10 ივლისი 2022, 13:46 / სანდო წყარო

პროკურატურა: „მთავარისა“ და „ფორმულას“ მიერ ირაკლი შოთაძისა და უწყების სხვა პროკურორების ოჯახების ქონებრივი მდგომარეობის შესახებ გავრცელებულ ინფორმაცია ცრუ და განზრახ დამახინჯებულია

საქართველოს პროკურატურა, ტელეკომპანიების - „მთავარისა“ და „ფორმულას“ მიერ, გენერალური პროკურორის ირაკლი შოთაძისა და უწყების სხვა პროკურორების ოჯახების ქონებრივი მდგომარეობის შესახებ გავრცელებულ ინფორმაციას განცხადებით ეხმაურება და მას ცრუსა და განზრახ დამახინჯებულს უწოდებს.

„სამწუხაროდ, დღევანდელ რეალობაში, დეზინფორმაციის გავრცელება ზოგიერთი მედიასაშუალების ჩვეულ საქმიანობად იქცა და მათი მიზანი, ხშირ შემთხვევაში, სახელმწიფო ორგანოების გამართული საქმიანობისთვის ხელის შეშლა, კონკრეტული თანამდებობის პირების დისკრედიტაცია და საზოგადოების შეცდომაში შეყვანაა. საქართველოს პროკურატურისთვის მნიშვნელოვანია მსგავსი დეზინფორმაციის წინააღმდეგ ბრძოლა და ამ მიმართულებით, როგორც ამ კონკრეტულ შემთხვევაში, მომავალშიც მოვახდენთ პროაქტიულად საზოგადოების ინფორმირებას. სამწუხაროა, თუმცა აუცილებლად აღსანიშნავია, რომ მედიასაშუალებები მსგავსი ცრუ და არასწორი ინფორმაციების გავრცელებისას უხეშად არღვევენ ჟურნალისტურ სტანდარტებს და ეთიკის ნორმებს, რის ნათელი მაგალითიც გუშინ გასული სიუჟეტებია. პირველ რიგში, ხაზი უნდა გაესვას, რომ ტელეკომპანია „მთავარი“ მათ მიერ მომზადებულ ე.წ. „სიუჟეტთან“ დაკავშირებით, საქართველოს პროკურატურის საზოგადოებასთან და მედიასთან ურთიერთობის სამსახურს საერთოდ არ დაკავშირებია, არ უცდია ინფორმაციის გადამოწმება და უწყებისთვის არცერთი კითხვით არ მოუმართავს. რაც შეეხება ტელეკომპანია „ფორმულას“ - ტელევიზია რეპორტაჟის მომზადებამდე დაუკავშირდა პროკურატურის საზოგადოებასთან და მედიასთან ურთიერთობის სამსახურს და ყველა დასმულ კითხვაზე მათ წერილობით მიეწოდათ ამომწურავი პასუხები. ასევე განემარტათ, რომ ინფორმაცია მათთვის საინტერესო პირებზე დეტალურად ასახულია თანამდებობის პირის საჯარო დეკლარაციაში და ეხელმძღვანელათ ამ ინფორმაციით. მიუხედავად ამისა, სიუჟეტის ავტორებმა არ გამოიყენეს თანამდებობის პირთა დეკლარაციებში არსებული საჯარო ინფორმაციები და რეპორტაჟში არ გააჟღერეს მათ კითხვებზე პროკურატურიდან მიღებული ვრცელი პასუხები, უწყების განმარტებები და შემოიფარგლნენ მხოლოდ ერთი ზოგადი ფრაზით, მაშინ როდესაც ჟურნალისტური სტანდარტებით, მათ სრულად უნდა გაეჟღერებინათ პროკურატურიდან მიღებული პასუხები. ცხადია, რომ ხსენებული ტელეკომპანიების მიერ სიუჟეტების მომზადების ფორმა და მათში გაჟღერებული ყალბი ინფორმაციის სიმრავლე, ცალსახად უსვამს ხაზს მათ არაობიექტურობასა და ინფორმაციის ცალმხრივად გაშუქების სურვილს“, - აღნიშნულია უწყების განცხადებაში.

