www.imedi.ge /  28 ივლისი 2021, 14:40 / სანდო წყარო

„ქართული ოცნების“ პოლიტიკური საბჭოს განცხადება

„ქართული ოცნება“ პარტიის პოლიტიკური საბჭოს განცხადებას აქვეყნეს.

„ორშაბათს საქართველოს პარლამენტმა დაამტკიცა დროებითი საგამოძიებო კომისიის დასკვნა 2020 წლის საპარლამენტო არჩევნების შესახებ.

საგამოძიებო კომისიის მიერ განხორციელებული სიღრმისეული ანალიზით საბოლოოდ დადასტურდა, რომ ყველა ბრალდება, რომელზეც ოპოზიციის რადიკალურმა ნაწილმა ექვსთვიანი ანტისახელმწიფოებრივი საბოტაჟი დააფუძნა, იყო სიცრუე და არ ემყარებოდა არავითარ მტკიცებულებას:

პარალელური დათვლის (ე.წ. პივიტის) შედეგები იყო სიყალბე;

8-პროცენტიანი მეტობის დისბალანსი იყო სიყალბე;

განცხადებები არჩევნების წინასწარი შედეგების დაგვიანებით გამოცხადებასთან დაკავშირებით იყო სიყალბე;

ბრალდებები უპრეცედენტო ადმინისტრაციული რესურსის გამოყენების, მოსყიდვის, ზეწოლისა და მუქარის, სახელმწიფოსა და მმართველ პარტიას შორის ზღვრის წაშლის შესახებ იყო სიყალბე;

საუბარი დაუბალანსებელი ოქმების არასტანდარტული რაოდენობის შესახებ იყო სიყალბე;

საუბარი ბათილი ბიულეტენების არასტანდარტული რაოდენობის შესახებ იყო ასევე სიყალბე.

ოპოზიციის რადიკალური ნაწილი ამ შემთხვევაშიც გაექცა დისკუსიას არჩევნებთან დაკავშირებით, რასაც აქვს ძალიან მარტივი მიზეზი: ამ პარტიებმა იმთავითვე ყველაზე უკეთ იცოდნენ, რომ არჩევნები არ გაყალბებულა და მათ მიერ წინასწარ დაგეგმილი კამპანია არჩევნების გაყალბების შესახებ იყო წმინდა წყლის დეზინფორმაცია, რომელიც საზოგადოების შეცდომაში შეყვანასა და ხელოვნური პოლიტიკური კრიზისის შექმნას ისახავდა მიზნად.

გუშინ 19 აპრილის პოლიტიკური შეთანხმების ხელმოწერიდან 100 დღე შესრულდა. ამ დროის განმავლობაში, „ქართული ოცნება“ პირნათლად ასრულებდა დოკუმენტის თითოეულ პუნქტს:

საპატიმრო დატოვა დოკუმენტში მოხსენიებულმა ორივე კრიმინალმა;

პარლამენტმა მიიღო კანონი, რომლითაც გართულდა პარლამენტის წევრისთვის იმუნიტეტის მოხსნის პროცედურა;

ორი მოსმენით მივიღეთ კანონი ამნისტიის შესახებ და ოპოზიციის რადიკალურ ნაწილს დავუტოვეთ შესაძლებლობა, მონაწილეობა მიეღო კანონის მესამე მოსმენით მიღებასა და შესაბამისად, ევროკავშირის მედიაციით ხელმოწერილი დოკუმენტის სრულფასოვან აღსრულებაში;

განვახორციელეთ ფუნდამენტური საარჩევნო რეფორმა, არსებითად გავზარდეთ ოპოზიციის წარმომადგენლობა საარჩევნო კომისიებში, შემოვიღეთ საარჩევნო უბნების სულ მცირე 10 პროცენტის გადათვლის გარანტია, დავაწესეთ 100-მეტრიანი რადიუსი საარჩევნო უბნების გარშემო და ა.შ.;

დავაინიცირეთ კონსტიტუციური კანონპროექტი საარჩევნო ბარიერის, საპარლამენტო ფრაქციების შექმნისა და გენერალური პროკურორის არჩევის შესახებ;

