imedi /  23 იანვარი 2021, 11:53 / სანდო წყარო

New Europe: საქართველო დიდი ხანია წარმოადგენს პროგრესის შუქურას რეგიონში და ამ პროგრესის დაჩქარებამ ბოლო წლებში ივანიშვილის ხელმძღვანელობით ყველა მოლოდინს გადააჭარბა

ბიძინა ივანიშვილი

საქართველო დიდი ხანია წარმოადგენს პროგრესის შუქურას რეგიონში და ამ პროგრესის დაჩქარებამ ბოლო წლებში ბიძინა ივანიშვილის ხელმძღვანელობით ყველა მოლოდინს გადააჭარბა, - ამის შესახებ გამოცემა New Europe-ში გამოქვეყნებულ სტატიაში „ორი ჯორჯიის ამბავი“ პოლონელი ევროპარლამენტარი, რიჩარდ ჩარნეცკი წერს.

სტატიაში აღნიშნულია, რომ საქართველოს ერთ-ერთი ყველაზე ძლევამოსილი და შეძლებული ადამიანის მიერ საკუთარი ნებით ძალაუფლების დათმობა მიუთითებს სამოქალაქო და დემოკრატიულ სიმწიფეზე, რომელიც იძლევა კარგი პროგნოზების გაკეთების საშუალებას ევროკავშირის წევრობაზე 2024 წელს ქართული ოცნების მიერ დაგეგმილი განაცხადის შეტანის კუთხით.

„ტრამპის პრეზიდენტობის დასრულების შემდეგ გასარკვევია, გაწყვეტს თუ არა მასთან კავშირს რესპუბლიკური პარტიის ელიტა. მსოფლიოს ბევრი კონსერვატიული პარტია (თუმცა ყველა არა) იმედოვნებს, რომ ძველი ყაიდის რესპუბლიკური პარტია: საბაზრო ურთიერთობების და თავისუფლების მომხრე და დასავლური დემოკრატიული ინსტიტუტების უპირობოდ ერთგული კიდევ წამოდგება ფეხზე.

ევროპაში ბევრი კონსერვატორის ცნობიერებაში პრეზიდენტი ტრამპი წარმოადგენდა როგორც მომგებიან, ისე წამგებიან ფაქტორებს. მძიმე რიტორიკის მიუხედავად, მან მოქმედებაში მოიყვანა ზოგიერთი მნიშვნელოვანი კონსერვატიული პრინციპი. ჩინეთიდან მომავალი საფრთხის მიმართ უფრო მკაცრი მიდგომა მისასალმებელი და დიდი ხნის განმავლობაში სასურველი გახლდათ ისევე, როგორც ევროპის სახელმწიფოების მიმართ თავდაცვის ხარჯების გაზრდისკენ გაჟღერებული მოწოდება. მის მიერ გადასახადების შემცირებამ უდიდესი ბიძგი მისცა აშშ-ის ეკონომიკას.

ბოლო დღეებში ხშირად დასმული კითხვა ასეთია: შეიძლება მსგავსი რამ აქაც მოხდეს? სულ რამდენიმე ევროპული დემოკრატია თუ გაუტოლდება ამერიკულს ზრდასრულობით თუ ხანგრძლივი ისტორიით, ხოლო კონკრეტულად აღმოსავლეთ პარტნიორობის ქვეყნები კი დღესაც დაუცველნი არიან შიდა თუ გარე შოკებისგან, რომელთაც შეუძლია ბოლო ათწლეულებში მიღწეული პროგრესის დესტაბილიზაცია. ამ კონტექსტში იმედისმომცემი იყო ამ კვირაში საქართველოს ყოფილი პრემიერ-მინისტრის, ბიძინა ივანიშვილის განცხადება საზოგადოებრივი ცხოვრებიდან წასვლის და ყველა პოლიტიკური თანამდებობის დატოვების შესახებ. ბატონი ტრამპის მსგავსად, ივანიშვილიც გახლავთ პოლიტიკაში მოსული მილიარდერი ბიზნესმენი, რომელმაც 2012 წელს ყველა პროგნოზის საწინააღმდეგოდ გაიმარჯვა არჩევნებში. საბედნიეროდ, მსგავსებები მათ შორის ამით ამოიწურება.

