30 იანვარი 2022, 15:37 / სანდო წყარო

განათლებისა და მეცნიერების სამინისტრო: გვაქვს საფუძველი, ვიფიქროთ, რომ სამინისტროს მიზანმიმართული დისკრედიტაცია ჩვენი საზოგადოების თვალში სამინისტროსა და ზოგადად ხელისუფლების მიერ განხორციელებული სამუშაოს დაკნინებას ემსახურება

განათლებისა და მეცნიერების სამინისტრო ეხმაურება გაზეთ „ბათუმელებში“ გამოქვეყნებულ ინფორმაციას საზღვარგარეთ მინისტრის სამივლინებო ხარჯებთან დაკავშირებით, რომელიც აღნიშნულმა მედია საშუალებამ სამინისტროსგან მიღებული საჯარო ინფორმაციის საფუძველზე მოამზადა. მოგვიანებით, იგივე ინფორმაცია „ნეტგაზეტის“ პლატფორმაზე გაჩნდა, შემდეგ კი „მთავარ ამბებში“ მოხვდა.

„პუბლიკაციაში მოყვანილია საქართველოს მთავრობის მიერ დადგენილი ტარიფი საზღვარგარეთ სამივლინებო ხარჯებთან დაკავშირებით და აღნიშნულია, რომ საქართველოს საჯარო მოხელეებს აშშ-ში სწორედ ამ ღირებულების დანახარჯის გაწევა შეუძლიათ დღიურად.

აღსანიშნავია, რომ განათლებისა და მეცნიერების სამინისტროს მხრიდან წერილობით განემარტა მედიასაშუალებას - იგივე დადგენილების თანახმად, განსაზღვრულია, რომ სასტუმროში დაქირავებული ნომრის ღირებულება ანაზღაურდება ფაქტობრივად გაწეული ხარჯების დამადასტურებელი საბუთის მიხედვით.

სწორედ ამ ფაქტორის გათვალისწინებით, მინისტრის საზღვარგარეთ მივლინების დროს კანონი ზედმიწევნით იყო დაცული.

რაც შეეხება სტატიის იმ ნაწილს, სადაც საუბარია იმაზე, თითქოს გამოცემისთვის სამინისტროს არ მიუწოდებია ინფორმაცია იმის თაობაზე, კონკრეტულად რა შედეგი მოჰყვა ამ ვიზიტებს. ცალსახად ვაცხადებთ, რომ მინისტრის ვიზიტების ამსახველი უკლებლივ ყველა საინფორმაციო რელიზი გაგზავნილია კონკრეტული ჟურნალისტის პირად ფოსტაზე, ხოლო ამ შემთხვევაში გამოცემისგან მოსულ წერილში ასეთი კითხვა დასმული საერთოდ არ ყოფილა“, - აღნიშნულია სამინისტროს განცხადებაში.

უწყება სტატიაში მოყვანილ ვიზიტებსა და მათ შედეგებზე დეტალურ ინფორმაციას ავრცელებს, რომელსაც „იმედინიუსი“ უცვლელად გთავაზობთ.

2021 წლის სექტემბრის ვიზიტი

„როგორც ცნობილია, 2022 წლის თებერვალში, საქართველოს მთავრობის ფინანსური ძალისხმევით, პირველად ამერიკის შეერთებული შტატების ისტორიაში, ჰარვარდის უნივერსიტეტის დევისის ცენტრში ქართველოლოგიის პროგრამა ამოქმედდება. პროგრამა ხელს შეუწყობს სტუდენტების ახალი თაობის აღზრდას, რომლებიც არა მხოლოდ ამერიკის შეერთებული შტატების, არამედ მსოფლიოს სამეცნიერო და ინტელექტუალურ წრეებში საქართველოს შესახებ კვლევების მხარდამჭერები და ცოდნის გამავრცელებლები გახდებიან.

ქართველოლოგიის პროგრამა, რომელიც ფუნქციონირებას ჰარვარდის უნივერსიტეტის დევისის ცენტრში დაიწყებს, ხელს შეუწყობს როგორც საქართველოს ისტორიის, კულტურის, ლიტერატურისა და პოლიტიკის, ასევე ქვეყნის ეკონომიკური განვითარებისა და მეცნიერებაში შეტანილი წვლილის შესახებ აკადემიური ცოდნის გავრცელებასა და გაცვლას. პროგრამაში გათვალისწინებული იქნება კვლევები კავკასიოლოგიის მიმართულებითაც.