19 აპრილის შეთანხმების შესაბამისად, თავი შევიკავეთ არსებული წესების მიხედვით უზენაესი სასამართლოს მოსამართლეების არჩევისგან, „დავაპაუზეთ“ პროცესი, ვენეციის კომისიის საკვანძო რეკომენდაციების მიხედვით გადავსინჯეთ ორგანული კანონის შესაბამისი ნორმები და ახალი საკანონმდებლო რეგულაციების საფუძველზე ავირჩიეთ უზენაესი სასამართლოს მოსამართლეები;

დავიწყეთ მსჯელობა სასამართლო რეფორმაზე, რომელიც, დოკუმენტის თანახმად, მომავალი წლის ივნისამდე უნდა განხორციელებულიყო;

არაერთგზის განვაცხადეთ, რომ კომიტეტის თავმჯდომარეებისა და დელეგაციის ხელმძღვანელის თანამდებობებს ოპოზიციას შემოდგომაზე გავუნაწილებდით, როგორც ამას 19 აპრილის შეთანხმება ითვალისწინებდა.

„ქართული ოცნების“ კეთილსინდისიერი და პასუხისმგებლობით აღსავსე მოქმედების მიუხედავად, ბარიერგადალახული რვა ოპოზიციური პარტიიდან ოთხმა პარტიამ, ოპოზიციონერი პარლამენტარების უმრავლესობამ დღემდე არ მოაწერა ხელი 19 აპრილის პოლიტიკურ შეთანხმებას, რომლის უმთავრესი მიზანი ქვეყანაში პოლიტიკური პოლარიზაციის შემცირება იყო.

როდესაც საუბარია პოლარიზაციაზე, ყველას კარგად მოეხსენება, რომ პოლარიზებული პოლიტიკური მოცემულობის ორ სხვადასხვა პოლუსზე დგანან „ქართული ოცნება“ და „ნაციონალური მოძრაობა“. როდესაც ამ ორი პარტიიდან მხოლოდ ერთს აქვს შეთანხმებაზე ხელი მოწერილი, ბუნებრივია, პოლარიზაცია ვერ შემცირდება და მით უმეტეს, ვერ დასრულდება.

იმ ოპოზიციური პარტიების ჯამური ელექტორალური მხარდაჭერა, რომლებმაც 19 აპრილის შეთანხმებას ხელი მოაწერეს, მხოლოდ 10 პროცენტს შეადგენს, რაც პოლიტიკური პოლარიზაციის შემცირებისთვის, ბუნებრივია, საკმარისი არ არის.

შეგახსენებთ, რომ გასული 100 დღის განმავლობაში, 19 აპრილის შეთანხმებაზე ხელის არმომწერმა პარტიებმა და პოლიტიკოსებმა განახორციელეს ვიზიტები ბრიუსელსა და ვაშინგტონში, გამართეს შეხვედრები სენატორებთან და ევროპარლამენტარებთან, ვაშინგტონისა და ბრიუსელის აღმასრულებელი სტრუქტურების წარმომადგენლებთან. ამავე პერიოდში, საქართველოს ესტუმრნენ შარლ მიშელი და ევროპის საბჭოს საპარლამენტო ასამბლეის პრეზიდენტი. თუმცა, ამ ფონზეც კი, ოპოზიციის რადიკალურმა ნაწილმა უარი თქვა 19 აპრილის შეთანხმების ხელმოწერაზე. გარდა ამისა, შეთანხმების ხელმომწერი ერთ-ერთი პარტია - „ლელო“ უხეშად არღვევდა 19 აპრილის შეთანხმებას, მათ შორის მან მხარი არ დაუჭირა შეთანხმებით გათვალისწინებულ საარჩევნო რეფორმას.

