ანრი ოხანაშვილი: სისხლისღვრაზე საუბარი წარმოუდგენელია, თუკი ვინმეს ამის წყურვილი აქვს, ეს „ნაცმოძრაობაა“, რაზეც უქადაგებს მათი ბელადი, სააკაშვილი

სისხლისღვრაზე საუბარი წარმოუდგენელია, თუკი ვინმეს ეს სურს და ამის წყურვილი აქვს, ეს არის „ნაციონალური მოძრაობაა“, მათ ამის შესახებ უქადაგებს მათი ბელადი, მიხეილ სააკაშვილი, - ამის შესახებ საპარლამენტო უმრავლესობის წევრმა, ანრი ოხანაშვილმა განაცხადა.

მისი თქმით, „ქართული ოცნების“ ყველა წევრი იზიარებს, რომ კანონი უნდა აღსრულდეს.

„პრემიერ გახარიას განცხადებაშიც, როცა მან ისაუბრა გადადგომაზე, ამაზე იყო საუბარი, რომ აღსრულების დროს საჭირო იყო შედარებით ტემპერატურის დაწევა, თუ - არა. „ქართული ოცნების“ ყველა წევრი იზიარებს, რომ კანონი უნდა აღსრულდეს. გიორგი გახარიამაც ხაზგასმით თქვა, რომ კანონის აღსრულება უპირობოა. აზრთა სხვაობა შეეხებოდა იმას, თუ რამდენ დღეში ჯობდა ამ გადაწყვეტილების აღსრულება პოლიტიკური კონტექსტის გათვალისწინებით“, - განაცხადა ანრი ოხანაშვილმა.

გიორგი გახარიამ პრემიერ-მინისტრის თანამდებობა დღეს დატოვა. პრემიერ-მინისტრის გადადგომასთან დაკავშირებით, შინაგან საქმეთა სამინისტრომ ნიკანორ მელიას საქმეზე დაგეგმილი ღონისძიება დროებით გადადო.