ხათუნა სამნიძე: მთავარი ამოცანაა საარჩევნო პროცესის მიმართ გაჩნდეს ნდობა

ჩემი აზრით, საარჩევნო კანონმდებლობაზე უფრო რეალისტურია საერთო დოკუმენტის მომზადება. პირველ რიგში იმიტომ, რომ შარლ მიშელის დოკუმენტში მკაფიო ჩანაწერებია სწორედ იმ პუნქტებზე, რომელიც ეხება საარჩევნო კოდექსს და რაც სადავო იყო აქამდე, ამიტომ შეთანხებული ვართ და მთავარია ეს ავსახოთ კანონპროექტში, - ამის შესახებ „რესპუბლიკური პარტიის“ ლიდერმა, ხათუნა სამნიძემ „ქრონიკაში“ განაცხადა.

მისი თქმით, მთავარი ამოცანაა გაჩნდეს ნდობა საარჩევნო პროცესის მიმართ. „ერთ-ერთი საკითხი, რის გამოც დღეს არ არის ნდობა და რატომაც მოლოდინია, რომ ისევ გაყალბდება არჩევნები და ისეთ მეთოდებს, როგორიცაა ე.წ. კარუსელი, ბიულეტენების ჩაყრა და ა.შ - ამას „ქართული ოცნება“ ისევ გამოიყენებს. ეს აღქმა საქმით უნდა ვაჩვენოთ“, - განაცხადა ხათუნა სამნიძემ.