ყოველივე ზემოაღნიშნული ცხადყოფს, რომ რადიკალური ოპოზიციური პარტიებისთვის 19 აპრილის შეთანხმებაზე ხელის არმოწერა ერთგვარი თვითმიზანი იყო. მათ ამოძრავებდათ ერთადერთი მიზანი, დალოდებოდნენ ადგილობრივი თვითმმართველობის არჩევნებს და გაემეორებინათ პოლიტიკური საბოტაჟი, როგორც კი „ქართული ოცნება“ 43-პროცენტიან საარჩევნო ზღურბლს გადალახავდა. ამას ადასტურებს ის ფაქტიც, რომ ამ პარტიებმა თვეების განმავლობაში არ აიღეს კარვები რუსთაველის გამზირიდან. ამასვე ადასტურებს ის ამორალური და აგრესიული კამპანიაც, რომელსაც რადიკალური ოპოზიცია მისივე კუთვნილი ტელევიზიების საშუალებით „ქართული ოცნების“ წინააღმდეგ დღემდე აწარმოებს. რადიკალური ოპოზიცია აკეთებს ყველაფერს იმისთვის, რომ არჩევნების წინ პოლიტიკური პოლარიზაცია არათუ შემცირდეს, არამედ, პირიქით, უკიდურესად გაღრმავდეს. 19 აპრილის შეთანხმების ცალკეული პუნქტებიც რადიკალური ოპოზიციის მიერ პოლარიზაციის შემდგომი გაღრმავებისთვის გამოიყენებოდა.

ერთმნიშვნელოვნად უნდა აღინიშნოს, რომ 19 აპრილის შეთანხმების ცალმხრივი ერთგულება ჩვენი პარტიისთვის შეურაცხმყოფელია და ამგვარ უპრინციპობას ჩვენ ამომრჩეველი არ გვაპატიებს.

19 აპრილის შეთანხმებამ, მოკლევადიან პერსპექტივაში, პოლიტიკური პროცესების განვითარებაში დადებითი როლი შეასრულა. ოპოზიცია იძულებული გახდა, შეეწყვიტა საბოტაჟი, რომლითაც ის ქვეყნის ინტერესებს აზიანებდა. შესაბამისად, კიდევ ერთხელ განსაკუთრებულ მადლობას ვუხდით ევროპული საბჭოს პრეზიდენტს, შარლ მიშელს მისი ძალისხმევისა და მხარდაჭერისთვის.

თუმცა, დღეს, დოკუმენტის ხელმოწერიდან 100 დღის თავზე, აშკარაა, რომ მან თავისი მისია შეასრულა და თავი ამოწურა. მიუხედავად იმისა, რომ ოპოზიციონერი დეპუტატების ნახევარზე მეტს შეთანხმებაზე ხელი დღემდე არ მოუწერია, ვხედავთ, რომ ჩვენი საერთაშორისო პარტნიორები საჭიროდ არ თვლიან, რადიკალურ ოპოზიციას დოკუმენტის ხელმოწერა და მის აღსრულებაში მონაწილეობა მკაცრად მოსთხოვონ.

ქვეყანა უკვე ახალი, ადგილობრივი თვითმმართველობის არჩევნების რეჟიმზე გადავიდა. თვითმმართველობის არჩევნების ჩატარება იმ პოლიტიკური შეთანხმების ფონზე, რომელსაც მთავარი ოპოზიციური პარტია ხელს არ აწერს, ქვეყნის ინტერესებისთვის დამაზიანებელია.

ამ ვითარებაში, „ქართული ოცნების“ მხრიდან პოლიტიკური შეთანხმების ამოწურულად გამოცხადება უალტერნატივო ნაბიჯად გვესახება.

19 აპრილის შეთანხმების ანულირების ფონზე, ბუნებრივია, ჩნდება ლოგიკური კითხვა, რა ბედი ეწევა შეთანხმების იმ პუნქტებს, რომელთა შესრულება ჯერ არ დაწყებულა ან ჯერ არ დასრულებულა. განვმარტავთ თითოეულს:

ჩვენ ჯერ კიდევ 19 აპრილამდე, ვიდრე დოკუმენტს ხელი მოეწერებოდა, განვაცხადეთ, რომ სასამართლო და საარჩევნო რეფორმასთან დაკავშირებული ცვლილებები ყოველგვარი პოლიტიკური შეთანხმების ხელმოწერის გარეშეც განხორციელდებოდა. შესაბამისად, ეს პროცესი გაგრძელდება: სასამართლო რეფორმა მომავალი წლის ზაფხულამდე დასრულდება, ხოლო ინიცირებული საკონსტიტუციო ცვლილებები საქართველოს კონსტიტუციით დადგენილი პროცედურისა და საპარლამენტო სუვერენიტეტის პრინციპის შესაბამისად, სიღრმისეულად განიხილება და მიიღება;

შემოდგომაზე დასრულდება ამნისტიის შესახებ კანონის მიღება;

ჯანსაღი პოლიტიკური კონსულტაციების საფუძველზე, განაწილდება საპარლამენტო თანამდებობები იმ ოპოზიციურ პარტიებზე, რომლებიც კონსტრუქციული თანამშრომლობის მზაობას დაამტკიცებენ.

