imedi /  27 თებერვალი 2021, 12:01 / სანდო წყარო

რეგიონული პოლიტიკისა და თვითმმართველობის კომიტეტმა საოკუპაციო გამყოფი ხაზის მიმდებარე დასახლებებში არსებულ მდგომარეობასთან დაკავშირებით ერგნეთში გასვლითი სხდომა გამართა

რეგიონული პოლიტიკისა და თვითმმართველობის კომიტეტმა, საზედამხედველო საქმიანობის სამოქმედო გეგმის ფარგლებში, გორის მუნიციპალიტეტის სოფელ ერგნეთში გასვლითი სხდომა გამართა საოკუპაციო გამყოფი ხაზის მიმდებარე დასახლებებში არსებულ მდგომარეობასთან დაკავშირებით. ამის შესახებ ინფორმაციას საქართველოს პარლამენტი ავრცელებს.

როგორც განცხადებაშია ნათქვამი, სხდომის დაწყებამდე, რეგიონული პოლიტიკისა და თვითმმართველობის კომიტეტის თავმჯდომარე სოზარ სუბარი, შერიგებისა და სამოქალაქო თანასწორობის საკითხებში საქართველოს სახელმწიფო მინისტრი თეა ახვლედიანი, რეგიონული განვითარებისა და ინფრასტრუქტურის მინისტრის მოადგილე მზია გიორგობიანი, შიდა ქართლის სახელმწიფო რწმუნებული მამუკა საღარეიშვილი, რეგიონული პოლიტიკისა და თვითმმართველობის კომიტეტის თავმჯდომარის პირველი მოადგილე გიორგი ხოჯევანიშვილი, კომიტეტის თავმჯდომარის მოადგილე ეკა სეფაშვილი, კომიტეტის წევრები, გორის მუნიციპალიტეტის მერი კონსტანტინე თავზარაშვილი, გორის მუნიციპალიტეტის საკრებულოს თავმჯდომარე დავით რაზმაძე სოფელ ერგნეთში, საოკუპაციო გამყოფ ხაზთან ადგილობრივ მოსახლეობას შეხვდნენ, გაეცნენ საოკუპაციო გამყოფი ხაზის მიმდებარე დასახლებებში არსებულ მდგომარეობას და უშუალოდ მოსახლეობისგან მოისმინეს ინფორმაცია მათი პრობლემების და საჭიროებების შესახებ და ადგილობრივი თვითმმართველობის წარმომადგენლებთან ერთად მოგვარების გზებზე იმსჯელეს.

საკანონმდებლო და აღმასრულებელი ხელისუფლების წარმომადგენლებმა სოფელ ერგნეთში დაათვალიერეს „2008 წლის აგვისტოს ომის მუზეუმი“, რომელიც ადგილობრივების მიერ არის დაარსებული და ომს სასწაულად გადარჩენილი სახლის სარდაფშია გახსნილი. აქ თითოეული ექსპონატი 2008 წლის აგვისტოს ომის საშინელ კვალს ინახავს. სტუმრებს მუზეუმში მეგზურობა თავად მისი შექმნის ინიციატორმა ლია ჩლაჩიძემ გაუწია.

შემდეგ კომიტეტის სხდომაც სწორედ ამ მუზეუმში გაიმართა.

სოზარ სუბარის განცხადებით, საერთო სურვილი იყო, რომ რეგიონული პოლიტიკისა და თვითმმართველობის კომიტეტის პირველი გასვლითი სხდომა საოკუპაციო ხაზთან სწორედ საქართველოს პირველი დემოკრატიული რესპუბლიკის საბჭოთა ოკუპაციის 100 წლისთავთან დაკავშირებით გაემართათ.

