imedi /  15 მარტი 2022, 12:15 / სანდო წყარო

„ქართული ოცნება“: პრეზიდენტმა შემოგვთავაზა მთელი რიგი ახალი თამაშის წესები - აშკარაა, რომ მისი სურვილია კონსტიტუციის მიღმა იმოქმედოს

კონსტიტუციის პატივისცემა და მის შესაბამისად მოქმედება ყველა კონსტიტუციური ორგანოს უპირველესი ვალია. განსაკუთრებით ეს ეხება საქართველოს პრეზიდენტს, რომელსაც კონსტიტუციის დაცვის ვალდებულებას თავად კონსტიტუცია პირდაპირი ტექსტით აკისრებს, - ამის შესახებ „ქართული ოცნება - დემოკრატიული საქართველოს“ პოლიტიკური საბჭოს განცხადებაშია ნათქვამი.

როგორც განცხადებაშია აღნიშნული, სამწუხაროდ, ამ თვალსაზრისით, აშკარად იკვეთება უარყოფითი ტენდენცია და ჩვენი ვალია, ამ ტენდენციაზე იმთავითვე მოვახდინოთ პოლიტიკური რეაგირება, რათა მან კონსტიტუციური სისტემის ფუნქციონირებას რაიმე ჭარბი სირთულე არ შეუქმნას.

„ვიდრე დეტალებზე ვისაუბრებთ, პირველ რიგში, საქართველოს პრეზიდენტს გვინდა მოვუწოდოთ, გაეცნოს საქართველოს კონსტიტუციას და განსაკუთრებით, სამი მთავარი კონსტიტუციური ორგანოს - პარლამენტის, მთავრობისა და პრეზიდენტის კონსტიტუციურ უფლებამოსილებებს.

გუშინდელ გამოსვლაში საქართველოს პრეზიდენტმა შემოგვთავაზა მთელი რიგი ახალი თამაშის წესები, რომლებიც სახელმწიფო სისტემის ფუნქციონირებას უკავშირდება. აშკარაა, რომ მისი სურვილია კონსტიტუციის მიღმა იმოქმედოს. თუმცა, პრეზიდენტს გვინდა შევახსენოთ, რომ სახელმწიფო სისტემის თამაშის წესებს არა პრეზიდენტი, არამედ კონსტიტუცია განსაზღვრავს, ხოლო პრეზიდენტს კონსტიტუციის გადაწერის შესაძლებლობას ვერავინ მისცემს.

როგორც ცნობილია, საქართველოს კონსტიტუციის მოქმედი რედაქცია საგარეო პოლიტიკის განხორციელების ექსკლუზიურ უფლებამოსილებას საქართველოს მთავრობას ანიჭებს. საპარლამენტო რესპუბლიკის პრინციპების შესაბამისად, საგარეო პოლიტიკის განხორციელებაში ჩართვა საქართველოს პრეზიდენტს მხოლოდ გამონაკლის შემთხვევებში, საქართველოს მთავრობის საგანგებო თანხმობით შეუძლია. აქვე დამატებით უნდა აღინიშნოს, რომ საქართველოს პრეზიდენტს არ ექვემდებარება საგარეო პოლიტიკის განხორციელებასთან დაკავშირებული არცერთი სახელმწიფო უწყება, რაც მის მიერ ამ უფლებამოსილების განხორციელებაში ეფექტიან ჩართვას შეუძლებელსაც კი ხდის. როგორც უკვე აღინიშნა, ეს თავისებურებები საპარლამენტო რესპუბლიკის პრინციპებიდან გამომდინარეობს.