დაბოლოს, რაც შეეხება რიგგარეშე საპარლამენტო არჩევნების საკითხს. უპირველეს ყოვლისა, გვინდა აღვნიშნოთ, რომ კოალიციური მმართველობის ჯანსაღი ტრადიციის დამკვიდრება და სხვა პოლიტიკურ პარტიებზე სახელმწიფოს მართვის პასუხისმგებლობის განაწილება საუკეთესო ევროპული პრაქტიკაა და „ქართული ოცნება“ ამას მხოლოდ მხარს უჭერს და მიესალმება. შესაბამისად, მზად ვართ, ჩვენი კეთილი ნებით, რიგგარეშე არჩევნები არათუ ხმების 43 პროცენტის, არამედ 53 პროცენტის მიღების შემთხვევაშიც კი დავნიშნოთ, თუკი ოპოზიციური პოლიტიკური პარტიების ქცევიდან ამოვიკითხავთ, რომ ჩვენი პოლიტიკური სისტემა ეფექტიანი კოალიციური მმართველობისთვის მომწიფებულია და სახელმწიფოს მართვის ამგვარი რეჟიმი მის ინტერესებს არ დააზიანებს. ასეთ შემთხვევაში, რიგგარეშე არჩევნები დაინიშნება ჩვენი კეთილი ნებით, იმ კონსტიტუციური პრაქტიკის შესაბამისად, რომელიც განვითარებულ ევროპულ დემოკრატიებში არის დამკვიდრებული.

სამწუხაროა, რომ ოპოზიციის რადიკალურმა ნაწილმა 100 დღის განმავლობაში ხელი არ მოაწერა 19 აპრილის შეთანხმებას, რითაც ძირი გამოუთხარა დოკუმენტის მიზანს, შეამციროს პოლიტიკური პოლარიზაცია და ხელი შეუწყოს ჯანსაღი პოლიტიკური კონკურენციისა და თანამშრომლობის ჩამოყალიბებას პოლიტიკურ პარტიებს შორის.

თუმცა, როგორც იტყვიან, ზოგი ჭირი მარგებელია. 19 აპრილის შეთანხმების ანულირებით, დღეიდან ქვეყანა დაუბრუნდა კონსტიტუციურ ჩარჩოს და პოლიტიკური პროცესები საქართველოში მოქმედი კონსტიტუციური წესრიგის შესაბამისად გაგრძელდება.

წინ გველის ძალზე საინტერესო ადგილობრივი თვითმმართველობის არჩევნები, სადაც საქართველოს მოსახლეობა მუნიციპალურ მერებსა და საკრებულოებს აირჩევს. ქვეყანას ჭირდება დამშვიდება. მოვუწოდებთ ოპოზიციურ პოლიტიკურ პარტიებს, ხელი შეუწყონ არჩევნების ჯანსაღ და ნაკლებად პოლარიზებულ გარემოში ჩატარებას, თავი შეიკავონ საბოტაჟისგან და მიიღონ ადგილობრივი თვითმმართველობის არჩევნების შედეგი, რამდენად უსიამოვნოც არ უნდა იყოს ის მათთვის“, - ნათქვამია განცხადებაში.

ყველა სიახლე

ქართული ოცნება აჭარა

21 სექტემბერი 2021, 21:35

რეგიონი

„ქართული ოცნების“ ლიდერები აჭარაში მერობის კანდიდატებს და შტაბების ხელმძღვანელებს შეხვდნენ

სამუშაო შეხვედრაზე, რომელსაც აჭარის მთავრობის თავმჯდომარე, „ქართული ოცნების“ აჭარის რეგიონული ორგანიზაციის ხელმძღვანელი თორნიკე რიჟვაძე ესწრებოდა, ადგილობრივი თვითმმართველობის არჩევნებთან დაკავშირებულ საკითხებზე იმსჯელეს.

