19 აპრილი 2021, 12:11 / სანდო წყარო

„ქართული ოცნება“: მზად ვართ განახლებული დოკუმენტის განსახილველად - ხელმოწერის შემდეგ, ჩვენ არ დავეთანხმებით რაიმე შინაარსობრივ დამატებას

„ქართული ოცნება“ განცხადებას ავრცელებს, რომელშიც აღნიშნულია, რომ პარტია მზადყოფნას აფიქსირებს განახლებული დოკუმენტის განხილვაზეც და განახლებული დოკუმენტის ხელმოწერის შემდეგ, მათი მხრიდან პირობების მეტი კორექტირება აღარ მოხდება და არ დაეთანხმებიან რაიმე შინაარსობრივ დამატებას.

„მას შემდეგ, რაც მოლაპარაკებების პირველი ფაზა პრეზიდენტ მიშელის სპეციალური წარმომადგენლის მედიაციით შედეგის გარეშე დასრულდა, „ქართულმა ოცნებამ“ გადადგა პასუხისმგებლიანი ნაბიჯი და საჯაროდ ხელი მოაწერა ევროკავშირის ეგიდით შექმნილ დოკუმენტს, რომელიც მმართველ პარტიასა და ოპოზიციას შორის შეთანხმების პირობებს ადგენდა. ოპოზიციამ ევროკავშირის მიერ წარდგენილ დოკუმენტს ხელი არ მოაწერა.

იმის გათვალისწინებით, რომ დღეს ჩვენი ქვეყანა პანდემიით და რეგიონში არსებული გეოპოლიტიკური ვითარებით გამოწვეული სერიოზული გამოწვევების წინაშე დგას, ჩვენ ვაცნობიერებთ ჩვენს პასუხისმგებლობას თანამოქალაქეების, ჩვენი ქვეყნის და საერთაშორისო საზოგადოების წინაშე.

„ქართული ოცნება“ არის გადაწყვეტილების მიმღები ძალა, რომელსაც სამართლიანად აქვს დემოკრატიულ არჩევნებში მიღებული ყველაზე მაღალი მხარდაჭერა. სწორედ ამიტომ, ჩვენ ყურადღებით ვეკიდებით, ჩვენი პარტნიორების რჩევებს და წინადადებას შეთანხმების მისაღწევად და მზად ვართ, გუნდთან დავიწყოთ განხილვა ნდობის 40%-იანი მაჩვენებლის გაზრდაზე, რომელიც კონსტიტუციით და საარჩევნო კანონმდებლობით გახლდათ იგივე ოპოზიციის მხარდაჭერით განსაზღვრული, 2020 წლის 8 მარტის შეთანხმების თანახმად.

ასევე გვსურს ჩვენი პოზიცია დავაფიქსიროთ გ. რურუასთან დაკავშირებით - ის არც პოლიტიკოსია და არც პოლიტიკურ პროცესში რაიმე გარდატეხის შემტანი პირი. მისი გათავისუფლების საკითხის ასახვა პარტიებს შორის შეთანხმებაში გახლავთ მართლმსაჯულებაში პოლიტიკური ჩარევის უხეში მაგალითი. ჩვენ ვითვალისწინებთ არსებულ რეალობას და ჩვენი პარტნიორების დამოკიდებულებას, სწორედ ამიტომ, არ დავაფიქსირებთ ჩვენს კრიტიკულ პოზიციას, თუ საქართველოს პრეზიდენტი მას შეიწყალებს.

ამ ნაბიჯებს ვდგამთ ჩვენს საერთაშორისო პარტნიორებთან, ევროკავშირთან და პრეზიდენტ მიშელთან ერთად, რომელთაც მადლობას ვუხდით პოლიტიკური ვითარების გასაჯანსაღებლად გადადგმული ნაბიჯების და ძალისხმევისთვის, იმ მოცემულობით, რომ კიდევ ერთხელ მკაფიოდ იქნება გაცხადებული, 2020 წლის საპარლამენტო არჩევნების სამართლიანი და დემოკრატიული პრინციპების დაცვით ჩატარების შესახებ, რაც ასახულია ეუთო/ოდირ-ის საერთაშორისო სადამკვირვებლო მისიის საბოლოო დასკვნაში და რისთვისაც ევროსტრუქტურები ჩაერთვებიან 2020 წლის საპარლამენტო არჩევნების შეფასების მიზნით შექმნილ კომისიაში. ასევე, ჩვენი გადაწყვეტილება პატიმრებთან დაკავშირებით, რომელთა გათავისუფლებას ითხოვს ოპოზიცია, ეფუძნება იმ აუცილებელ პირობას, რომ მომავალში გამოირიცხება ნებისმიერ სისხლისსამართლებრივ საქმეში პოლიტიკური ჩარევა.

