„ქრონიკის“ ინფორმაციით, „ქართული ოცნების“ პოლიტსაბჭოს მაკა ბოჭორიშვილი, კახა კუჭავა, ნიკოლოზ სამხარაძე, შალვა პაპუაშვილი, თეა წულუკიანი და ეკატერინე ტიკარაძე შეუერთდებიან

ორ დღეში „ქართული ოცნების“ ყრილობა გაიმართება, სადაც ახალ თავმჯდომარეს და გენერალურ მდივანს აირჩევენ. ასევე, დაამტკიცებენ პოლიტიკური საბჭოს შემადგენლობას. „ქრონიკის“ ინფორმაციით, მოქმედ საბჭოს წევრებს შეუერთდებიან მაკა ბოჭორიშვილი, კახა კუჭავა, ნიკოლოზ სამხარაძე, შალვა პაპუაშვილი და თეა წულუკიანი. მინისტრებიდან, კი საბჭოს მუშაობაში ეკატერინე ტიკარაძე ჩაერთვება.

მანამდე „ქრონიკამ“ გაარკვია, რომ პოლიტსაბჭოს ახალ შემადგენლობაში არ იქნებიან საბჭოს მოქმედი წევრები დავით საგანელიძე, ერეკლე ტრიპოლსკი და ილია ნაკაშიძე. ინფორმაციას ამ ეტაპზე მხოლოდ ილია ნაკაშიძე ადასტურებს.

„ქართული ოცნების“ პოლიტსაბჭომ პარტიის თავმჯდომარის პოსტზე ირაკლი კობახიძის კანდიდატურა წარადგინა.

პარტიის ყოფილი თავმჯდომარე, ბიძინა ივანიშვილი პოლიტიკიდან წავიდა და ამის შესახებ მან წერილი გამოაქვეყნა.