ცესკო

21 სექტემბერი 2021, 21:28

პოლიტიკა

სამკურნალო დაწესებულებებში მყოფი კოვიდინფიცირებულები და იზოლაციაში მოთავსებული პირები არჩევნებზე ხმის მიცემას შეძლებენ

სტაციონარულ სამკურნალო დაწესებულებებში მყოფი კოვიდინფიცირებულები და იზოლაციაში მყოფი პირები 2 ოქტომბრის თვითმმართველობის არჩევნებში მონაწილეობის მიღებას შეძლებენ. გადაწყვეტილება ცენტრალური საარჩევნო კომისიის სხდომაზე მიიღეს.

21 სექტემბერი 2021, 21:14

პოლიტიკა

ირაკლი ღარიბაშვილი: მზად ვართ, საქართველოსა და ქუვეითს შორის ყველა მიმართულებით გავაფართოვოთ კავშირები, მათ შორის სავაჭრო და ეკონომიკურ სფეროებში

საქართველოს პრემიერ-მინისტრი ირაკლი ღარიბაშვილი ქუვეითის სახელმწიფოს პრემიერ-მინისტრ შეიხ საბაჰ ხალიდ ალ-ჰამად ალ საბაჰთან შეხვედრას სოციალურ ქსელ „ტვიტერში” ეხმაურება.

21 სექტემბერი 2021, 21:08

COVID19

Johnson & Johnson-ი აცხადებს, რომ მისი ვაქცინის მეორე დოზამ კორონავირუსის ზომიერი და მძიმე ფორმების წინააღმდეგ ეფექტურობა 94%-მდე გაზარდა

კომპანია Johnson & Johnson-ი აცხადებს, რომ მისი ვაქცინის მეორე დოზამ კორონავირუსის ზომიერი და მძიმე ფორმების წინააღმდეგ ეფექტურობა 94%-მდე გაზარდა.

21 სექტემბერი 2021, 20:56

კულტურა

„ლაზიერის გამბიტის“ მეორე სეზონის გადაღება არ იგეგმება

სერიალ „ლაზიერის გამბიტის“ მეორე სეზონის გადაღება არ იგეგმება, - ამის შესახებ გამოცემა Deadline-ს სერიალის რეჟისორმა და აღმასრულებელმა პროდიუსერმა, სკოტ ფრენკმა განუცხადა.

ირაკლი ღარიბაშვილი; შეიხ საბაჰ ხალიდ ალ-ჰამად ალ საბაჰი

21 სექტემბერი 2021, 20:35

პოლიტიკა

ირაკლი ღარიბაშვილი გაეროს გენერალური ასამბლეის ფარგლებში ქუვეითის სახელმწიფოს პრემიერ-მინისტრს შეხვდა

შეხვედრისას აღინიშნა, რომ წელს აღინიშნება ორ ქვეყანას შორის დიპლომატიური ურთიერთობების დამყარების 30 წლისთავი და ორმხრივი ურთიერთობა და პარტნიორობა მზარდი დინამიკით ხასიათდება, თუმცა ჯერ კიდევ არსებობს აუთვისებელი პოტენციალი. საუბარი შეეხო თანამშრომლობის ერთობლივი კომისიის პირველი სხდომის გამართვის მნიშვნელობას და გამოითქვა მზადყოფნა, უახლოეს მომავალში მისი ორგანიზებისთვის.

21 სექტემბერი 2021, 20:16

რეგიონი

დმანისში მომხდარი დაპირისპირების შედეგად დაჭრილი ორი ადამიანის სიცოცხლეს საფრთხე არ ემუქრება

დმანისში დაპირისპირების შედეგად ორი ადამიანი დაიჭრა, თუმცა მათ სიცოცხლეს საფრთხე არ ემუქრება. დაჭრილები შემდგომი გამოკვლევებისთვის თბილისში გადაიყვანეს.