ქართველოლოგიის პროგრამის ინაუგურაციის საზეიმო ცერემონია ჰარვარდის ნიუ-იორკის კლუბში, 2021 წლის 22 სექტემბერს გაიმართა. სწორედ ამ პროგრამის დაფუძნებისა და ინაუგურაციისთვის მოსამზადებელი სამუშაოების გამო, განათლებისა და მეცნიერების მინისტრი მიხეილ ჩხენკელი, სექტემბრის თვეში 1 კვირის განმავლობაში იმყოფებოდა ნიუ-იორკში და პროცესს პირადად ხელმძღვანელობდა. ამავე პერიოდში, მინისტრმა შეხვედრა გამართა ნიუ-იორკის უნივერსიტეტის (NYU) პრეზიდენტთან, ენდრიუ ჰამილტონთან, მას უმაღლესი განათლების ინტერნაციონალიზაციის კუთხით სამინისტროს პოლიტიკა გააცნო და მასთან ერთად NYU-სა და ქუთაისის საერთაშორისო უნივერსიტეტის თანამშრომლობის სამომავლო პერსპექტივები განიხილა.

ვიზიტის ფარგლებში მიხეილ ჩხენკელი ასევე დაესწრო საქართველოს პრემიერ-მინისტრის, ირაკლი ღარიბაშვილის გამოსვლას გაეროს გენერალური ასამბლეის სესიაზე ვიცე-პრემიერთან, საგარეო საქმეთა მინისტრ დავით ზალკალიანთან და მთავრობის ადმინისტრაციის უფროს ილია დარჩიაშვილთან ერთად.

მინისტრმა საქართველოს დელეგაციასთან ერთად მონაწილეობა მიიღო ღონისძიებაში, რომლის დროსაც საქართველოს პრემიერ-მინისტრმა, ირაკლი ღარიბაშვილმა გაერო-ს ოფიციალურად გადასცა უნიკალური ხელნაწერი „ვეფხისტყაოსანი“.

აღსანიშნავია, რომ მინისტრის ოფიციალური ვიზიტის ამსახველი მასალა მისი აშშ-ში ყოფნის დროსვე გავრცელდა მასობრივი საინფორმაციო საშუალებებით, ასევე სამინისტროს ოფიციალურ ვებ და ფეისბუქ გვერდებზე. მინისტრმა ნიუ-იორკიდან, გაეროს შტაბბინიდან ასევე მონაწილეობა მიიღო ტელეკომპანია იმედის გადაცემაში, პირდაპირ ეთერში.

2021 წლის ოქტომბრის ვიზიტი

რაც შეეხება განათლებისა და მეცნიერების მინისტრის 2021 წლის მეორე ვიზიტს აშშ-ში. მიხეილ ჩხენკელის საქმიანი ვიზიტი ჩიკაგოსა და ბოსტონში (სტატიაში მხოლოდ ჩიკაგოა ნახსენები) განსაკუთრებულად მნიშვნელოვანი აღმოჩნდა ქუთაისის საერთაშორისო უნივერსიტეტის საერთაშორისო პარტნიორობის განვითარების კუთხით. ის მოიცავს როგორც აკადემიურ და სამეცნიერო-კვლევით განზომილებებს, ასევე უნივერსიტეტში მშენებარე ადრონული თერაპიის ცენტრის პროექტს.

ჩიკაგოში, ამერიკის რადიაციული ონკოლოგიის საზოგადოების ყოველწლიური შეხვედრაზე ქუთაისის ადრონული თერაპიის ცენტრის წარდგენით გადაიდგა მნიშვნელოვანი ნაბიჯი ცენტრის საერთაშორისო თანამშრომლობის ქსელში ინტეგრაციის მიმართულებით. ამერიკის პროტონული თერაპიისა და სამედიცინო განათლების წამყვანმა სპეციალისტებმა გამოთქვეს მზაობა, ჩაერთონ ქუთაისის საერთაშორისო უნივერსიტეტის პროტონული თერაპიის ცენტრის საერთაშორისო მრჩეველთა საბჭოში. ყოველივე ეს ქმნის წინაპირობას, რომ ადრონული თერაპიის ცენტრი გახდეს საერთაშორისო მასშტაბით აღიარებული სამედიცინო-კვლევითი დაწესებულება, რომელიც თანამშრომლობს როგორც ევროპულ, ასევე ამერიკის წამყვან ცენტრებთან.