2012 წლიდან მოყოლებული ივანიშვილი იყო ქართული პოლიტიკის მამოძრავებელი ძალა, რომელიც თავდაპირველად პრემიერ-მინისტრის თანამდებობას იკავებდა, ხოლო ბოლო პერიოდში - ქართული ოცნების თავმჯდომარის პოსტს. მისმა პარტიამ მორიგი დამაჯერებელი გამარჯვება მოიპოვა გასული წლის ნოემბერში გამართულ არჩევნებში. მიუხედავად მისი ოპონენტების „ტრამპის სტილის“ პრეტენზიებისა არჩევნების გაყალბებასთან დაკავშირებით, ევროკავშირის და სხვა საერთაშორისო დამკვირვებლებმა აღიარეს, რომ საქართველოს არჩევნები პასუხობდა საერთაშორისო სტანდარტებს და შედეგები ზუსტი იყო.

ამ კონტექსტში ივანიშვილის წასვლა წინსვლის მაგალითია ახალგაზრდა ევროპული დემოკრატიებისთვის. დიდი ხნის განმავლობაში ამერიკა - „სინათლის ქალაქი გორაკზე“ წარმოადგენდა აღმოსავლეთ ევროპის დემოკრატიული შთაგონების წყაროს. დღეს კი ჩვენი მეგობრებისა და პარტნიორებისთვის უმჯობესია, არ მიაქციონ ყურადღება აშშ-ის მილიარდერ პრეზიდენტს, რომელიც უარს ამბობს თეთრის ახლიდან გამოსვლაზე არჩევნებში დამარცხების შემდეგ - და, ამის ნაცვლად, ეძებონ შთაგონების წყარო საკუთარ სამეზობლოში, კერძოდ ქართველი მილიარდერის სახით, რომელმაც საკუთარი ნებით დათმო ძალაუფლება არჩევნებში გამარჯვების მოპოვების შემდეგ.

ცივი ომის დასრულების შემდეგ ევროკავშირი და აშშ მხარს უჭერენ ევროპაში წარმოქმნილ დემოკრატიებს, იქნება ეს ფინანსური, საგანმანათლებლო თუ უსაფრთხოების სფეროს მხარდაჭერა, რომელიც უნდა გაგრძელდეს და უეჭველად გაგრძელდება კიდეც. მაგრამ კიდევ უფრო აუცილებელია თავად ამ ქვეყნებში ლიდერობის ჩამოყალიბება. საქართველოს ერთ-ერთი ყველაზე ძლევამოსილი და შეძლებული ადამიანის მიერ საკუთარი ნებით ძალაუფლების დათმობა მიუთითებს სამოქალაქო და დემოკრატიულ სიმწიფეზე, რომელიც იძლევა კარგი პროგნოზების გაკეთების საშუალებას ევროკავშირის წევრობაზე 2024 წელს ქართული ოცნების მიერ დაგეგმილი განაცხადის შეტანის კუთხით.

ეს განაცხადი იმსახურებს მხარდაჭერას. საქართველო დიდი ხანია წარმოადგენს პროგრესის შუქურას რეგიონში და ამ პროგრესის დაჩქარებამ ბოლო წლებში ივანიშვილის ხელმძღვანელობით ყველა მოლოდინს გადააჭარბა. მსოფლიო ბანკის „ბიზნესის წარმართვის გლობალურ ინდექსში“ საქართველო მე-7 ადგილზეა და უსწრებს ევროკავშირის 27 წევრი სახელმწიფოდან 26-ს. „ეკონომიკური თავისუფლების ინდექსის“ თანახმად, საქართველო მე-12 ადგილზეა მსოფლიოში და უსწრებს ევროკავშირის წევრთა უმრავლესობას. Fraser Institute-ის „თავისუფლების ინდექსში“ საქართველო მე-8 ადგილზეა და იმყოფება აშშ-ის შემდეგ. ეს გახლავთ შესანიშნავი შედეგი ქვეყნისთვის, რომელიც არც თუ ისე დიდი ხნის წინ დიქტატურის და რეპრესიების პირობებში ცხოვრობდა, და ეს შედეგი იმსახურებს აღიარებას ევროკავშირის ლიდერების მხრიდან - როგორც სიტყვით, ისე საქმით.