დავით ზალკალიანი

21 სექტემბერი 2021, 20:10

პოლიტიკა

დავით ზალკალიანი გაეროს გენერალური ასამბლეის ფარგლებში ორმხრივ შეხვედრებს გამართავს

საქართველოს საგარეო საქმეთა მინისტრი დავით ზალკალიანი გაეროს გენერალური ასამბლეის ფარგლებში ორმხრივ შეხვედრებს გამართავს და ასამბლეის ფარგლებში დაგეგმილ ღონისძიებებში მიიღებს მონაწილეობას, - ამის შესახებ ინფორმაციას საგარეო საქმეთა სამინისტრო ავრცელებს. მათი ინფორმაციით, საქართველოს ვიცე-პრემიერი, საგარეო საქმეთა მინისტრი დავით ზალკალიანი, 2021 წლის 20-26 სექტემბერს, პრემიერ-მინისტრ ირაკლი ღარიბაშვილის ხელმძღვანელობით საქართველოს დელეგაციასთან ერთად გაეროს გენერალური ასამბლეის 76-ე სესიაში მონაწილეობს.

მამუკა მდინარაძე

21 სექტემბერი 2021, 20:01

პოლიტიკა

მამუკა მდინარაძე: თვითმმართველობის ორგანოები დღეს ბევრად უფრო დამოუკიდებელია, ვიდრე წლების წინ იყო

თვითმმართველობის ორგანოები დღეს ბევრად უფრო დამოუკიდებელია, ვიდრე წლების წინ იყო, თუმცა, ძალიან გულწრფელად რომ გითხრათ, მეტი დამოუკიდებლობაც შეიძლება, - ამის შესახებ „ქართული ოცნების“ აღმასრულებელმა მდივანმა, მამუკა მდინარაძემ განაცხადა.

ირაკლი კობახიძე

21 სექტემბერი 2021, 20:00

პოლიტიკა

ირაკლი კობახიძე: დიპლომატების მოსმენის არავითარი მტკიცებულება არ არსებობს, არის რაღაც გაუგებარი ქაღალდებით თავისი ტყუილ-მართლით

„რაც შეეხება დიპლომატების მოსმენას, არავითარი მტკიცებულება ამ კუთხით არ არსებობს. ეს არის, ბუნებრივია, მნიშვნელოვანი. არის რაღაც გაუგებარი ქაღალდებით თავისი ტყუილ-მართლით და იქ ხდება სპეკულირება ამ ყველაფრით. როდესაც მტკიცებულება არ გაქვს და აგრძელებ სპეკულირებას, ეს არ არის კარგი პოლიტიკურ ცხოვრებაში“, - განაცხადა კობახიძემ.

დაავადებათა კონტროლისა და საზოგადოებრივი ჯანმრთელობის ეროვნული ცენტრი

21 სექტემბერი 2021, 19:53

COVID19

დაავადებათა კონტროლის ცენტრი ბანერების განთავსებაზე: შპს „ალმასთან“ გაფორმებულ ხელშეკრულებაში სამთვიანი ვადა მოხსენიებული არ არის

„რადგან საკითხი დღეს ქვეყნისთვის ყველაზე უმნიშვნელოვანეს პრობლემას ეხება, რაც თქვენს კომპანიასაც ეს სრულად აქვს გაცნობიერებული და პირდაპირ კავშირშია მოსახლეობის ფართო მასების სიცოცხლესა და ჯანმრთელობასთან, საყოველთაოდ ცნობილია, რომ მსოფლიოში COVID-19 პანდემიის დასრულება მხოლოდ ვაქცინაციით არის შესაძლებელი და ამისათვის, რაც შეიძლება სწრაფად უნდა აიცრას მოსახლეობის უმეტესი ნაწილი, ამიტომ თავს უფლებას ვაძლევთ, გიპასუხოთ თქვენს განცხადებაზე, სადაც აღნიშნავთ, რომ თქვენ ბანერების განთავსების დაპირებული სამთვიანი ვადა კეთილსინდისიერად შეასრულეთ და სახელშეკრულებო ვალდებულებები ამოწურეთ.

