მამუკა მდინარაძე რადიკალურ ოპოზიციას: რატომ არ გიყვართ ეს ქვეყანა ასე, რამ გაგაგიჟათ და რა გჭირთ? ცოტა ხანი დადექით საკუთარ თავზე მაღლა

მტკიცედ მჯერა, რომ რადგან სიმართლე ჩვენს მხარესაა და რადგან ხალხი აბსოლუტურად სწორად აღიქვამს ყველაფერს, ეს ქვეყანა გაიმარჯვებს - მშვიდობით, განვითარებით, სტაბილურობით და რეალურად იმაზე ზრუნვით, რომ ეს ქვეყანა იყოს ევროპული ოჯახის სრულფასოვანი წევრი, - ამის შესახებ მამუკა მდინარაძემ პარლამენტში გამოსვლისას განაცხადა.

„ქართული ოცნების“ აღმასრულებელმა მდივანმა რადიკალური ოპოზიციის წარმომადგენლებს მიმართა და აღნიშნა, რომ ისინი იგონებენ ტყუილებს, რომლებითაც ქვეყანას აზიანებენ.

„რატომ არ გიყვართ ეს ქვეყანა ასე, ხალხნო, რამ გაგაგიჟათ და რა გჭირთ? კიდევ ერთხელ ვიმეორებ - თუ კი ამ ქვეყანაში ყველას ვალდებულებაა ხარვეზებსა და შეცდომებზე ერთად ვიმუშაოთ, თქვენ იგონებთ ტყუილებს და ამით აზიანებთ შიგნით და გარეთ საკუთარ ქვეყანას. ცოტა ხანი დადექით საკუთარ თავზე მაღლა. რა გჭირთ? რა დავალებებს გაძლევენ ან რას გიხდიან ან რა კომპრომატები აქვთ ასეთი, მოდით მოგვიყევით და იქნებ გშველით?

ხომ ყველამ კარგად იცით, რომ აგენტურული ქსელის წარმომადგენლები ხართ სამიდან ორი. მოდით, მოგვიყევით და იქნებ რაღაცას გშველით და დაგიდგეთ გვერდზე. ხომ ხედავთ, რომ თავისუფლად აკრიტიკებთ გასაკრიტიკებელს, ოღონდ თუ იქიდან არ იქნება რეაქციები, ჩვენ მანამდე ხმას არ ვიღებთ. ხომ ხედავთ, რომ თამამები ვართ ამ გადაწყვეტილებაში და ისეთი არაფერი ხდება“, - განაცხადა მდინარაძემ.