ირაკლი კობახიძე გახარიას პარტიაზე: სად ჰყავთ ბოსები? კლოუნები ჰყავთ, პატარ-პატარა ქემოკლიძეები

სად ჰყავთ ბოსები? კლოუნები ჰყავთ, პატარ-პატარა ქემოკლიძეები, - ამის შესახებ პარტია „ქართული ოცნების“ თავმჯდომარემ, ირაკლი კობახიძემ ტელეკომპანია „იმედის“ ეთერში, გადაცემა „იმედი LIVE“-ში გიორგი გახარიას პარტიაზე საუბრისას განაცხადა.

„იყო ძალიან მძიმე შეფასებები 20 ივნისის შემდეგ, მაგის გარდა იყო პანკისი, ბასიანი და ა.შ. ამ ყველაფერზე გუნდში მუდმივად იყო საუბარი, მათ შორის მისი თანდასწრებითაც. 20 ივნისის შემდეგ იყო ერთ-ერთი სერიოზული გარჩევა, სადაც კახა კალაძე ყველაზე აქტიურად საუბრობდა იმაზე, რომ ამ ვითარებაში აუცილებელი იყო გახარიას გადადგომა და ამას პრაქტიკულად უმრავლესობამ მხარი დაუჭირა, თუმცა რაღაც კონკრეტული მომენტის გამო ეს შეიცვალა. მომავალ წელს ალბათ იქნება ამის დრო, რომ ვთქვა, რა იყოს ეს კონკრეტული მომენტი. მაშინ გუნდის ხელმძღვანელობაში მომწიფებული იყო გახარიას შს მინისტრობიდან გადადგომის გადაწყვეტილება, თუმცა რაღაც მომენტმა ეს ყველაფერი შეცვალა. ამის შემდეგ იყო კოვიდის პერიოდი, მან ეფექტურად მართა კოვიდი და დღემდე მე ამ აზრზე ვარ“, - აღნიშნა ირაკლი კობახიძემ.