პროკურატურაში აცხადებენ, რომ აღნიშული დეზინფორმაციის ავტორების მიზანი საზოგადოებაში პროკურორებზე უარყოფითი განწყობის შექმნა, მათი იმიჯის შელახვა და საქართველოს პროკურატურის დისკრედიტაციაა.

„აღნიშნულ სიუჟეტებში წარმოდგენილი არასწორი და დამახინჯებული ფაქტების სიმრავლის გამო, საჭიროდ მიგვაჩნია, პასუხი გავცეთ ცილისწამებას. ტელეკომპანია „მთავარის“ მიერ მომზადებულ სიუჟეტი იწყება საქართველოს გენერალური პროკურორის საცხოვრებელი ბინის ე.წ. რეზიდენციად მოხსენიებით. აღნიშნული უძრავი ქონება თბილისში, ცაგარელის ქუჩაზე, მრავალსართულიან კორპუსში მდებარე 150 კვ.მ. საცხოვრებელი ბინაა, რომლის შესახებ ინფორმაცია დეტალურად არის მითითებული ირაკლი შოთაძის მიერ სხვადასხვა წლებში შევსებულ თანამდებობის პირის საჯარო დეკლარაციებში. აღნიშნული ბინა გენერალურ პროკურორს 2016 წელს კრედიტით და ასევე, სხვა ბინის რეალიზაციის შედეგად მიღებული თანხით აქვს შეძენილი და ამჟამადაც იგი დატვირთულია იპოთეკით წავკისში მიწის ნაკვეთის შეძენის სანაცვლოდ. ასევე, „მთავარის“ სიუჟეტში, უკვე მეორედ, ამავე ტელევიზიის მიერ, გავრცელდა ყალბი ინფორმაცია, რომ თითქოსდა, ხსენებული ბინის რემონტი ირაკლი შოთაძეს 1 მილიონი ლარი დაუჯდა, რაც არის მტკნარი სიცრუე და რომლის თაობაზეც მათ ჯერ კიდევ 2021 წლის 16 მაისს უწყებამ საჯაროდ უპასუხა. კერძოდ, ცაგარელის ქუჩაზე მდებარე ბინაში, სადაც ირაკლი შოთაძე დღესაც ცხოვრობს, რემონტი ჩატარებულია 2016-2017 წლებში და რემონტის ღირებულება გენერალურ პროკურორს მითითებული აქვს ასევე დეკლარაციებში. მაშინდელ სიუჟეტში აღნიშნულმა ტელევიზიამ ისიც კი იკადრა, რომ სრულიად სხვა ადამიანის განსხვავებულ მისამართზე მდებარე საცხოვრებელი ბინის სურათები უჩვენა საზოგადოებას, ვითომდა იმის დასადასტურებლად, რომ აღნიშული ბინის რემონტში დახარჯული იყო ძალიან დიდი თანხა. მიუხედავად იმისა, რომ ხსენებულმა ტელევიზიამ გაიგო, რომ სრულიად სხვა ბინაზე საუბრობდნენ მაშინ, გუშინდელ სიუჟეტში კიდევ ერთხელ გაიმეორა ეს ცრუ ინფორმაცია. შეიძლება ცალსახად ითქვას, რომ ჟურნალისტური სტანდარტებისა და ეთიკის დარღვევის უხეშ შემთხვევასთან გვაქვს საქმე ამ შემთხვევაში, რაც კიდევ უფრო მეტად ხაზს უსვამს აღნიშული სიუჟეტის სუბიექტურობას და დეზინფორმაციის გავრცელების სურვილს. რაც შეეხება მიწის ნაკვეთს წავკისში, რომლის შესახებაც ასევე საუბარი იყო „მთავარისა“ და „ფორმულას“ სიუჟეტებში, აღნიშნული მიწის ნაკვეთის შეძენის თაობაზეც ირაკლი შოთაძეს დეკლარაციაში საკმაოდ დეტალური ინფორმაცია აქვს მითითებული, საიდანაც ცხადად ჩანს, რომ 1305 კვ.მ. ნაკვეთი მას შეძენილი აქვს ძირითადად ბანკიდან აღებული მრავალწლიანი იპოთეკური კრედიტით. ხსენებულ მიწის ნაკვეთზე მიმდინარეობს სამშენებლო სამუშაოები და მისი ფინანსური უზრუნველყოფა ხდება ირაკლი შოთაძის დეკლარაციაშივე ასახული დიდ დიღომში, ქოშიგორაზე მდებარე მიწის ნაკვეთის გაყიდვიდან შემოსული თანხით, რომელიც მას შეძენილი ჰქონდა ჯერ კიდევ 2011 წელს. ასევე, ტელეკომპანია „მთავარის“ მიერ გავრცელებული მორიგი სიცრუეა, რომ თითქოს ირაკლი შოთაძის ოჯახის ყოველწლიური შემოსავალი უფრო ნაკლებია, ვიდრე - გასავალი. აღნიშნული ინფორმაცია საჯაროა და ნებისმიერ დაინტერესებულ პირს და მოქალაქეს შეუძლია გადამოწმება“, - განმარტავს პროკურატურა.

