Imedi /  07 ივნისი 2021, 11:03 / სანდო წყარო

ბიძინა ივანიშვილი: გახარიას პარტია მოაზრებულია როგორც სიტუაციური ინსტრუმენტი მმართველი გუნდისთვის ხმების თუნდაც მცირე რაოდენობის წასართმევად

ბიძინა ივანიშვილი

ბიძინა ივანიშვილი

გახარიას პარტია მოაზრებულია როგორც სიტუაციური ინსტრუმენტი მმართველი გუნდისთვის ხმების თუნდაც მცირე რაოდენობის წასართმევად, - ამის შესახებ აღნიშნულია ყოფილი პრემიერ-მინისტრისა და პარტია „ქართული ოცნების“ დამფუძნებლის, ბიძინა ივანიშვილის განცხადებაში.

„როგორც საზოგადოებას მოეხსენება, პოლიტიკიდან ჩემი გასვლის შემდეგ არ გამიკეთებია არცერთი პირდაპირი თუ ირიბი განცხადება საქართველოში მიმდინარე პოლიტიკური პროცესების შესახებ. მაშინაც კი, როდესაც მიმდინარე წლის თებერვალში სახელმწიფო და ხელისუფლება სერიოზული პოლიტიკური გამოწვევის წინაშე დადგა, არ გამომიხატავს ჩემი პოზიცია, რათა ვინმესთვის ჩემი პოლიტიკური ინტერესის შესახებ სპეკულირების საბაბიც კი არ მიმეცა.

პოლიტიკიდან გასვლის ფონზე, ბუნებრივია, არ შემიწყვეტია ურთიერთობა საზოგადოების წარმომადგენლებთან. ოჯახის წევრებისგან, მეგობრებისგან, ახლობლებისგან, ნაცნობებისგან ვიღებ ინფორმაციას საზოგადოებისთვის მნიშვნელოვანი მოვლენების შესახებ. მათგან შევიტყვე მოარული თუ შეგნებულად გავრცელებული ხმების შესახებ იმასთან დაკავშირებით, რომ, თითქოს, გიორგი გახარიას პარტია ჩემი ე.წ. პოლიტიკური პროექტია. რადგან ვხედავ მცდელობას, პოლიტიკიდან გასვლის მიუხედავად, ცრუ ინფორმაციის გავრცელებით, ჩემი სახელი კვლავაც ქართულ პოლიტიკას დაუკავშირონ, თავს ვალდებულად მივიჩნევ, საზოგადოებას მივცე მცირე განმარტება ამ თემასთან დაკავშირებით.

საზოგადოებისთვის ცნობილია, რომ სატელიტი ფსევდოპარტიების შექმნა საქართველოში წლების მანძილზე ფართოდ დანერგილი მანკიერი პრაქტიკა იყო. თუმცა, ამგვარი რამ ჩემი ხელწერა არასოდეს ყოფილა და 2011 წლიდან პოლიტიკიდან ჩემს საბოლოოდ გასვლამდე ქართული საზოგადოებისთვის არცერთი ფსევდოპარტიის შექმნა არ მიკადრებია. მით უფრო გამორიცხულია, ამგვარი რამ საკუთარ თავს ან საზოგადოებას პოლიტიკიდან გასვლის შემდეგ ვაკადრო.

