მიხაელ გალერი: ოპოზიციასაც აქვს პასუხიმგებლობა, ყველამ საკუთარი როლი უნდა შეასრულოს ქვეყნის ინკლუზიური დღის წესრიგის შექმნაში

საქართველოსა და ევროკავშირს აქვთ შეთანხმებული დღის წესრიგი. ეს არ იცვლება და მთავარი ღერძია ასოცირების ხელშეკრულება, ღრმა და ყოვლისმომცველი თავისუფალი ვაჭრობა, - ამის შესახებ ევროპარლამენტარმა, მიხაილ გალერმა „ქრონიკას“ განუცხადა.

„ბევრი სამუშაო გვაქვს ერთად გასაკეთებელი. ეს მოიცავს თანამშრომლობის გაძლიერებას და განმტკიცებას, საქართველოში რეფორმების გაგრძელებას. იდეალურ მდგომარეობაში ეს მოითხოვს პოლიტიკურ პარტიებს შორის თანხმობას და კონსენსუსს, რაც თეორიულად არსებობს და საწინააღმდეგო ქვეყნის ევროატლანტიკური გზის მიმართ არავის აქვს, მაგრამ როდესაც საქმეა მაგალითად პარლამენტში ერთობლივ მუშაობაზე, თანამშრომლობაზე, მაინც არ ვართ იქ, სადაც უნდა ვიყოთ. ჩვენ ამიტომ მოვუწოდებთ ყველა პოლიტიკურ ძალას საქართველოში ხელისუფლებასა თუ ოპოზიციაში, რომ შეიტანონ საკუთარი წვლილი. ოპოზიციასაც აქვს პასუხიმგებლობა და ყველამ საკუთარი როლი უნდა შეასრულოს ქვეყნის ინკლუზიური დღის წესრიგის შექმნაში. ქვეყანა მხოლოდ ერთიანობით მიდის წინ. არ შეიძლება ერთმანეთის წინააღმდეგ იყოს ყველა და მაინც წარმატებას მიაღწიონ. ჩვენი რეკომენდაციაა რეფორმებზე ყურადღების კონცენტრაცია. ოპოზიციაც მზად უნდა იყოს თანამშრომლობისთვის პარლამენტში. მნიშვნელოვანია საარჩევნო რეფორმა, მოსამართლეების დანიშვნა. მე მოვუწოდებ ყველას კონსტრუქციულობისკენ და ისეთი დისკუსიების წარმართვას, რომელსაც ექნება ქვეყნისთვის რეალური სასიკეთო შედეგები და შედეგების დადგომას არ შეუშლის ხელს“, - განაცხადა მიხაილ გალერმა.