უწყება მიუთითებს, რომ გენერალური პროკურორის მიერ შევსებულ საჯარო მოხელის დეკლარაციაში ყველაფერი ნათლად არის მითითებული და ჩანს ყველა ხარჯი და შემოსავალი, რომელიც სრულად არის ასახული და დასაბუთებული.

„2019 წელს საჯარო სამსახურის ბიურომ შეისწავლა ირაკლი შოთაძის 2018 წლის დეკლარაცია და შემოწმების შედეგებით დადგინდა, რომ დეკლარაცია იყო სრულყოფილი და დასაბუთებული. „როგორ ვიყიდოთ დაახლოებით 120 000 დოლარის უძრავი ქონება, როცა ჩვენი შემოსავალი მხოლოდ 2000 ლარია“ - ამ მორიგი ტყუილით იწყება ტელეკომპანია „ფორმულას“ არაერთი სიცრუით გაჯერებული სიუჟეტი ირაკლი შოთაძის, ჯარჯი წიკლაურისა და რევაზ ბაღაშვილის უძრავ ქონებებთან დაკავშირებით. ირაკლი შოთაძის ქონებრივ დეკლარაციაში ცხადად არის მითითებული, რომ გენერალური პროკურორის ხელფასი არ შეადგენს 2000 ლარს და ისიც, რომ წავკისში მიწის ნაკვეთი მრავალწლიანი იპოთეკური სესხით არის შეძენილი. ასევე, როგორც ზემოთ აღვნიშნეთ, ნათლად ჩანს გენერალური პროკურორის და მისი ოჯახის ქონებრივი მდგომარეობა, შემოსავალი და გასავალი. „ფორმულას“ სიუჟეტის შემქმნელებიც არ შემოიფარგლნენ მხოლოდ ზეპირი ტყუილებით და ამ შემთხვევაშიც თავის სიუჟეტში აჩვენეს მეზობლად, სხვა ადამიანის საკუთრებაში არსებულ მიწის ნაკვეთზე დამტკიცებული არქიტექტურული პროექტის ფოტოები (რენდერები) და წარმოაჩინეს ისე, თითქოს ირაკლი შოთაძე ხსენებული პროექტის მიხედვით აშენებს სახლს. რეალურად, ხსენებული ე.წ. პროექტის რენდერები გენერალურ პროკურორს არ ეკუთვნის და მდებარეობს სხვა მისამართზე. ასევე, „ფორმულას“ სიუჟეტში საუბარი იყო იმის შესახებ, თითქოსდა ე.წ. პროკურორების კორპუსში საცხოვრებელ ბინებს მხოლოდ გახმაურებული საქმის პროკურორები ფლობენ და ეს პროკურორებისთვის გაწეული სამსახურისთვის მიღებული პირადი გასამრჯელოა, რაც არის სიცრუე და დეზინფორმაცია. აღნიშნული საცხოვრებელი ბინა, რევაზ ბაღაშვილს და ჯარჯი წიკლაურს შეძენილი აქვთ იპოთეკური სესხით, რომელიც იფარებოდა რამდენიმე წლის განმავლობაში. ასევე, ამავე სიუჟეტში დამახინჯებულად არის წარმოდგენილი ინფორმაცია, თითქოსდა რევაზ ბაღაშვილი ფლობს 600 კვ.მ მიწის ნაკვეთს დაბა ბაკურიანში. სინამდვილეში, რევაზ ბაღაშვილის კუთვნილი მიწის ნაკვეთის ფართობი შეადგენს 200 კვ.