„კომიტეტის პირველი გასვლითი სხდომაა და შემთხვევით არ შეგვირჩევია საოკუპაციო ხაზის მიმდებარე სოფელი, ამ შემთხვევაში ერგნეთი და თვითონ ადგილიც, სადაც სხდომა ტარდება. სიმბოლურია, რომ სხდომას ვატარებთ მუზეუმში, რომელიც შთამბეჭდავია თავისი შინაარსით და კიდევ უფრო შთამბეჭდავი ისაა, რომ ეს ძირითადად გაკეთებულია ადგილობრივი მოსახლეობის მიერ. მნიშვნელოვანია და სიმბოლურიც ის, რომ ოკუპაციის ხაზთან ჩვენი კომიტეტის სხდომის ჩატარება დავამთხვიეთ ასევე საბჭოთა ოკუპაციის 100 წლისთავს. ასი წლის მერეც ეს ოკუპაცია კვლავ გრძელდება და აუცილებლად დადგება დღე, როდესაც საქართველოს ტერიტორიული მთლიანობა აღდგება“, - განაცხადა რეგიონული პოლიტიკისა და თვითმმართველობის კომიტეტის თავმჯდომარემ.

კომიტეტის სხდომაზე საქართველოს სახელმწიფო მინისტრმა შერიგებისა და სამოქალაქო თანასწორობის საკითხებში თეა ახვლედიანმა და საქართველოს რეგიონული განვითარებისა და ინფრასტრუქტურის მინისტრის მოადგილემ მზია გიორგობიანმა წარმოადგინეს ანგარიში გამყოფი ხაზის მიმდებარე სოფლების მოსახლეობის წინაშე არსებულ საჭიროებებზე რეაგირებისთვის შექმნილი სამთავრობო კომისიის მუშაობის შედეგების თაობაზე. მათ ისაუბრეს იმ სოციალურ, ინფრასტრუქტურულ, კულტურულ თუ საგანმანათლებლო და ჯანდაცვის პროგრამებზე, რომლებსაც სახელმწიფო ახორციელებს იმისათვის, რომ გამყოფი ხაზის მიმდებარე სოფლების მოსახლეობას ოკუპაციით და ე. წ. „ბორდერიზაციით“ მიყენებული მძიმე შედეგები, ზარალი და ასევე სოციალურ-ეკონომიკური მდგომარეობა შეუმსუბუქოს. მათ საკანონმდებლო ორგანოს წევრებს ამომწურავი ინფორმაცია მიაწოდეს მოსახლეობის საჭიროებებისთვის დროებითი სამთავრობო კომისიის მიერ გაწეული საქმიანობისა და განხორციელებული პროექტების შესახებ.

„საუბედუროდ, 100 წლის შემდეგაც, ჩვენთვის არ არის უცხო საბჭოთა კავშირის ერთადერთი სამართალმემკვიდრის, რუსეთის ფედერაციის მიერ საერთაშორისო სამართლებრივი ფუნდამენტური ნორმების და პრინციპების დარღვევა, რისი მაგალითიც არის 2008 წლის აგვისტოს ომი, რის შემდეგაც ჩვენ დღემდე ვებრძვით ოკუპაციის მძიმე შედეგებს. საქართველოს მთავრობის განსაკუთრებული ზრუნვის საგანია გამყოფი ხაზის მიმდებარე სოფლებში მცხოვრები მოსახლეობის საჭიროებებზე რეაგირება. სწორედ ამისთვის მოქმედებს სამთავრობო კომისია, რომლის თავმჯდომარეა სახელმწიფო მინისტრის აპარატი, ხოლო მას ხელმძღვანელობს ინფრასტრუქტურის სამინისტრო“, - განაცხადა თეა ახვლედიანმა.

სახელმწიფო მინისტრმა ყურადღება გაამახვილა ოკუპირებულ რეგიონებში უსაფრთხოების, ჰუმანიტარული და ადამიანის უფლებათა კუთხით არსებულ მძიმე მდგომარეობაზე, საოკუპაციო ხაზის გასწვრივ მავთულხლართებისა და სხვა ხელოვნური ბარიერების აღმართვაზე, თავისუფალ გადაადგილებაზე დაწესებულ მკაცრ შეზღუდვებსა და უკანონო დაკავებების ფაქტებზე. აღნიშნულ კონტექსტში სახელმწიფო მინისტრის მხრიდან ხაზგასმით აღინიშნა, რომ მსგავსი უკანონო ქმედებები უხეშად არღვევს საოკუპაციო ხაზის ორივე მხარეს მცხოვრები ადამიანების ფუნდამენტურ უფლებებს, რაც უარყოფითად აისახება მათ ყოველდღიურ ცხოვრებაზე, ეს კი განსაკუთრებით სავალალოა კოვიდ-19 პანდემიასთან დაკავშირებული გამოწვევების გათვალისწინებით.

