ირაკლი კობახიძე: სააკაშვილი არ უნდა გათავისუფლდეს და არ უნდა წავიდეს უკრაინაში, ისევ და ისევ, ჩვენი მეგობარი, უკრაინელი ხალხის ინტერესების გათვალისწინებით

სააკაშვილი არ უნდა გათავისუფლდეს და არ უნდა წავიდეს უკრაინაში, ისევ და ისევ, ჩვენი მეგობარი, უკრაინელი ხალხის ინტერესების გათვალისწინებით. თქვენ გახსოვთ, როგორ დაამძიმა მან საქართველოს მდგომარეობა, განსაკუთრებით, 2008 წელს. მას შეუძლია, კიდევ უფრო, დაუმძიმოს მდგომარეობა უკრაინელ ხალხს, - ამის შესახებ პარტია „ქართული ოცნების“ თავმჯდომარემ ირაკლი კობახიძემ ბრიფინგზე განაცხადა.

კითხვაზე, რაიმე პირობის შემთხვევაში, თუ გათავისუფლდება მიხეილ სააკაშვილი, კობახიძემ ასევე განაცხადა, რომ მას სასჯელი აქვს მოსახდელი და არავითარი ფორმით მსგავსი საკითხი არ განიხილება.

„სააკაშვილი არ უნდა გათავისუფლდეს და არ უნდა წავიდეს უკრაინაში, ისევ და ისევ ჩვენი მეგობარი უკრაინელი ხალხის ინტერესების გათვალისწინებით. გახსოვთ, როგორ დაამძიმა მან საქართველოს მდგომარეობა, განსაკუთრებით 2008 წელს და მას ასევე შეუძლია ისედაც მძიმე მდგომარეობა კიდევ უფრო დაუმძიმოს უკრაინელ ხალხს. აქედან გამომდინარე, პირველ რიგში უკრაინელი ხალხის ინტერესებიდან გამომდინარე, რა თქმა უნდა, მიზანშეწონილი არ არის მისი განთავისუფლება. თუმცა, ამას რომ თავი დავანებოთ, ასეც და ისეც მას აქვს სასჯელი მოსახდელი და არავითარი ფორმით ასეთი საკითხი არ განიხილება. მან უნდა დაანებოს თავი საკუთარი ქვეყნის, საქართველოსა და მოქალაქეობის თვალსაზრისით, საკუთარი ქვეყნის, უკრაინის დაზიანებას. რაც უფრო დიდხანს იჯდება ციხეში, მით უფრო ნაკლებად დააზიანებს საქართველოსაც და უკრაინასაც. ეს არის უკეთესი ორივე სახელმწიფოსთვის“, - განაცხადა კობახიძემ.