არანაკლებ მნიშვნელოვანი იყო ვიზიტი ბოსტონში, სადაც ქუთაისის საერთაშორისო უნივერსიტეტის პრეზენტაცია გაიმართა ჰარვარდის უნივერსიტეტის სამედიცინო სკოლის ჯოსლინის ცენტრში. ეს არის თანამშრომლობის ის განზომილება, რომელიც აუცილებელია ქუთაისის საერთაშორისო უნივერსიტეტში უმაღლესი სტანდარტის სამედიცინო განათლების განვითარების მიმართულებით. მსჯელობა წარიმართა საუნივერსიტეტო სივრცეში სამედიცინო განათლების აკადემიური და კლინიკური კომპონენტების ოპტიმალურ ურთიერთკავშირზე. ბოსტონში, მოლეკულური მედიცინის ინსტიტუტში შეხვედრისას დაიგეგმა კონკრეტული ნაბიჯები ქუთაისის საერთაშორისო უნივერსიტეტში სიცოცხლის შემსწავლელი მეცნიერებების განვითარების მხარდასაჭერად. თანამშრომლობა მოიცავს როგორც აკადემიურ, ასევე სამეცნიერო-კვლევით მიმართულებებს.

ბოსტონის ვიზიტის ფარგლებში მინისტრმა ქუთაისის საერთაშორისო უნივერსიტეტის რექტორთან, ალექსანდრე თევზაძესთან ერთად შეხვედრა გამართა ბოსტონის წამყვანი უნივერსიტეტების ქართველ სტუდენტებთან. შეხვედრაზე ხაზი გაესვა, რომ ქუთაისის საერთაშორისო უნივერსიტეტი არის სწრაფად მზარდი თანამედროვე სტანდარტების უნივერსიტეტი, სადაც უცხოეთში მიღებული განათლების მქონე ჩვენი თანამემამულეები შეძლებენ დაბრუნდნენ და გადასცენ ცოდნა მომავალ თაობას.

ბოსტონში ყოფნისას მიხეილ ჩხენკელმა ჰარვარდის უნივერსიტეტის დევისის ცენტრის ხელმძღვანელებთანაც გამართა შეხვედრა, სადაც მხარეებმა ახლად დაფუძნებული ქართველოლოგიის პროგრამის განხორციელების დეტალებზე ისაუბრეს.

ამ შემთხვევაშიც, მინისტრის ოფიციალური ვიზიტების ამსახველი მასალა მისი აშშ-ში ყოფნის დროსვე გავრცელდა მასობრივი საინფორმაციო საშუალებებით, ასევე სამინისტროს ოფიციალურ ვებ და ფეისბუქგვერდებზე. საზოგადოებისთვის ცნობილი გახლდათ მინისტრის ვიზიტის დეტალები.

2021 წლის დეკემბრის ვიზიტი

რაც შეეხება 2021 წლის დეკემბრის თვეში საქართველოს განათლებისა და მეცნიერების მინისტრის ბრიუსელში ვიზიტს, ის გახლდათ განსაკუთრებით მნიშვნელოვანი ჩვენი თანამემამულეებისათვის, ვინაიდან სწორედ ამ ვიზიტისას გაფორმდა ხელშეკრულება, რომლის შედეგად საქართველოს სამეცნიერო და ინოვაციების სფეროს საზოგადოებას ახალი შესაძლებლობებისკენ ეხსნება გზა.

ბრიუსელში საზეიმოდ მოეწერა ხელი საქართველოს ევროკავშირის კვლევისა და ინოვაციის ახალ ჩარჩო პროგრამა Horizon Europe-ში ასოცირების საერთაშორისო შეთანხმებას. საქართველოს მხრიდან დოკუმენტს ხელი მიხეილ ჩხენკელმა, ხოლო ევროკომისიის მხრიდან ინოვაციის, კვლევების, კულტურის, განათლებისა და ახალგაზრდობის საკითხებში ევროკომისარმა მარია გაბრიელმა მოაწერეს.