გარდა იმისა, რომ ფსევდოპარტიის შექმნა თავისთავად არასწორი მოვლენაა, გიორგი გახარიასთან პოლიტიკური თანამშრომლობა ჩემთვის ისედაც ყოვლად მიუღებელი იქნებოდა. მთელი ამ წლების განმავლობაში, ქართულ პოლიტიკაში უამრავი პოლიტიკური გადაცდომის მომსწრე გავხდით და მეგონა, რომ ამ თვალსაზრისით, აღარაფერი და ვეღარავინ გამაოცებდა. თუმცა, რაც გიორგი გახარიამ მიმდინარე წლის თებერვალში გააკეთა, ამ ფონზეც კი, გაკვირვებას იწვევს.
მმართველი პარტიის ერთ-ერთმა ლიდერმა და ყველაზე დიდი ძალაუფლების მქონე სახელმწიფო თანამდებობის პირმა სრულიად გაუგებარ დროს, ყოვლად გაუგონარი მიზეზით დატოვა თანამდებობა - იგი გადადგა იმ მიზეზით, რომ არ სურდა კანონის უზენაესობის დაცვა და კანონის აღსრულება, რისკენაც მას მთელი პოლიტიკური გუნდი მოუწოდებდა. ის ითხოვდა კანონის აღსრულების ორი დღით გადავადებას, რის შესახებაც ჩვენ დღემდე ვერავითარი დამაჯერებელი განმარტება ვერ მოვისმინეთ. გახარიას ეს პოზიცია მით უფრო გაუგებარი იყო იმ ფონზე, რომ რამდენიმე დღით ადრე ის საკუთარი გუნდისგან მელიასთვის იმუნიტეტის მოხსნას დაჟინებით მოითხოვდა. უმაღლესი თანამდებობის პირის ამგვარ მოქმედებას, გაუგებრობის ხარისხით, მსოფლიო პოლიტიკის ისტორიაშიც კი ძნელად შეიძლება მოეძებნოს ანალოგი.

თებერვალში გიორგი გახარიას ქმედება იყო საკუთარი გუნდის ღალატი. და რაც კიდევ უფრო მნიშვნელოვანია, ეს იყო საკუთარი სახელმწიფოს პირდაპირი ღალატი. სამართლისა და კანონის უზენაესობა არის ნებისმიერი სახელმწიფოს ქვაკუთხედი. უპირველეს ყოვლისა, სწორედ კანონის უზენაესობის მიმართ დამოკიდებულებით უნდა შეფასდეს და გაიზომოს ნებისმიერი პოლიტიკოსისა და სახელმწიფო თანამდებობის პირის საქმიანობა და მოღვაწეობა. როდესაც უმაღლესი რანგის თანამდებობის პირი კანონის უზენაესობის წინააღმდეგ გამოდის და ამ საბაბით თანამდებობას ტოვებს, ამაზე დიდი პოლიტიკური დანაშაული ძნელი წარმოსადგენია. მინდა მწუხარებით აღვნიშნო, რომ ამ ყველაფერმა ჩემი მძიმე იმედგაცრუება გამოიწვია.

ამ ყველაფრის ლოგიკური გაგრძელება იყო გიორგი გახარიას მიერ პოლიტიკური პარტიის დაფუძნება. მის პარტიას არა აქვს არავითარი იდეოლოგიური თუ კონცეპტუალური საფუძველი და იგი, აშკარად, მოაზრებულია როგორც სიტუაციური ინსტრუმენტი მმართველი გუნდისთვის საარჩევნო ხმების თუნდაც მცირე რაოდენობის წასართმევად.

ჩემი ერთ-ერთი საყვარელი გამონათქვამია - ზოგი ჭირი მარგებელია. იყო გათვლა, რომ გახარიას გადადგომით დადგებოდა მძიმე პოლიტიკური კრიზისი. თუმცა, როგორც ვხედავთ, მმართველი პარტიის ძლიერმა, პროგრესულმა და გამოცდილმა გუნდმა მარტივად შეძლო სირთულეების დაძლევა და სახელმწიფო ინსტიტუტების გამყარება. მიუხედავად იმისა, რომ პოლიტიკიდან ჩემი გასვლის შემდეგ ორი წამყვანი სახელმწიფო თანამდებობის პირი შეიცვალა, სახელმწიფო აგრძელებს სტაბილურ ფუნქციონირებას.

მნიშვნელოვანია, რომ მმართველი პარტია არ არის დამოკიდებული ცალკეულ პიროვნებებზე და იგი ძლიერია, როგორც ერთიანი გუნდი, რომელსაც უყვარს ქვეყანა, აქვს ღირებულებები და მყარად იცავს სახელმწიფო ინტერესებს. ამ თვალსაზრისით, „ქართული ოცნების“ სრული ანტიპოდია „ნაციონალური მოძრაობა“, რომელიც, თავიდან ბოლომდე, მძიმე კრიმინალური წარსულის მქონე მის ერთპიროვნულ ლიდერზე არის დამოკიდებული. საკმარისია, ეს ლიდერი საჯარო სივრცეს ჩამოშორდეს და მისი პარტია მყისიერად ჩამოიშლება.

