ვახტანგ მეგრელიშვილი ოპოზიციაზე: შეხვედრიდან სიგარეტის მოსაწევად გავიდნენ, ადამიანურად გასაგები გახდა, რომ ჩვენთან კომუნიკაცია არ სურდათ

„ევროპული საქართველოს“ პოლიტიკოსები და „ნაციონალური მოძრაობის“ პოლიტიკოსების ნაწილი ადგა და შეხვედრიდან სიგარეტის მოსაწევად გავიდნენ. ადამიანურად გასაგები გახდა, რომ ჩვენთან კომუნიკაცია არ სურდათ, - ამის შესახებ „გირჩის“ ერთ-ერთმა ლიდერმა ვახტანგ მეგრელიშვილმა „TVპირველის“ ეთერში განაცხადა.

მეგრელიშვილმა განმარტა, „გირჩის“ წევრებმა ოპოზიციის გაერთიანებული შეხვედრა ნაადრევად რატომ დატოვეს. მას კითხვით მიმართეს, „ლეიბორისტული პარტიის“ ოფისში გაერთიანებული ოპოზიციის დღევანდელ შეხვედრაზე ისინი თვითდინებით მივიდნენ თუ არა.

მისი თქმით, „ლეიბორისტებში“ აღნიშნულ შეხვედრებში მონაწილეობასთან დაკავშირებით წინასწარ შეთანხმება არასდროს ყოფილა საჭირო.

„როდესაც ვგებულობდით, ავტომატურად მივდიოდით. მსგავსი პროცედურები იქ არასდროს ყოფილა. დღესაც ავტომატურად მივედით, თუმცა ვიცოდით, არ მოგატუებთ, ველოდით მსგავს რამეს. მივედით, შეკრებილებს მივესალმეთ და ვიცოდ, რომ უბრალოდ, წინაისტორიებიდან გამომდინარე, ჩვენი კოლეგები იქ ჩვენი თანდასწრებით მშვიდად საუბარს ვერ შეძლებდნენ“, - განაცხადა მეგრელიშვილმა.

მისივე თქმით, მან ოპოზიციის წევრებს შესთავაზა, ჯერ „გირჩის“ წევრებს ესაუბრათ და შემდეგ - გაერთიანებული ოპოზიციის წევრებს. მეგრელიშვილმა აღნიშნა, რომ მალე მათთვის ავტომატურად გასაგები გახდა, რომ შეხვედრა უნდა დაეტოვებინათ.

„ჩვენ მისულები ვიყავით კონკრეტული საკითხების გასარკვევად. მართლაც, მოვახერხეთ, ეს საკითხები აგვეხსნა მაინც. გვეთქვა, რისთვის ვიყავით მისულები. როდესაც ჩვენ საუბარი დავსრულეთ, „ევროპული საქართველოს“ პოლიტიკოსები და „ნაციონალური მოძრაობის“ პოლიტიკოსების ნაწილი ადგა და რაღაც წუთშესვენება აიღეს. სიგარეტის მოსაწევად გარეთ გავიდნენ. ადამიანურად გასაგები გახდა, რომ მათ ჩვენთან კომუნიკაცია არ სეურდათ“, - განაცხადა მეგრელიშვილმა.

მისი თქმით, შეკრებაზე უბარიერო პროპორციული სისტემით გასული ბევრი პარტიის წარმომადგენელი იყო და წესით მათი შეთავაზებებით უნდა დაინტერესებული, თუმცა მეგრელიშვილის განმარტებით, ერთადერთი რესპუბლიკური პარტიიდან სამნიძემ გამოთქვა აზრი, რომ „გირჩის“ წევრების შეთავაზებულ საკითხებზე საუბარი საჭირო იყო.

„შემოვიდა შალვა ნათელაშვილი და კახა კუკავა, თუმცა ვერ გაბედეს, იქ ჩვენ სერიოზული საუბარი მოგვეწყო“, - დასძინა მგალობლიშვილმა.

ოპოზიციური პარტიების წარმომადგენლები „ლეიბორისტული პარტიის“ ოფისში შეიკრიბნენ. პოლიტიკოსები „ნაციონალური მოძრობის“ თავმჯდომარის, ნიკა მელიას დაპატიმრების შემთხვევაში მოქმედების გეგმაზე მსჯელობენ.