იაგო ხვიჩია: „ნაციონალური მოძრაობის“ სტრატეგია მიხეილ სააკაშვილის გორის კლინიკაში გადაყვანის შესახებ იყო მცდარი

„ნაციონალური მოძრაობის“ სტრატეგია მიხეილ სააკაშვილის გორის კლინიკაში გადაყვანის შესახებ იყო მცდარი, - ამის შესახებ პარტია „გირჩის“ ლიდერმა, იაგო ხვიჩიამ ისაუბრა.

„თუ ადამიანი პატიმარია, მგონი არავის გაუკვირდება, რომ ის ციხეში გადაჰყავდეთ. მე თავიდანვე ვამბობდი, რომ „ნაციონალური მოძრაობის“ სტრატეგია მიხეილ სააკაშვილის გორის კლინიკაში გადაყვანის შესახებ იყო მცდარი, მათ მეორე დღიდანვე უნდა მოეთხოვათ ის, რასაც ჩვენ ვურჩევდით, კერძოდ, მიხეილ სააკაშვილის გადაყვანა საზღვარგარეთ“,- განაცხადა იაგო ხვიჩიამ.

საქართველოს მასჯავრდებული მესამე პრეზიდენტი გორის სამხედრო ჰოსპიტლიდან რუსთავის მე-12 სასჯელაღსრულების დაწესებულებაში გადაიყვანეს.

საქართველოს ყოფილი პრეზიდენტი 1-ელ ოქტომბერს დააკავეს.

მიხეილ სააკაშვილი სამი ინსტანციის სასამართლოს განაჩენით, დამნაშავედ არის ცნობილი ვალერი გელაშვილის ცემისა და სანდრო გირგვლიანის სისხლის სამართლის საქმეებზე და სასჯელის ზომად განსაზღვრული აქვს თავისუფლების აღკვეთა ექვსი წლის ვადით. ასევე, მიხეილ სააკაშვილი ბრალდებულია ტელეკომპანია „იმედის“ დარბევის, 7 ნოემბრის დარბევისა და პატარკაციშვილების ქონების უკანონოდ დაუფლებისა და სახელმწიფო დაცვის სპეციალური სამსახურის კუთვნილი 9 024 367 ლარის პირადი მიზნებისთვის გაფლანგვის ფაქტებზე.