მ და შეძენილია 2015 წელს, დაახლოებით 3700 აშშ დოლარად და ამის თაობაზე ნათლად არის ინფორმაცია მითითებული რევაზ ბაღაშვილის საჯარო პირის ქონებრივ დეკლარაციაში. ამასთან, მორიგი სიცრუეა „მთავარი არხის“ მიერ მომზადებულ სიუჟეტში გაჟღერებული ინფორმაცია თითქოს ჯარჯი წიკლაური ფლობს „რეზიდენციებს" შინდისში და თითქოს, მას მეუღლის სახელზე აქვს გაფორმებული სასტუმრო კომპლექსი დაბა გუდაურში. სინამდვილეში, ჯარჯი წიკლაურის მეუღლეს საკუთრებაში გააჩნია საცხოვრებელი ბინა 150კვ.მ. მრავალბინიან საცხოვრებელ სახლში დაბა გუდაურში. რაც შეეხება შინდისის რეზიდენციას, აღნიშნული ინფორმაცია სრულად გამოგონილია, ვინაიდან ჯარჯი წიკლაური საკუთრებაში ფლობს მხოლოდ მიწის ნაკვეთს 700კვ.მ-ს და არანაირი რეზიდენცია არ არსებობს. აღნიშნულის გადამოწმება მარტივად შეეძლო სიუჟეტის ავტორს, თუმცა ცხადია რომ მიზანი გამოგონილი და ცრუ ინფორმაციის გავრცელება იყო, კონკრეტული პროკურორების დისკრედიტაციის მიზნით. ამას გარდა, ტელეკომპანია „ფორმულას“ სიუჟეტში ნახსენებია თამარ აღლემაშვილი, როგორც კაბელების საქმის პროკურორი. სინამდვილეში ე.წ. კაბელების საქმის პროკურორი თამარ აღლემაშვილი არ ყოფილა და შესაბამისად ბინა გასამრჯელოდ, საჩუქრად არ მიუღია. კიდევ ერთხელ გავიმეორებთ, რომ ტელეკომპანია „ფორმულას“ ყველა მათ მიერ დასმულ კითხვაზე წერილობით გაეცა ამომწურავი პასუხი, რაც არ გამოუყენებიათ მომზადებულ რეპორტაჟში. მათ რომ ობიექტური სიუჟეტის მომზადების სურვილი ჰქონოდათ, უწყების მიერ მიწოდებული პასუხებით ამის სრული შესაძლებლობა ჰქონდათ, თუმცა სამწუხაროდ, ცხადია, მათ სრულიად სხვა მიზნები ამოძრავებთ. აქვე უნდა აღინიშნოს, რომ საქართველოს პროკურატურაზე ცილისმწამებლური თავდასხმა და სიცრუის ტირაჟირება არ არის ახალი და როგორც წესი, პროკურატურის თანამშრომლების მიმართ ცრუ ინფორმაციის გავრცელება პერიოდულ და კამპანიურ ხასიათს ატარებს, ძირითადად ისეთი სისხლის სამართლის საქმეების მსვლელობის პარალელურად, როდესაც კონკრეტულ პოლიტიკურ ძალებთან კავშირში მყოფი პირების დანაშაულებზე სამართალწარმოება მიმდინარეობს. ნათელია, რომ პროკურორების მიმართ დაწყებული მორიგი ცრუ პიარკამპანია მიზნად ისახავს საზოგადოების შეცდომაში შეყვანას და წარმოადგენს უწყების დისკრედიტაციის უსუსურ მცდელობას“, - აღნიშნულია განცხადებაში.