სწორედ საგარეო პოლიტიკის განხორციელების ერთ-ერთი უმნიშვნელოვანესი ინსტრუმენტია ელჩებისა და სხვა დიპლომატიური წარმომადგენლების დანიშვნა. შესაბამისი აქტი პრეზიდენტისა და პრემიერ-მინისტრის თანახელმოწერით გამოიცემა, ამგვარ აქტზე კი, კონსტიტუციის თანახმად, პოლიტიკური პასუხისმგებლობა მხოლოდ მთავრობას ეკისრება. ეს ნიშნავს, რომ ელჩის განწესების მატერიალურ უფლებამოსილებას კონსტიტუცია მთავრობას ანიჭებს, პრეზიდენტს კი ამ სფეროში მხოლოდ სამართლებრივი და ცერემონიული უფლებამოსილება აქვს მინიჭებული. ამასთან, თანახელმოწერის დათქმაც რომ არ იყოს დადგენილი, ყველა საპარლამენტო რესპუბლიკაში ელჩის დანიშვნის უფლებამოსილება სწორედ ამ სახით განიმარტება - პრეზიდენტი ელჩებს ფორმალურად ნიშნავს, მათ შერჩევაზე კი, პოლიტიკურ-პრაქტიკული თვალსაზრისით, მთავრობაა პასუხისმგებელი. გასული ერთი წლის განმავლობაში, იყო არაერთი შემთხვევა, როდესაც პრეზიდენტმა მთავრობის მიერ წარდგენილი ელჩის თუ დიპლომატიური წარმომადგენლის დანიშვნაზე უარი განაცხადა, რაც საქართველოს კონსტიტუციას უხეშად ეწინააღმდეგება. გასული თვეების განმავლობაში შედგა არაერთი შეხვედრა მთავრობის წარმომადგენლებსა და პრეზიდენტს შორის, სადაც პრეზიდენტს არაერთგზის ნათლად განემარტა საქართველოს კონსტიტუციის შინაარსი, თუმცა, სამწუხაროდ, უშედეგოდ. ამ პირობებში, საქართველოს მთავრობა იძულებული ხდება, უახლოეს მომავალში მიმართოს საკონსტიტუციო სასამართლოს კომპეტენციების შესახებ დავის პროცედურის ფარგლებში და საქართველოს პრეზიდენტის მხრიდან კონსტიტუციის დარღვევის დადასტურება მოითხოვოს.

საგარეო პოლიტიკის განხორციელების სფეროში საქართველოს მთავრობის ექსკლუზიური უფლებამოსილების შესაბამისად, საერთაშორისო მოლაპარაკებების წარმოებისა და წარმომადგენლობითი უფლებამოსილების განხორციელების კუთხითაც, საქართველოს კონსტიტუცია პრიორიტეტს მთავრობას ანიჭებს. კონსტიტუციის თანახმად, საქართველოს პრეზიდენტს მხოლოდ მთავრობის თანხმობის შემთხვევაში შეუძლია საერთაშორისო მოლაპარაკებების წარმოება და წარმომადგენლობითი უფლებამოსილებების განხორციელება. ამ კონსტიტუციური დათქმის დარღვევით, საქართველოს მთავრობის თანხმობის გარეშე, საქართველოს პრეზიდენტმა, როგორც ეს მან გუშინდელ სხდომაზე თავადაც აღიარა, განახორციელა რამდენიმე ვიზიტი სხვადასხვა ქვეყანაში. აქვე უნდა აღინიშნოს, რომ აღნიშნული ვიზიტები პრეზიდენტმა მთავრობასთან ყოველგვარი წინასწარი კონსულტაციის გარეშე დაგეგმა და მთავრობას ვიზიტების შესახებ მხოლოდ ამის შემდეგ აცნობა, რაც ადასტურებს, რომ პრეზიდენტმა კონსტიტუცია წინასწარი განზრახვით დაარღვია.

ჩვენ გავუფრთხილდით პრეზიდენტის ინსტიტუტს და ეს ფაქტი არ გავასაჯაროეთ, თუმცა, ახლა, როდესაც პრეზიდენტმა ის თავად გაასაჯაროა, მასზე პოლიტიკური რეაგირება აუცილებლად მიგვაჩნია. საინტერესოა, რომ გუშინდელ გამოსვლაში პრეზიდენტს მისი ევროპული ვიზიტების შესახებ ერთი სიტყვაც არ უთქვამს, როცა 5 მარტს საგანგებო სხდომის მოწვევას სწორედ ვიზიტის შესახებ სასწრაფო მოხსენების წარდგენის აუცილებლობით ხსნიდა. ეს ფაქტი იმასაც ცხადყოფს, რომ პრეზიდენტი ევროპიდან რაიმე ხელშესახები შედეგის გარეშე დაბრუნდა.

