თეონა აქუბარდიამ განმარტა რა საკითხებზე ისაუბრეს დეპუტატებმა ხავიერ კოლომინასთან

თეონა აქუბარდიამ განმარტა რა საკითხები განიხილეს პარლამენტში ხავიერი კოლომინასთან შეხვედრებზე. „სტრატეგია აღმაშენებლის“ წევრმა აღნიშნა, რომ სამხრეთ კავკასიასა და ცენტრალურ აზიაში ნატოს გენერალური მდივნის სპეციალურ წარმომადგენელთან განიხილებოდა როგორც უკრაინაში მიმდინარე ომი, ასევე რეფორმები, რომელთა განხორციელება საქართველოში აუცილებელია.

„სამი მნიშვნელოვანი საკითხი იყო, რაზეც აქცენტი გაკეთდა. ერთი არის რუსეთი მიერ უკრაინის წინააღმდეგ ომი და ის საფრთხე, რომელსაც ის ქმნის, მათ შორის საქართველოსთვის და ამ კუთხით დახმარების ის ახალი პაკეტი, რაც აუცილებელია ჩვენი თავდაცვისუნარიანობის გასაძლიერებლად. მეორე არის მადრიდის სამიტი, სადაც იმედი გვაქვს, რომ საქართველო იქნება წარმოდგენილი და მიიღებს როგორც მხარდაჭერის ახალ პაკეტს, ასევე მნიშვნელოვან პოლიტიკურ საკითხებს. მესამე საკითხი უკვე საქართველოს ეხება - იმ დემოკრატიული რეფორმებს, რომელთა გარეშე წარმოუდგენელია ნატოში წევრობა“, - განაცხადა აქუბარდიამ.

საქართველოს პარლამენტის თავმჯდომარე შალვა პაპუაშვილი კავკასიასა და ცენტრალურ აზიაში ჩრდილოატლანტიკური ალიანსის სპეციალურ წარმომადგენელს, ხავიერ კოლომინას შეხვდა.