გოგა ხაინდრავა: ევროკავშირის საპარლამენტო ინსტიტუტს და მასში მოღვაწე ადამიანებს არანაირი კავშირი არ აქვთ ფასეულობებთან, რომლებიც ევროკავშირს უდევს საფუძვლად

რეჟისორმა გოგა ხაინდრავამ საქართველოს ირგვლივ ევროკავშირში მიმდინარე მოვლენები შეაფასა და განაცხადა, რომ იმ დეპუტატებს, რომლებმაც რეზოლუციას მხარი დაუჭირეს , არანაირი კავშირი არ აქვთ ევროპულ ფასეულობებთან/ მისივე თქმით, ევროკავშირი დღეს დიდი გამოცდის წინაშე დგას და ევროპული გაერთიანების მომავალი სწორედ იმაზე იქნება დამოკიდებული თუ რამდენად შეძლებს ამ გამოცდის ჩაბარებას.

„ევროკავშირისთვის ეს მომენტი არის ისტორიული, იმიტომ რომ ძალიან სერიოზული არჩევანის წინაშე დგას ეს გაერთიანება, რომელსაც 50 წლის წინ საფუძვლად დაედო ისეთი ფასეულობები, როგორიც არის სიმართლე, ჭეშმარიტება, სამართლიანობა, კანონიერება და ა.შ. ევროკავშირის საპარლამენტო ინსტიტუტს და მასში მოღვაწე ადამიანებს არანაირი კავშირი არ აქვთ ფასეულობებთან, რომლებიც ევროკავშირს უდევს საფუძვლად. მოგვიწოდებენ, რომ ევრობიუროკრატიის ელიტაში შევიდეთ და ჩვენ ვფიქრობთ, რომ ჩვენი ადგილი ევროპულ ცნობიერებაშია, რაც რადიკალურად განსხვავდება ერთმანეთისგან და ამის ნათელი მაგალითია პოლიტიკური გაერთიანება EPP - ევროპის სახალხო პარტია, რომელიც იყო ამ სიცრუით გაჯერებული რეზოლუციის ინიციატორი. ვფიქრობ, ის ჯოჯოხეთი, რაც ბიძინა ივანიშვილთან დაკავშირებით ხდება, არის უკანონობა, პროგრესული ცნობიერების არქონა, ევროპული ბიუროკრატიის თაღლითობა, რომლის მოწმენი ვართ და რაც ამ პარლამენტმა ჩაიდინა“, - განაცხადა ხაინდრავამ.