ერთ-ერთი მთავარი შედეგი, რასაც „ქართულმა ოცნებამ“ ჩემთან ერთად და პოლიტიკიდან ჩემი გასვლით მიაღწია, სწორედ საქართველოში პიროვნების კულტისა და მესიანიზმის მანკიერი ტრადიციის დასრულებაა.
ღრმად ვარ დარწმუნებული, ჩემ მიერ დაფუძნებული პარტია მომავალშიც წარმატებით უზრუნველყოფს სახელმწიფოს სიმტკიცეს, დემოკრატიული ინსტიტუტების, სამართლისა და კანონის უზენაესობის დაცვას, რაც სახელმწიფოს განვითარების აუცილებელი პირობაა“, - ნათქვამია განცხადებაში.

ყველა სიახლე

მიხეილ ჩხენკელი

24 ივნისი 2021, 19:35

საზოგადოება

მიხეილ ჩხენკელი: საქართველოს დამოუკიდებლობა და ტერიტორიული მთლიანობა ჩვენი ქვეყნის სახელმწიფოებრივი განვითარების ქვაკუთხედია

საქართველოს განათლებისა და მეცნიერების მინისტრმა, მიხეილ ჩხენკელმა საერთაშორისო ონლაინ კონფერენციის „კულტურული მემკვიდრეობის დაცვა ოკუპირებულ ტერიტორიებზე: საქართველო და საერთაშორისო გამოცდილება“ მონაწილეებს სიტყვით მიმართა, - ამის შესახებ ინფორმაციას განათლებისა და მეცნიერების სამინისტრო ავრცელებს. მათივე ინფორმაციით, კონფერენციის მთავარ მიზანს წარმოადგენდა ისტორიული სიმართლის დაცვა და რუსეთის მიერ საქართველოს ოკუპირებულ ტერიტორიებზე არსებული კულტურული მემკვიდრეობის დაცვის მექანიზმების გაანალიზება საერთაშორისო სამართლებრივ კონტექსტში მსოფლიოში უკვე არსებული გამოცდილების გაცნობა-გაზიარების გზით.

24 ივნისი 2021, 19:16

პოლიტიკა

პარლამენტის თავმჯდომარე შავი ზღვის საპარლამენტო ასამბლეის გენერალურ მდივანს შეხვდა

საქართველოს პარლამენტის თავმჯდომარე, კახა კუჭავა შავი ზღვის საპარლამენტო ასამბლეის (PABSEC) გენერალურ მდივანს, ასაფ ჰაჯიევს შეხვდა. ინფორმაციას საქართველოს პარლამენტის პრესსამსახური ავრცელებს. მათივე ინფორმაციით, შეხვედრაზე საქართველოს პარლამენტსა და ასამბლეას შორის არსებულ ურთიერთობაზე ისაუბრეს. ყურადღება გამახვილდა PABSEC-ის საქმიანობის მნიშვნელობაზე, რომელსაც, მხარეების შეფასებით, წევრი ქვეყნების მოსახლეობისთვის სიკეთის მოტანა შეუძლია.

24 ივნისი 2021, 19:03

პოლიტიკა

ასოცირებული ტრიოს ქვეყნების საგარეო საქმეთა მინისტრებმა ევროპარლამენტში შეხვედრა გამართეს

ასოცირებული ტრიოს ქვეყნების (საქართველო, მოლდოვა, უკარინა) საგარეო საქმეთა მინისტრებმა - დავით ზალკალიანმა, აურელიო ჩოკოიმ და დმიტრო კულებამ ბრიუსელში ერთობლივი ვიზიტის ფარგლებში შეხვედრა გამართეს ევროპარლამენტში, - ამის შესახებ ინფორმაციას საგარეო საქმეთა სამინისტრო ავრცელებს.

