დავით ზალკალიანი: მივესალმები, მკაფიო შეფასებებს ეუთოს მოქმედი თავმჯდომარის მხრიდან, რომელიც გაეროს უსიშროების საბჭოს ფორმატში გაჟღერდა

მივესალმები, მკაფიო შეფასებებს ეუთოს მოქმედი თავმჯდომარის მხრიდან, რომელიც გაეროს უსიშროების საბჭოს ფორმატში გაჟღერდა, - ამის შესახებ საგარეო საქმეთა მინისტრმა დავით ზალკალიანმა ბრიფინგზე განაცხადა.

ზალკალიანი გაეროს უსიშროების საბჭოს ფარგლებში საქართველოს ოკუპირებულ ტერიტორიაზე არსებული სიტუაციის განხილვის ფაქტს გამოეხმაურა.

მისი თქმით, უმაღლესი დონის ფორმატებში საქართველოს ოკუპირებულ ტერიტორიაზე არსებული სიტუაციის აქტუალიზაცია მათი დღის წესრიგია.

„ეს არის კიდევ ერთი მაგალითი იმისა, რომ საქართველო თავისი მეგობრებისა და პარტნიორების მხარდაჭერით მუდმივად ახდენს საქართველოს საკითხის ფორუმებზე და მათ შორის გაეროს უსიშროების საბჭოს ფარგლებში აქტუალიზაციას. ბოლო წლების განმავლობაში ჩვვენ მაქსიმალურად ვიყენებთ გაეროს უსიშროების საბჭოს ფორმატს, რომელიც 2012 წლამდე საერთოდ მივიწყებული იყო და 2008 წლის შემდეგ, ოკუპირებულ ტერიტორიაზე არსებული სიტუაცია არც ერთხელ არ განხილულა. ამიტომ, ეს არის იმ მუშაობის შედეგი, რომელიც ჩვენ გვაქვს ჩვენს პარტნიორებთან“, - განაცხადა ზალკალიანმა.

მისივე თქმით, ეუთოს მოქმედი თავმჯდომარე, შვედეთის საგარეო საქმეთა მინისტრი ახლახანს თბილისში იმყოფებოდა და მას სთხოვა, ყველა ფორმატი ყოფილიყო გამოყენებული, რათა საქართველოში უკანონო ოკუპაციის თემა რაც შეიძლება მწვავედ დაყენებული.

„ეს გაჟღერდა გუშინ უშიშროების საბჭოს ფორმატში მიმდინარე დებატების დროს. მივესალმები ასეთ მკაფიო შეფასებებს ეუთოს მოქმედი თავმჯდომარის მხრიდან, ასევე ბევრი დელეგაცია გამოვიდა უშიშროების საბჭოს ფორმატში, მათ შორის იყო აშშ-ის, ნორვეგიის, გაერთიანებული სამეფოს მხრიდან გამოხმაურება. ეს არის სწორედ ის ბერკეტი, რომელიც ჩვენ გვაქვს - მუდმივად უმაღლეს ფორმატებში საქართველოს საკითხის აქტუალიზაცია და ეს არის ჩვენი დღის წესრიგი“, - განაცხადა ზალკალიანმა.

გაეროს უშიშროების საბჭოს სხდომაზე სიტყვით გამოსვლისას, შვედეთის საგარეო საქმეთა მინისტრმა და ეუთოს მოქმედმა თავმჯდომარემ, ან ლინდემ საქართველოზეც ისაუბრა.

ლინდემ აღნიშნა, რომ საქართველოში ვიზიტის ფარგლებში მან თავად მოინახულა საოკუპაციო ხაზი, რამაც დაანახა ადგილობრივ მოსახლეობას შორის კონტაქტებისა და კომუნიკაციის გაზრდის აუცილებლობა.