სრულიად გაუგებარი იყო პრეზიდენტის გუშინდელი განცხადებები სახელმწიფო უსაფრთხოების საბჭოს შესახებ. უსაფრთხოების საბჭო არის პრემიერ-მინისტრის სათათბირო სამთავრობო ორგანო, რომელიც საქართველოს მთავრობის მიერ უსაფრთხოების სახელმწიფო პოლიტიკის ეფექტიანი განხორციელებისთვის იქმნება. ამ სამთავრობო ორგანოში არასამთავრობო სუბიექტების, პრეზიდენტისა და ოპოზიციის წარმომადგენლების შეყვანა სისტემის ლოგიკასა და ორგანოს არსს პირდაპირ ეწინააღმდეგება. ამ შემთხვევაშიც, აშკარაა, რომ საქართველოს პრეზიდენტი ან საქართველოს კონსტიტუციას ვერ კითხულობს და დღემდე მის არსში ვერ გაერკვა, ან ის ამ შემთხვევაშიც კონსტიტუციის თავისებურად გადაწერას ცდილობს. მთავარსარდლის სტატუსზე მითითებაც იმ პირობებში, როდესაც საპარლამენტო რესპუბლიკაში ეს სტატუსი მხოლოდ ცერემონიული დატვირთვის მატარებელია, იმაზე მეტყველებს, რომ პრეზიდენტი კონსტიტუციას სწორად ვერ ან არ კითხულობს. უნდა აღინიშნოს, რომ საქართველოს საპარლამენტო რესპუბლიკაში უსაფრთხოების პოლიტიკის განხორციელებაზე პასუხისმგებელი მთავარი ორგანო საქართველოს მთავრობაა. მთავრობის სხდომებთან ერთად, პრემიერ-მინისტრთან რეგულარულად იმართება ოპერატიული თათბირები უსაფრთხოების საკითხების განსახილველად. სწორედ ერთ-ერთ ასეთ თათბირზე იქნა მოწვეული პრეზიდენტის ადმინისტრაციის წარმომადგენელი, რომელსაც მიეცა განმარტებები პრეზიდენტის ვიზიტის მიზანშეუწონლობის შესახებ, რაც პრეზიდენტმა არ გაითვალისწინა.

უკანასკნელ პერიოდში, პრეზიდენტის მიერ კონსტიტუციისა და კანონმდებლობის დარღვევის ორი უხეში პრეცედენტი დაფიქსირდა პარლამენტის მიმართაც. კერძოდ, თავდაპირველად, პრეზიდენტმა პარლამენტში მისი მისვლის თარიღი პარლამენტთან შეთანხმების გარეშე გამოაცხადა, ხოლო, მოგვიანებით, პარლამენტთან შეთანხმების გარეშე სხდომათა დარბაზის მთავარ სივრცეში შეიყვანა უკრაინის ელჩის მოვალეობის შემსრულებელი, რისი უფლებაც, კონსტიტუციისა და პარლამენტის რეგლამენტის თანახმად, მხოლოდ პარლამენტის თავმჯდომარეს აქვს. როგორც ჩანს, პრეზიდენტი კარგად ხვდებოდა უხერხულობას, რომელსაც უკრაინის ხელისუფლების მიერ ელჩის გაწვევის პირობებში, ამგვარი აქტი უკავშირდებოდა და პარლამენტის თავმჯდომარეს საკუთარი განზრახვა ამ მიზეზით დაუმალა. უკრაინელი ხალხის მიმართ პატივისცემისა და სოლიდარობის გათვალისწინებით, ჩვენ ყველაფერი გავაკეთეთ, რომ ელჩის მოვალეობის შემსრულებლისთვის პრეზიდენტის მიერ შექმნილი უხერხულობა აგვერიდებინა და პარლამენტის სხდომაზე მის მიმართ პატივისცემა და მხარდაჭერა სათანადოდ გამოვხატეთ.

