რატი იონათამიშვილი: ამნისტიაზე ოპოზიციის შეთავაზება, „ქართული ოცნების“ კანონპროექტის ალტერნატივა ვერ იქნება

ამნისტიის კანონპროექტის „ქართული ოცნების“ რედაქცია ეფუძნება შარლ მიშელის დოკუმენტის თანხმობისა და სამართლიანობის პრინციპებს, - ამის შესახებ „ქრონიკაში“ საპარლამენტო უმრავლესობის წევრმა, რატი იონათამიშვილმა განაცხადა.

„ამნისტიის კანონპროექტის ოპოზიციის ვერსიაში საუბარია სეგრეგაციაზე და ცალსახად დისკრიმინაციულია“, - განაცხადა იონათამიშვილმა.

ამასთან საპარლამენტო უმრავლესობის წევრმა განმარტა, რომ ოპოზიციის კანონპროექტი, უმრავლესობის მიერ შემოთავაზებული პროექტის ალტერნატივა ვერ იქნება. „ეს იმ ადამიანების მიერ შემოთავაზებული ნარატივია, ვისაც თავის დროზე არ სურდა და ეწინააღმდეგებოდა შეთანხმებას. ისინი ახლა ეწინააღმდეგებიან ამ შეთანხმების იმპლემენტაციას, მაგრამ როგორც შეთანხმების დროს არაფერი გამოუვიდათ, ახლაც ხელმოცარულები დარჩებიან“, - აღნიშნა იონათაიშვილმა.

რას გულისხმობს ამნისტიის შესახებ მმართველი გუნდის მიერ შემუშავებული კანონპროექტი. დეტალურად ნახეთ ამ ბმულზე.

პარლამენტში ამნისტიის 2 კანონპროექტია დარეგისტრირებული - ერთი „ქართული ოცნების“, მეორე კი ოპოზიციის.