გივი მიქანაძე: მიუღებელია, რომ ევროსაბჭოს საპარლამენტო ასამბლეა იღებდეს რეზოლუციას ისეთი ჩანაწერით, რომელიც არც სამართლებრივადაა გამართული, არანაირი არგუმენტაცია არ არსებობს და კონკრეტული ჯგუფის ვიწროპარტიულ ინტერესს წარმოადგენს

მიუღებელია, რომ ევროპის საბჭოს საპარლამენტო ასამბლეა, რომელიც ადამიანის უფლებების პატივისცემასა და კანონის უზენაესობაზეა დაფუძნებული, იღებდეს რეზოლუციას ისეთი ჩანაწერით, რომელიც არც სამართლებრივადაა გამართული, არანაირი არგუმენტაცია არ არსებობს და კონკრეტული ჯგუფის ვიწროპარტიულ ინტერესს წარმოადგენს, - ამის შესახებ საპარლამენტო უმრავლესობის წევრმა, გივი მიქანაძემ განაცხადა.

იგი გამოეხმაურა შალვა პაპუაშვილის ევროსაბჭოს საპარლამენტო ასამბლეის პრეზიდენტისადმი გაგზავნილ წერილს, სადაც განმარტებულია, თუ რატო ვერ დაუჭერდა საქართველო მხარს რეზოლუციას, რომელშიც მსჯავრდებული და ბრალდებული მიხეილ სააკაშვილია მოხსენიებული.

„ადამიანის უფლებათა ევროპულმა სასამართლომ, რომელიც ევროპის საბჭოს სტრუქტურული ერთეულია და მსოფლიოში ერთ-ერთი ყველაზე მაღალი იმიჯით სარგებლობს, ადამიანის უფლებების სტანდარტის დამკვიდრებაში, მიხეილ სააკაშვილი არაერთ გადაწყვეტილებაში ამხილა, როგორც ადამიანის უფლებების დამრღვევად და დამნაშავედ კონკრეტულ სიტუაციებში. მარტო გირგვლიანის საქმე რომ მოვიყვანოთ საზოგადოებისთვის სრულიად გასაგები იქნება, რაზე ვსაუბრობთ. ამიტომ, ის პათოსი, რომელიც პარლამენტის თავმჯდომარის წერილშია გაჟღერებული, აბსოლუტურად ჭეშმარიტია, იქიდან გამომდინარე, რომ შეუძლებელია და პირველ რიგში, მიუღებელია, რომ ევროპის საბჭოს საპარლამენტო ასამბლეა, უდიდესი დანიშნულების მქონე ორგანიზაცია, რომელიც ადამიანის უფლებების პატივისცემასა და კანონის უზენაესობაზეა დაფუძნებული, იღებდეს რეზოლუციას ისეთი ჩანაწერით, რომელიც არც სამართლებრივადაა გამართული, არანაირი არგუმენტაცია არ არსებობს და კონკრეტული ჯგუფის ვიწროპარტიულ ინტერესს წარმოადგენს“, - განაცხადა მიქანაძემ.

საქართველოს პარლამენტის თავმჯდომარე შალვა პაპუაშვილი ევროსაბჭოს საპარლამენტო ასამბლეის პრეზიდენტს, მარტინუს ტინი კოქსს წერილით მიმართავს. დოკუმენტის სრული ვერსია იხილეთ ამ ბმულზე.