გუშინ ჩვენ ასევე მოვისმინეთ საქართველოს პრეზიდენტის რამდენიმე გაუგებარი განცხადება მიმდინარე პროცესებთან დაკავშირებით. მათ შორის ერთ-ერთი „გამორჩეული“ იყო შემდეგი ფრაზა - „ხელისუფლება სცოდავს, როცა ვერ ბედავს გამოხატოს ის, რასაც ჩვენი ისტორია და ღირსება გვკარნახობს“. ამასთან, ამგვარი შეურაცხმყოფელი ფრაზის მიღმა, მას არ დაუკონკრეტებია, თუ რას გულისხმობს ხელისუფლების გაუბედავ და უღირს მოქმედებაში. შეგახსენებთ, რომ ჩვენმა ხელისუფლებამ მკაფიო პოზიცია გამოხატა ყველა საერთაშორისო ფორუმზე, ყველა პოლიტიკური გადაწყვეტილების მიღებისას, რომელიც უკრაინის სუვერენიტეტისა და ტერიტორიული მთლიანობის მხარდაჭერასა და რუსული აგრესიის მიმართ რეაგირებას უკავშირდებოდა - იქნებოდა ეს ევროსაბჭოში რუსეთისთვის წევრის სტატუსის შეჩერება, გაეროს რეზოლუციის თანასპონსორობა, ჰააგაში შეტანილი საჩივრის თანაავტორობა თუ სხვა. თუ პრეზიდენტი გულისხმობს იმას, რომ საქართველო სანქციებს უნდა მიერთებოდა და ომში უნდა ჩართულიყო, კეთილი ინებოს, თავად გამოიჩინოს გამბედაობა და ეს ღიად თქვას. იმედი გვაქვს, ის არ იმეორებს რადიკალური ოპოზიციის ტაქტიკას, რომელიც სანქციებსა და ომზე ღიად ვერ საუბრობს, თუმცა, ყველა პროვოკაციით ცდილობს, ხელისუფლებას სწორედ აქეთკენ უბიძგოს.

