გიორგი ვოლსკი: ბულინგი და შეტევა ინტენსიურად მიმდინარეობს, მათ შორის ირაკლი ღარიბაშვილის მიმართ

ბულინგი და შეტევა ინტენსიურად მიმდინარეობს, მათ შორის ირაკლი ღარიბაშვილის მიმართ, მაგრამ დღეს გაცილებით მეტი მნიშვნელობის საკითხი დევს მოლაპარაკების მაგიდაზე, – ამის შესახებ პარლამენტის პირველმა ვიცე-სპიკერმა, გია ვოლსკიმ მოლაპარაკებებთან დაკავშირებით განაცხადა.

„ყოველთვის სკეპტიკური ვიყავი იმის მიმართ, რომ „ნაციონალურ მოძრაობას“ რაიმე პოზიტიური და კონსტრუქციული იდეა აქვს. ფაქტია, სიტუაციას განაგებს, მაგრამ მმართველ გუნდში მაინც გამოთქვამენ იმედს, რომ პოზიტივი იქნება, რადგან ძალიან დიდია ჩვენი და საერთაშორისო საზოგადოების ინტერესი, რომ ქვეყანაში სტაბილურობა შენარჩუნდეს. მგონია, რომ საერთაშორისო პოზიციები თავის საქმეს შეასრულებს. ეს არ უკავშირდება მხოლოდ პარტიებს შორის დამოკიდებულებას, ეს არის ეროვნული უსაფრთხოებისთვის საგანგებოდ მნიშვნელოვანი თემა, რაშიც ესოდენ დაინტერესებული არიან ჩვენი პარტნიორები.

მნიშვნელოვანია, მოლაპარაკებები შედეგით დასრულდეს და მხარეები მოლაპარაკებების მაგიდასთან ისხდნენ. ბულინგი და შეტევა ინტენსიურად მიმდინარეობს, მათ შორის ირაკლი ღარიბაშვილის მიმართ, მაგრამ დღეს გაცილებით მეტი მნიშვნელობის საკითხი დევს მოლაპარაკების მაგიდაზე,“, – განაცხადა გიორგი ვოლსკიმ.

კრისტიან დანიელსონი ირაკლი ღარიბაშვილს შეხვდა.

ევროკავშირის მედიატორობით გამართულ პოლიტიკურ დიალოგში ევროკავშირის საბჭოს პრეზიდენტის, შარლ მიშელის პირადი წარმომადგენელი კრისტიან დანიელსონიორბელიანების სასახლეში საქართველოს პრეზიდენტს, სალომე ზურაბიშვილს შეხვდა.

მანამდე, დანიელსონი ევროკავშირის ელჩს, კარლ ჰარცელს შეხვდა.

კრისტიან დანიელსონი დედაქალქს გამთენიისას ეწვია. დანიელსონი საქართველოში 14 მარტამდე დარჩება. როგორც ცნობილია, მისი ვიზიტის მიზანია ჩართვა პრეზიდენტ მიშელის ინიციატივით პირველ მარტს განახლებულ პოლიტიკურ დიალოგში, მასში მონაწილე ყველა პარტიის ლიდერთან ერთად.

პოლიტიკურ პარტიებთან დიალოგში მონაწილეობასთან ერთად, დანიელსონი სამოქალაქო საზოგადოების წარმომადგენლებს შეხვდება.