ვინაიდან, არის ორი სხვა მიმდინარე საქმე - ე.წ. ხაზარაძე-ჯაფარიძის და ნ. გვარამიას საქმეები, სადაც ერთ შემთხვევაში პირებმა, რომელთა მიმართაც ჩატარდა გამოძიება და მიმდინარეობს სამართალწარმოება, გამოძიების დაწყების შემდეგ შექმნეს პოლიტიკური პარტია და თავი შეაფარეს პოლიტიკურ სტატუსს, ხოლო მეორე შემთხვევაში, პირმა, რომლის მიმართაც ასევე მიმდინარეობს სამართალწარმოება (ის წინა ხელისუფლების პირობებში, გენერალური პროკურორის მოადგილე გახლდათ), დააფუძნა ტელევიზია და ჟურნალისტური საქმიანობით ცდილობს იმუნიტეტის მოპოვებას - ამ საქმეების შეფასება უნდა მოხდეს სამართლის სფეროში საერთაშორისო ექსპერტების ჩართულობით, რათა გამოირიცხოს აღნიშნული საქმეების პოლიტიკური გადაწყვეტის შესაძლებლობა და მათი შეფასება მოხდეს მხოლოდ სამართლებრივი სტანდარტებით. ვთვლით, რომ ამით გამოირიცხება ყველანაირი სუბიექტური აღქმა ჩვენს საზოგადოებაში, არის თუ არა ეს საქმეები პოლიტიკურად მოტივირებული.

ვთვლით, რომ ამ წლების განმავლობაში ქართულ მართლმსაჯულებაზე, სასამართლოსა და პროკურატურაზე, სადაც მნიშვნელოვანი რეფორმები გატარდა და თვისობრივად გაუმჯობესდა ვითარება, ოპოზიციის და მასთან დაკავშირებული მედიის მხრიდან ხდებოდა არაობიექტური და მოტივირებული შეტევა მისი დისკრედიტაციის მიზნით. ქართული სასამართლო და მართლმსაჯულება დამოუკიდებლობის და სამართლიანობის კუთხით მნიშვნელოვნად გაჯანსაღდა, რასაც მსოფლიო ბანკის და „ჰერითიჯ ფაუნდეიშენის“ საერთაშორისო რეიტინგები ადასტურებს, რომელშიც საქართველოს სასამართლო სისტემა ევროპის საუკეთესო ოცეულში შედის და ევროკავშირის წევრ რამდენიმე ქვეყანაზე უკეთეს შედეგს აჩვენებს, ხოლო „IPSOS France“-ის კვლევით, საქართველოს მოსახლეობაში სასამართლოს მიმართ ნდობა 50%-ზე მაღალია, რაც ევროკავშირის განვითარებული ქვეყნების მაჩვენებელთან ახლოს დგას. რასაკვირველია, შეთანხმების დოკუმენტში მოცემული 2/3-ის პრინციპი უნდა დაზუსტდეს და გაიწეროს ევროპული პრაქტიკის შესაბამისად, ისე, რომ არ მოხდეს პროცესში პოლიტიკური ჩარევა ან მისი ბლოკირება.

იმის გათვალისწინებით, რომ ჩვენ ხელი მოვაწერეთ ევროკავშირის ეგიდით წარდგენილ პირველ დოკუმენტსაც და მზადყოფნას ვაფიქსირებთ განახლებული დოკუმენტის განხილვაზეც - განახლებული დოკუმენტის ხელმოწერის შემდეგ, ჩვენი მხრიდან პირობების მეტი კორექტირება აღარ მოხდება და ჩვენ არ დავეთანხმებით რაიმე შინაარსობრივ დამატებას. ჩვენი მხრიდან პირობებზე მოლაპარაკება ამით დასრულებულია და მოვუწოდებთ ოპოზიციას პასუხისმგებლიანი ნაბიჯებისკენ“, - ვკითხულობთ განცხადებაში.