24 ივნისი 2021, 18:58

რეგიონი

იაპონიის ელჩი საქართველოში იმამურა აკირა რუსთავში ვიზიტით იმყოფებოდა

იაპონიის ელჩი საქართველოს პარლამენტში რუსთავის მაჟორიტარ დეპუტატ ნინო ლაცაბიძეს, ქალაქის მერის პირველ მოადგილე ბესიკ ტოგონიძეს, მერის მოადგილეებს დავით იშხნელსა და კახა გურულს შეხვდა.

მარკ რუტე

24 ივნისი 2021, 18:55

მსოფლიო

ნიდერლანდების პრემიერი აცხადებს, რომ არასრულწლოვნებს შორის LGBT თემატიკის მასალების გავრცელების აკრძალვის შესახებ კანონის მიღების გამო, უნგრეთის ადგილი ევროკავშირში არ არის

ნიდერლანდების პრემიერ-მინისტრმა, მარკ რუტემ განაცხადა, რომ არასრულწლოვნებს შორის LGBT თემატიკის მასალების გავრცელების აკრძალვის შესახებ კანონის მიღების გამო, უნგრეთის ადგილი ევროკავშირში არ არის.

ირაკლი ლატარია

24 ივნისი 2021, 18:33

პოლიტიკა

ირაკლი ლატარია: პრემიერის ინიციატივით გამოცემული ამნისტია უფრო ამყარებს განცდას, რომ საქართველოს მთავრობა ყველაფერს აკეთებდა და აკეთებს, რათა დაამარცხოს ეს უხილავი მტერი და რაც მთავარია - იზრუნოს ჩვენზე

ექსპერტი ირაკლი ლატარია პრემიერ-მინისტრის ინიციატივას ეხმიანება, რომელიც მოქალაქეებს პანდემიის დროს დაწესებული რეგულაციების დარღვევის გამო ადმინისტრაციული, ან სისხლის სამართლის პასუხისმგებლობი ათავისუფლებს.

ჯო ბაიდენი

24 ივნისი 2021, 18:28

COVID19

ჯო ბაიდენი აცხადებს, რომ კორონავირუსის ე.წ. ინდური შტამი უფრო მომაკვდინებელია და მოქალაქეებს აცრისკენ მოუწოდებს

აშშ-ის პრეზიდენტმა, ჯო ბაიდენმა განაცხადა, რომ კორონავირუსის ე.წ. ინდური შტამი უფრო გადამდები და მომაკვდინებელია და მოქალაქეებს აცრისკენ მოუწოდა.

რატი იონათამიშვილი

24 ივნისი 2021, 18:15

პოლიტიკა

რატი იონათამიშვილი „იფსოსზე“: რასაც უკვეთავს „ნაციონალური მოძრაობა“, იმას აჟღერებენ

ეს „კვლევითი ორგანიზაცია“ სინამდვილეში არასდროს არ ასახავს მოსახლეობის რეალურ განწყობებს, არამედ ერთი პარტიის საშინაო დავალებების გამჟღერებელია, რასაც უკვეთავს „ნაციონალური მოძრაობა“, იმას აჟღერებენ, - ასე გამოეხმაურა „იფსოს“ ბოლო კვლევას საპარლამენტო უმრავლესობის წევრი, რატი იონათამიშვილი „ქრონიკასთან“ საუბარში.

ირაკლი ჩიქოვანი

24 ივნისი 2021, 18:14

პოლიტიკა

ირაკლი ჩიქოვანი: ევროსაბჭომ შეაფასა პროგრესი კონკრეტული მიმართულებებით, მათ შორის, საარჩევნო რეფორმასთან დაკავშირებით

საქართველოს საპარლამენტო დელეგაციის წევრებმა ასამბლეის სხდომებზე საქართველოს ოკუპირებულ ტერიტორიებზე არსებული ვითარების, გლობალური პანდემიის წინააღმდეგ საქართველოს ხელისუფლების მიერ გადადგმული ნაბიჯების, სტამბოლის კონვენციის, ასევე, მსოფლიოში მიმდინარე სხვადასხვა აქტუალურ მოვლენებზე ისაუბრეს და დისკუსიებში მიიღეს მონაწილეობა. ასამბლეის მონიტორინგის კომიტეტის სხდომაზე განხილულ იქნა მოხსენება საქართველოს შესახებ.