ირაკლი კობახიძე

21 სექტემბერი 2021, 19:50

პოლიტიკა

ირაკლი კობახიძე: ბიძინა ივანიშვილი განა არ პასუხობს, არ ვურეკავთ

„იანვარში, ამ ადამიანმა, ბიძინა ივანიშვილმა მიიღო პრინციპული გადაწყვეტილება იმასთან დაკავშირებით, რომ მას სურდა სრული დისტანცირება პოლიტიკისგან. როდესაც მან პოლიტიკიდან პირველად გასვლის შემთხვევაში გააკეთა თავისი პოლიტიკური განცხადება, მაშინ აღნიშნა, რომ კონსულტაციებით გუნდს დაეხმარებოდა. როდესაც მეორედ გააკეთა განცხადება, თქვა, რომ არავითარი ფორმით, მათ შორის არც კონსულტაციების ფორმით იქნებოდა ჩართული პოლიტიკურ პროცესებში. შესაბამისად, პასუხი არის უმარტივესი, ეს პასუხი გაგეცით გუშინაც, გუშინწინაც, იმის წინაც - ბოლო კომუნიკაცია ბიძინა ივანიშვილთან გვქონდა იანვარში, იქიდან გამომდინარე, რომ მან პოლიტიკური პროცესები იანვარში დატოვა“, - განმარტა კობახიძემ.

კახა კუჭავა

21 სექტემბერი 2021, 19:47

პოლიტიკა

კახა კუჭავა: შერიგების საკითხებში ახალგაზრდების როლი ძალიან მნიშვნელოვანია, მათი ჩართულობით გაცილებით დიდი შედეგების მიღწევა შეიძლება

საოკუპაციო ხაზზე რომ ჩავდივართ და ვხედავთ ოჯახებს, ახალგაზრდებს, კიდევ უფრო ვრწმუნდებით, რომ ოკუპაცია აუცილებლად დასრულდება და ჩვენ ქვეყანას აუცილებლად გავამთლიანებთ, - ამის შესახებ საქართველოს პარლამენტის თავმჯდომარემ სახელმწიფო მინისტრის აპარატის ორგანიზებით გამართულ ღონისძიებაზე - „ახალგაზრდების როლის გაზრდა მშვიდობის მშენებლობაში“, სიტყვით გამოსვლისას განაცხადა.

რომის პაპი ფრანცისკე

21 სექტემბერი 2021, 19:46

მსოფლიო

რომის პაპი: ჯერ კიდევ ცოცხალი ვარ, თუმცა ზოგიერთს ჩემი სიკვდილი უნდოდა

რომის პაპმა ფრანცისკემ განაცხადა, რომ ეკლესიაში ზოგიერთს იმედი ჰქონდა, რომ იგი მსხვილ ნაწლავზე გაკეთებული ბოლოდროინდელი ოპერაციის შემდეგ არ გადარჩებოდა.

ირაკლი კობახიძე

21 სექტემბერი 2021, 19:42

პოლიტიკა

ირაკლი კობახიძე „ნაცმოძრაობაზე“: ბანერზე კი არ არის სისხლი, სისხლი არის მათ ხელებსა და სახეებზე, იმიტომ რომ უამრავი უმძიმესი დანაშაული აქვთ ჩადენილი

„სისხლი იყო ქვეყანაში 9 წელი. ბანერზე კი არ არის სისხლი, სისხლი არის მათ ხელებსა და სახეებზე, იმიტომ რომ მათ აქვთ უამრავი უმძიმესი დანაშაული ჩადენილი ხელისუფლებაში ყოფნის პერიოდში. მათ დაკარგეს ქვეყნის ტერიტორიების 20%, ყველაფერს რომ თავი დავანებოთ და რამდენიმე ასეული ადამიანი დაიღუპა - ჩვენი ჯარისკაცები, სამოქალაქო პირები, გმირები დაიღუპნენ მათი ავანტიურისტული, სამარცხვინო ქმედებების გამო. მათ არაერთი ადამიანი მოკლეს ციხეებში და ციხეებს გარეთ. ეს არის სისხლი და არა ის სისხლი, რაც ბანერებზე არის გამოსახული. ბანერებზე რაც არ უნდა სისხლი გამოფინო, ბუნებრივია, ეს არანაირ გავლენას არავისზე არ მოახდენს, თუ კონკრეტული ადამიანები არ არიან შემჩნეულნი სისხლიან წარსულში“, - განაცხადა კობახიძემ.

მამუკა მდინარაძე

21 სექტემბერი 2021, 19:39

პოლიტიკა

მამუკა მდინარაძე: გაეროს გენასამბლეაზე ქვეყნები საუბრობენ მთავარ გამოწვევებზე, ჩვენი ქვეყნის მთავარი გამოწვევა კი რუსული ოკუპაცია

გაეროს გენასამბლეა ის ფორმატია, როცა ქვეყნებს აქვთ საშუალება, ისაუბრონ იმ გამოწვევებზე, რაც მათ აწუხებთ. ჩვენი ქვეყნის მთავარი გამოწვევაა რუსული ოკუპაცია და ამ გამოწვევას ქართველი ხალხი არასდროს შეეგუება, - ამის შესახებ „ქართული ოცნების“ აღმასრულებელმა მდივანმა, მამუკა მდინარაძემ განაცხადა.