ყველა სიახლე

სერგეი ლავროვი

06 მაისი 2021, 15:57

მსოფლიო

ლავროვი: რუსეთის ხელმძღვანელობის, პოლიტიკოსების, პარლამენტარებისა და კომპანიების მიმართ ევროკავშირის ცალმხრივ სანქციებს უპასუხოდ არ დავტოვებთ

რუსეთის ხელმძღვანელობის, პოლიტიკოსების, პარლამენტარებისა და კომპანიების მიმართ ევროკავშირის ცალმხრივ სანქციებს უპასუხოდ არ დავტოვებთ, - განაცხადა რუსეთის საგარეო საქმეთა მინისტრმა, სერგეი ლავროვმა სომხეთში ვიზიტის ფარგლებში.

თამარ არჩუაძე

06 მაისი 2021, 15:47

ეკონომიკა

თამარ არჩუაძე: მაისის თვეში ქუთაისის საერთაშორისო აეროპორტიდან პირდაპირი რეგულარული რეისები 5 ქვეყნის 9 მიმართულებით შესრულდება

საქართველოს აეროპორტების გაერთიანება ავიაკომპანიასთან მოლაპარაკებებს, პანდემიამდე არსებული მიმართულებების განახლების შესახებ, ეპიდსიტუაციიდან გამომდინარე აწარმოებს და ეტაპობრივად ფრენები აღდგება. 18 აპრილიდან Wizz AIR ვარშავისა და ვილნიუსის მიმართულებით ქუთაისიდან რეგულარული რეისების განახლება დაიწყო. თავდაპირველად რეისები კვირაში ერთი სიხშირით სრულდებოდა, თუმცა ეპიდსიტუაციის გათვალისწინებით, ავიაკომპანიამ უკვე გაზარდა სიხშირე ვარშავის მიმართულებით და 13 მაისიდან ქუთაისიდან პოლონეთის დედაქალაქში და პირიქით, მოხვედრა უკვე კვირაში ორჯერაა შესაძლებელი.

Starship SN15

06 მაისი 2021, 15:40

ტექნოლოგიები

Starship-ის პროტოტიპი პირველად აფრინდა და დაეშვა ისე, რომ არ აფეთქდა🚀ვიდეო

მორიგი ტესტის დროს, ტეხასში ხომალდის პროტოტიპმა SN15 წარმატებულად აიღო სტარტი, 10 კილომეტრის სიმაღლეზე ავიდა, შემდეგ კი უსაფრთხოდ დაეშვა. დაშვების შემდეგ ხომალდს მცირე ცეცხლი გაუჩნდა, თუმცა ის მალევე ჩააქრეს. ეს პირველი შემთხვევაა, როდესაც Starship-ის პროტოტიპი ტესტირების პროცესში არ აფეთქდა.

ლერი ბარნაბიშვილი

06 მაისი 2021, 15:33

რეგიონი

რაჭა-ლეჩხუმსა და ქვემო სვანეთის რეგიონში, პრემიერის ახალი ინიციატივის ფარგლებში შექმნილი კომისიის მეორე სხდომა შედგა

დღეს, რაჭა-ლეჩხუმსა და ქვემო სვანეთის რეგიონში, რიგით მეორე სხდომა შედგა კომისიისა, რომელიც პრემიერის ახალი ინიციატივის ფარგლებში შეიქმნა, - ამის შესახებ, საქართველოს მთავრობის ადმინისტრაციის რეგიონებთან ურთიერთობის დეპარტამენტის უფროსმა ლერი ბარნაბიშვილმა განაცხადა.

ერეკლე ღვინიანიძე

06 მაისი 2021, 15:24

სამართალი

ერეკლე ღვინიანიძე: სააღსრულებო წარმოება უფრო ეფექტური უნდა გახდეს

შეხვედრაზე მიმდინარე საკითხები, არსებული პრობლემები, გამოწვევები განიხილეს და სამომავლო გეგმებზე ისაუბრეს. ბიუროს თავმჯდომარის დავალებით, ტერიტორიულ ბიუროებში მხარეთა სოციალური და სამართლებრივი ინტერესების გათვალისწინებასთან ერთად, საქმისწარმოება კიდევ უფრო ეფექტური უნდა გახდეს.

ენტონი ბლინკენი

06 მაისი 2021, 15:16

მსოფლიო

სახელმწიფო მდივანი: უკრაინის საზღვართან რუსეთის საფრთხე კვლავ რჩება

აშშ-ის სახელმწიფო მდივანმა, ენტონი ბლინკენმა განაცხადა, რომ ჯარების ნაწილის გაყვანის მიუხედავად, რუსეთი უკრაინისთვის სამხედრო საფრთხეს კვლავ წარმოადგენს.