დემოკრატია არ არის მმართველობის უზადო სისტემა - არც საქართველოში, არც ევროკავშირში და არც თავად ამერიკის შეერთებულ შტატებშიც კი. ჩვენ, ვინც „რკინის ფარდის“ მეორე მხარეს გავიზარდეთ, კარგად გვესმის ამ თავისუფლებების მყიფე ბუნება. რონალდ რეიგანს თუ დავესესხებით, „თავისუფლება მყიფე რამ არის და მის გასაქრობად მხოლოდ ერთი თაობაა საკმარისი... აუცილებელია, რომ ყველა თაობამ მუდმივად იბრძოლოს მის დასაცავად“. სწორედ ჯორჯიის შტატმა დაუსვა წერტილი ტრამპის პრეზიდენტობას, როცა შტატის ამომრჩევლებმა უარით გაისტუმრეს პრეზიდენტის მცდელობა, საფუძველი შეერყია აშშ-ის არჩევნების დემოკრატიული პროცესისთვის. 10 000 კილომეტრის დაშორებით კი ქვეყანაში სახელად ჯორჯია (საქართველო) ჩვენ თვალწინ მიმდინარეობს ნაკლებად რეკლამირებული, მაგრამ ბევრად უფრო შთამბეჭდავი დემოკრატიული გადასვლა ახალ საფეხურზე“, - ნათქვამია სტატიაში.

ყველა სიახლე

03 მარტი 2021, 13:46

პოლიტიკა

ირაკლი ქადაგიშვილი: სახელმწიფოს ინტერესებში არ არის რომელიმე პარტიის ოფისის დარბევა, ნუ ვეძებთ შავ კატას ბნელ ოთახში

„თავდამსხმელები დაკავებული არიან, გამოძიება მიმდინარეობს და დამნაშავეები დაისჯებიან. „ქართული ოცნებისა“ და სახელმწიფოს ინტერესებში არანაირად არ არის რომელიმე პარტიის ოფისის დარბევა, ეს ხომ კონტრპროდუქტიულია მმართველი პარტიისთვის და ე.წ. რადიკალური ოპოზიციისთვის სპეკულაციის საგანი ხდება. ამიტომ ნუ ვეძებთ შავ კატას შავ და ბნელ ოთახში, ამას არავითარი კავშირი არ შეიძლება ჰქონდეს მმართველ პარტიასთან, პრემიერ-მინისტრთან და ა.შ.“, – აღნიშნა ირაკლი ქადაგიშვილმა.

გიორგი ღოღობერიძე

03 მარტი 2021, 13:36

საზოგადოება

ადამიანის გული რომ იკუმშება, ფილტვები რომ იკუმშება, ეს ენერგია მიღებული გვაქვს დედისგან - ექიმი გიორგი ღოღობერიძე

„ყველა ქალი, რომელიც ფეხმძიმდება და დედა ხდება, ეს საკუთარი სიცოცხლის ფასად უჯდება. მთელ მსოფლიოში ყოველდღე კვდება 800 ქალი უშუალოდ ფეხმძიმობის ან მშობიარობის გამო. ფეხმძიმობის დროს არსებული ინფექციების, სისხლდენების, თქომბოზების, მაღალი წნევის გართულების შედეგად“, - ეს შეფასება ექიმ გიორგი ღოღობერიძეს ეკუთვნის, რომელმაც დედის დღესთან დაკავშირებით ემოციური ვიდეო-ბლოგი ჩაწერა.

მაურისია იბანეზი

03 მარტი 2021, 13:02

მსოფლიო

ესპანეთში ქალს 64 წლის ასაკში გაჩენილი შვილები ჩამოართვეს

გამოცემის ინფორმაციით, სასამართლომ ძალაში დატოვა განაჩენი, რომელიც რეგიონულმა სასამართლომ 2020 წლის 22 აპრილს მიიღო. ამის მიზეზად კი იმას ასახელებს, რომ ქალი შვილებზე სათანადოდ ვერ ზრუნავს. სასამართლოში განმარტავენ, რომ განაჩენი ექსპერტების შეფასებას ეყრდნობა და არა ქალის ასაკს ან მის ფსიქოლოგიურ ჯანმრთელობას.