მისი თქმით, სახელმწიფო მინისტრის აპარატი პასუხისმგებელია ორი ძირითადი მიმართულებით - შერიგება და ჩართულობა, რომელიც ოკუპირებულ რეგიონებთან მიმართებაში გულისხმობს ომით გაყოფილ საზოგადოებებს შორის შერიგებას დიალოგის და ნდობის აღდგენის გზით. ამ მიზნით ახორციელებენ სწორედ სამშვიდობო ინიციატივას „ნაბიჯი უკეთესი მომავლისაკენ“ და არაერთ სხვა პროგრამასა და პროექტს.

სახელმწიფო მინისტრის აპარატი ამავდროულად პასუხისმგებელია სამოქალაქო თანასწორობის და ეთნიკურ უმცირესობათა ინტეგრაციის პოლიტიკაზე და თეა ახვლედიანმა ამ მიმართულებით განხორციელებულ საქმიანობაზეც ილაპარაკა.

რეგიონული განვითარებისა და ინფრასტრუქტურის მინისტრის მოადგილემ მზია გიორგობიანმა თავის მხრივ სამინისტროს პრიორიტეტულ მიმართულებებზე და ამ კუთხით გამყოფი ხაზის მიმდებარე სოფლებში 2013 წლიდან დღემდე განხორციელებულ საქმიანობაზე ილაპარაკა.

„შევძელით, რომ მხოლოდ ინფრასტრუქტურული პროექტების განხორციელების თვალსაზრისით, 2013 წლიდან დღემდე, მიმართული ყოფილიყო 160 მილიონ ლარზე მეტი. მხოლოდ 2020 წლის განმავლობაში შევძელით 71 მილიონ ლარზე მეტის ინფრასტრუქტურული პროექტების განხორციელება. ჩვენი პრიორიტეტი კვლავ იქნება გზებისა და წყლის ინფრასტრუქტურის მოწესრიგება, განსაკუთრებული ყურადღება დაეთმობა საგანმანათლებლო ობიექტებს, რაც გულისხმობს როგორც ახალი სკოლებისა და საბავშვო ბაღების მშენებლობას, ასევე არსებული დაწესებულებების რეაბილიტაციას. გარდა ამისა, აქტიურად გავაგრძელებთ მუშაობას სხვადასხვა პროგრამების შემუშავებაზე, განსაკუთრებული ყურადღება დაეთმობა ადგილზე დაფინანსებას და დასაქმების ხელშეწყობას“, - განაცხადა მინისტრის მოადგილემ.

მისი თქმით, ყოველი ახალი ინიციატივა ამიერიდან მიმართული იქნება ეკონომიკის გაძლიერებაზე, სახელმწიფო განსაკუთრებულ ყურადღებას გამოიჩენს იმისათვის, რომ გამყოფი ხაზის მიმდებარე დასახლებებში უფრო მეტი კომპანია შეიქმნას, მეტი დასაქმებული გაჩნდეს ადგილებზე.