არანაკლებ გაუგებარი იყო პრეზიდენტის განცხადება ევროინტეგრაციის მინისტრად ოპოზიციური პარტიის წარმომადგენლის დანიშვნის შესახებ. პირველ რიგში, პრეზიდენტს უნდა ესმოდეს, რომ ოპოზიციონერი პოლიტიკოსი როგორც კი ხდება მინისტრი, პოლიტიკის ელემენტარული კანონების თანახმად, ის აღარ არის ოპოზიციონერი პოლიტიკოსი და ხდება მმართველი კოალიციის წარმომადგენელი. საზოგადოების ყურადღებას აღარ შევაჩერებთ იმაზე, თუ როგორია ეს ოპოზიცია, რომელზეც პრეზიდენტი საუბრობს. გაუგებარია, როგორ ასაბუთებს პრეზიდენტი ევროინტეგრაციის მინისტრის პოსტზე ოპოზიციონერის დანიშვნის მიზანშეწონილობას, როცა გუშინ თავადვე აღნიშნა დიდი ხნის წინ ცნობილი ფაქტი, რომ ოპოზიცია „დადის და (სახელმწიფოს) ძირს უთხრის“. რა სარგებელი უნდა ჰქონდეს ძირგამომთხრელის დანიშვნას ევროინტეგრაციის მინისტრად, საზოგადოებას თავადაც შეუძლია განსაჯოს. გარდა ამისა, პრეზიდენტის ეს განცხადება აშკარად ემსახურებოდა საზოგადოებაში ჭარბი მოლოდინის გაჩენას ევროინტეგრაციის ტემპებთან დაკავშირებით. ევროპელი პოლიტიკოსების - ბორელის, მაკრონის, შოლცის და სხვების სიტყვები ცხადყოფს, რომ ევროკავშირის წევრობამდე საქართველოს, ისევე, როგორც უკრაინასა და მოლდოვას, სამწუხაროდ, არცთუ მოკლე გზა აქვს გასავლელი. გასატარებელია არაერთი რეფორმა, რასაც არაერთი წელი დასჭირდება. ამ თვალსაზრისით, ხელისუფლებას დღემდე ძალისხმევა არ დაუკლია და არც მომავალში დააკლებს. ამ პირობებში, გაუგებარია, რა საჭიროა ღია კარის მტვრევა, რაც რადიკალური ოპოზიციის ცნობილი ხელწერაა. როგორც გავარკვიეთ, ევროინტეგრაციის მინისტრად ოპოზიციონერის დანიშვნა იყო პრეზიდენტის გუშინდელი გამოსვლის ძირითადი სათქმელი, რაც, თავისთავად, მრავლისმთქმელია.
საქართველოს პრეზიდენტის კონსტიტუციის საწინააღმდეგო ქმედებები და საფუძველს მოკლებული განცხადებები განსაკუთრებული საფრთხის შემცველია იმ დროს, როდესაც რუსეთ-უკრაინის ომის პირობებში, მსოფლიო და საქართველო უსაფრთხოების განსაკუთრებული გამოწვევების წინაშე დგას.
დასასრულს, კიდევ ერთხელ მოვუწოდებთ საქართველოს პრეზიდენტს, ყურადღებით გაეცნოს საქართველოს კონსტიტუციას და კარგად გაიაზროს საპარლამენტო რესპუბლიკის არსი, რომლის დამკვიდრებაში მას, როგორც საქართველოს პარლამენტის წევრს, 2017 წელს უშუალო მონაწილეობა აქვს მიღებული. ასეთ შემთხვევაში, ის მომავალში მაინც იქნება დაზღვეული შეცდომებისა და გადაცდომებისგან და მისი სამომავლო ქმედებები და განცხადებები ამდენ კითხვას აღარ დატოვებს. საქართველოს პრეზიდენტმა პირველ რიგში უნდა სცეს პატივი საქართველოს კონსტიტუციას და პრეზიდენტის კონსტიტუციურ პასუხისმგებლობასა და ვალდებულებებს“, - ნათქვამია განცხადებაში.

ყველა სიახლე

დმიტრო კულება

22 აპრილი 2024, 22:43

მსოფლიო

დმიტრო კულება: ევროპის დაცვა, უპირველეს ყოვლისა, ჩვენი, ევროპელების საქმეა

ვაშინგტონი დათანხმდა უკრაინას კიდევ მილიარდობით დოლარის დახმარება გაუგზავნოს, თუმცა კიევის გზავნილი ევროპისთვის ნათელია: თქვენ ეს პასუხისმგებლობისგან არ გათავისუფლებთ, - წერს ამერიკული გამოცემა POLITICO.

22 აპრილი 2024, 22:42

სამართალი

შსს: მოვუწოდებთ აქციის ორგანიზატორებსა და მონაწილეებს, არ გასცდნენ შეკრების და გამოხატვის თავისუფლების კანონით დასაშვებ ფარგლებს

„შინაგან საქმეთა სამინისტროს თანამშრომლები მობილიზებული არიან „ქართული ოცნების" ოფისის მიმდებარე ტერიტორიაზე და იცავენ საზოგადოებრივ წესრიგს“.

ვოლოდიმირ ზელენსკი

22 აპრილი 2024, 22:26

მსოფლიო

ზელენსკი: აშშ-ის პრეზიდენტმა დამარწმუნა, რომ სენატის მიერ დამტკიცების შემთხვევაში, ის დაუყოვნებლივ მოაწერს ხელს კანონს უკრაინის დახმარების შესახებ

აშშ-ის პრეზიდენტმა, ჯო ბაიდენმა დაარწმუნა უკრაინის ლიდერი, ვოლოდიმირ ზელენსკი, რომ სენატის მიერ დამტკიცების შემთხვევაში, ის დაუყოვნებლივ მოაწერს ხელს აშშ-ის სამხედრო დახმარების კანონს.