პროკურატურა ხაზს უსვამს, რომ აღნიშნული კამპანიის ავტორები პროკურატურისა და კონკრეტული პროკურორების საქმიანობაზე ზეგავლენის მოხდენას ცდილობენ.

„ამასთან დაკავშირებითაც, აუცილებლად უნდა ითქვას, რომ მსგავსი სიყალბეებითა და დეზინფორმაციებით ვერავინ მიაღწევს მიზანს; საქართველოს პროკურატურა გააგრძელებს კომპეტენციის ფარგლებში, კანონმდებლობის შესაბამისად, საკუთარი უფლებამოსილების განხორციელებას და თითოეული პროკურორის საქმიანობა, დამოუკიდებლობა და ხელშეუხებლობა სრულად იქნება დაცული საქართველოსა და საერთაშორისო კანონმდებლობით დადგენილი სტანდარტების ფარგლებში. მოვუწოდებთ, აღნიშნული და მსგავსი დეზინფორმაციის ავტორებს, თავი შეიკავონ ცრუ და ცილისმწამებლური ინფორმაციის გავრცელებისგან. საზოგადოების ობიექტურად ინფორმირების მიზნით, თითოეული მსგავსი ყალბი ინფორმაციის გავრცელებას შესაბამისი პასუხი გაეცემა, მათ შორის, ცილისმწამებლური განცხადებების უარყოფის მოთხოვნით სამოქალაქო წესით სასამართლოსადმი მიმართვის გზით“, - აღნიშნულია პროკურატურის განცხადებაში.

ყველა სიახლე

დმიტრო კულება

02 ოქტომბერი 2022, 11:15

მსოფლიო

დმიტრო კულება: ნატო-ში უკრაინის გაწევრიანების მიმართ სკეპტიკურად განწყობილმა სახელმწიფოებმა საკუთარ პოზიციას უნდა გადახედონ

ქვეყნებს, რომლებიც უკრაინის ნატოში გაწევრიანების საკითხს სკეპტიკურად უდგებიან უკრაინის საგარეო საქმეთა მინისტრმა მიმართა. დმიტრო კულებას თქმით, ეს პრინციპული საკითხია, რადგან ევროატლანტიკური უსაფრთხოების საკითხი ახლა უკრაინაში წყდება.

02 ოქტომბერი 2022, 11:07

მსოფლიო

რა ვითარებაა უკრაინაში ამ დროისთვის

უკრაინაში რუსული აგრესია გრძელდება. გასული დღე ღამის განმავლობაში საოკუპაციო ძალებმა ოთხი სარაკეტო და 16 საავიაციო იერიში მიიტანეს ხარკოვის ოლქზე. აქტიური საბრძოლო მოქმედებები მიმდინარეობს დონბასის ტერიტორიაზე.

02 ოქტომბერი 2022, 11:00

რეგიონი

სოფელ ყარაფილას მიმდებარედ, ოკუპირებულ ტერიტორიაზე, რუსეთის საოკუპაციო ძალების წარმომადგენლები უკანონო ბორდერიზაციას აგრძელებენ

სოფელ ყარაფილას მიმდებარედ, ოკუპირებულ ტერიტორიაზე, უკანონო ბორდერიზაცია გრძელდება. უკვე არსებულ ე.წ. ხანძარსაწინააღმდეგო ხნულებთან ახალი თხრილებია გაკეთებული, რომელთა დანიშნულებაც უცნობია.