რეგიონული განვითარებისა და ინფრასტრუქტურის მინისტრის მოადგილემ მაღალმთიანი სტატუსის მქონე დასახლებების მხარდაჭერაზეც გაამახვილა ყურადღება და აღნიშნა, რომ მაღალმთიანი დასახლებების განვითარების მიზნით შექმნილ კანონში განხორციელებული ცვლილებიდან გამომდინარე, შარშან გამყოფი ხაზის მიმდებარე კიდევ 19 დასახლებას მიენიჭა მაღალმთიანი დასახლების სტატუსი. დღემდე ამ სტატუსის მატარებელი გამყოფი ხაზის მიმდებარე 116 დასახლებიდან 80 დასახლება იყო. მინისტრის მოადგილის განცხადებით, აღნიშნული ცვლილებებით, მაღალმთიანი დასახლების სტატუსის მინიჭების კრიტერიუმი გამყოფ ხაზთან მდებარე სოფლებისათვის გამარტივდა და ამიერიდან ამ კრიტერიუმით მთავარია, რომ დასახლება მდებარეობდეს სულ მცირე 800 მეტრის სიმაღლეზე. შესაბამისად, ამ 19 დასახლებაში რეგისტრირებულ 14 ათას ადამიანს შესაძლებლობა ეძლევა, ისარგებლოს მაღალმთიანი დასახლებების კანონით განსაზღვრული სიკეთეებით.

კომიტეტის სხდომის ერგნეთში გამართვის მნიშვნელობაზე გაამახვილა ყურადღება ამ რეგიონის მაჟორიტარმა დეპუტატმა, მხარის ყოფილმა სახელმწიფო რწმუნებულმა გიორგი ხოჯევანიშვილმა და მთავრობის წევრების წინაშე მოსახლეობის პრობლემები წამოჭრა. მისი თქმით, ერთ-ერთი მნიშვნელოვანი საკითხი, რომელიც საჭიროებს მუშაობას როგორც აღმასრულებელი, ისე საკანონმდებლო ორგანოს მხრიდან, დღევანდელი გადმოსახედიდან არის საოკუპაციო ხაზთან მცხოვრები სტუდენტების დაფინანსების საკითხი, რომელიც ადგილობრივებისათვის ერთობ მტკივნეულია და მან იმედი გამოთქვა, რომ შესაბამისი გადაწყვეტილება იქნება მიღებული. მისი თქმით, ასევე მწვავედ დგას პროფესიული განათლების საკითხი და საჭიროა ამ საკითხსაც მიექცეს ყურადღება, ვინაიდან ეს ხელს შეუწყობს პროფესიონალი მუშახელის დეფიციტის აღმოფხვრას და ადგილზე კადრების დამაგრებას.

როგორც გიორგი ხოჯევანიშვილმა აღნიშნა, მსგავსი შეხვედრები რეგიონებში, განსაკუთრებით გამყოფი ხაზის მიმდებარე დასახლებებში, მოსახლეობისათვის ერთობ მნიშვნელოვანია და იმედი გამოთქვა, რომ სხვადასხვა უწყებების ჩართულობით, შეხვედრები და შემდეგ შესაბამისი რეაგირება, კვლავაც არაერთხელ მოხდება.

შემდეგ სახელმწიფო მინისტრმა შერიგებისა და სამოქალაქო თანასწორობის საკითხებში და რეგიონული განვითარებისა და ინფრასტრუქტურის მინისტრის მოადგილემ უპასუხეს კომიტეტის წევრების შეკითხვებს, რომლებიც სხვადასხვა საკითხს ეხებოდა, მათ შორის, შერიგების და ჩართულობის პოლიტიკას, სამოქალაქო თანასწორობის და ეთნიკური უმცირესობების ინტეგრაციის პოლიტიკას, სხვადასხვა ინფრასტრუქტურულ პროექტს, დასახლებების სასმელი და სარწყავი წყლით უზრუნველყოფას, გზების რეაბილიტაციას, საგრანტო პროგრამებს, ინტერნეტიზაციას და სხვა.

ერგნეთის მცხოვრებთა სახელით, ლია ჩლაჩიძემ კანონმდებლების და მთავრობის წევრების ყურადღება სოფლის სატკივარზე გაამახვილა. მისი თქმით, სოფლის მოსახლეობა სამედიცინო დახმარების გარეშეა დარჩენილი - აქ არის ყოველმხრივ აღჭურვილი ამბულატორია, მაგრამ სოფელს ექიმი არ ჰყავს და ხელისუფლებისაგან ამ პრობლემის მოგვარებას ითხოვენ.

