გიორგი სიგუამ ნარკოტიკების გავრცელებაზე პასუხისმგებლები დაასახელა

ნარკოტიკების გავრცელებაზე პასუხისმგებელია ის ხალხი, ვინც ავრცელებს და იმ ადამიანების პირადი პასუხისმგებლობაა, ვინც ამ ნარკოტიკებს ღებულობს, - ამის შესახებ GEM FEST-ის ორგანიზატორმა გიორგი სიგუამ განაცხადა. ამის შესახებ Ipn-ი წერს.

მისი თქმით, ბრალდება, რომ ფესტივალის ორგანიზატორები ნარკორეალიზატორებს მფარველობენ, არასწორი და აბსურია. სიგუას განცხადებით, ხალხის სიმრავლიდან გამომდინარე შეუძლებელია ყველა ვიზიტორის შემოწმება, თუ რა შეაქვთ ტერიტორიაზე და რა - არა. 

გიორგი სიგუა აღნიშნავს, რომ შს სამინისტრომ განსაკუთრებით დიდი ოდენობი ნარკოტიკული საშუალების შეძენა-შენახვის ბრალდებით ტერიტორიაზე უკვე 10-მდე ადამიანი დააკავა.

“ადამიანები, რომლებიც ცდილობენ, რომ ამ ადამიანების ტრაგედიაზე, ცუდად გახდომაზე, მოითბონ ხელი, დაიწერონ ქულები, გამოჩდნენ და მოიპოვონ საეთერო დრო, რბილად რომ ვთქვათ, ცუდად იქცევიან. 10-მდე ადამიანია დაკავებული, ვისაც დიდი ოდენობით ნარკოტიკის შეძენა- შენახვა ედება ბრალად, მაშინ ლოგიკურად ჩნდება კითხვა, თუ რატომ იჭერენ ამ ადამიანებს, თუ კი, მფარველობა ხდება. საშინელი აბსურდია, რომ ჩვენ ვიღაცას ვმფარველობდეთ, ამაზრზენია. 
ამხელა ღონისძიებაზე, შეუძლებელია გააკონტროლო, ვის რა აქვს ჩაყლაპული და რა აქვთ ჯიბეში. არც ნარკორეალიზატორები და არც ნარკომომხმარებლები მე არ მითანხმებენ საიდან შემოდის ნარკოტიკები”, - განაცხადა გიორგი სიგუამ. 

ცოტა ხნის წინ ცნობილი გახდა, რომ ანაკლიაში GEM Fest-ის ტერიტორიაზე პოლიციამ ორი პირი დააკავა.

4 აგვისტოს GEM Fest-ის ტერიტორიაზე 22 წლის გოგო შეუძლოდ გახდა და საავადმყოფოში გადაყვანის შემდეგ გარდაიცვალა. ახალგაზრდა კლინიკაში დაუზუსტებელი სუბსტანციის და ნივთიერების ტოქსიური ეფექტის და სისხლძარღვთა მწვავე უკმარისობის დიაგნოზით მოათავსეს, თუმცა მისი მდგომარეობა მძიმე იყო და გადარჩენა ვერ მოხერხდა.

გიორგი სიგუამ მომხდართან დაკავშირებით კომენტარი გააკეთა და გარდაცვლილის ოჯახს მიუსამძიმრა.