შეთანხმების გაფორმებით Horizon Europe-ის პროგრამის კონკურსებში საქართველოს წარმომადგენლები ისარგებლებენ ზუსტად იმავე პირობებითა და უფლებებით, რითაც ევროკავშირის ქვეყნების სამეცნიერო და ინოვაციების სფეროს წარმომადგენლები სარგებლობენ. ქართველ მეცნიერებს შეუძლიათ მონაწილეობა მიიღონ 95.5 მილიარდი ევროს ბიუჯეტის მქონე კვლევისა და ინოვაციის პროგრამის ფარგლებში გამოცხადებულ კონკურსებში.

შეთანხმების საფუძველზე საქართველოს უნივერსიტეტებსა და სამეცნიერო-კვლევით ინსტიტუტებს შეეძლებათ, უხელმძღვანელონ მსხვილ საერთაშორისო სამეცნიერო კონსორციუმებს, ევროპელ კოლეგებთან თანამშრომლობით შეიმუშაონ და განახორციელონ საერთაშორისო სადოქტორო პროგრამები. ამ ხელშეკრულების გაფორმების შემდეგ კი საქართველოში დაფუძნდა “Horizon Europe”-ის ეროვნული ოფისი, რომლის ფუნქციაა ევროკავშირსა და საქართველოს სამეცნიერო საზოგადოებას შორის მედიაცია და კოორდინირებული მუშაობის უზრუნველყოფა. დაწყებულია საუნივერსიტეტო სამეცნიერო საგრანტო ოფისების ქსელის შექმნა, რომელიც ეტაპობრივად ყველა უნივერსიტეტს მოიცავს.

ხელმოწერის შემდეგ, მიხეილ ჩხენკელმა შეხვედრა გამართა ევროკომისარ მარია გაბრიელთან და მასთან განათლებისა და მეცნიერების სფეროში თანამშრომლობის საკითხები განიხილა.

მოგვიანებით, განათლებისა და მეცნიერების მინისტრმა კვლევებისა და ინოვაციების საკითხებში ევროკომისიის გენერალური დირექტორატის ხელმძღვანელებთან Horizon Europe-ის პროგრამისა და განათლებისა და მეცნიერების სფეროში თანამშრომლობის საკითხები განიხილა.

მიხეილ ჩხენკელმა ასევე შეხვედრა გამართა ევროპული ასოციაცია COST-ის დირექტორთან და მასთან COST-ში საქართველოს სრულად გაწევრიანების საკითხი განიხილა.

მინისტრი ასევე შეხვდა NATO-ს მთავარ მეცნიერს ბრაიან უელსს, რომელთანაც განათლებისა და მეცნიერების სფეროში თანამშრომლობის საკითხები განიხილა.

ვიზიტის დასასრულს, მიხეილ ჩხენკელი ლუვენს ეწვია, სადაც უნივერსიტეტის რექტორთან ქუთაისის საერთაშორისო უნივერსიტეტის განვითარების საკითხები განიხილა.

საჯარო ინფორმაციაში, რომელიც განათლებისა და მეცნიერების სამინისტრომ გასცა, აღნიშნულია, რომ მინისტრს მივლინებაში სამი პირი ახლდა - სტრატეგიული კომუნიკაციის დეპარტამენტის უფროსი და პროტოკოლის სამმართველოს უფროსი. რაც შეეხება მესამე პირს, დოკუმენტში მხოლოდ მის მივლინებაზე გაწეული ხარჯია მითითებული, რადგან ის არ გახლავთ თანამდებობის პირი და კანონის თანახმად მისი ვინაობა არ საჯაროვდება.

რაც შეეხება ამ პირის მივლინების მიზნობრიობას, აღსანიშნავია, რომ სწორედ მის მიერ გადაღებული ვიდეო და ფოტო მასალით მოხდა აღნიშნული ვიზიტის დეტალური გაშუქება როგორც ტელევიზიების, ბეჭდური და ონლაინ გამოცემების მეშვეობით, ისე სამინისტროს ოფიციალურ ვებ და ფეისბუქის გვერდებზე.

რაც შეეხება ბელგიაში მინისტრის მივლინებაში დახარჯული თანხის ოდენობას, რაც სამინისტრომ საჯარო ინფორმაციის სახით გასცა: დოკუმენტში აღნიშნულია, რომ ბიუჯეტიდან დაიხარჯა 3 134 ლარი. აღსანიშნავია, რომ სასტუმრო ხარჯის ანაზღაურება მოხდა მივლინებიდან დაბრუნების შემდეგ ფაქტობრივად გაწეული ხარჯის დამადასტურებელი დოკუმენტის წარმოდგენის შესაბამისად. საჯარო ინფორმაციის მოთხოვნის თაობაზე კი სამინისტროში წერილი 8 დეკემბერს შემოვიდა. სამინისტროს მიერ გაცემული მონაცემები დამუშავებულია 10 დეკემბრის მდგომარეობით, ხოლო აღნიშნული თანხის გადახდა მოხდა უფრო მოგვიანებით, შესაბამისად ხაზინის ამ ამონაწერში ის ვერ მოხვდებოდა.

