ვლადიმერ ბოჟაძე ნინო ლომჯარიას: იქნებ დროულად მოახდინო ადამიანის უფლებების დარღვევის ფაქტებზე რეაგირება, ძალიან საშიშია როცა ამ ძალადობას ბედავს ოპოზიციური ძალა

იქნებ დროულად მოახდინო ადამიანის უფლებების დარღვევის ამ უხეშ და ამაზრზენ ფაქტებზე რეაგირება, ძალიან საშიშია როცა ამ ძალადობას ბედავს ოპოზიციური ძალა რომელიც ხელისუფლებაში ყოფნისას, 9 წლის მანძილზე ყოველდღიურად ფიზიკურად ძალადობდა ყველაზე და ყველაფერზე, ახლა რევანშისთვის იბრძვის. სახალხო დამცველი ხარ და ყველას უფლებების დაცვა გევალება, - ასე მიმართავს თბილისის საკრებულოს წევრი ვლადიმერ ბოჟაძე სახალხო დამცველ ნინო ლომჯარიას და სოციალურ ქსელში აქვეყნებს ფოტომასალას, სადაც მუქარის შემცველი წარწერებია გაკეთებული საცხოვრებელი სახლის სადარბაზოში.

როგორც ბოჟაძე წერს, სწრაფად უნდა მოხდეს ამ ფაქტის გამოძიება.

,,ნინო ლომჯარია, იქნებ დროულად მოახდინო ადამიანის უფლებების დარღვევის ამ უხეშ და ამაზრზენ ფაქტებზე რეაგირება, ძალიან საშიშია როცა ამ ძალადობას ბედავს ოპოზიციური ძალა, რომელიც ხელისუფლებაში ყოფნისას, 9 წლის განმავლობაში ყოველდღიურად ფიზიკურად ძალადობდა ყველაზე და ყველაფერზე, ახლა რევანშისთვის იბრძვის. სახალხო დამცველი ხარ და ყველას უფლებების დაცვა გევალება. მოვუწოდებ სამართალდამცავ ორგანოებს - შინაგან საქმეთა სამინისტროს და საქართველოს პროკურატურას - დაუყოვნებლივ დაიწყოს გამოძიება და უმკაცრესად დაისაჯოს ყველა, ვინც ბედავს ამ სიბინძურეს, იმ ადამიანების მიმართ, ვინც კანონის ფარგლებში ასრულებენ საკუთარ მოვალეობას. მოვუწოდებ „ნაციონალურ მოძრაობას“ და მის მხარდამჭერებს - შეწყვიტეთ ადამიანებზე ძალადობა, ბულინგი და შეურაცხყოფა, ნუ ძაბავთ ხელოვნურად სიტუაციას, არ გასცდეთ კონსტიტუციის და კანონის ფარგლებს, წინააღმდეგ შემთხვევაში სწორედ კონსტიტუციის და კანონის ფარგლებში მიიღებთ უმკაცრეს პასუხს!“ - წერს ბოჟაძე Facebook-ზე.

9 ნოემბერს, ღამით, პარლამენტთან გამართულ აქციაზე სიტყვით გამოსვლისას, გიგი უგულავამ გლდანის ციხის უფროსის მოადგილის, გოგა ორდენიძის ოჯახზე ისაუბრა. სიძულვილის ენა მან ამჯერად არასრულწლოვნების მიმართ გამოიყენა. მოგვიანებით თავის შეცდომას მიხვდა და საჯარო ბოდიში სოციალური ქსელის საშუალებით მოიხადა. „კრიტიკას ვიღებ და ბოდიშს ვიხდი. დეტალებში არ შევალ. სჯობს ეს საკითხი არ განვიხილოთ და მოჭრილად ვთქვათ - რომ ბავშვებს გავეშვათ,“- დაწერა უგულავამ სოციალურ ქსელში.