ირაკლი კობახიძე

21 სექტემბერი 2021, 19:27

პოლიტიკა

ირაკლი კობახიძე: შეგვიძლია გავუშვათ კადრები, როგორიცაა, გორში გაქცეული ე.წ. მთავარსარდალი, სააკაშვილი, არავითარი შანსი ამ სისხლიან პოლიტიკურ ძალას არ აქვს, რომ დაბრუნდეს ხელისუფლებაში

„ქართული ოცნება“ არავითარ კადრებს არ აანონსებს. შეგვიძლია გავუშვათ ისეთი კადრები როგორიცაა, მაგალითად, გორში გაქცეული ე.წ. მთავარსარდალი, სააკაშვილი და ა.შ. ეს კადრები არის საკმარისი იმისათვის, რომ ამ არჩევნებში „ნაცმოძრაობამ“ კიდევ ერთი მძიმე მარცხი განიცადოს. მათი სახე არის საზოგადოებისთვის ძალიან ნათელი. როგორია „ნაცმოძრაობის“ სახე, ამაზე აქვს ქართულ საზოგადოებას ინფორმაცია და ამის მიხედვით მიიღებს კიდევ ერთხელ თავის გადაწყვეტილებას, როდესაც მივა საარჩევნო ყუთებთან 2 ოქტომბერს. არავითარი შანსი ამ სისხლიან პოლიტიკურ ძალას არ აქვს, რომ დაბრუნდეს ხელისუფლებაში და ჩვენ ძალიან დამაჯერებელ გამარჯვებას ვიზეიმებთ“, - განაცხადა კობახიძემ.

მამუკა მდინარაძე

21 სექტემბერი 2021, 19:24

პოლიტიკა

მამუკა მდინარაძე დმანისის ინციდენტზე: რაც არ უნდა პროვოკაცია ყოფილიყო, დანაშაულს გამართლება არ აქვს

მე რა ინფორმაციაც ამ დროისთვის მაქვს, დილიდან მაქსიმალურად ცდილობდნენ, რამენაირად პროვოკაციაზე წამოეგოთ კონკრეტული ადამიანები და, როგორც ჩანს, ეს გამოუვიდათ, თუმცა მომხდარს არანაირი გამართლება არ აქვს, - ასე უპასუხა „ქართული ოცნების“ აღმასრულებელმა მდივანმა, მამუკა მდინარაძემ კითხვას დმანისში მომხდარ ინციდენტთან დაკავშირებით.

ირაკლი კობახიძე

21 სექტემბერი 2021, 19:24

პოლიტიკა

ირაკლი კობახიძე: ოპოზიცია ერთი წელი ითხოვდა რიგგარეშე არჩევნებს, ვერ მიიღეს რიგგარეშე არჩევნები, ახლა რიგგარეშე სხდომას ითხოვენ

„რაც შეეხება რიგგარეშე სხდომას, ყველაფერს აქვს თავისი დრო, თავისი წესები. არჩევნებამდე არ იმართება-ხოლმე პლენარული სხდომები, ამის რესურსი არ აქვს პარლამენტს გამომდინარე იქიდან, რომ უკლებლივ ყველა დეპუტატი ჩართულია საარჩევნო სამუშაო პროცესში. როგორც კი განახლდება პარლამენტის მუშაობა, მაშინვე შეგვიძლია ნებისმიერი საკითხი განვიხილოთ“ - განაცხადა ირაკლი კობახიძემ.

ჯო ბაიდენი

21 სექტემბერი 2021, 19:23

მსოფლიო

ჯო ბაიდენი: აშშ-ს ახალი ცივი ომი არ სურს

აშშ-ს ახალი ცივი ომი არ სურს, - განაცხადა აშშ-ის პრეზიდენტმა, ჯო ბაიდენმა გაეროს გენერალური ასამბლეის 76-ე სესიაზე სიტყვით გამოსვლისას.