ზემოთ აღნიშნული გარემოებების გათვალისწინებით, გვაქვს იმის საფუძველი, ვიფიქროთ, რომ აღნიშნული მედიასაშუალებებით გავრცელებული ინფორმაცია არის განათლებისა და მეცნიერების სამინისტროს მიმართ განხორციელებული მიზანმიმართული დისკრედიტაციის უსუსური მცდელობა, რაც ემსახურება ჩვენი საზოგადოების თვალში სამინისტროს და ზოგადად ხელისუფლების მიერ განხორციელებული სამუშაოს დაკნინებას, მისი ღირსების შელახვას. გვინდა განვაცხადოთ, რომ არცერთი ასეთი შემთხვევა არ იქნება დატოვებული უპასუხოდ.

ყველა სიახლე

გივი მიქანაძე

16 აგვისტო 2022, 22:46

პოლიტიკა

გივი მიქანაძე: რადიკალური ოპოზიციის განცხადება მიუთითებს, რომ საბოტაჟს უცხადებენ ევროკომისიის მიერ დადგენილ პუნქტებს. ისინი ცდილობენ, დააზიანონ ქვეყნის პერსპექტივა

სრულიად უსაფუძვლო და მიუღებელია ერთგვარი შანტაჟის ენით საუბარი. ოპოზიციას ჩვენ არაერთხელ შევთავაზეთ, რომ თუ მათ სურთ ამ ქვეყნისთვის და ამ საზოგადოებისთვის სიკეთე, ჩაერთონ იმ პროცესებში, რომელიც პარლამენტში მიმდინარეობს, – ამის შესახებ საპარლამენტო უმრავლესობის წევრმა, გივი მიქანაძემ განაცხადა.

ლევან იოსელიანი

16 აგვისტო 2022, 22:22

პოლიტიკა

ლევან იოსელიანი რადიკალურ ოპოზიციაზე: ამ პარტიებს არ აქვთ ის მხარდაჭერა, რომ რაღაც სერიოზულ სამოქალაქო დაუმორჩილებლობაზე ჰქონდეთ პრეტენზია

პარტიებმა, რომლებმაც საკმარისი საზოგადოებრივი მხარდაჭერა არ აქვთ, ასეთი ანონსებისგან თავი უნდა შეიკავონ, - ასე შეაფასა პარლამენტის ვიცე-სპიკერმა, „მოქალაქეების“ წევრმა ლევან იოსელიანმა „გირჩი - მეტი თავისუფლების“ ლიდერის, ზურაბ ჯაფარიძის განცხადება

ანტონიო გუტერეში

16 აგვისტო 2022, 22:18

მსოფლიო

ანტონიო გუტერეში უკრაინისა და თურქეთის პრეზიდენტებთან შეხვედრას გამართავს

გაეროს გენერალური მდივანი, ანტონიო გუტერეში უკრაინისა და თურქეთის პრეზიდენტებთან შეხვედრას გამართავს. ინფორმაციას ამის შესახებ სააგენტო Reuters-ი ავრცელებს.

ირაკლი ქადაგიშვილი

16 აგვისტო 2022, 21:55

პოლიტიკა

ირაკლი ქადაგიშვილი: ოთხი დეპუტატის პოზიცია საკმაოდ რადიკალურია, მმართველი პარტია ამ ტონსა და სტილს ვერ გაჰყვება

„არ მგონია, ეს თავდასხმა იყოს. ერთ რამეში ვარ დარწმუნებული - მათი სურვილია, რომ საქართველო სწორედ ევროატლანტიკურ სივრცეში იყოს ინტეგრირებული. ის, რომ რაღაც საკითხებზე მათ ასეთი ხისტი და მძიმე შეფასებები აქვთ, ეს ფაქტია და ნათელია, მაგრამ ეს არის მათი პოზიცია. ჩემი პოზიცია და მმართველი გუნდის პოზიცია კონკრეტულად სასამართლო რეფორმასთან დაკავშირებით საგნობრივად ცნობილი ხდება ახლა მიმდინარე განხილვების დროსაც“, - განაცხადა ქადაგიშვილმა.