საქართველოს პროკურატურა

06 მაისი 2021, 15:07

სამართალი

პროკურატურამ საადვოკატო საქმიანობასთან დაკავშირებით განხორციელებული მუქარისა და ფიზიკური ძალადობის ფაქტზე მოქალაქეს ბრალდება წარუდგინა

საქართველოს პროკურატურამ, ადვოკატის მიმართ საადვოკატო საქმიანობასთან დაკავშირებით განხორციელებული მუქარისა და ფიზიკური ძალადობის ფაქტზე გ.ბ.-ს ბრალდება წარუდგინა, - ამის შესახებ აღნიშნულია პროკურატურის განცხადებაში. „შინაგან საქმეთა სამინისტროს მიერ ჩატარებული გამოძიებით დადგინდა, რომ 2021 წლის 27 აპრილს, თბილისში, გ.ბ.-მ, ადვოკატის, გ.ფ.-ს მიმართ, რომელიც სასამართლო დავაში მის მოწინააღმდეგე მხარეს იცავდა, დაცვის განხორციელებასა და სასამართლოში საქმის განხილვასთან დაკავშირებით, მუქარა და ფიზიკური ძალადობა განახორციელა.

06 მაისი 2021, 14:54

ეკონომიკა

ნათია თურნავა: „აწარმოე საქართველოში“ დახმარებით ამოქმედებულმა კიდევ ერთმა საწარმომ პროდუქციის ექსპორტზე გატანა დაიწყო

ეკონომიკისა და მდგრადი განვითარების მინისტრი ნათია თურნავა, სააგენტოს „აწარმოე საქართველოში“ დირექტორთან მიხეილ ხიდურელთან ერთად, სამშენებლო მასალების საწარმოს „ფორმულა ქონსთრაქშენს“ ესტუმრა. საწარმო, რომელიც პროგრამის „აწარმოე საქართველოში“ დახმარებით შეიქმნა, უახლესი ტექნოლოგიებით, მანქანა-დანადგარებითა და ულტრათანამედროვე ლაბორატორიით არის აღჭურვილი. საწარმო სხვადასხვა სახეობის მშრალ ნაზავს, წებო-ცემენტს, ბათქაშს, თვითსწორებად იატაკსა და სხვა სახის პროდუქციას აწარმოებს. საწარმო 2018 წელს შეიქმნა და მასში 5 მილიონი ლარის ინვესტიცია განხორციელდა.

06 მაისი 2021, 14:51

კულტურა

კულტურის სამინისტრო ოსტატების რეესტრის შექმნას იწყებს

დღეიდან 15 ივნისამდე, რეესტრში მოსახვედრად პრაქტიკოს ოსტატებს შეუძლიათ მიმართონ საქართველოს კულტურის სამინისტროს ფეისბუქის ოფიციალური გვერდის, ოფიციალური ელექტრონული ფოსტის info@culture.gov.ge ან ცხელი ხაზის მეშვეობით ნომერზე 2-022-229. გასაუბრებაზე მოსაწვევად, პირმა უნდა წარმოადგინოს თავისი ბიოგრაფია და ჩამოთვალოს წარსულში განხორციელებული სამუშაოები.

დეკანოზი ანდრია ჯაღამაიძე

06 მაისი 2021, 14:50

საზოგადოება

დეკანოზი ანდრია ჯაღამაიძე: პრემიერ-მინისტრს შეხვედრა ჰქონდა ბაქოში, მოვიდა საიმედო სიგნალი, ეს მოლაპარაკებები სადავო პრობლემას სასიკეთოდ გადაწყვეტს

„პრემიერ-მინისტრს შეხვედრა ჰქონდა ბაქოში, მოვიდა საიმედო სიგნალი და იმედით ვუყურებთ ამას, რომ ეს მოლაპარაკებები სასიკეთოდ გადაწყვეტს იმ სადავო პრობლემას, რაც ყველას გვაწუხებს. ძმურად და სამართლიანად გადაწყდება, ეს მოიტანა ამ დიალოგმა“, - განაცხადა ანდრია ჯღამაიძემ.