რატი იონათამიშვილი

24 ივნისი 2021, 18:07

პოლიტიკა

რატი იონათამიშვილი: „ნაცმოძრაობა“ ვერ ეგუება იმ პროგრესს, რომელიც ქართულმა მართლმსაჯულებამ განიცადა

საზოგადოებას კარგად ახსოვს, რომ „ნაცმოძრაობა“ როგორც ხელისუფლებაში ყოფნის დროს ებრძოდა მართლმსაჯულების სისტემას, ისე ოპოზიციიდანაც ცდილობს მართლმსაჯულება დააზიანოს. ისინი ვერ ეგუებიან იმ პროგრესს, რომელიც ქართულმა მართლმსაჯულებამ განიცადა, - ამის შესახებ საპარლამენტო უმრავლესობის წევრმა, რატი იონათამიშვილმა განაცხადა.

რატი იონათამიშვილი

24 ივნისი 2021, 18:03

პოლიტიკა

რატი იონათამიშვილი: გახარიას და სააკაშვილის ძირითადი ინტერესია, ზეგავლენა მოახდინონ თვითმმართველობის არჩევნებზე

„აკეთებს ამას გამიზნულად თუ თამაშობს სხვის თამაშს და უბრალოდ არაფერი აქვს სათქმელი საზოგადოებასთან, ვფიქრობ, რომ ეს ყველაფერი საცნაურდება მისი საქციელით. ის მაინც ფარდას ხდის თავის რეალურ მიზნებსა და ინტერესებს, რაც ნამდვილად ემთხვევა „ნაციონალური მოძრაობის“ ინტერესებს“, - განაცხადა რატი იონათამიშვილმა.

24 ივნისი 2021, 17:58

რეგიონი

მაშველებმა გარდაბანში, ხელოვნურ ტბაში 2 მოზარდის ცხედარი იპოვეს

გარდაბანში, ხელოვნურ ტბაში 2 არასრულწლოვნის ცხედარი იპოვეს. ინფორმაცია ამის შესახებ imedinews-ს საგანგებო სიტუაციების მართვის სამსახურში დაუდასტურეს.

ანდრიუს კუბილიუსი

24 ივნისი 2021, 17:54

პოლიტიკა

ანდრიუს კუბილიუსი: ასოცირებული ტრიოს სამიტი ძალიან კარგ შესაძლებლობას მოგვცემს ამბიციური პოლიტიკური დღის წესრიგი განვსაზღვროთ

დიდი პატივის ჩემთვის მოგილოცოთ ასოცირებული ტრიოს შექმნა. ჩვენი პარტნიორი ქვეყნებიდან საგარეო საქმეთა მინისტრები ჩამოვიდნენ საჭირო ინფორმაციით, ამბიციური გეგმებით, - ამის შესახებ ევროპარლამენტარმა, ანდრიუს კუბილიუსმა „ქრონიკასთან“ განაცხადა.

კარლ ჰარცელი

24 ივნისი 2021, 17:54

რეგიონი

კარლ ჰარცელი: რაჭა ულამაზესია, ეს ჩემი პირველი და ძალიან მნიშვნელოვანი ვიზიტია ამ რეგიონში

„ჩამოვედით რაჭაში, რომელიც არის ულამაზესი, ეს არის ჩემი პირველი და ძალიან მნიშვნელოვანი ვიზიტია ამ რეგიონში. რაჭა არის ჩვენი საფოკუსე რეგიონი და მთელი დღის განმავლობაში გვექნება შეხვედრები მთავრობასთან, არასამთავრობო ორგანიზაციებთან, ადგილობრივ ბიზნესის წარმომადგენლებთან, რომ ვნახოთ რა საჭიროება აქვს რეგიონს“, - განაცხადა კარლ ჰარცელმა.