03 მარტი 2021, 12:55

სამართალი

პოლიციამ გორში „ერთიანი ნაციონალური მოძრაობის” ოფისის დაზიანების ფაქტზე მეოთხე პირი დააკავა

შინაგან საქმეთა სამინისტროს შიდა ქართლის პოლიციის დეპარტამენტის გორის რაიონული სამმართველოს თანამშრომლებმა, ჩატარებული ოპერატიულ-სამძებრო და საგამოძიებო მოქმედებების ფარგლებში, გორში „ერთიანი ნაციონალური მოძრაობის“ ოფისის დაზიანების ფაქტზე კიდევ ერთი პირი - 1994 წელს დაბადებული თ.მ. დააკავეს. მას ბრალი სხვისი ნივთის დაზიანებაში ედება. ამის შესახებ განცხადებას შსს ავრცელებს.

03 მარტი 2021, 12:47

COVID19

ბოლო 24 საათში რუსეთში კორონავირუსის 10 535 ახალი შემთხვევა დადასტურდა

რუსეთის ჯანდაცვის სამინისტროს მონაცემებით, ქვეყანაში გასული დღე-ღამის განმავლობაში კორონავირუსის 10 535 ახალი შემთხვევა დადასტურდა, ხოლო 452 პაციენტი გარდაიცვალა.

ზუზანა ჩაპუტოვა

03 მარტი 2021, 12:42

მსოფლიო

სლოვაკეთის პრეზიდენტმა რუსული ვაქცინის შეძენის გამო უკმაყოფილება გამოთქვა

სლოვაკეთის პრეზიდენტმა, ზუზანა ჩაპუტოვამ უკმაყოფილება გამოთქვა რუსული ვაქცინა „სპუტნიკV“-ის შეძენის თაობაზე პრემიერ-მინისტრის გადაწყვეტილებით.

შალვა პაპუაშვილი

03 მარტი 2021, 12:35

პოლიტიკა

შალვა პაპუაშვილი ოპოზიციაზე: მისასალმებელია, თუკი საკუთარი ქმედებების ფორმას ცვლიან

სახელმწიფო დაწესებულების შენობების პიკეტირება კანონდარღვევაა, ეს, მინიმუმ, მიუთითებს იმაზე, რომ არასერიოზულად ამბობდნენ იმას, რომ კონსტრუქციული დიალოგისთვის მზად იყვნენ, - ამის შესახებ საპარლამენტო უმრავლესობის წევრმა, შალვა პაპუაშვილმა „რუსთავი 2“-ის ეთერში ოპოზიციაზე საუბრისას განაცხადა.

გიორგი ჩაკვეტაძე

03 მარტი 2021, 12:34

სპორტი

გიორგი ჩაკვეტაძე „ეუპენის“ წინააღმდეგ განაცხადშია

„გენტის“ მთავარმა მწვრთნელმა ჰეინ ვან ჰაზებრიუკმა, ქართველი ტალანტი სათასო შეხვედრისთვის გაფართოებულ 24-კაციან სიაში შეიყვანა, შესაბამისად მაღალია იმის ალბათობა, რომ გიორგი ჩაკვეტაძე 4-თვიანი პაუზის შემდეგ მოედანს დაუბრუნდეს. ფეხბურთელმა ოფიციალური შეხვედრა უკანასკნელად 15 სექტემბერს, ჩემპიონთა ლიგის საკვალიფიკაციო ეტაპზე „ვენის რაპიდის“ წინააღმდეგ ჩაატარა და სწორედ იმ შეხვედრაში მიღებული ტრავმა გახდა ხანგრძლივი უთამაშებლობის მიზეზი.

ნიკა ობოლაძე

03 მარტი 2021, 12:29

პოლიტიკა

ნიკა ობოლაძე: ოპოზიციის პროტესტი უფრო ფრთხილი იქნება

„მაშინ, როდესაც ქვეყნის განვითარების უმნიშვნელოვანეს ეტაპზე ვართ, უნდა გადავწყვიტოთ, მივდივართ ევროპისკენ და ევროპის დაინტერესებასა და მათ მედიაციას ვიღებთ და ვხდებით ევროპის ნაწილი ფუნდამენტურად, თუ არა. ახლა კონსტიტუციაზე აპელირებით თუნდაც, ჩვენთვის არ არის მისაღები, რაიმე სივრცე დავტოვოთ ხელისუფლების სპეკულირებისთვის. ამიტომ, ჩვენი პროტესტი შემდგომში იქნება კიდევ უფრო ფრთხილი“, - აცხადებს ნიკა ობოლაძე.