კომიტეტის სხდომას, ქვეყნის საკანონმდებლო და აღმასრულებელი ხელისუფლების წარმომადგენლების გარდა, ადგილობრივი ხელისუფლების წარმომადგენლებიც ესწრებოდნენ.

როგორც შიდა ქართლის ახალ დანიშნულმა სახელმწიფო რწმუნებულმა მამუკა საღარეიშვილმა განაცხადა, მსგავსი გასვლითი შეხვედრები, როგორიც დღეს საპარლამენტო კომიტეტის ინიციატივით სოფელ ერგნეთში შედგა, რეგიონის მოსახლეობისათვის ნამდვილად მნიშვნელოვანია. „ასეთი თანამშრომლობით, მოსახლეობასთან აქტიური კომუნიკაციით, ერთად ბევრ კარგ საქმეს გავაკეთებთ“, - განაცხადა სახელმწიფო რწმუნებულმა.

დასასრულ, კომიტეტმა წარმოდგენილი ანგარიშები ცნობად მიიღო.

ყველა სიახლე

20 აპრილი 2021, 10:54

COVID19

კოვიდინფიცირების ახალი შემთხვევებიდან 1 030 თბილისში გამოვლინდა

„დღეს ქვეყანაში გამოვლენილი ინფიცირების 1 792 ახალი შემთხვევიდან: თბილისში გამოვლენილია 1 030 შემთხვევა, აჭარა - 164, იმერეთი - 96, ქვემო ქართლი - 75, შიდა ქართლი - 85, გურია - 55, სამეგრელო - ზემო სვანეთი - 163, კახეთი - 63, მცხეთა-მთიანეთი - 33, სამცხე-ჯავახეთი - 23, რაჭა-ლეჩხუმი და ქვემო სვანეთი - 5“, - აღნიშნულია გავრცელებულ ინფორმაციაში.

20 აპრილი 2021, 10:53

COVID19

საქართველოში კორონავირუსის 1 792 ახალი შემთხვევა გამოვლინდა

Stopcov-ზე გამოქვეყნებული მონაცემების თანახმად, ბოლო 24 საათის განმავლობაში საქართველოში კორონავირუსი კიდევ 1792 ადამიანს დაუდასტურდა, გამოჯანმრთელდა 663 პაციენტი. ამ დროისთვის საქართველოში კორონავირუსის 297 728 შემთხვევაა დადასტურებული. მათ შორის გამოჯანმრთელდა 282237, გარდაიცვალა3 959 პაციენტი.

20 აპრილი 2021, 10:50

COVID19

საქართველოში ბოლო 24 საათში კორონავირუსით 10 ადამიანი გარდაიცვალა

Stopcov.ge-ზე გამოქვეყნებული ინფორმაციის თანახმად, ბოლო 24 საათში საქართველოში 10 კოვიდინფიცირებული გარდაიცვალა. ამ დროისთვის საქართველოში კორონავირუსის 297 728 შემთხვევაა დადასტურებული. მათ შორის გამოჯანმრთელდა 282 237, გარდაიცვალა 3 959 პაციენტი.

20 აპრილი 2021, 10:44

სამართალი

შსს-მ კოვიდ-19-ის წინააღმდეგ ბრძოლის მიზნით მოქმედი რეგულაციების დარღვევის 1 634 ფაქტი გამოავლინა

საქართველოს ტერიტორიაზე მყოფი ყველა პირი ვალდებულია, დაემორჩილოს საზოგადოებრივი ჯანმრთელობის სფეროში მოქმედ საქართველოს კანონმდებლობის მოთხოვნებს. შინაგან საქმეთა სამინისტრო მოუწოდებს მოქალაქეებს, გამოიჩინონ მაღალი საზოგადოებრივი პასუხისმგებლობა და დაემორჩილონ არსებულ რეგულაციებს“, - აღნიშნულია გავრცელებულ ინფორმაციაში.