22 აპრილი 2024, 21:50

საზოგადოება

ბესო ხარძიანი: ტყუილად გგონიათ, რომ ისტორიის ნათელ მხარეს დგახართ. როგორ შეიძლება ნათელ მხარეს იდგეთ, როცა აპროტესტებთ საკითხს ოპოზიციასთან ერთად, რომელმაც წლების წინ გენოციდი მოუწყო ქართველ ერს

ტყუილად გგონიათ, რომ ისტორიის ნათელ მხარეს დგახართ. როგორ შეიძლება ნათელ მხარეს იდგეთ, როცა აპროტესტებთ საკითხს ოპოზიციასთან ერთად, რომელმაც წლების წინ გენოციდი მოუწყო ქართველ ერს, - ამის შესახებ ბიზნესმენ ბესო ხარძიანის შვილი ბესო ხარძიანი სოციალურ ქსელში წერს.

დავით კაჭარავა

22 აპრილი 2024, 21:36

პოლიტიკა

დავით კაჭარავა: 83 დეპუტატი! ეს ის ხალხია, ვინც საქართველოს ნამდვილ დამოუკიდებლობას - მშვიდობას, სუვერენიტეტს, ისტორიას, ფასეულობებს, რელიგიას, ადამიანის უფლებებს, ტერიტორიულ მთლიანობასა და სამშობლოს გარე მართვისგან გათავისუფლებას მისცა ხმა

„ხალხის ძალის“ წევრი, დეპუტატი დავით კაჭარავა რადიკალური ოპოზიციისა და მათი მხარდამჭერების ნაწილისგან პროვოკაციულ ფეისბუქ პოსტებს, რომლებშიც ის 83 დეპუტატია მონიშნული, რომელთაც გამჭვირვალობის შესახებ კანონპროექტი პირველი მოსმენით მიიღეს, სოციალურ ქსელში ეხმაურება.

ბესო ხარძიანი

22 აპრილი 2024, 21:36

საზოგადოება

ბესო ხარძიანი: დარწმუნებული ვარ, ამ გოგო-ბიჭებმა არ იციან, რა ხდებოდა ქვეყანაში და ალბათ, არც თქვენ მოუყვებით, რა უქნა „ევროპულმა და დემოკრატიულმა" მიშას ხელისუფლებამ გირგვლიანს, რობაქიძეს, ვაზაგაშვილს, ხარძიანს და ბევრ ქართულ ოჯახს

გიყურებთ ეს დღეებია ახალგაზრდებო და ახალგაზრდებს ამოფარებულო ძველგაზრდებო და ძალიან სამწუხაროა, რომ უმეტესობას წარმოდგენა არ გაქვთ საქართველოს უახლეს ისტორიაზე, კანონის წაკითხვას ვინ ჩივის, - ამის შესახებ ბიზნესმენ ბესო ხარძიანის შვილი ბესო ხარძიანი სოციალურ ქსელში წერს.

22 აპრილი 2024, 21:24

პოლიტიკა

ნინო წილოსანმა და მაკა ბოჭორიშვილმა ევროკავშირის წევრი ქვეყნების პარლამენტების თავმჯდომარეთა კონფერენციაში მიიღეს მონაწილეობა

„ევროკავშირის სპიკერთა კონფერენცია ესპანეთის მეფე, ფილიპე მეორემ გახსნა და სიტყვით მიმართა ევროპული სახელმწიფოების პარლამენტების ხელმძღვანელ პირებს. მოხსენებით წარდგნენ ესპანეთის სენატისა და კონგრესის თავმჯდომარეები“.

22 აპრილი 2024, 21:15

კულტურა

კულტურული მემკვიდრეობის დაცვის სააგენტო კაფე „ქიმერიონისა“ და „ანონას“ მხატვრობის კონსერვაციასთან დაკავშირებით განცხადებას ავრცელებს

საქართველოს კულტურული მემკვიდრეობის დაცვის ეროვნული სააგენტო ეხმიანება სოციალური მედიით გავრცელებულ ინფორმაციას შოთა რუსთაველის ეროვნული თეატრის კაფე „ქიმერიონისა“ და „ანონას“ მხატვრობის კონსერვაციის თაობაზე.

