გოგა ხაინდრავა: შედეგი სახეზეა - საქართველოს არევის გაუთავებელი მცდელობა. ჩვენ არ ვართ ძლიერი დემოკრატია, არც ძლიერი ეკონომიკა, ამიტომ, ბუნებრივია, ნებისმიერი ასეთი გამოვლინება არის ჩვენი მტრების სასიხარულოდ

პარლამენტთან გამართულ აქციას კინორეჟისორი გოგა ხაინდრავა ეხმაურება. მისი განმარტებით პროტესტის ორგანიზატორები საზღვარგარეთიდან მიღებულ დავალებებს ასრულებენ , რისი დადასტურებაც იყო გუშინდელი აქცია. გოგა ხაინდრავა ცალკეულ პოლიტიკოსებს აკრიტიკებს და მათ რუსეთთან კავშირზე საუბრობს.

„შედეგი სახეზეა - საქართველოს არევის გაუთავებელი მცდელობა. ეს არის პატარა ქვეყანა. ჩვენ არ ვართ ძლიერი დემოკრატია, არც ძლიერი ეკონომიკა, ამიტომ, ბუნებრივია, ნებისმიერი ასეთი გამოვლინება არის ჩვენი მტრების სასიხარულოდ. განსაკუთრებით ჩრდილოელი მტრის. ამ ხნის განმავლობაში კარგად დავინახეთ პირდაპირი რუსული აგენტურა. ჯერ ეს იყო გრიგოლ ვაშაძე, ცნობილი საბჭოთა ჩეკისტი, რომელიც რამის პრეზიდენტად დაგვისვეს ქვეყანაში. ახლახან კი იყო ლაკა ხოშტარია, რომელიც იმთავითვე ყოველთვის ცნობილი იყო, რომ საბჭოთა სამჭედლოში იყო გაზრდილი. იქიდანვე არის წარმომავლობით ვაშალომიძე, სააკაშვილი, ძმები ბეჟუაშვილები, „ნაციონალური მოძრაობის“ ერთ-ერთი ლიდერი ნაყოფია. ყველას ფესვი არის რუსეთში. ბათუმის „დინამოს“ სამჯერ მეტი გულშემატკივარი ჰყავს, ვიდრე ამ შიკრიკების გაერთიანებას. რაც შეეხება ევროკავშირს და ამ პერსპექტივის აბსოლუტურად შემოგდებულ თემას. ეს საერთოდ სამარცხვინო ამბავია, ეს არასამთავრობო ორგანიზაციები, რომლებმაც მოაწყვეს ბრიფინგი და მოითხოვეს ხელისუფლების გადადგომა. ეს არ არს პოლიტიკური პროცესი, მაგრამ როცა ასეთ განცხადებას აკეთებ, არანაირი კავშირი არასამთავრობო ორგანიზაციებთან არ გაქვს. მისაღებში უკრაინას ათწლეულები მოუწევს დგომაო და აი ამ მისაღებში დგომისთვის იბრძვის მაგალითად სალომე სამადაშვილი. იმის იქით მისი აზროვნების გაქანება არ არის“, - აცხადებს ხაინდრავა.