20 აპრილი 2021, 10:43

რეგიონი

თიბისის მხარდაჭერით, მცხეთის მუნიციპალიტეტში ახალი სასათბურე მეურნეობა ამოქმედდა

თიბისის მხარდაჭერითა და სოფლის განვითარების სააგენტოს ხელშეწყობით, მცხეთის მუნიციპალიტეტში თანამედროვე სტანდარტებით აღჭურვილი სასათბურე მეურნეობა შპს „ქეი ენ ჯი ჰოსპიტალიტი“ მოეწყო. მეურნეობაში, სადაც 5 ადამიანია დასაქმებული, წლიურად 10 ტონა მარწყვის წარმოებაა შესაძლებელი. სასათბურე მეურნეობა 2000 კვ.მ ფართობზეა გაშენებული. პროდუქციის რეალიზაცია ადგილობრივ ბაზარზე Ma gemme•მაგემე -ს სახელწოდებით ხდება.

20 აპრილი 2021, 10:42

საზოგადოება

სურსათის ეროვნული სააგენტო საცხობებსა და საკონდიტროებს ამოწმებს

სააგენტოს ინსპექტირების ჯგუფები ობიექტებს მთელი ქვეყნის მასშტაბით ამოწმებენ. მიმდინარე წელს 578 სახელმწიფო კონტროლი (ინსპექტირება, დოკუმენტური შემოწმება, გადამოწმება) განხორციელდა.

შალვა პაპუაშვილი

20 აპრილი 2021, 10:36

პოლიტიკა

შალვა პაპუაშვილი: ამ ექვსი თვის განმავლობაში „ნაციონალური მოძრაობა“ და „ევროპული საქართველო“ იყო ის პოლიტიკური ჯგუფი, რომელიც ყველა ხერხით შლიდა შეთანხმებას

გუშინ გაცხადდა ის, რასაც აქამდეც ვამბობდით. ამ ექვსი თვის განმავლობაში „ნაციონალური მოძრაობა“ და „ევროპული საქართველო“ იყო ის პოლიტიკური ჯგუფი, რომელიც ყველა ხერხით შლიდა შეთანხმებას, - ამის შესახებ „ქართული ოცნების“ საზოგადოებასთან ურთიერთობის მდივანმა და პარლამენტის განათლების კომიტეტის თავმჯდომარე, შალვა პაპუაშვილი სოციალურ ქსელში წერს.

გივი მიქანაძე

20 აპრილი 2021, 10:28

პოლიტიკა

გივი მიქანაძე: ჩვენ ვმუშაობთ ეთნიკური უმცირესობების სამოქალაქო ინტეგრაციის უნიკალური და ახალი მექანიზმების იმპლემენტაციისთვის, რომელიც ხელშესახებ შედეგებს მოიტანს

სამოქალაქო ინტეგრაცია საქართველოში მიმდინარე პროცესია, ამიტომ, ჩვენ ვმუშაობთ ინტეგრაციის უნიკალური და ახალი მექანიზმების იმპლემენტაციისთვის, რომელიც ხელშესახებ შედეგებს მოიტანს სამოქალაქო ინტეგრაციის სხვადასხვა მიმართულებაში - იქნება ეს ხარისხიანი განათლება, სახელმწიფო ენის ცოდნის გაუმჯობესება, სამოქალაქო და პოლიტიკური მონაწილეობა, ან სოციალურ-ეკონომიკური შესაძლებლობები, - ამის შესახებ ევროპის საბჭოს საპარლამენტო ასამბლეაში საქართველოს პარლამენტის მუდმივმოქმედი დელეგაციის წევრმა, გივი მიქანაძემ ასამბლეის პლენარულ სხდომაზე განაცხადა.

უოლტერ მონდეილი

20 აპრილი 2021, 10:26

მსოფლიო

აშშ-ის ყოფილი ვიცე-პრეზიდენტი, უოლტერ მონდეილი 93 წლისა გარდაიცვალა

აშშ-ის ყოფილი ვიცე-პრეზიდენტი, უოლტერ მონდეილი 93 წლისა გარდაიცვალა. ინფორმაციას ამის შესახებ ამერიკული მედია ავრცელებს.

