენში კარანტინის რეჟიმის დამრღვევებისთვის ციხე გაიხსნება. გადაწყვეტილება საქსონიის ფედერალური მიწის მთავრობამ მიიღო. გამოცემა Bild-ის ინფორმაციით, სასჯელაღსრულების დაწესებულებას ლტოლვილთა მიმღები ცენტრის ბაზაზე გახსნიან, რომელიც დრეზდენში 2027 წელს აშენდა.

16 იანვარი 2021, 11:12

საზოგადოება

უფროსი და წამყვანი სპეციალური მასწავლებლები 2021 წლიდან სტატუსის შესაბამის დანამატს აიღებენ

საქართველოს მთავრობის დადგენილების თანახმად, საჯარო სკოლების უფროსი და წამყვანი სტატუსის მქონე სპეციალური მასწავლებლები სქემით განსაზღვრული სტატუსის შესაბამის დანამატის ოდენობას 2021 წლიდან მიიღებენ. ამის შესახებ ინფორმაციას განათლების სამინისტრო ავრცელებს. მათივე ინფორმაციით, საჯარო სკოლებს იანვრიდან ყოველთვიურად დამატებითი დაფინანსება გამოეყოფა უფროსი და წამყვანი სპეციალური მასწავლებლის სტატუსის მქონე მასწავლებლის დანამატისთვის.

მაჰმუდ აბასი

16 იანვარი 2021, 11:06

მსოფლიო

პალესტინაში ბოლო 15 წლის განმავლობაში პირველად საპრეზიდენტო და საპარლამენტო არჩევნები ჩატარდება

პალესტინაში ბოლო 15 წლის განმავლობაში პირველად საპრეზიდენტო და საპარლამენტო არჩევნები ჩატარდება. შესაბამის ბრძანებას პრეზიდენტმა, მაჰმუდ აბასმა მოაწერა ხელი.

16 იანვარი 2021, 10:56

COVID19

ამ ეტაპზე საქართველოში 770 მძიმე პაციენტია

ამ ეტაპზე მძიმე პაციენტია 770 პირი, მათ შორის, თბილისში - 360, აჭარაში - 62, იმერეთში - 189. ამის შესახებ ინფორმაციას საქართველოს მთავრობის ადმინისტრაცია ავრცელებს.

16 იანვარი 2021, 10:55

COVID19

კოვიდინფიცირების ახალი შემთხვევებიდან 485 თბილისში, ხოლო 219 კი იმერეთში გამოვლინდა

დღეს ქვეყანაში გამოვლენილი ინფიცირების 1 236 ახალი შემთხვევიდან: თბილისში გამოვლენილია 485 შემთხვევა, აჭარა - 84, იმერეთი - 219. ამის შესახებ ინფორმაციას მთავრობის ადმინისტრაცია ავრცელებს.

კორონავირუსი

16 იანვარი 2021, 10:55

COVID19

საქართველოში კორონავირუსი კიდევ 1236 ადამიანს დაუდასტურდა, 2189 კი გამოჯანმრთელდა

ბოლო 24 საათში საქართველოში კორონავირუსი კიდევ 1236 ადამიანს დაუდასტურდა, 2189 კი გამოჯანმრთელდა. ამის შესახებ უწყებათაშორის საკოორდინაციო საბჭოსთან არსებული ოპერაციული შტაბის უფროსის მოადგილემ, ბერდია სიჭინავამ, მთავრობის ადმინისტრაციაში გამართულ ბრიფინგზე განაცხადა.

16 იანვარი 2021, 10:54

COVID19

ბოლო 24 საათში საქართველოში 23 კოვიდინფიცირებული გარდაიცვალა

ბოლო 24 საათში საქართველოში კორონავირუსით 23 ადამიანი გარდაიცვალა . პანდემიის გავრცელებიდან დღემდე ვირუსს ჯამში 2 916 პირი ემსხვერპლა. ინტენსიური ტესტირების ფარგლებში, ბოლო 24 საათში ქვეყნის მასშტაბით ჩატარდა 15 152 კვლევა ტესტით, მათ შორის 9 208 კვლევა ანტიგენის ტესტით და 5 944 PCR ტესტით.

16 იანვარი 2021, 10:53

სამართალი

შინაგან საქმეთა სამინისტრომ COVID-19-ის წინააღმდეგ ბრძოლის მიზნით მოქმედი რეგულაციების დარღვევის 815 ფაქტი გამოავლინა

შინაგან საქმეთა სამინისტროს შესაბამისი დანაყოფების თანამშრომლები, ქვეყანაში კორონავირუსის გავრცელების აღკვეთისა და პრევენციის მიზნით, სამართალდარღვევის ყველა ფაქტზე ოპერატიულად რეაგირებენ, - ამის შესახებ ინფორმაციას შს სამინისტრო ავრცელებს. უწყების ინფორმაციით, სამართალდამცველების მიერ განხორციელებული მონიტორინგის შედეგად ბოლო 24 საათის განმავლობაში მთელი ქვეყნის მასშტაბით, დაწესებული შეზღუდვების ფარგლებში მოქმედი რეგულაციების დარღვევის 815 ფაქტი გამოვლინდა.