02 ოქტომბერი 2022, 10:50

სამართალი

შსს-მ ე.წ. ქოლ-ცენტრების საქმეზე 4 პირი დააკავა, ხოლო 8 პირს ბრალი წარედგინა

უცხო ქვეყნების ინტერნეტმომხმარებლების მიმართ განხორციელებულ თაღლითობის ფაქტზე 4 პირი - 1972 წელს დაბადებული ზ.ს., 1991 წელს დაბადებული ე.ნ., 1995 წელს დაბადებული ი.კ. და 1994 წელს დაბადებული ა.მ. დააკავეს, ხოლო 8 პირს ბრალი წარუდგინეს, - ინფორმაციას შინაგან საქმეთა სამინისტრო ავრცელებს.

02 ოქტომბერი 2022, 10:29

მსოფლიო

რუსეთში ღილაკებიანი მობილური ტელეფონების გაყიდვები გაიზარდა

ვლადიმერ პუტინის მიერ გამოცხადებული „ნაწილობრივი მობილიზაციის“ ფონზე, რუსეთის მასშტაბით, ღილაკებიანი მობილური ტელეფონების გაყიდვები გაიზარდა. ადგილობრივი მედია მოქალაქეებისთვის ავრცელებს რჩევებს, თუ რა კრიტერიუმები უნდა გაითვალისწინონ მათი შეძენისას.

02 ოქტომბერი 2022, 09:59

საზოგადოება

როგორი ამინდია მოსალოდნელი დღეს საქართველოში 🍂

2 ოქტომბერს ქუთაისში +32 გრადუსია მოსალოდნელი, სინოპტიკოსები უნალექო დღეს ვარაუდობენ, ღამით +20 გრადუსია მოსალოდნელი. ოზურგეთშიც უნალექო დღე იქნება, დღისით +31 გრადუსი დაფიქსირდება, ღამით კი +18 გრადუსია ნავარაუდევი. ბათუმშიც უნალექო დღეა მოსალოდნელი, დღისით ჰაერი +29 გრადუსამდე გათბება, ღამით კი +18 გრადუსი დაფიქსირდება.

02 ოქტომბერი 2022, 09:43

სპორტი

დღეს უმცროსი ბორჯღალოსნები ჩეხეთს დაუპირისპირდებიან 🏉

რაგბის კავშირის ინფორმაციით, უმცროსი ბორჯღალოსნების სამწვრთნელო შტაბმა საქართველოში მიმდინარე 18-წლამდელთა ევროპის ჩემპიონატის პირველი მატჩისთვის შემადგენლობა დაასახელა.

რეჯეფ თაიფ ერდოღანი

02 ოქტომბერი 2022, 09:21

მსოფლიო

ერდოღანი: თურქეთი აწარმოებს გლობალურ ურთიერთობებს და ეროვნული ინტერესებიდან გამომდინარე მოქმედებს

თურქეთს არ აქვს ფუფუნება ჩაკეტოს, იზოლირდეს გარესამყაროსგან და შორიდან უყუროს თავის რეგიონში განვითარებულ მოვლენებს, ის აწარმოებს გლობალურ ურთიერთობებს, - აცხადებს თურქეთის პრეზიდენტი. თურქეთს არ აქვს ფუფუნება ჩაიკეტოს, იზოლირდეს გარესამყაროსგან და შორიდან უყუროს თავის რეგიონში განვითარებულ მოვლენებს, ის აწარმოებს გლობალურ ურთიერთობებს

02 ოქტომბერი 2022, 08:58

მსოფლიო

პარიზში უკრაინის მხარდამჭერთა მსვლელობა გაიმართა

საფრანგეთის დედაქალაქში, უკრაინის მხარდასაჭერად და რუსეთის აგრესიის წინააღმდეგ, მსვლელობა გაიმართა.

02 ოქტომბერი 2022, 08:50

საზოგადოება

დედაქალაქში „თბილისობის“ დღესასწაული გრძელდება

ორწლიანი პაუზის შემდეგ, „თბილისობის“ დღესასწაული იმართება. სხვადასხვა ღონისძიება რამდენიმე ლოკაციაზე, მთელი დღის განმავლობაში გაიმართება. დედაქალაქის მთავარი დღესასწაულისადმი მიძღვნილი ღონისძიებების ფარგლებში, თბილისის 2022 წლის საპატიო მოქალაქეებიც დაჯილდოვდებიან.