გივი მიქანაძე

20 აპრილი 2021, 10:26

პოლიტიკა

გივი მიქანაძე ევროპის საბჭოს საპარლამენტო ასამბლეის იურიდიულ საკითხთა კომიტეტმა მომხსენებლად აირჩია

ევროპის საბჭოს საპარლამენტო ასამბლეის იურიდიულ საკითხთა და ადამიანის უფლებათა კომიტეტმა საქართველოს პარლამენტის დელეგაციის წევრი, გივი მიქანაძე თემაზე - „კოვიდ 19-ის პანდემიის გავლენა ევროპული ციხეების პატიმრებზე“ მომხსენებლად აირჩია.

ზუგდიდის ქუჩა

20 აპრილი 2021, 10:25

რეგიონი

ზუგდიდის ქუჩების რეაბილიტაცია აქტიურად გრძელდება

ზუგდიდის სარეაბილიტაციო ქუჩები იმდენად ამორტიზებული იყო, რომ ფაქტობრივად აღარ არსებობდა საავტომობილო გზის საფარი. ქუჩებზე გადაადგილება სირთულეებს ქმნიდა როგორც უნალექო ამინდში დამტვერიანების გამო, ისე ნალექიანი ამინდების დროს, როდესაც მათზე გადაადგილება განსაკუთრებით რთულდება. პრობლემის მოსაგვარებლად ზუგდიდში სრულად მოწესრიგდება საგზაო ინფრასტრუქტურა და სანიაღვრე სისტემები, გაკეთდება მიერთებები, მოეწყობა ადგილობრივი და ეზოში შესასვლელები, ბორდიურები და ტროტუარები. რაც ამ ქალაქის მასშტაბით უსაფრთხო, კომფორტულ გადაადგილებას და მგზავრობის დროისა და ხარჯის შემცირებას უზრუნველყოფს.

თამარ ტალიაშვილი

20 აპრილი 2021, 10:22

პოლიტიკა

თამარ ტალიაშვილი ევროსაბჭოს საპარლამენტო ასამბლეამ რეზოლუციაზე „ახალგაზრდობა და მედია მოტივაცია“ მომხსენებლად აირჩია

განათლებისა და მეცნიერების კომიტეტის თავმჯდომარის მოადგილე, თამარ ტალიაშვილი, რომელიც სტრასბურგში ევროპის საბჭოს საპარლამენტო ასამბლეის საგაზაფხულო სესიის მუშაობაში მონაწილეობს, ასამბლეამ რეზოლუციაზე - „ახალგაზრდობა და მედია მოტივაცია“ მომხსენებლად აირჩია, - ამის შესახებ ინფორმაციას საქართველოს პარლამენტის პრესსამსახური ავრცელებს.

20 აპრილი 2021, 10:11

სამართალი

პოლიციამ აჭარაში განსაკუთრებით დიდი ოდენობით ნარკოტიკი, უკანონო ცეცხლსასროლი იარაღი და საბრძოლო მასალა ამოიღო

შინაგან საქმეთა სამინისტროს აჭარის პოლიციის დეპარტამენტის თანამშრომლებმა, ჩატარებული ოპერატიულ-სამძებრო და საგამოძიებო ღონისძიებების შედეგად, განსაკუთრებით დიდი ოდენობით ნარკოტიკული საშუალების უკანონო შეძენა-შენახვის, ცეცხლსასროლი იარაღისა და საბრძოლო მასალის მართლსაწინააღმდეგო შეძენა-შენახვა-ტარების ბრალდებით 1989 წელს დაბადებული, წარსულში ნასამართლევი ვ.ე. დააკავეს, - ამის შესახებ ინფორმაციას შინაგან საქმეთა სამინისტრო ავრცელებს.

20 აპრილი 2021, 10:10

COVID19

ბოლო 24 საათში გერმანიაში კორონავირუსის 9 609 ახალი შემთხვევა დადასტურდა

რობერტ კოხის ინსტიტუტის მონაცემებით, გერმანიაში გასული დღე-ღამის განმავლობაში, კორონავირუსის 9 609 ახალი შემთხვევა დადასტურდა, ხოლო 297 ადამიანი გარდაიცვალა.