03 მარტი 2021, 12:20

COVID19

იტალიაში კორონავირუსის ე.წ. წითელ ზონებში სკოლები ერთი თვით დაიხურება

იტალიის მთავრობის გადაწყვეტილებით, ქვეყნის მასშტაბით კორონავირუსის ე.წ. წითელ ზონებში სკოლები ერთი თვით დაიხურება.

ვიქტორ ორბანი

03 მარტი 2021, 12:19

COVID19

უნგრეთის პრემიერ-მინისტრმა კოვიდვაქცინების მიწოდების შეფერხებაში ევროკავშირი დაადანაშაულა

უნგრეთის პრემიერ-მინისტრმა ვიქტორ ორბანმა COVID19-ის საწინააღმდეგო ვაქცინების მიწოდების შეფერხებაში ევროკავშირი დაადანაშაულა. უნგრეთის მთავრობის მეთაური აცხადებს, რომ „ევროკავშირი ვერ გაუმკლავდა „ევროპელებისთვის ვაქცინების სწრაფად და ეფექტურად დარიგების ამოცანას“.

პაატა მაჯნგალაძე

03 მარტი 2021, 12:16

პოლიტიკა

ოპოზიცია პროტესტის ფორმას ცვლის

„თუ ადრე ვფიქრობდით პიკეტირებაზე და მისი აზრი იყო ყურადღების მიქცევა, ხმის გაგონება ხელისუფლებისთვის, გადავალთ მანიფესტაციაზე ტრანსპარანტებით, ქუჩაში ავტომობილებით მოძრაობაზე, საყვირის ხმის გაგონებაზე ხელისუფლებისთვის და ა.შ“,- განაცხადა პაატა მანჯგალაძემ.

დავით ზალკალიანი

03 მარტი 2021, 12:13

პოლიტიკა

დავით ზალკალიანი: საქართველო-თურქეთის ურთიერთობაში მნიშვნელოვანი პერიოდია, იქიდან გამომდინარე, რომ რეგიონში ბოლო პერიოდში განვითარებულ მოვლენებს მჭიდრო კოორდინაცია სჭირდება

„თურქეთი იყო ქვეყანა, რომელიც გვერდში დაუდგა საქართველოს გაჭირვების ჟამს. მაშინ, როდესაც თავად უჭირდა საჭირო მედიკამენტების და სამედიცინო აღჭურვილობის მობილიზება, საქართველოს მნიშვენლოვანი დახმარება აღმოუჩინა. ამიტომ, ჩვენ მადლიერი ვარ და თანამშრომლობა, ბუნებრივია, მომავალშიც გაგრძელდება. ჩვენ საერთო გამოწვევები გვაქვს როგორც პანდემიის დამარცხების, ასევე ეკონომიკური რეაბილიტაციის თვალსაზრისით. როგორც მთავარი სავაჭრო პარტნიორი, ბუნებრივია, შევეხებით, სავაჭრო-ეკონომიკური ურთიერთობების განვითარებას. იცით, გვაქვს ძალიან პოზიტიური დინამიკა, იგივე თავისუფალი ვაჭრობისა და დიაგონალური აკუმულაციის კუთხით“, - განაცხადა ზალკალიანმა.

03 მარტი 2021, 12:07

COVID19

უკრაინაში კორონავირუსის 7,235 შემთხვევა გამოვლინდა

ბოლო 24 საათის განმავლობაში უკრაინაში კორონავირუსი კიდევ 7,235 ადამიანს დაუდასტურდა, 185 ინფიცირებული კი გარდაიცვალა. ინფორმაციას ქვეყნის ჯანდაცვის სამინისტრო ავრცელებს. ჯამში ქვეყანაში კორონავირუსი 1,364,705 ადამიანს დაუდგინდა. COVID-19-ს სულ 26,397 პაციენტი ემსხვერპლა, 1,182,036 ინფიცირებული კი გამოჯანმრთელდა.