დევიდ მაკალისტერი

24 ივნისი 2021, 17:52

პოლიტიკა

დევიდ მაკალისტერი: მისასალმებელია, რომ საქართველო, უკრაინა და მოლდოვა კოორდინირებული პოზიციებით წარდგებიან ევროპული ინტეგრაციის გზაზე

ძალიან კარგია და მისასალმებელია, რომ საქართველო, უკრაინა და მოლდოვა კოორდინირებული პოზიციებით წარდგებიან ევროპული ინტეგრაციის გზაზე, - ამის შესახებ ევროპარლამენტის საგარეო ურთიერთობათა კომიტეტის თავმჯდომარემ, დევიდ მაკალისტერმა განაცხადა.

24 ივნისი 2021, 17:45

პოლიტიკა

პრემიერ-მინისტრი „Rothschild & Co“- ის მმართველ დირექტორს შეხვდა

საქართველოს პრემიერ-მინისტრი ირაკლი ღარიბაშვილი კომპანია „Rothschild & Co“- ის მმართველ დირექტორს არიელ მალარდ დე როტშილდს შეხვდა, - ამის შესახებ ინფორმაციას საქართველოს მთავრობის ადმინისტრაცია ავრცელებს. მათივე ინფორმაციით, მთავრობის ადმინისტრაციაში გამართულ შეხვედრაზე საუბარი შეეხო საქართველოში არსებულ ხელსაყრელ საინვესტიციო გარემოსა და კონკრეტულ სფეროებში არსებულ საინვესტიციო შესაძლებლობებს.

24 ივნისი 2021, 17:44

სპორტი

უეფამ გასვლითი გოლის წესი გააუქმა

უეფას აღმასრულებელმა კომიტეტმა ორგანიზაციის ეგიდით გასამართ ტურნირებში გასვლითი გოლის წესი გააუქმა.

კელი დეგნანი

24 ივნისი 2021, 17:32

პოლიტიკა

კელი დეგნანი: მოსამართლეების დანიშვნის შეჩერება სასარგებლო იქნება ქართველი ხალხისთვის და მთლიანად საქართველოსთვის

იუსტიციის უმაღლესმა საბჭომ წარმოადგინა კანდიდატები, ახლა პარლამენტის უფლებამოსილებაა, დროებით შეაჩეროს ეს პროცესი მანამ, სანამ რეფორმის სრულად განხილვა მოხდება. ეს, რა თქმა უნდა, სასარგებლო იქნება ქართველი ხალხისთვის და მთლიანად საქართველოსთვის, - ამის შესახებ საქართველოში აშშ-ის ელჩმა, კელი დეგნანმა მოსამართლეების დანიშვნასთან დაკავშირებით განაცხადა.

მარინა კალიურანდი

24 ივნისი 2021, 17:31

პოლიტიკა

მარინა კალიურანდი: თითოეული ქვეყნის წარმატება დამოკიდებულია პროგრესზე და ამიტომ გავამახვილოთ ყურადღება რეფორმებზე

მოხარული ვარ მინისტრებთან შეხვედრით. ძალიან მიხარია და ბედნიერი ვარ. არაჩვეულებრივი საუბარი შედგა. ძალიან საინტერესო იყო მოგვესმინა სამი მინისტრისთვის. მათი ხედვა, ინტერესები, წუხილები, ამბიციური გეგმები- ყველაფერზე მოვახერხეთ მსჯელობა. ძალიან დიდი ინტერესი იყო ჩვენი მხრიდან, - ამის შესახებ ევროპარლამენტარმა, მარინა კალიურანდმა „ქრონიკას“ განუცხადა.

24 ივნისი 2021, 17:30

რეგიონი

ნინო ლაცაბიძემ რუსთავში იაპონიის ელჩს უმასპინძლა

დღეს რუსთავში სტუმრად იმყოფებოდა იაპონიის საგანგებო და სრულუფლებიანი ელჩი საქართველოში, იმამურა აკირა, - ამის შესახებ რუსთავის მაჟორიტარი დეპუტატი, ნინო ლაცაბიძე სოციალურ ქსელში წერს. მისი თქმით, იაპონიის ელჩთან რუსთავის ახალ შესაძლებლობებსა და სამომავლო გეგმებზე იმსჯელა.