სალომე ზურაბიშვილი

06 მაისი 2021, 14:46

სამართალი

საქართველოს პრეზიდენტმა 8 მსჯავრდებული შეიწყალა

„საქართველოს პრეზიდენტმა 8 თავისუფლებააღკვეთილი მსჯავრდებული შეიწყალა, აქედან 3 მსჯავრდებული სრულად გათავისუფლდა თავისუფლების აღკვეთის შემდგომი მოხდისაგან, ხოლო 5 მსჯავრდებულს (მათ შორის, 1 ქალ მსჯავრდებულს) დარჩენილი მოსახდელი სასჯელის ვადა გაუნახევრდა.

ნინო წილოსანი

06 მაისი 2021, 14:36

პოლიტიკა

ნინო წილოსანი: ჩემთვის გაუგებარია, ოპოზიცია პრეზიდენტისგან ვეტოს დადებას რა მოტივით მოითხოვს

ადმინისტრაციულ სამართალდარღვევათა კოდექსის ცვლილებასთან დაკავშირებით, ოპოზიციას ერთადერთი გულისტკივილი უნდა ჰქონდეს იმაზე, რომ არ ჩაერთო პროცესში და არ მიიღო მონაწილეობა ამ ცვლილებების მიღებაში, - ამის შესახებ აგრარულ საკითხთა კომიტეტის თავმჯდომარემ, ნინო წილოსანმა განაცხადა.

06 მაისი 2021, 14:35

საზოგადოება

საქართველოს საელჩოს ორგანიზებით, პრაღის „სკლენაკის" გალერეაში გამოფენა „ქართული ეროვნული სამოსი" გაიხსნა

„ექსპოზიციაზე წარმოდგენილია გამოჩენილი ქართველი მხატვრის ლადო გუდიაშვილის ესკიზების ასლები და ასევე, ქართული ეროვნული კოსტიუმები. გამოფენა ეძღვნება საქართველოს დამოუკიდებლობის დღეს. საელჩო განსაკუთრებულ მადლობას უხდის პრაღა 6 მერიის მრჩეველს სტრატეგიული განვითარების და ძეგლთა დაცვის საკითხებში ქალბატონ ევა სმუტნას, საქართველოს ხელოვნების სასახლის გენერალურ დირექტორს ბატონ გიორგი კალანდიას, ჩეხეთის რესპუბლიკაში საქართველოს საპატიო კონსულს ბატონ ონდრეი სვობოდას და „ნაციონალური სამოსის სახლის" ხელმძღვანელს, ქალბატონ ეკატერინე ჯავახიშვილს მხარდაჭერისა და გამოფენის ორგანიზებაში შეტანილი წვლილისთვის“, - ნათქვამია პოსტში.

ვოლოდიმირ ზელენსკი

06 მაისი 2021, 14:28

მსოფლიო

ვოლოდიმირ ზელენსკიმ ჯო ბაიდენი ოფიციალური ვიზიტით უკრაინაში მიიწვია

უკრაინის პრეზიდენტმა, ვოლოდიმირ ზელენსკიმ აშშ-ის პრეზიდენტი, ჯო ბაიდენი ოფიციალური ვიზიტით უკრაინაში მიიწვია. ამის შესახებ უკრაინის პრეზიდენტმა სახელმწიფო მდივანთან გამართულ პრესკონფერენციაზე განაცხადა.

მეუფე იაკობი

06 მაისი 2021, 14:28

საზოგადოება

მეუფე იაკობი: ჩემთვის გიორგი გახარია მესამე ძალა არ არის, დადებითი რა გააკეთა? თუ ჭკუა აქვს, არ უნდა მოვიდეს

გიორგი გახარია ჩემთვის არ არის მესამე ძალა. მითხარით, დადებითი რა გააკეთა? თუ ჭკუა აქვს, არ უნდა მოვიდეს. შეიძლება „ლელოსა“ და „სტრატეგია აღმაშენებლის“ კონკურენტი გახდეს, - ამის შესახებ ჟურნალისტებს ბოდბელმა მიტროპოლიტმა, იაკობმა განუცხადა. მისი თქმით გახარია დაბალრეიტინგული პოლიტიკოსია. მთავარეპისკოპოსმა ოპოზიციაზეც ისაუბრა და აღნიშნა, რომ ქვეყანას ძალიან აურიეს.