22 აპრილი 2024, 20:59

საზოგადოება

რა ვითარებაა დაანონსებულ აქციაზე - „ქრონიკის“ სიუჟეტი რუსთაველის გამზირიდან

„ქრონიკის“ ჟურნალისტის ინფორმაციით, აქციის ორგანიზატორები ადგილზე მხოლოდ რამდენიმე წუთით მივიდნენ.

თეა წულუკიანი

22 აპრილი 2024, 20:53

პოლიტიკა

თეა წულუკიანი ხელოვანთა ნაწილზე: მათ შეუძლიათ უსინდისოდ იმღერონ, იცეკვონ პუტინის რუსეთში, დაბრუნდნენ იქიდან და შენ, ვისაც მრავალი ათეული წელია, მოსკოვში ფეხიც კი არ დაგიდგამს, გეძახონ პრორუსი, რადგან ქართულ საქმეს აკეთებ

მათ შეუძლიათ, უსინდისოდ იმღერონ, იცეკვონ პუტინის რუსეთში, დაბრუნდნენ იქიდან და შენ, ვისაც მრავალი ათეული წელია, მოსკოვში ფეხიც კი არ დაგიდგამს, გეძახონ პრორუსი, რადგან ქართულ საქმეს აკეთებ, - ამის შესახებ საქართველოს კულტურის მინისტრმა, თეა წულუკიანმა ხელოვანთა ნაწილზე საუბრისას განაცხადა.

22 აპრილი 2024, 20:39

საზოგადოება

ხელოვანთა ნაწილის ორმაგი სტანდარტი. „ქრონიკის“ სიუჟეტი

ხელოვნებას გაცდენილებს კულტურის მინისტრმა უპასუხა. რუსეთში წარმატების მაძიებელთა გზა და ორმაგი სტანდარტები.

22 აპრილი 2024, 20:17

LIVE ისრაელი

ევროკავშირმა მიაღწია პოლიტიკურ შეთანხმებას ირანის წინააღმდეგ სანქციების გამკაცრებაზე

ევროკავშირმა მიაღწია პოლიტიკურ შეთანხმებას ირანის წინააღმდეგ სანქციების გამკაცრებაზე. ინფორმაციას ამის შესახებ Euronews-ი ავრცელებს.

22 აპრილი 2024, 19:59

პოლიტიკა

საგარეო უწყება: საქართველო მიესალმება აზერბაიჯანსა და სომხეთს შორის საზღვრის დელიმიტაციის კომისიის მიერ მიღწეულ შეთანხმებას საზღვრის დელიმიტაციის პროცესის დაწყების შესახებ

საქართველო მიესალმება აზერბაიჯანსა და სომხეთს შორის საზღვრის დელიმიტაციის კომისიის მიერ მიღწეულ შეთანხმებას საზღვრის დელიმიტაციის პროცესის დაწყების შესახებ, - ნათქვამია საქართველოს საგარეო უწყების განცხადებაში.

22 აპრილი 2024, 19:54

პოლიტიკა

ხორვატიის საგარეო და ევროპულ საქმეთა მინისტრი: ხორვატია სრულ მხარდაჭერას უცხადებს საქართველოს

ჩვენი თანამშრომლობა ეფუძნება საერთო ევროპულ ღირებულებებს. ამ სულისკვეთებით მინდა კიდევ ერთხელ დავადასტურო, რომ ხორვატია სრულ მხარდაჭერას უცხადებს საქართველოს მის ძალისხმევაში, გახდეს ევროკავშირისა და ნატოს წევრი - ეს განცხადება ხორვატიის საგარეო და ევროპულ საქმეთა მინისტრმა გორდან გრლიჩ რადმანმა საქართველოს საგარეო საქმეთა მინისტრთან ილია დარჩიაშვილთან შეხვედრის შემდეგ გააკეთა.

22 აპრილი 2024, 19:49

მსოფლიო

გერმანია უკრაინას Patriot-ის საჰაერო თავდაცვის სისტემას უმოკლეს ვადაში გადასცემს

გერმანია უკრაინას Patriot-ის საჰაერო თავდაცვის სისტემას უმოკლეს ვადაში გადასცემს, ხოლო წლის ბოლომდე ნახევარ მილიონ საარტილერიო ჭურვს მიაწვდის.