02 ოქტომბერი 2022, 08:32

მსოფლიო

ინდონეზიაში, საფეხბურთო მატჩის შემდეგ მომხდარ დაპირისპირებასა და ჭყლეტას 130-მდე ადამიანი ემსხვერპლა. ვიდეო

ინდონეზიაში, ქვეყნის ორ უდიდეს საფეხბურთო გუნდს შორის გამართულ მატჩს ათობით ადამიანის დაღუპვა მოჰყვა - სტადიონზე დაწყებულ ქაოსსა და ძალადობას, სულ მცირე, 129 ადამიანი ემსხვერპლა, 180 კი დაშავებულია.

ვოლოდიმირ ზელენსკი

02 ოქტომბერი 2022, 08:14

მსოფლიო

ვოლოდიმირ ზელენსკი: ამ კვირაში დონბასში უკრაინის კიდევ უფრო მეტი დროშა გამოჩნდა და მათი რიცხვი გაიზრდება

უკრაინის პრეზიდენტმა ვოლოდიმირ ზელენსკიმ მორიგი ვიდეომიმართვა გამოაქვეყნა. მისი განცხადებით, აღმოსავლეთ უკრაინაში, კიდევ უფრო მეტ გათავისუფლებულ ქალაქსა და სოფელში აფრიალდება უკრაინული დროშა.

02 ოქტომბერი 2022, 00:32

ტექნოლოგიები

Tesla-მ ჰუმანოიდი რობოტი Optimus-ი წარადგინა, რომელიც 20 000 დოლარი ეღირება

პრეზენტაციაზე მასკმა განაცხადა, რომ რობოტის შექმნას 10 წელზე მეტი დასჭირდა. Tesla იმედოვნებს, რომ შეკვეთებს 3-5 წელში მიიღებს. ბიზნესმენის თქმით, რობოტი 20 000 დოლარი ეღირება.

ირაკლი კობახიძე

01 ოქტომბერი 2022, 23:11

პოლიტიკა

ირაკლი კობახიძე: კეზერაშვილი, სააკაშვილი, ჭუტა, ხაზარაძე და ა.შ. არიან ჩვენი კულტურისთვის მიუღებელი ფიგურები ქართულ პოლიტიკაში

ქართული კულტურისთვის მიუღებელია ისეთი ადამიანების გავლენა პოლიტიკაზე, როგორიც არის იგივე კეზერაშვილი, სააკაშვილი, ჭუტა, ხაზარაძე და ა.შ. ისინი არიან ჩვენი კულტურისთვის მიუღებელი ფიგურები ქართულ პოლიტიკაში - განაცხადა „ქართული ოცნების“ თავმჯდომარე ირაკლი კობახიძემ „ქრონიკაში“ დეოლიგარქიზაციის კანონზე საუბრისას.

01 ოქტომბერი 2022, 23:02

რეგიონი

ბათუმმა ტურიზმის „ოსკარი“ მოიპოვა

World Travel Awards“-ის დაჯილდოების ცერემონიალში მონაწილეოვა ბათუმის მერმა არჩილ ჩიქოვანმა, აჭარის ტურიზმის დეპარტამენტის თავმჯდომარე თინათინ ზოიძემ, მთავრობის დელეგაციის წევრებმა მიიღეს.

01 ოქტომბერი 2022, 22:32

საზოგადოება

„თბილისობა 2022“-ის ფარგლებში, ევროპის მოედანზე გალაკონცერტი გაიმართა

გალაკონცერტში საშემსრულებლო ხელოვნების ცნობილი წარმომადგენლები, მოცეკვავეები და ახალგაზრდა მომღერლები მონაწილეობდნენ.