იაგო ხვიჩია

06 მაისი 2021, 14:24

პოლიტიკა

იაგო ხვიჩია ვარაუდობს, რომ პრეზიდენტი ადმინისტრაციულ სამართალდარღვევათა კოდექსში შეტანილ ცვლილებებს ვეტოს დაადებს

„რადგანაც ქალბატონი პრეზიდენტი მე შემხვდა ამ თემასთან დაკავშირებით, რადგანაც ჩემს კოლეგებს ხვდება, სავარაუდოა, შეიძლება დავუშვათ, რომ პრეზიდენტი ვეტოს დაადებს კანონს. მაშინ დავიწყებ ფიქრს თუ რატომ შეგვხვდა მე და ჩემს კოლეგა ოპოზიციონერებს. სხვა რა მიზეზი იყო ჩვენთან შეხვედრის?“ - განაცხადა ხვიჩიამ.

მეუფე იაკობი

06 მაისი 2021, 14:14

საზოგადოება

მეუფე იაკობი: ივერი მელაშვილი ჩემთვის კაციც არ არის, მიწა, სადაც 6 000 ბერის სისხლია დაღვრილი, უდიერად მოიხსენია

ჩემი მიწა, სადაც 6 000 ბერის სისხლია დაღვრილი, გამოვიდა ციხიდან და ისე უდიერად მოიხსენია, თქვენი არ არის, სხვისიაო, ის ჩემთვის კაციც არ არის. როგორც გინდათ, ისე შეაფასეთ, უვარგისი ადამიანია და დაეტიოს. მაგას ურჩევნია ოპოზიციურ პარტიებში იაროს, - ამის შესახებ ბოდბელმა ეპისკოპოსმა, იაკობმა ივერი მელაშვილზე განაცხადა. იგი აღნიშნული კომენტარით რამდენიმე დღის წინ გარეჯში მომხდარ ინციდენტს გამოეხმაურა და განაცხადა, რომ ფიზიკური ძლადობა მიუღებელია. მეუფემ ასევე მედიის ძალადობაზეც ისაუბრა.

06 მაისი 2021, 14:10

პოლიტიკა

პრეზიდენტი შარლ მიშელის შეთანხმების ხელმომწერ ოპოზიციონერებს ხვდება

„შევთანხმდით იმაზე, რომ უნდა გადაიდგას ნაბიჯები სწორედ იმ მიმართულებით, რომ ქვეყანაში დემოკრატიული სივრცე გაფართოვდეს და არა პირიქით, შეიზღუდოს. ამიტომ, მე მიმაჩნია, რომ ეს ცვლილებები, რომელიც პარლამენტმა ოპოზიციის სრულფასოვანი თანამონაწილეობის გარეშე, დაჩქარებული წესით მიიღო, არ შეესაბამება მათ შორის იმ შეთანხმების სულისკვეთებას, რომელიც გავაფორმეთ სწორედ აქ, პრეზიდენტის თანდასწრებით. ამიტომ, ცხადია, მიმაჩნია სწორი იქნება მისი მხრიდან ვეტოს უფლების გამოყენება, თუმცა ეს მისი გადასაწყვეტია“, - განაცხადა სალომე სამადაშვილმა.

06 მაისი 2021, 14:09

მსოფლიო

ევროკავშირის საბჭომ ისრაელი კოვიდუსაფრთხო ქვეყნების სიაში შეიყვანა

ევროკავშირის საბჭომ ისრაელი კოვიდუსაფრთხო ქვეყნების სიაში შეიყვანა.

ეკატერინე ტიკარაძე

06 მაისი 2021, 13:41

COVID19

ეკატერინე ტიკარაძე: თუ საზოგადოება და სახელმწიფო ერთიანად იმოქმედებენ, გვაქვს იმის რესურსი, რომ პიკური მაჩვენებელი არ მივიღოთ

„მნიშვნელოვანი არის ისევ და ისევ საზოგადოების მაღალი სოციალური პასუხისმგებლობა, ნიღბის გამოყენება და სოციალური დისტანცირება. ჩვენ ვაკვირდებით, რომ აქტიური მოწოდების შედეგად ნიღბის ტარება გაზრდილი არის 75%-მდე, თუმცა ეს არ არის საკმარისი და მნიშვნელოვანი არის, რომ სულ მცირე 95%-მდე გაიზარდოს ნიღბის ტარების მაჩვენებელი. დამატებით ლოკალურ შეზღუდვებთან დაკავშირებით საკოორდინაციო საბჭო იმსჯელებს. თუმცა ამასთან მიმართაც გვაქვს გარკვეული ხედვები და მნიშვნელოვანი არის პირველ რიგში ხელი შევუწყოთ პრევენციას და არ მივმართოთ რადიკალურ ზომებს“, - განაცხადა ტიკარაძემ.