16 აგვისტო 2022, 21:32

რეგიონი

ბათუმი(ანგისა)-ახალციხის გზის 125-ე კმ-ზე ავტოტრანსპორტის მოძრაობა დროებით აკრძალულია

„შიდასახელმწიფოებრივი მნიშვნელობის ბათუმი(ანგისა)-ახალციხის საავტომობილო გზის 125-ე კმ-ზე, ხულო-ზარზმის მე-2 ლოტის მშენებლობის ფარგლებში, არის მიწა-კლდის მასის ჩამოსვლის და გზის სავალი ნაწილის დაზიანების საშიშროება, რის გამოც, აღნიშნულ მონაკვეთზე, შესაბამისი ღონისძიებების გატარებამდე, აკრძალულია ყველა სახის ავტოტრანსპორტის მოძრაობა“, - აღნიშნულია დეპარტამენტის მიერ გავრცელებულ განცხადებაში.

16 აგვისტო 2022, 21:06

სპორტი

ტელეკომპანია „იმედმა“ „აკროპოლისის თასის“ ტრანსლაციის უფლება მოიპოვა🏀

საქართველოს კალათბურთელთა ეროვნული ნაკრები საბერძნეთში ტრადიციულ და ცნობილ საერთაშორისო ტურნირზე - „აკროპოლისის თასზე“ იასპარეზებს. ამხანაგურ ტურნირს უკვე 31-ედ ათენი მასპინძლობს. 2017 წელს ტურნირის გამარჯვებული სწორედ საქართველოს ნაკრები გახდა.

ვოლოდიმირ ზელენსკი

16 აგვისტო 2022, 21:05

მსოფლიო

ზელენსკი დასავლეთის ქვეყნებს მოუწოდებს, რუსეთის მოქალაქეებისთვის საზღვრები ჩაკეტონ

უკრაინის პრეზიდენტი, ვოლოდიმირ ზელენსკი დასავლეთის ქვეყნებს მოუწოდებს, რუსეთის მოქალაქეებისთვის საზღვრები ჩაკეტონ.

მიხეილ ყაველაშვილი

16 აგვისტო 2022, 20:41

პოლიტიკა

მიხეილ ყაველაშვილი: ჩვენ გვჭირდება დამოუკიდებელი სასამართლო სისტემა და არა ყველას ჩართულობით და ზედმეტად ხმების არჩევითობის შემოღება, რომ ხელოვნურად შეიქმნას კრიზისები

არ შეიძლება სასამართლო სისტემაში არსებობდნენ პოლიტიკური ნიშნით და სიმპათიებით წარმოდგენილი მოსამართლეები, ჩვენ გვჭირდება დამოუკიდებელი სასამართლო სისტემა და არა ყველას ჩართულობით და ზედმეტად ხმების არჩევითობის შემოღება, რომ ხელოვნურად შეიქმნას იქ კრიზისები - ამის შესახებ ჟურნალისტებს საზოგადოებრივი მოძრაობის „ხალხის ძალა“ წევრმა მიხეილ ყაველაშვილმა განუცხადა.

ემანუელ მაკრონი

16 აგვისტო 2022, 20:27

მსოფლიო

მაკრონმა შეშფოთება გამოთქვა რუსეთის შეიარაღებული ძალების ზაპოროჟიეს ატომურ ელექტროსადგურზე ყოფნის გამო

უკრაინის პრეზიდენტ ვოლოდიმირ ზელენსკისთან სატელეფონო საუბარში საფრანგეთის პრეზიდენტმა, ემანუელ მაკრონმა შეშფოთება გამოთქვა რუსეთის შეიარაღებული ძალების ზაპოროჟიეს ატომურ ელექტროსადგურზე ყოფნის გამო.

16 აგვისტო 2022, 20:20

სპორტი

რას ნიშნავს ჟესტი, რომლითაც ხვიჩა კვარაცხელიამ სერია ა-ში თავისი პირველი გოლი აღნიშნა

„ვერონას“ წინააღმდეგ მატჩში გატანილი გოლი, რომელიც ხვიჩა კვარაცხელიასთვის სერია ა-ში სადებიუტო გამოდგა, ქართველმა შემტევმა ორიგინალური ჟესტით აღნიშნა.

