მიკროავტობუსის მძღოლები კონდიციონერების შეკეთების ხარჯებისგან გათავისუფლდებიან

შპს თბილისის მიკროავტობუსში ამბობენ, რომ თბილისში მოძრავ მიკროავტობუსებში პირველი ივლისიდან კონდიციონერი ჩართული უნდა იყოს. კომპანიის პრესსამსახურის ხელმძღვანელის, ნათია მიქიაშვილის თქმით, კონდიციონერის ფუნქციონირებისთვის საჭირო თანხა მძღოლებისთვის ყოველდღიურად დაწესებულ გადასახადს აკლდება, რაც იმას ნიშნავს, რომ მათ ზაფხულში დამატებითი ხარჯის გაწევა არ უწევთ. ინფორმაციას on.ge ავრცელებს.

კომპანიის პრესსამსახურის ხელმძღვანელის თქმით, კომპანია ფარავს კონდიციონერების შეკეთების ხარჯებსაც, რაც ყოველწლიურად, დაახლოებით, 200 ათასი ლარია.

ყველა ხარჯებს იხდის კომპანია, მიუხედავად, რომ არ აქვს ამის ვალდებულება ხელშეკრულებით. ავტომობილის შეკეთებაზე პასუხისმგებელია მძღოლი, მაგრამ კომპანია ითვალისწინებს მათ და მგზავრების კომფორტის საკითხს," - ამბობს მიქიაშვილი.

როგორც კომპანიაში აცხადებენ, ის მძღოლები რომლებიც არ რთავენ სატრანსპორტო საშუალებაში გაგრილების სისტემას, კომპანიის მენეჯმენტის სანქციების ქვეშ მოჰყვებიან, ხოლო ის მძღოლები, რომლებზეც არ მოხვდნებიან, მონიტორინგის სამსახურში შემოსულ პრეტენზიებში, წახალისებულნი იქნებიან და წლის ყველაზე ცხელ დღეს გამართულად მუშაობის გამო, გათავისუფლდებიან ყოველდღიური გეგმური გადასახადისგან. 

კომპანია „თბილისის მიკროავტობუსი“ 1 ივლისიდან მძღოლებს კონდიციონერების ჩართვას ავალდებულებს. მიკროავტობუსში კონდიციონერის ჩართვაზე უარის თქმის გამო, 120 მძღოლს სანქციები უკვე დაადეს.