შალვა შავგულიძემ განმარტა, რით განსხვავდება ამნისტიის შესახებ „ქართული ოცნებისა“ და ოპოზიციის კანონპროექტები

სამწუხაროდ, ოპოზიციამ და ხელისუფლებამ ვერ მივაღწიეთ შეთანხმებას ამნისტიის შინაარსთან დაკავშირებით. ძირითადი განსხვავება მდგომარეობს შემდეგში: ოპოზიციას მიგვაჩნია, რომ ამნისტია უნდა შეეხოს იმ მუხლებს, რა მუხლებითაც მიმდინარეობს სამართალწარმოება აქციის მონაწილე პირთა მიმართ და პოლიციელთა მიმართ. , - ამის შესახებ ამნისტიის კანონთან დაკავშირებით გამართული შეხვედრის შემდეგ ოპოზიციონერმა დეპუტატმა, შალვა შავგულიძემ განაცხადა.

„სამწუხაროდ, ოპოზიციამ და ხელისუფლებამ ვერ მივაღწიეთ შეთანხმებას ამნისტიის შინაარსთან დაკავშირებით. ძირითადი განსხვავება მდგომარეობს შემდეგში: ოპოზიციას მიგვაჩნია, რომ ამნისტია უნდა შეეხოს იმ მუხლებს, რა მუხლებითაც მიმდინარეობს სამართალწარმოება აქციის მონაწილე პირთა მიმართ და პოლიციელთა მიმართ. ეს იქნებოდა განჭვრეტადი ამნისტია. ორი წლის განმავლობაში სახელმწიფო აწარმოებს გამოძიებას ამ საქმეზე, ბევრ შემთხვევაში დამდგარია განაჩენიც, სხვა მუხლები არ გამოჩენილა და ამიტომ ჩვენ ვამბობთ, რომ ამნისტია უნდა გავრცელდეს ორივე მხარეზე, მაგრამ არსებულ ბრალდებებზე. ხელისუფლება ამბობს, რომ ამნისტიაში კონკრეტულად ბრალდებები და მუხლები არ იყოს მოხსენიებული, არამედ ითქვას, რომ ამნისტია ვრცელდება 19-20 ივნისის ფაქტთან დაკავშირებულ ყველა ჰიპოთეტურ დანაშაულზე. ეს არის სამართლებრივად ძალიან გაუმართავი და არაგანჭვრეტადი ამნისტია, რომელიც შეთანხმების სულისკვეთებას არ პასუხობს. იქ წერია, რომ ამნისტია შეეხოს ყველა დარღვევასა და დაკავებას. დარღვევა და დაკავება შეიძლება იყოს მხოლოდ უკვე არსებული. არ შეიძლება, რომ ამნისტია შეეხოს ისეთ დარღვევას, რომელიც ჯერ არ ჩანს. აქედან გამომდინარე, რადგან ვერ მივაღწიეთ შეთანხმებას, ხელისუფლება საკუთარ კანონპროექტს დააინიცირებს, ოპოზიცია კი ხვალ ჩვენს კანონპროექტს დავაფიქსირებთ. ჩვენი კანონპროექტი ითვალისწინებს დაზარალებულის თანხმობას და ეს კიდევ უფრო შეესაბამება ამ შეთანხმების არსს“, - განაცხადა შალვა შავგულიძემ.