ჰერმან საბო: ვერ ვხსნი რატომ არ ერთვებიან ჩვენი ოპოზიციონერი კოლეგები იმ პროცესში, რომელიც დღეს მიდის პარლამენტში

მე ვერ ვხსნი რატომ არ ერთვებიან ჩვენი ოპოზიციონერი კოლეგები იმ პროცესში, რომელიც დღეს მიდის პარლამენტში, - ამის შესახებ პარტია „გირჩის“ წევრმა ჰერმან საბომ განაცხადა.

„მოვუწოდებდი ჩემს კოლეგებს, რომ ჩართულიყვნენ იმ პროცესში, რომელიც პარლამენტში მიმდინარეობს. ეს ერთი მხრივ იძლევა იმის შანსს, რომ რაღაც შედეგი დავდოთ კონკრეტული და ხელშესახები, ხოლო მეორე მხრივ არ მისცემ „ქართულ ოცნებას“ არგუმენტს საერთაშორისო მეგობრებთან, რომ მათ დაიწყეს პროცესი და მონაწილეობა არ მიიღეს სხვებმა. ასეთია არგუმენტი შეამცირებს წნეხს ქართულ ოცნებაზე საერთაშორისო თანამეგობრობის მხრიდან. ამ ყველაფრის გათვალისწინებით, მე ვერ ვხსნი რატომ არ ერთვებიან ჩვენი ოპოზიციონერი კოლეგები იმ პროცესში, რომელიც დღეს მიდის პარლამენტში“, - განაცხადა ჰერმან საბომ.

„სტრატეგია აღმაშენებელში“ ამბობენ, რომ ხვალიდან, პარლამენტში დაიწყებენ ხელმოწერების შეგროვებას, რათა რიგგარეშე პლენარული სხდომა მოიწვიონ.

პარლამენტში, ევროკომისიის რეკომენდაციების 12 პუნქტის შესრულებაზე მუშაობა მიმდინარეობს. რადიკალური ოპოზიცია კი, ევროპას ისევ ბოიკოტს უცხადებს. „ნაციონალური მოძრაობა“, „ლელო“ და „სტრატეგია აღმაშენებელი“ სამუშაო ჯგუფების მუშაობაში არ ერთვებიან, თუმცა ვერც ალტერნატიულ გეგმაზე ჩამოყალიბდნენ.