ირაკლი კობახიძე

01 ოქტომბერი 2022, 22:23

პოლიტიკა

ირაკლი კობახიძე: დღეს ჩვენი გუნდი ისეთი ერთიანია, როგორც არასდროს. გვქონდა სერიოზული სირთულეები გარკვეულ ეტაპებზე, თუმცა ყველა სირთულე გადავლახეთ

დღეს ჩვენი გუნდი ისეთი ერთიანია, როგორც არასდროს. გვქონდა სერიოზული სირთულეები გარკვეულ ეტაპებზე, თუმცა ყველა სირთულე გადავლახეთ. ვგულისხმობ მაგალითად წინა პრემიერის მმართველობის პერიოდს. დღეს ყველა სირთულე გადალახულია და გუნდი არის ძალიან ძლიერი და ერთიანი, რაც საბოლოო ჯამში, ძალიან დადებითად აისახება მთლიანად პოლიტიკური სისტემის განვითარებაზე, - ამის შესახებ პარტია „ქართული ოცნების“ თავმჯდომარე, ირაკლი კობახიძემ „ქრონიკაში“ განაცხადა.

ვიქტორ წილოსანი

01 ოქტომბერი 2022, 22:09

საზოგადოება

ვიქტორ წილოსანი თბილისში საცობებზე: დღეის მდგომარეობით ქალაქში 20 პრობლემური კვანძი გვაქვს და აქედან 7 ინფრასტრუქტურულ პროექტებზე მოდის

ჩვენ ახლა, საზოგადოებრივი ტრანსპორტის რეფორმის იმ მეორე ეტაპზე ვართ, რომელიც გულისხმობს საზოგადოებრივი ტრანსპორტის აჩქარებას, მოლოდინის დროების შემცირებასა და ასევე გადაჭედილი ავტობუსების შემსუბუქებას მოქალაქეებისთვის და მეორე მხრივ ჩვენ ვებრძვით იმ პროცესს, რაც გულისხმობს ინფრასტრუქტურულ პროექტებს, - ამის შესახებ ტრანსპორტისა და ურბანული განვითარების სააგენტოს ხელმძღვანელმა, ვიქტორ წილოსანმა „ქრონიკაში“ განაცხადა.

ირაკლი კობახიძე

01 ოქტომბერი 2022, 21:56

პოლიტიკა

ირაკლი კობახიძე: სინამდვილეში თუ სადმეა საქართველოში კლანი, ეს არის პირველ რიგში NGO-ბი

ნებისმიერი სფერო რომ ავიღოთ, გირაოს შეფარდება, ჯარიმების შეფარდება, სტატისტიკა გაუმჯობესებულია - ზოგიერთ შემთხვევაში 3-ჯერ, 3-ჯერ, 6-ჯერ, 8-ჯერ და 21-ჯერაც კი. ეს სტატისტიკა მეტყველებს იმაზე, რომ სისტემური პრობლემებია აღმოფხვრილი, - ამის შესახებ პარტია „ქართული ოცნების“ თავმჯდომარე, ირაკლი კობახიძემ „ქრონიკაში“ განაცხადა.

ირაკლი კობახიძე

01 ოქტომბერი 2022, 21:50

რეგიონი

ირაკლი კობახიძე სენაკის საკრებულოს შუალედური არჩევნების წინასწარ შედეგებზე: ამ გამარჯვებით ჩვენ ვახერხებთ სენაკის მუნიციპალიტეტში მყარი უმრავლესობის ჩამოყალიბებას

ვერც ერთმა ოპოზიციურმა პარტიამ ვერ გაბედა კანდიდატურის დასახელება, იქიდან გამომდინარე, რომ ისინი ძალიან კარგად ხედავენ საერთო ფონს, საზოგადოების განწყობას და აქედან გამომდინარე გამარჯვება იოლად მოვიპოვეთ, - ასე გამოეხმაურა „ქრონიკის“ ეთერში პარტია „ქართული ოცნების“ თავმჯდომარე, ირაკლი კობახიძე სენაკის საკრებულოს შუალედურ არჩევნების წინასწარ შედეგებს.