03 მარტი 2021, 11:55

COVID19

ბოლო 24 საათში ბრაზილიაში კორონავირუსს 1 726 ადამიანი ემსხვერპლა

ბრაზილიის ჯანდაცვის სამინისტროს მონაცემებით, ქვეყანაში გასული დღე-ღამის განმავლობაში კორონავირუსის 58 237 ახალი შემთხვევა დადასტურდა, ხოლო 1 726 ადამიანი გარდაიცვალა.

03 მარტი 2021, 11:53

COVID19

სომხეთში კორონავირუსის 360 შემთხვევა გამოვლინდა

სომხეთში კორონავირუსი კიდევ 360 ადამიანს დაუდასტურდა, 2 ინფიცირებული კი გარდაიცვალა. ამის შესახებ ადგილობრივი მედია, ჯანდაცვის სამინისტროზე დაყრდნობით იტყობინება. სულ ქვეყანაში კორონავირუსის 172,816 შემთხვევა დადასტურდა, გარდაიცვალა 3,202 ადამიანი, გამოჯანმრთელდა - 163,906.

დედის დღე მილოცვა ევროკავშირა

03 მარტი 2021, 11:37

საზოგადოება

ევროკავშირის დელეგაცია საქართველოს დედის დღეს ულოცავს

„დედის დღეს გილოცავთ - დავაფასოთ ის შეუნაცვლებელი საქმე, რომელსაც დედები აკეთებენ, განსაკუთრებით კოვიდის დროს“, - ნათქვამია განცხადებაში.

03 მარტი 2021, 11:33

საზოგადოება

„იმერეთის აგროზონის“ სასათბურე მეურნეობების კლასტერის განვითარების პროექტზე ინტერესთა გამოხატვის შესახებ განაცხადების მიღება პირველი მარტიდან დაიწყო

გარემოს დაცვისა და სოფლის მეურნეობის სამინისტროს მიერ ინიცირებულ „იმერეთის აგროზონის“ სასათბურე მეურნეობების კლასტერის განვითარების პროექტზე ინტერესთა გამოხატვის შესახებ განაცხადების მიღება პირველი მარტიდან დაიწყო, - ამის შესახებ სოფლის მეურნეობის სამინისტროს მიერ გავრცელებულ განცხადებაშია ნათქვამი.

ჯო ბაიდენი
ჯინ ფინიგანი

03 მარტი 2021, 11:24

საზოგადოება

ამერიკის საელჩო დედის დღესთან დაკავშირებით მილოცვას ავრცელებს

ამერიკის საელჩო საქართველოში ამერიკის შეერთებული შტატების პრეზიდენტის ჯო ბაიდენის დედასთან გადაღებულ ფოტოს ავრცელებს. „მას სჯეროდა ჩვენი და ამიტომ დავიჯერეთ ჩვენ საკუთარი თავის“, - პრეზიდენტი ჯო ბაიდენი თავისი დედის, ჯინ ფინიგანის შესახებ.

03 მარტი 2021, 11:24

რეგიონი

მალხაზ თორიამ 11 შვილის დედას დედის დღე მიულოცა

,,მადლობა, რომ ჩვენს ქვეყანას უზრდით 11 შვილს, ეს ნამდვილად გმირობაა, თქვენ ხართ მისაბაძი დედა. ყოველდღიური სირთულეები და გამოწვევები გექნებათ და მიუხედავად ამისა თქვენ ჩვენს ქვეყანას უზრდით ღირსეულ შვილებს, აძლევთ მათ განათლებას. მიხარია, რომ თქვენი შვილები ამდენი მედლის, თასის, დიპლომის მფლობელები არიან, ეს ყოველივე მათ ნიჭიერებასთან ერთად ხაზს თქვენს შრომას და თავდადებას უსვამს. მადლობა ამისთვის თქვენ ქალბატონო ნანა და თქვენს მეუღლეს. მადლობა, რომ თეკლას, ქრისტინეს, ეკატერინეს, ქეთევანის, ანასტასიას, სიდონიას, ელისაბედის, მაიას, გრიგოლის, გიორგის და გაბრიელის დედა ხართ“ - განაცხადა მრავალშვილიან დედასთან საუბარში მალხაზ თორიამ.