16 აგვისტო 2022, 20:09

რეგიონი

პრეზიდენტი: „ენგურჰესი“ არის ჩვენი ხიდი აფხაზეთთან

საქართველოს პრეზიდენტმა სამეგრელოს რეგიონში ვიზიტის ფარგლებში, „ენგურჰესის“ თაღოვანი კაშხალი დაათვალიერა, რომელიც ევროპის ინდუსტრიული მემკვიდრეობის მარშრუტშია შეტანილი. ინფორმაციას პრეზიდენტის ადმინისტრაცია ავრცელებს.

ვოლოდიმირ ზელენსკი

16 აგვისტო 2022, 19:48

მსოფლიო

ზელენსკი რუსეთთან ომზე: ახლა ყველა ამბობს, რომ გაგვაფრთხილეს, თუმცა ეს გაფრთხილება ზოგადი ფრაზებით შემოიფარგლებოდა

უკრაინის პრეზიდენტმა, ვოლოდიმირ ზელენსკიმ განაცხადა, რომ რუსეთთან სრულმასშტაბური ომის შესაძლებლობის არ სჯეროდა, დასავლელი პარტნიორების გაფრთხილების მიუხედავად.

ბენჟამენ მენდი

16 აგვისტო 2022, 18:51

სპორტი

გაუპატიურებაში ბრალდებული მსოფლიოს ჩემპიონი ფეხბურთელის საქმეზე დამატებითი დეტალები გახდა ცნობილი

ბრიტანული მედიის ცნობით, სასამართლო სხდომაზე ნაფიც მსაჯულთათვის ცნობილი გახდა, რომ 2018-2021 წლებში მენდი და მისი თანამზრახველი ქალებს სოფელ მოტრამ-სენტ-ენდრიუში მდებარე აგარაკზე იტყუებდნენ, სადაც მათზე სექსუალურად ძალადობდნენ. რამდენიმე დაზარალებულმა განაცხადა, რომ მენდი მათ ოთახებში კეტავდა, მანამდე კი ქალებს მობილურ ტელეფონებს ართმევდნენ.

ვოლოდიმირ ზელენსკი

16 აგვისტო 2022, 18:35

მსოფლიო

უკრაინის პრეზიდენტმა მაკრონთან საუბარში რუსეთის ბირთვული ტერორიზმი დაგმო

უკრაინის პრეზიდენტმა, ვოლოდიმირ ზელენსკიმ განაცხადა, რომ საფრანგეთის პრეზიდენტ ემანუელ მაკრონთან სატელეფონო საუბარში ზაპოროჟიეს ატომურ ელექტროსადგურზე რუსეთის ბირთვული ტერორიზმი განიხილა.

დონალდ ტრამპი

16 აგვისტო 2022, 18:00

მსოფლიო

FBI-მ ტრამპს ჩხრეკის დროს ამოღებული მისი პასპორტები დაუბრუნა

გამოძიების ფედერალურმა ბიურომ (FBI) აშშ-ის ყოფილ პრეზიდენტ დონალდ ტრამპს ჩხრეკის დროს ამოღებული მისი პასპორტები დაუბრუნა. ინფორმაციას ამის შესახებ ტელეკომპანია CBS News-ი სამართალდამცავ უწყებაში წყაროზე დაყრდნობით ავრცელებს.

ჯილ ბაიდენი

16 აგვისტო 2022, 17:57

COVID19

ჯილ ბაიდენს კორონავირუსი დაუდასტურდა

ბაიდენს გაციების სიმპტომები ორშაბათს საღამოს გამოუვლინდა. სიმპტომების საშუალო სიმძიმისაა. პირველი ლედი აცრილია, მას ბუსტერ-დოზა ორჯერ აქვს გაკეთებული. ბაიდენი „პაქსლოვიდით“ მკურნალობს.

16 აგვისტო 2022, 17:37

ტაბლოიდი

თურქეთში, 2 წლის ბავშვმა გველს სამაგიერო გადაუხადა და თავადაც უკბინა 🐍

2 წლის თურქმა ბავშვმა, გველს შურისძიების მიზნით უკბინა. ბავშვი ქალაქ ბინგოლთან ახლოს, სოფელ კანტარში, საკუთარი სახლის ეზოში თამაშობდა, როცა გველმა უკბინა. ბავშვის ყვირილი მეზობლებმა გაიგეს, ადგილზე მისულებმა კი ნახეს, რომ ბავშვს გველი კბილებით ეჭირა.