ოლაფ შოლცი

22 აპრილი 2024, 19:25

მსოფლიო

ოლაფ შოლცი: პუტინს არ უნდა ჰქონდეს იმის იმედი, რომ უკრაინის მხარდაჭერა შესუსტდება და ის შეძლებს აგრესიული ომის გაგრძელებას

გერმანიის კანცლერმა, ოლაფ შოლცმა განაცხადა, რომ ვლადიმირ პუტინს არ უნდა ჰქონდეს იმის იმედი, რომ უკრაინის მხარდაჭერა შესუსტდება და ის შეძლებს აგრესიული ომის გაგრძელებას.

22 აპრილი 2024, 19:09

სამართალი

საქართველოს პრობაციის სისტემის მიღწევებს პრობაციის მეექვსე მსოფლიო კონგრესზე სესია დაეთმო

„კონგრესზე განხილეს ინოვაციური ტექნოლოგია PROBBOX-ი, პრობაციონერთა საორიენტაციო კურსი, როგორც დაბალი რისკის პრობაციონერთა უნიკალური სარეაბილიტაციო შესაძლებლობა, დანაშაულის პრევენციის კურსი სკოლის მასწავლებელთათვის და მისი ეროვნული მნიშვნელობა, ასევე, არასრულწლოვანთა რეფერირების ცენტრისა და აღდგენითი მართლმსაჯულების განვითარებაში მიღწეული შედეგები“.

22 აპრილი 2024, 19:07

მსოფლიო

BBC: პაპუა-ახალი გვინეის ლიდერმა უარყო ჯო ბაიდენის განცხადება იმის შესახებ, რომ ბიძამისი მეორე მსოფლიო ომის დროს შესაძლოა გვინეელმა კანიბალებმა შეჭამეს

პაპუა-ახალი გვინეის ლიდერმა უარყო აშშ-ის პრეზიდენტის, ჯო ბაიდენის განცხადება იმის შესახებ, რომ ბიძამისი მეორე მსოფლიო ომის დროს შესაძლოა გვინეელმა კანიბალებმა შეჭამეს. ინფორმაციას ამის შესახებ BBC-ი ავრცელებს.

მეუფე სტეფანე

22 აპრილი 2024, 19:06

საზოგადოება

მეუფე სტეფანე: მანიპულირებენ ჩვენი ახალგაზრდობით, ასე ხდებოდა კომკავშირის დროს

მანიპულირებენ ჩვენი ახალგაზრდობით, ასე ხდებოდა კომკავშირის დროს, როდესაც მყარდებოდა საბჭოთა ხელისუფლება. ანტიქრისტიანული ხელისუფლების მოსვლა ამ ბავშვების ხელით იქნება ძალიან მძიმე ვითარება, არც უნდა დაუშვან, - ამის შესახებ ჭყონდიდის, ცაგერისა და ლენტეხის ეპარქიის მიტროპოლიტმა სტეფანე კალაიჯიშვილმა განაცხადა.

22 აპრილი 2024, 18:59

საზოგადოება

მთავრობის გადაწყვეტილებით, საცხოვრებელი ფართები კიდევ 150 დევნილ ოჯახს საკუთრებაში გადაეცა

გადასაცემ ქონებაზე სახელმწიფო ქონების ეროვნულ სააგენტოში შუამდგომლობა წარადგინა დევნილთა, ეკომიგრანტთა და საარსებო წყაროებით უზრუნველყოფის სააგენტომ, შესაბამისად, ამ ოჯახების საცხოვრებელი პირობების გაუმჯობესების ხელშეწყობისთვის, საქართველოს მთავრობამ, ეკონომიკის სამინისტროს ინიცირებით, კანონით მინიჭებული უფლებამოსილების ფარგლებში, მიიღო გადაწყვეტილება, საცხოვრებელი ფართები საკუთრების უფლებით მათ ფაქტობრივ მფლობელებს დაუკანონდეთ.