ელენე ხოშტარია

20 აპრილი 2021, 10:08

პოლიტიკა

ელენე ხოშტარია სალომე სამადაშვილზე: არასდროს მოუტყუებია და გულწრფელად სჯერა, რომ ქვეყნისთვის სწორი ნაბიჯი გადადგა

„სალომე სამადაშვილის პოზიცია (ჩემგან განსხვავებული) პირველი დღიდან ბოლო დღემდე იყო თანმიმდევრული. არასდროს არ მოუტყუებია და გულწრფელად სჯერა, რომ ქვეყნისთვის სწორი ნაბიჯი გადადგა. გვიკამათია და ვიკამათებთ, მაგრამ ჩემგან ყოველთვის პატივისცემას იმსახურებდა მისი ერთგულება საკუთარი პოზიციის მიმართ“, – წერს ელენე ხოშტარია.

20 აპრილი 2021, 10:06

რეგიონი

იმერეთში სამსახურებრივი მოვალეობის შესრულების დროს დაჭრილ პოლიციელს მინისტრის სახელით ჯილდო გადაეცა

პოლიციამ ბრალდებული შემთხვევის ადგილზე დააკავა, დაჭრილი დავით ახობაძე კი სასწრაფო სამედიცინო დახმარების ბრიგადამ საავადმყოფოში გადაიყვანა, სადაც გადაუდებელი ოპერაცია ჩაუტარდა. ამჟამად, პოლიციის უფროსი ლეიტენანტი დავით ახობაძე მკურნალობას სახლში განაგრძობს. მის ჯანმრთელობას საფრთხე არ ემუქრება.

20 აპრილი 2021, 10:05

COVID19

ბრაზილიაში კორონავირუსით გარდაცვლილთა რიცხვმა 375 ათასს გადააჭარბა

ბრაზილიის ჯანდაცვის სამინისტროს მონაცემებით, გასული დღე-ღამის განმავლობაში, ქვეყანაში კორონავირუსის 35 885 ახალი შემთხვევა დადასტურდა, 1 607 ადამიანი კი გარდაიცვალა.

20 აპრილი 2021, 10:01

COVID19

ბოლო 24 საათში ინდოეთში კორონავირუსის 259 ათასზე მეტი ახალი შემთხვევა დადასტურდა

ინდოეთის ჯანდაცვის სამინისტროს მონაცემებით, ქვეყანაში გასული დღე-ღამის განმავლობაში, კორონავირუსის 259 170 ახალი შემთხვევა დადასტურდა, ხოლო 1 761 ადამიანი გარდაიცვალა.

გიორგი ვაშაძე

20 აპრილი 2021, 09:57

პოლიტიკა

გიორგი ვაშაძე: „ნაცმოძრაობა“ რომ პარლამენტში შევა, მერე რას იტყვიან რადიკალური კომენტარების ავტორები, ძალიან მაინტერესებს

„ნაცმოძრაობა“ რომ პარლამენტში შევა, მერე რას იტყვიან რადიკალური კომენტარების და განცხადებების გამკეთებელი ადამიანები ძალიან მაინტერესებს“, - წერს გიორგი ვაშაძე სოციალურ ქსელში.

20 აპრილი 2021, 09:44

რეგიონი

„ქართული ოცნების“ ზესტაფონის საოლქო ორგანიზაციის ინფორმაციით, სხვადასხვა ოპოზიციურ პარტიასთან ფარული ურთიერთობის გამო, რამდენიმე წევრი პარტიიდან გარიცხეს

„ქართული ოცნების“ ზესტაფონის საოლქო ორგანიზაცია განცხადებას ავრცელებს, რომელშიც ნათქვამია, რომ სხვადასხვა ოპოზიციურ პარტიასთან ფარული ურთიერთობის გამო, რამდენიმე წევრი პარტიიდან გარიცხეს.