ილია დარჩიაშვილი

16 აგვისტო 2022, 17:27

პოლიტიკა

ილია დარჩიაშვილმა გაეროს უშიშროების საბჭოს წევრ ქვეყნებს რუსეთ-საქართველოს ომის მე-14 წლისთავთან დაკავშირებით გავრცელებული ერთობლივი განცხადებისთვის მადლობა გადაუხადა

საქართველოს საგარეო საქმეთა მინისტრმა, ილია დარჩიაშვილმა გაეროს უშიშროების საბჭოს წევრ ქვეყნებს რუსეთ-საქართველოს ომის მე-14 წლისთავთან დაკავშირებით გავრცელებული ერთობლივი განცხადებისთვის მადლობა გადაუხადა. ამის შესახებ მინისტრი „ტვიტერის“ გვერდზე წერს.

დიმიტრი ხუნდაძე

16 აგვისტო 2022, 17:22

პოლიტიკა

დიმიტრი ხუნდაძე: რაც არ უნდა პარტნიორული იყოს ურთიერთობა, ის რაც დაუშვებელია, მიუღებელი იქნება ჩვენთვის

„ვფიქრობ, რაც არ უნდა პარტნიორული იყოს ურთიერთობა, ის რაც დაუშვებელია, რა თქმა უნდა, მიუღებელი იქნება ჩვენთვის. მიუღებლობა არის იმაში, როცა შემოთავაზებულია იმდაგვარი რეკომენდაციები, რომლის პრეცედენტები არ არსებობს. საქართველო ვერ იქნება ცუდი ექსპერიმენტი, რამეთუ, ისედაც რეგიონში არსებობს რისკები, არსებობს ქვეყნის შიგნით პოლიტიკური არასტაბილურობის განცდა და რეალობა, დესტრუქციული ოპოზიციის მხარეს და ვფიქრობ, ასეთი ოპოზიციის მხარდაჭერა, ამდაგვარად მათი წახალისება და სახელმწიფო ინსტიტუტების, როგორიც არის და უნდა იყოს დამოუკიდებელი სასამართლო, მისი ხელყოფა, რა თქმა უნდა ქვეყნის სტაბილურობას და მის მომავალს შეუქმნის საფრთხეს“ - განაცხადა დიმიტრი ხუნდაძემ. მისივე თქმით, ამერიკის საელჩოს მხრიდან უპატივცემულობა არა ერთხელ დაფიქსირდა. „მაგალითად ის, რომ საქართველოს პარლამენტის წევრებმა, ვინც არ უნდა ყოფილიყო ის, მათი მისამართით დასვეს კითხვები და პასუხი იყო ის, რომ ეს იყო სიცრუე, არადა, ფაქტებზე იყო დაფუძნებული კითხვები. კიდევ უფრო მიუღებელი იყო პასუხი, რომ ელჩს ის არ წაუკითხავს. შეურაცხმყოფელია რეკომენდაციები, რომლის პრეცედენტი და მაგალითი არ არსებობს და დასავლური სტანდარტისთვის ის არის მიუღებელი, მაშინ რატომ უნდა იყოს საქართველოსთვის ეს მისაღები. საფრთხის შემცველი უპატივცემულობაა, როცა ომის რიტორიკაზე საზოგადოებისგან წამოსულ კითხვებს აჟღერებენ დეპუტატები და ამ კითხვებს ან პასუხს არ სცემენ, ან ამბობენ, რომ ის არ წაუკითხავთ“, - განაცხადა ხუნდაძემ.

16 აგვისტო 2022, 17:06

რეგიონი

აჭარაში იდუმალი სტუმრის მეთოდით მომსახურების ხარისხის კვლევა მიმდინარეობს

აჭარაში კვების ობიექტების მომსახურების ხარისხის კვლევა მიმდინარეობს. აჭარის ტურიზმის დეპარტამენტი სერვისის დონეს რეგიონში არსებულ 100 ობიექტში იდუმალი სტუმრის მეთოდით შეაფასებს. პროექტის მიზანი მომსახურების სფეროში არსებული გამოწვევების დადგენა და მათი აღმოფხვრის მიზნით სატრენინგო პროგრამების შემუშავებაა, რაც საბოლოო ჯამში სერვისის გაუმჯობესებას შეუწყობს ხელს.